သတင်းနှင့် လှုပ်ရှားမှုများ

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မြောင်းမြမြို့နယ်တွင် ခရိုင်ဦးစီးမှူးံဦးဇော်လင်းအောင်နှင့်ဝန်ထမ်းများသည် (၂၃.၁.၂၀၂၅)ရက်နေ့ နံနက်(၀၉:၃၀)နာရီအချိန်တွင် ခရိုင်ဦးစီးမှူးဦးဆောင်သော ဝန်ထမ်းစွမ်းဆောင်ရည်မြှင့်သင်တန်း ပြုလုပ်ဆောင်ရွက်ခဲ့ကြောင်းသိရသည်။

            ထိုသို့ပြုလုပ်ဆောင်ရွက်ရာတွင် စားသုံးသူရေးရာဦးစီးဌာန ခရိုင်ဦးစီးမှူး ဦးဇော်လင်းအောင်မှ ဦးစွာ အဖွင့်အမှာစကားပြောကြားပြီး သင်တန်းကိုဖွင့်လှစ်ခဲ့ပါသည်။ ဆက်လက်၍ ဒု-ခရိုင်ဦးစီးမှူး ဦးလှထွဋ်ဦး မှလည်း ထုတ်ကုန်လုံခြုံစိတ်ချရမှုနှင့်ပတ်သက်၍ ဥပဒေများအကြောင်း စားသုံးသူကာကွယ်ရေးအကြောင်း များ ကုန်စည်၊ဝန်ဆောင်မှုနှင့် ပတ်သက်သည့် ဈေးကွက်စောင့်ကြည့်စစ်ဆေးခြင်း၏ ရည်ရွယ်ချက်များ ပြောကြားခဲ့ပါသည်။ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနမှ ဦးစိုးဝင်း (ဒု-ကြီးကြပ်ရေးမှူး) ကလည်း သတင်းရေးသားရာတွင်ပါဝင်ရမည့်အချက်များ ဆောင်ပါးများရေးသားနိုင်ရေး MiRo ကိစ္စနှင့်ပတ်သက်၍ ဆန်စက်များအပါအဝင်ဈေးရှိဆန်ဆိုင်များပါ မှတ်ပုံတင်နိုင်ရေး ပြောကြားခဲ့ ပါသည်။ နေ့လည်ပိုင်းသင်တန်းပြန်စချိန်တွင်လည်း စီမံရေးရာဌာနခွဲမှ ဒေါ်ထားထားခင် (ဒု-ကြီးကြပ်ရေးမှူး)ကလည်း ဝန်ထမ်းများလိုက်နာရမည့် စည်းမျဉ်းစည်းကမ်းများ ရုံးစာရေးသားရာတွင် လိုအပ်သောအချက်များ ရုံးစာရေးသားနည်းများ ရုံးစာပေးပို့နည်းများ ခွင့်များနှင့်ပတ်သက်၍ ပြောကြားခဲ့ ပါသည်။ ဆက်လက်၍စားသုံးသူရေးရာဌာနခွဲမှ ဌာနခွဲစာရေး ဒေါ်ရည်မွန်သန့်မှလည်း စားသုံးသူအခွင့်အရေး (၈)ချက် အကြောင်းရှင်းလင်းပြောကြားခဲ့ပြီး နောက်ဆုံးအနေဖြင့် ငွေစာရင်းတာဝန်ခံ ဒု-ဦးစီးမှူး ဒေါ်ချယ်ရီမြင့်မှ လည်းငွေစာရင်းဆိုင်ရာကိစ္စများနှင့် ပတ်သက်သည့်အကြောင်းအရာများ ငွေစာရင်းခေါင်းစဉ်များအကြောင်း အသေးစိတ်ရှင်းလင်းပြောကြားခဲ့ပါသည်။ ဝန်ထမ်းစွမ်းဆောင်ရည်မြှင့်သင်တန်းသို့ ခရိုင်နှင့်မြို့နယ်များမှ သင်တန်းသား၊ သင်တန်းသူ စုစုပေါင်း (၁၈)ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

           ဧရာဝတီတိုင်းဒေသကြီးအတွင်း စက်မှုလုပ်ငန်းများဖွံ့ဖြိုးတိုးတက်ရေးအတွက် ပုဂ္ဂလိကစက်မှုကြီးကြပ်ရေးအဖွဲ့ဥက္ကဌ ဧရာဝတီတိုင်းဒေသကြီး စက်မှုကြီးကြပ်ရေးနှင့် စစ်ဆေး ရေးဦးစီးဌာန တိုင်းဦးစီးမှူးဦးဆောင်၍ စားသုံးသူရေးရာဦးစီးဌာနအပါအဝင် အဖွဲ့ဝင်ဌာနဆိုင်ရာများပါဝင်၍ စက်မှုလုပ်ငန်းများမှတ်ပုံတင်ခွင့်ပြုရန် ၁/၂၀၂၅ လုပ်ငန်းညှိနှိုင်း အစည်း အဝေးကို ဇန်နဝါရီလ ၂၂ရက်နေ့တွင် ကျင်းပပြုလုပ်ခဲ့ပါသည်။

