သတင်းနှင့် လှုပ်ရှားမှုများ

    ဧရာဝတီ  တိုင်းဒေသကြီး၊ မအူပင်ခရိုင်၊ ညောင်တုန်းမြို့ရှိ မြို့နယ် အထွေထွေအုပ်ချုပ်ရေးဦးစီးဌာန ခန်’မတွင် (၁၇-၉-၂၀၂၅)ရက်နေ့၊ နံနက် (၀၉:၀၀) နာရီအချိန်တွင် ဌာနဆိုင်ရာ အရာထမ်း၊ အမှုထမ်းများနှင့် ရပ်ကျေး စာရေးများကို စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူး ဦးအောင်လွင် ဦးစီးအရာရှိ)က Online Sale မှတ်ပုံတင်ခြင်းဆိုင်ရာနှင့် စပ်လျဉ်း၍ အသိပညာပေးဟောပြောဆွေးနွေးခဲ့ပါသည်။

       ဟောပြောဆွေးနွေးရာတွင် ခရိုင်တာဝန်ခံမှ Online Sale ဝန်ဆောင်မှုလုပ်ငန်းများနှင့်ပတ်သက်သည့်အကြောင်းအရာများ၊ အွန်လိုင်းစနစ်ဖြင့်ရောင်း ချသူ (Online Sales)များ မှတ်ပုံတင်ရန်အတွက် အမိန့်ကြော်ငြာစာပါအချက်အလက်များကို ရှင်းလင်းခြင်း၊ အွန်လိုင်းစနစ်ဖြင့် မှတ်ပုံတင်ရန်နည်းလမ်းများ၊ မှတ်ပုံတင်ရာတွင်ပူးတွဲ တင်ပြရမည့်အချက်များ၊ မှတ်ပုံတင်မည့်သူများ သိရှိလိုက်နာရမည့်စည်းကမ်းချက်များ၊ အွန်လိုင်းစနစ်ဖြင့်ရောင်းချခြင်း(Online Sales)၊ လုပ်ငန်းမှတ်ပုံတင်(အသစ်) လျှောက်ထားရမည့် လုပ်ငန်းစဉ်အဆင့်ဆင့်များ၊ မှတ်ပုံတင်လျှောက်ထားရာတွင် သိရှိရန်အချက်များ စသည်တို့ကို ပြည့်ပြည့်စုံစုံ ဆွေးနွေးခဲ့ပြီး တက်‌ရောက်သူ  စုစုပေါင်း(၁၅၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

    (၁၇. ၉. ၂၀၂၅)ရက်နေ့၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ညောင်တုန်းမြို့နယ် ဦးစီးမှူးရုံးမှ ဒေါ်ချိုမီဇင်နှင့် ဝန်ထမ်းများသည် အထူးစုံစမ်းစစ်ဆေးရေးဦးစီးဌာနတို့နှင့် ပူးပေါင်း၍ ညောင်တုန်းမြို့နယ်၊ ရပ်ကွက်များရှိှိတိုးဆိုင်ကြီးများနှင့် Minimark ဆိုင် ၁၂ဆိုင် တို့သို့ သွားရောက်ဈေးကွက်စောင့်ကြည့်စစ်ဆေးခဲ့ပါသည်။

    မြို့နယ်တွင် ရောင်းချနေသော ကုန်စည်များတွင်  ယိုးဒယားနိုင်ငံမှတင်သွင်းသည့် စားသောက်ကုန်နှင့် လူသုံးကုန်ပစ္စည်းများနှင့်ပတ်သက်၍ ကုန်အညွှန်းဖော်ပြ ပါဝင်ခြင်း ရှိ/မရှိ၊ ကုန်စည် ထပ်ပိုး အညွှန်းကပ်နှိပ် ဖော်ပြပါဝင်ခြင်း ရှိမရှိ၊ ဈေးနှုန်းမြှင့်တက်မှုရှိ/မရှိ၊ ကုန်ပစ္စည်းကန့်သတ်ရောင်းချခြင်းရှိ/ မရှိ၊ ပစ္စည်းပြတ်လပ်မှုရှိ/ မရှိ၊ ပြည်ပတင်သွင်းထားသောတရားဝင်ကုန်စည်များ ဈေးကွက်အတွင်းရောင်းချမှုအခြေအနေများကို စစ်ဆေးဆောင်ရွက်ခဲ့ကြောင်းနှင့် ကုန်စည်များနှင့် ပတ်သတ်၍ အမိန့်ညွှန်ကြားချက်များကို လုပ်ငန်းရှင်တို့သိရှိနိုင်ရန် အသိပေးပြောကြားခဲ့ကြောင်း သိရသည်။

DOCA(ဧရာဝတီ)

     မအူပင်ခရိုင်၊ ညောင်တုန်းမြို့နယ်၊ စားသုံးသူရေးရာဦးစီးဌာန၊ မြို့နယ်ဦးစီးမှူး ဦးအောင်လွင်သည်  (၁၇.၉.၂၅) ရက်နေ့၊ နံနက် (၁၀:၀၀) အချိန်တွင် မြန်မာ့လယ်ယာဖွံ့ဖြိုးရေးဘဏ်ရုံးတွင် မိုးစပါးစိုက်ပျိုးစရိတ်ချေးငွေ ထုတ်ပေး သော တောင်သူ(၁၅၀) ဦးအား တွေ့ဆုံ၍  စားသုံးသူကာကွယ်ရေး အသိပညာပေးခြင်း ဆောင်ရွက်ခဲ့သည်။

     ဟောပြောရာတွင် စားသုံးသူကာကွယ်ရေး ဥပဒေပါ အခန်း(၁) အဓိပ္ပါယ် ဖွင့်ဆိုချက်များ စားသုံးသူအခွင့်အရေး (၈) ချက်၊ စားသုံးသူလိုက်နာရမည့် တာဝန်(၄)ချက်၊ ဦးစီးဌာန၏ လုပ်ငန်းခွင်နှင့် လုပ်ငန်းတာဝန်များအကြောင်းတို့ အား ပြည်သူများသိရှိ၍ စားသုံးသူများနစ်နာမှုမရှိစေရန် ၊ နစ်နာမှု ရှိလာပါက Consumer Call Center 1535 သို့ ဆက်သွယ်မးမြန်း တိုင်ကြားနိုင်ကြောင်းကို စားသုံးသူအသိပညာပေး ဟောပြောခဲ့ကြောင်း သိရှိရပါသည်။

DOCA(ဧရာဝတီ)

              ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ စားသုံးသူပြည်သူများ ဘေးအန္တရာယ်ကင်းရှင်းစေရေး၊ ထုတ်ကုန်များလုံခြုံစိတ်ချရမှုရှိစေရေးတို့နှင့် ဩဂုတ်လကုန်မှ စက်တင်ဘာလဝက်အတွင်း အခြေခံစားသောက်ကုန်ဈေးနှုန်း ပြောင်းလဲမှုအခြေအနေအား စက်တင်ဘာလ(၁၅)ရက်နေ့၊ နံနက်(၀၉:၀၀) နာရီအချိန် ဈေးကွက်စောင့်ကြည့် ကွင်းဆင်းစစ် ဆေးခဲ့ကြောင်း သိရသည်။

           ထိုသို့ ဈေးကွက်စောင့်ကြည့် ကွင်းဆင်းစစ်ဆေးခဲ့ရာတွင် မြို့နယ်စားသုံးသူရေးရာဦးစီး ဌာနမှ မြို့နယ်တာဝန်ခံ ဦးတင်မင်းနှင့် ဒုတိယဦးစီးမှူး ဒေါ်နီလာဝင်း၊ မြို့နယ်စည်ပင်သာယာရေး အဖွဲ့မှ မြို့မဈေးတာဝန်ခံ ဦးအေးသွင်တို့သည် ကော့မှူးမြို့နယ် စည်ပင်သာယာမြို့မဈေးအတွင်း/ အပြင်ရှိ အခြေခံစားသောက်ကုန်ပစ္စည်း အရောင်းဆိုင်များဖြစ်သော ဆန်အမျိုးအစားအလိုက် ဝယ်ယူဖြန့်ဖြူးရောင်းချလျက်ရှိသော ဆန်အရောင်းဆိုင်များ၊ ကုန်ခြောက်ပစ္စည်းအမျိုးမျိုး အရောင်းဆိုင်များ အသား၊ ငါး၊ ပုဇွန် အရောင်းဆိုင်များ၊ ငါးပိ၊ ငါးခြောက်၊ ကြက်ဥ၊ ဘဲဥနှင့် ကုန်စိမ်းအရောင်းဆိုင်များတွင် ဝယ်ယူဖြန့်ဖြူးရောင်းချလျက်ရှိသော ဈေးနှုန်းများအား စာရင်း ကောက်ယူစစ်ဆေးခဲ့ရာတွင် ဩဂုတ်လကုန်မှ စက်တင်ဘာလ၏ လလယ်အထိ အခြေခံစား သောက်ကုန်ပစ္စည်းအများစု၏ ဈေးနှုန်းမှာသိသိသာသာပြောင်းလဲမှုမရှိသော်လည်း စားအုန်းဆီ ဈေးနှုန်းမှာ အနည်းငယ်မြင့်တက်မှုရှိသည်ကို ဈေးကွက်စောင့်ကြည့် ကွင်းဆင်းစစ်ဆေး စိစစ်‌ တွေ့ရှိခဲ့ကြောင်း သိရှိရပါသည်။

