သတင်းနှင့် လှုပ်ရှားမှုများ

၂၀၂၅ ခုနှစ်၊ ဖေဖော်ဝါရီလ ၂၆ ရက်နေ့၊ နံနက် ၁၀း၀၀ နာရီအချိန်တွင်၊ တနင်္သာရီတိုင်း ဒေသကြီး ၊ ထားဝယ်မြို့၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး အစည်းအဝေးခန်းမ၌ လုပ်ငန်းညှိနှိုင်းအစည်းအဝေးနှင့် ဝန်းထမ်းထုဆန္ဒဖော်ထုတ်ပွဲ(ဒါဘာ) အစည်းအဝေးအား (Virtual) စနစ်ဖြင့်ပြုလုပ်ခဲ့ရာ ထားဝယ်တိုင်းရုံးဝန်ထမ်းများ၊ မြိတ်ခရိုင်ရုံးဝန်ထမ်းများ၊  ကော့သောင်း ခရိုင် ဝန်ထမ်းများ တက်ရောက်ခဲ့ပါသည်။  လုပ်ငန်းညှိနှိုင်း အစည်းအဝေးတွင် ထားဝယ်၊ မြိတ်၊ ကော့ သောင်းခရိုင်များမှ  ခရိုင်များတွင် ဆက်လက်ဆောင်ရွက်ရမည့် လုပ်ငန်းများအား ဒေသအာဏာပိုင်၊ အသင်းအဖွဲ့များနှင့် မိမိတို့ ဝန်ထမ်းများမှ ပေါင်းစပ်ဆောင်ရွက်သွားရန် မှာကြားခဲ့ပါ သည်။

  ဆက်လက်၍ ဝန်ထမ်းထုဆန္ဒဖော်ထုတ်ပွဲ(ဒါဘာ)အစည်းအဝေးအား ကျင်းပခဲ့ပြီး သက်ဆိုင် ရာခရိုင်များမှ မိမိတို့ခရိုင်များ၏ လိုအပ်ချက်များအား တင်ပြခဲ့ပြီး အစည်းအ‌‌ဝေးအား (၁၁) နာရီ အချိန်တွင် ပြီးမြောက်ခဲ့ကြောင်း သိရှိရပါသည်။ 

DOCA(တနင်္သာရီ)

၂၅.၂.၂၀၂၅ ရက်နေ့တွင် စားသုံးသူ​ရေးရာဦးစီးဌာနပိုင် မွန်ပြည်နယ်၊ သထုံမြို့၊ သိမ်ကုန်းရပ်ကွက်၊ ရွှေချောင်လမ်း၊ အကွက်အမှတ် (၇၀) ဦးပိုင်အမှတ် (၈၇) ရှိမြေ (၀.၂၉) ဧကအား (၃) နှစ်သက်တမ်း (၁) နှစ် (၁) ကြိမ် စာချုပ်ဖြင့် ငှားရမ်းနိုင်ရေး ပထမနှစ် သက်တမ်းအတွက် တစ်လမြေငှားရမ်းခ ကြမ်းခင်းဈေး၊ ဒေသပေါက်ဈေး တွက်ချက်ရန် ကွင်းဆင်းစစ်ဆေးခဲ့သည်။

အဆိုပါ စစ်ဆေးရေးအဖွဲ့သည် ဒေသပေါက်ဈေးတန်ဖိုးကို အနီးပတ်ဝန်းကျင်ရှိ ငှားရမ်းခြင်းများ၏ ငှားရမ်းခနှုန်းထားများ၊ လူစည်ကားမှု၊ မြို့၏အချက်အခြာကျမှု၊ လမ်းပန်း ဆက်သွယ်ရေးကောင်မွန်မှု ရှိ/မရှိ စသည့် အခြေအနေများအား စားသုံးသူရေးရာဦးစီးဌာနပိုင် မွန်ပြည်နယ်၊ သထုံမြို့၊ သိမ်ကုန်းရပ်ကွက် မြေ (၀.၂၉) ဧကအား (၃) နှစ်သက်တမ်း (၁) နှစ် (၁) ကြိမ်စာချုပ်ဖြင့် ငှားရမ်းနိုင်ရေး တစ်လငှားရမ်းခ ကြမ်းခင်းဈေး သတ်မှတ်နိုင်ရေးအဖွဲ့ အဖွဲ့ခေါင်းဆောင် သထုံခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူး ဦးထွန်းအောင်ဖြူ ဦးစီး၍ အဖွဲ့ဝင်များဖြစ်သည့် မြို့နယ်စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ် ရေးဦးစီးဌာန၊ မြို့နယ်ပြည်တွင်းအခွန်များဦးစီးဌာန၊ မြို့နယ်စည်ပင်သာယာရေးအဖွဲ့တို့ဖြင့် ကွင်းဆင်းစစ်ဆေးဆောင်ရွက်ခဲ့ကြောင်း သိရသည်။