          ပုဂ္ဂလိကစက်မှုလုပ်ငန်းကြီးကြပ်ရေးအဖွဲ့ဥက္ကဌမှ တိုင်းအတွင်း ကွင်းဆင်းစစ်ဆေးပြီးသော ပုဂ္ဂလိကစက်မှုလုပ်ငန်းမှတ်ပုံတင်ရန် လျှောက်ထားလာသည့် အငယ်စားစက်မှုလုပ်ငန်း ၅၀ခုအား ပုဂ္ဂလိကစက်မှုလုပ်ငန်းဥပဒေ ပုဒ်မ (၂)ပုဒ်မခွဲ (က)နှင့်ပုဒ်မ(၄)ပုဒ်မခွဲ (က)နှင့်အညီ အဖွဲ့ဝင်ဌာနများမှ မှတ်ပုံတင်ခွင့်ပြုရန် ထောက်ခံမှသာစက်မှုကြီးကြပ်ရေးနှင့်စစ်ဆေးရေး ဦးစီးဌာနရုံးချုပ်သို့ ဆက်လက်တင်ပေးသွားမှာဖြစ်ကြောင်း ဆွေးနွေးခဲ့ပါသည်။

            အဖွဲ့ဝင်ဌာနဆိုင်ရာများမှလည်း ပုသိမ်၊လပွတ္တာ၊မော်ကျွန်း၊ငပုတော၊ကျုံပျော်၊ ဝါးခယ်မ၊ မြောင်းမြ၊ကန်ကြီးထောင့်၊အိမ်မဲ၊ပန်းတနော်မြို့နယ်များမှတင်ပြလာသော အငယ်စားစက်မှု လုပ်ငန်း ၅၀ ခုမှာသက်ဆိုင်ရာဌာနများဖြစ်သော မြို့နယ်စီမံအုပ်ချုပ်ရေး အဖွဲ့၊စည်ပင်၊ မီးသတ်၊ကျန်းမာရေး၊ လျှပ်စစ်၊ ပတ်ဝန်းကျင်၊ သစ်တောဦးစီးဌာနမှ အထောက်အထားများ ပြည့်စုံစွာ တင်ပြလာမှုအပေါ် စက်မှုကြီးကြပ်ရေးနှင့်စစ်ဆေးရေးဦးစီးဌာနရုံးချုပ်သို့ ဆက်လက် တင်ပြရန်နှင့်ပုဂ္ဂလိကစက်မှုမှတ်ပုံတင်ခွင့်ပြုရန်ထောက်ခံခဲ့ကြောင်း သိရှိရပါသည်။

DOCA(ဧရာဝတီ)                                   

          ကော့သောင်းခရိုင် ကုန်ဈေးနှုန်းတည်ငြိမ်ရေးလုပ်ငန်းအဖွဲ့ဖြင့် ၂၀၂၅ ခုနှစ်၊ ဇန်နဝါရီလ ၂၂ ရက်နေ့၊ နေ့လည်(၁၃:၀၀)နာရီတွင် ကော့သောင်းမြို့ပေါ်ရှိ ဆန်နှင့် စားအုန်းဆီရောင်းချနေသည့် ကုန်စုံ ဆိုင် (၇)ဆိုင်အား ကွင်းဆင်းစစ်ဆေးကြပ်မတ်ဆောင်ရွက်ခဲ့ပါသည်။

အဆိုပါ ကွင်းဆင်းစစ်ဆေးခြင်းတွင် ကော့သောင်းခရိုင် စားသုံးသူရေးရာဦးစီးဌာန၊ အထူးစုံစမ်း စစ်ဆေးရေးဦးစီးဌာန၊ မြို့နယ်အထွေထွေအုပ်ချူပ်ရေးဦးစီးဌာ၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ပြည်သူများ၏ နေ့စဉ်စားဝတ်နေရေး သက်သာချောင်ချိမှုရှိစေရေး ပြည်သူများအတွက် ရောင်းချလျက်ရှိသည့် ဆန်ဈေးနှုန်းများနှင့် စားအုန်းဆီစျေးနှုန်းများသည် ဒေသအတွင်းဖြစ်သင့်ဖြစ် ထိုက်သည့် ဈေးနှုန်းများဖြင့် ရောင်းဝယ်ဖောက်ကားခြင်း ရှိ/မရှိ ကွင်းဆင်းစစ်ဆေးခြင်းများ ဆောင်ရွက်ခဲ့ ကြောင်း သိရှိရပါသည်။