DOCA(ရန်ကုန်)

       ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်တွင် စားသောက်ဆိုင်များ၊ အစားအသောက်ဝန်ဆောင်မှုပေးသည့် လုပ်ငန်း (၁၀)တိုင်အား (၁၇-၉-၂၀၂၅)ရက် နံနက်ပိုင်းက တတိယအကြိမ် စက်င်ဘာလအတွင်း ကွင်းဆင်းစစ်ဆေးခဲ့ကြကြောင်း သိရသည်။

         ထိုသို့ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ ခရိုင်ဦးစီးမှူး ဦးဇော်မင်း၊ မြို့နယ်အထွေထွေ အုပ်ချုပ်ရေး ဦးစီးဌာန၊ စားသုံးသူရေးရာဦးစီးဌာနမြို့နယ်ဦးစီးမှူး၊ မြို့နယ်ကျန်းမာရေးဦးစီးဌာန၊ မြို့နယ်မီးသတ်ဦးစီးဌာနတို့​ပူးပေါင်း၍ ပန်းတနော်မြို့နယ် အတွင်းရှိ စားသောက်ဆိုင်များ၊ အစားသောက်ဝန်ဆောင်မှုပေးသည့်လုပ်ငန်းများသို့ ကွင်းဆင်းစစ် ဆေးရာ ဇူလိုင်လက စစ်ဆေးဆောင်ရွက်ချက်များအရ ဒုတိယအကြိမ် ဝန်ဆောင်မှုပတ်သက်၍ ကောင်းမွန်သောကျင်စဉ်နှင့်အညီ ရောင်းချနိုင်ရေး မှာကြားခဲ့သော၊ အစားအသောက်ချက်ပြုတ်ရာအခန့်များ သန့်ရှင်းသပ်ရပ်စွာ ကိုင်တွယ်ထားရှိမှုရှိ/ မရှိ၊ စားမိုဆောင် စွန်ပစ်အမှိုက်ပုံးများခွဲခြားဆောင်ရွက်ထားခြင်းရှိမရှိ၊ စားသုံးသူများ ဈေးနှုန်းကို ကြိုတင်အသိပေးကြေငြာထားမှုရှိ/ မရှိကို စစ်ဆေးခြင်း၊ စားသုံးသူများအတွက် အခွန်အခပါအဝင် ကြိုတင်သတင်းအချက်အလက် ကြေငြာဆောင်ရွက်ထားရှိမှုရှိ/ မရှိကို စစ်ဆေးခြင်းများကို မှာကြားပြောကြားခဲ့ပြီး တတိယအကြိမ်စစ်ဆေးသည့်အခါ လိုက်နာဆောင်ရွက်မှုရှိ/ မရှိကို စစ်ဆေးခဲ့ပြီး စားသောက်ဆိုင် များ က  လိုက်နာဆောင်ရွက်ထားကြောင်း တွေ့ရှိရပြီး၊ စားသောက်ဆိုင်များမှ စားသုံးသူ၏ အခြေခံလိုအပ်ချက်များအပေါ် အချိန်နှင့် တပြေးညီ‌ဆောင်ရွက် ပေးနိုင်ရန်နှင့် စားသုံးသူ စိတ်ကျေနပ်စွာ ဝန်ဆောင်မှုများပေးနိုင်ရန်ကို အလေးထားဆောင်ရွက်ရန် ထပ်မံမှာကြားခဲ့ကြောင်းနှင့်  စားသုံးသူပြည်သူများ သန့်ရှင်းလက်ဆက်သော အစားအသောက်များ ဖြစ်စေရေး၊ စားသောက်ဆိုင်သုံးပစ္စည်းများ သန့်ရှင်းမှုရှိစေရေးနှင့် သက်တမ်းလွန်ပစ္စည်းများ အသုံးမပြုစေရေး၊ စာသောက်ဆိုင် စွန်ပစ်ရေလမ်းကြောင်းများ သန့်ရှင်သပ်ရပ်စွာ ဆောင်ရွက်‌ရေးတို့အတွက် အသိပညာပေးပြောကြားကာ စစ်ဆေးကြည့်ရှုခဲ့ကြကြောင်း သိရှိရပါသည်။

DOCA(ဧရာဝတီ)