DOCA(မွန်)

          ပြည်တွင်းကုန်သွယ်မှုဖွံ့ဖြိုးတိုးတက်ရန်နှင့် အငယ်စား၊ အသေးစား ၊အလတ်စား စီးပွားရေး လုပ်ငန်းများ(MSMEs)ကဏ္ဍ ဖွံ့ဖြိုးတိုးတက်ရေးအတွက် ကျောက်ဆည်ခရိုင်၊စားသုံးသူရေးရာဦးစီး ဌာနရှိဝန်ထမ်းများမှ တစ်နိုင်တစ်ပိုင်သက်ကယ်လုပ်ငန်းယက်လုပ်၍‌ရောင်းချနေသော ကျောက်ဆည် မြို့နယ်၊လက်ပံပင်ကျေးရွာသို့ ကုန်ကြမ်းရရှိမှု ၊ ကုန်ချောဖြန့်ဖြူးမှု နှင့် လုပ်ငန်းလည်ပတ်မှုအားသွား ‌ရောက်ကွင်းဆင်းလေ့လာခဲ့ပါသည် ။ လက်ပံပင်ကျေးရွာတွင် ရှေးယခင်က လယ်ယာစိုက်ပျိုးရေး အပြင်သက်ကယ်လုပ်ငန်းအား တစ်နိုင်တစ်ပိုင်ဖြင့် အိမ်တိုင်းယက်လုပ်လျှက်ရှိပြီး ရရှိလာသော သက်ကယ်များအား ဝါးနှီးထရံများရောင်းချသောဆိုင်များ၌ ဖောက်သည်သွင်းရကြောင်း ၊ ယခုအခါ တွင်ခေတ်စနစ်တွေပြောင်းလဲလာပြီး လူနေမှုပုံစံများ ပြောင်းလဲလာသည့်အတွက် သက်ကယ် အသုံးပြုသူနည်းပါးလာသောကြောင့် သက်ကယ်လုပ်ငန်းများလည်း ပျောက်ကွယ်လုနီးပါးဖြစ်ခဲ့ရပါ သည် ။ ယခုအခါတွင် သက်ကယ်အား စျေးကွက်ဝယ်ယူမှု ပြန်လည်ရရှိလာသည့်အတွက်ကြောင့် လုပ်ငန်းများပြန်လည်စတင်ခဲ့ကြောင်း၊သက်ကယ်ပြုလုပ်ရန်အတွက် ကုန်ကြမ်းအနေဖြင့်သက်ကယ်ပင် အားအသုံးပြုရကြောင်း၊၄င်းအပင်မှာ လယ်ကန်သင်းရိုးများတွင် အလေ့ကျပေါက်ပြီး သွားရောက်ရိတ် ယူရကြောင်း၊လူတစ်ဦးလျှင် တစ်မနက်ရိတ်ပါက သက်ကယ်စည်း လူတစ်ဖက်စာ(၂-၃)စည်း ရိတ်၍ရ ကြောင်း၊သက်ကယ်(၁)စည်းလျှင် သက်ကယ်ပျစ်(၂၀-၂၅)ပျစ်အထိရရှိကြောင်း၊သက်ကယ်ယက်လုပ် ရန်အတွက် ဝါးသက်ကယ်တံလိုအပ်ကြောင်း၊သက်ကယ်တံကို ဝါးဖြင့်ပြုလုပ်ပြီး ဝါးတစ်လုံးတန်ဖိုးမှာ (၂၅၀၀/-)ကျပ်အထိပေးရကြောင်း ၊ ဝါးတစ်လုံးလျှင် သက်ကယ်တံ အရှည်(၄)ပေအချောင်း(၈၀) နှင့် (၃)ပေဆိုလျှင်အချောင်း(၁၀၀-၁၂၀)ရရှိကြောင်း၊ သက်ကယ်ပျစ်ရန်အတွက် အသုံးပြုသည့်လျှော်မှာ လည်းလေ့ကျပေါက်သည့် ဆပ်သွားဖူးပင်၊  ထန်းပင်ပေါက်မှ ထန်းလက်ရွက်ကိုလျှော်အဖြစ် အသုံးပြု ရကြောင်း၊ လူတစ်ဦး(၁)ရက်သက်ကယ်ပျစ်လျှင်(၈၀-၁၀၀)ပျစ်အထိရရှိကြောင်း၊ (၄)ပေသက်ကယ်ပျစ် (၁၀၀)လျှင်(၂၄၀၀၀/-)ကျပ်၊ ဖောက်သည်စျေးအနေဖြင့် သက်ကယ်ပျစ်(၁၀၀)လျှင်(၁၈၀၀၀)ကျပ်၊ စျေးနှုန်းများဖြင့်ရောင်းချရကြောင်း၊ (၃)ပေသက်ကယ်ပျစ်(၁၀၀)လျှင်(၂၀၀၀၀/-)ကျပ်၊  ဖောက်သည် စျေးအနေဖြင့် သက်ကယ်ပျစ်(၁၀၀)လျှင် (၁၄၀၀၀/-)ကျပ် စျေးနှုန်းများဖြင့် ရောင်းချရကြောင်း၊ နွေရာသီတွင် သက်ကယ်ယက်လုပ်သူ များပြားသောကြောင့် သက်ကယ်အထွက်များကြောင်း ၊ တောလုပ်ငန်း နေ့စားတစ်ရက်လျှင် တစ်နေကုန်မှ (၆၀၀၀-၈၀၀၀)ကျပ်သာရရှိကြောင်း၊ အိမ်အလုပ် များလစ်ဟင်းကြောင်း၊သက်ကယ်ပျစ်ရောင်းချကြသူများအနေဖြင့် အိမ်မှာနေရင်း မိသားစု အပိုဝင်ငွေ တိုးကြောင်း၊ စျေးကွက်အနေဖြင့် ရိုးရာချစ်မြတ်နိုးသော စားသောက်ဆိုင်များ နှင့် အနီးပတ်ဝန်းကျင်ရှိ ဒေသများမှအော်ဒါမှာယူ၍ရောင်းချလျှက်ရှိပါသည်။သက်ကယ်လုပ်ငန်းသည်မိသားစုတစ်နိုင်တစ်ပိုင်