DOCA(တနင်္သာရီ)

          ၂၀၂၅ ခုနှစ်၊ ဇန်နဝါရီလ ၂၅ ရက်နေ့၊  ၁၅:၀၀ အချိန်တွင် ထားဝယ်မြို့၊ အိမ်ရှေ့ပြင်ရပ်ကွက်၊ ရေးလမ်းရှိ ရတနာဦးယာဥ်ရပ်နားစခန်းသို့ မြန်မာနိုင်ငံဆီကုန်သည်နှင့်ဆီလုပ်ငန်းရှင်များ အသင်း၏ စီစဥ်မှုဖြင့် Kaung Hlyan New Asia Co,Ltd မှ စားအုန်းဆီ ၁ ပေပါ လျှင် ၁၁၀ ပိဿာပါ စားအုန်း ဆီ (၈၄) ပေပါကို ယာဥ်မောင်း ဦးယဉ်ထွေး၊ ယာဉ်အမှတ် 9K-7917/ FUSO မော်တော်ယာဥ်နှင့် အလားတူ ၁၅း၃၀ အချိန်တွင် Yadanarbon Global Network Distribution Co,Ltd မှ  စားအုန်းဆီ (၅၃) ပေပါကို ယာဉ်မောင်း ဦးဝင်းမြင့်၊ ယာဉ်အမှတ် 9H-3895/  Nissan Diesel မော်တော်ယာဉ် တို့ဖြင့်တင်ဆောင်၍ အသီးသီးရောက်ရှိလာရာ တိုင်းဒေသကြီး စားသုံးသူရေးရာဦးစီးမှူး  ဦးစိုးဦးနှင့် တာဝန်ရှိသူများက သွားရောက်စစ်ဆေးခဲ့ပြီး အဆိုပါစားအုန်းဆီစုစုပေါင်း (၁၃၇) ပေပါအား ကုမ္ပဏီ ၏လက်ကား အ​ရောင်းကိုယ်စားလှယ်မှတစ်ဆင့်  ထားဝယ်မြို့တွင်းရှိ အိုးလုပ်ရပ်ကွက်၊ နိဗ္ဗာန်လမ်း ရှိ ဦးဘိုသစ်၏ ယမုံလှိုင်  ကုန်စုံဆိုင်အပါအဝင် လက်လီဆိုင် ၁၅ ဆိုင်မှတစ်ဆင့် သတ်မှတ်ရည်ညွှန်း စျေးအတိုင်း စားသုံးသူများအားရောင်းချပေးသွားမည်ဖြစ်ကြောင်း သိရှိရပါသည်။

DOCA(တနင်္သာရီ)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ် တာဝန်ခံ ဒေါ်ဇင်မာသန်း နှင့်ဝန်ထမ်းများသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တိုင်းရင်းဆေးဦးစီးဌာနတို့နှင့်ပူးပေါင်း၍ (၂၂.၁.၂၀၂၅)ရက်နေ့ နေ့လယ်(၁၃:၀၀)နာရီအချိန်တွင် အိမ်မဲမြို့နယ်၊ အမက (ကံကြီးဒေါင့်ကုန်း)ကျောင်းတွင် ဆရာ/ဆရာမ၊ ကျောင်းသား၊ ကျောင်းသူများအား စားသုံးသူ ကာကွယ်ရေးအသိပညာပေး ဟောပြောဆောင်ရွက်ခဲ့ပါသည်။

            ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ အိမ်မဲမြို့နယ်တာဝန်ခံမှ မိတ်ဆက်စကား ပြောကြားပြီး စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ ဌာနမှလက်ရှိဆောင်ရွက်နေသော လုပ်ငန်းတာဝန်များ ဆက်လက်ဆောင်ရွက်ရမည့် လုပ်ငန်းတာဝန်များအား ဦးစွာရှင်းလင်းပြောကြားခဲ့ပါသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်များမှ စားသုံးသူ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ ၄၁ ပုဒ်မခွဲ(ခ)နှင့်(ဂ)တို့ပါ ကုန်စည်၏ အမျိုး အမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊  သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား အသေးစိတ်ရှင်းလင်း ဟောပြောခဲ့ပြီး၊ မိမိတို့စားသောက် နေသောအစားအသောက်များတွင် ဓါတုဆိုးဆေးများအလွန် အကျုးပါဝင်နေခြင်း၊ သက်တမ်းလွန်အစားအသောက် များအား မိမိ၏အသိဖြင့် ဆင်ခြင်ဝယ်ယူစားသောက်ကြရန် ဟောပြောဆွေးနွေးခဲ့ပါသည်၊ စားသုံးသူအသိပညာပေး ဟောပြောပွဲသို့ ဆရာ/ ဆရာမ၊ ကျောင်းသားကျောင်းသူ (၈၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)