လုပ်ငန်းအဖြစ် ဆောင်ရွက်သည့် လုပ်ငန်းဖြစ်သည့်အတွက် အရင်းအနှီးအနေဖြင့် ဝါးတန်ဖိုးသာ ရှိသည့်အတွက် လုပ်ငန်းလည်ပတ်နိုင်သည့် လုပ်ငန်းမျိုးဖြစ်ပြီး မိသားစုအပိုဝင်ငွေရရှိသောလုပ်ငန်း ဖြစ်ပါကြောင်း ကျေးရွာတစ်ရွာ ထုတ်ကုန်တစ်မျိုး အနေဖြင့် ရေးသားတင်ပြအပ်ပါသည်။

DOCA(မန္တလေး)

   ၂၀၂၅ခုနှစ် ၊ ဖေဖော်ဝါရီလ(၂၅)ရက်နေ့ ၊ နံနက်(၁၀:၀၀)နာရီအချိန်တွင် စားသုံးသူရေးရာ ဦးစီးဌာန၊ကျောက်ဆည်ခရိုင်ဦးစီးမှူးရုံး၌ ကျောက်ဆည်မြို့နယ်ရှိ အွန်လိုင်းမှတဆင့်‌ရောင်းချသည့် လုပ်ငန်းရှင်များနှင့်တွေ့ဆုံဆွေးနွေးခဲ့ပါသည် ။ ထိုသို့တွေ့ဆုံရာတွင် ကျောက်ဆည်ခရိုင်စားသုံးသူ ရေးရာဦးစီးဌာန ၊ ခရိုင်ဦးစီးမှူးက အွန်လိုင်းစနစ်ဖြင့် ရောင်းချခြင်းလုပ်ငန်းကို စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနမှ(၂၁-၇-၂၀၂၄)ရက်နေ့တွင် အမိန့်ကြော်ငြာစာအမှတ် (၅၀/၂၀၂၃)ဖြင့် အ‌ရေးကြီးဝန်ဆောင်မှုလုပ်ငန်းအဖြစ်သတ်မှတ်ထားပါကြောင်း ၊ စီးပွားရေးလုပ်ငန်းရှင်များအနေဖြင့် မည်သူမဆို အွန်လိုင်းစနစ်ဖြင့်ရောင်းချပါက မှတ်ပုံတင်လက်မှတ်လျှောက်ထားရမည်ဖြစ်ကြောင်း ၊ မှတ်ပုံတင်လျှောက်ထားခြင်းမရှိဘဲ အွန်လိုင်းမှရောင်းချခြင်းလုပ်ဆောင်မှုများ စစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်း ၊ အွန်လိုင်းစနစ်ဖြင့် ရောင်းချခြင်းလုပ်ငန်း မှတ်ပုံတင်ခြင်းအတွက် သတ်မှတ်ထားသည့်နှုန်းထားများ ၊ မှတ်ပုံတင်ခြင်း အတွက်လုပ်ဆောင်ရမည့်အချက် အဆင့်ဆင့်အား အသေးစိတ်ရှင်းလင်းဆွေးနွေးခဲ့ကြောင်း သိရှိရ ပါသည်။

DOCA(မန္တလေး)

စားသုံးသူရေးရာဦးစီးဌာန၊မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး၏ လမ်းညွှန်မှုဖြင့် ရမည်းသင်းမြို့နယ်တာဝန်ခံ ဦးစန်းအောင်နှင့် ဝန်ထမ်းများသည် အထွေထွေအုပ်ချုပ် ရေးဦးစီးဌာန၊ မီးသတ်ဦးစီးဌာန၊ မြန်မာနိုင်ငံရဲတပ်ဖွဲ့တို့နှင့်ပူးပေါင်း၍ စျေးကွက်တွင်းရောင်းချ နေသော စက်သုံးဆီများအားသတ်မှတ်အချိန်အတွယ်နှင့် အရည် အသွေး စံချိန်စံညွှန်းပြည့်မီခြင်းရှိ/မရှိ၊ MSMEနှင့် စက်မှုလုပ်ငန်းများအတွက် စက်သုံးဆီလိုအပ်ချက် များ ဝယ်ယူရာတွင်အဆင်ပြေစေရေးနှင့် စက်သုံးဆီများပြတ်လပ်မှုရှိ/မရှိ ၂၀၂၅ ခုနှစ်၊ ဖေဖော်ဝါရီ (၂၂) ရက်နေ့တွင် ရမည်းသင်းမြို့နယ်ရှိ စက်သုံးဆီဆိုင် (၇) ဆိုင်အား ကွင်းဆင်းစစ်ဆေး ဆောင်ရွက်ခဲ့သည်။

                ထိုသို့ကွင်းဆင်းစစ်ဆေးခဲ့ရာတွင် စက်သုံးဆီဆိုင်များတွင် စက်သုံးဆီ ရည်ညွှန်းဈေးတို့ကို အပတ်စဉ် သောကြာနေ့တိုင်း သက်ဆိုင်ရာဌာနများမှ ထုတ်ပြန်ပေးလျှက်ရှိရာ သတ်မှတ်ဈေးနှုန်း များဖြင့်သာ ဖြန့်ဖြူးရောင်းချပေးကြရန်နှင့် ဈေးနှုန်းမြှင့်တင်ရောင်းချခြင်းမပြု လုပ်ကြရန်၊ သိုလှောင် ကန်များ၏ လက်ကျန်အခြေအနေနှင့် နေ့စဉ်ဆီဝင်ရောက်မှုအခြေအနေများ၊ ဆီဆိုင် ဖွင့်လှစ်/ ပိတ် သိမ်း မှုအခြေအနေများ၊  တရားမဝင် စက်သုံးဆီများရောင်ချခြင်းမပြုရန် အသိပညာပေး ဆွေးနွေးခဲ့ပြီး ဆီဆိုင်တွင်တပ်ဆင်ထားသော CCTV များမှControl စနစ်ကောင်းမွန်ခြင်းရှိ/မရှိတို့အား အထူး ကွင်းဆင်းစစ်ဆေးဆောင်ရွက်ခဲ့ကြောင်း သိရှိရသည်။

DOCA(မန္တလေး)