စားသုံးသူကျေးရွာနေ ပြည်သူများအနေဖြင့် ကုန်စည်နှင့်ဝန်ဆောင်မှုများအား ဝယ်ယူအသုံးပြုတတ်စေရန်ရည်ရွယ်ပြီး စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ တွံတေးခရိုင်၊ ကော့မှူးမြို့နယ်၊ ကြာကန်ကျေးရွာအုပ်စု ကျေးရွာအုပ်ချုပ်ရေးမှူး၏ နေအိမ်၌ ဒီဇင်ဘာလ(၂၂)ရက်နေ့၊ နံနက်(၁၀:၃၀)နာရီအချိန်တွင် စားသုံးသူကာကွယ်ရေး အသိပညာပေးဟောပြောပွဲကို ကျင်းပပြုလုပ်ခဲ့ကြောင်း သိရသည်။
အဆိုပါ အသိပညာပေးဟောပြောပွဲတွင် ကြာကန်ကျေးရွာအုပ်ချုပ်ရေးမှူး ဦးသိန်းစိုးက ယခုလို ဟောပြောပွဲကျင်းပရခြင်းကြောင့် မိမိတို့ကျေးရွာရှိ ရွာသူ၊ ရွာသားများ အသိပညာဗဟု သုတများတိုးပွားလာမည်ဖြစ်ကြောင်း အဖွင့်အမှာစကားပြောကြားပေးခဲ့ပြီး မြို့နယ်စားသုံးသူ ရေးရာဦးစီးဌာနမှ ဒုတိယဦးစီးမှူး ဒေါ်နီလာဝင်းက စားသုံးသူပြည်သူများ ကုန်စည်နှင့်ဝန်ဆောင်မှုများ ဝယ်ယူသုံးစွဲတတ်စေရန် ရည်ရွယ်၍ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးဥပဒေကို ၂၀၁၉ခုနှစ်၊ မတ်လ (၁၅)ရက်နေ့တွင် ပြည်ထောင်စုလွှတ်တော်ဥပဒေအမှတ် (၉)အရ အတည်ပြုပြဌာန်းခဲ့ပြီး ဥပဒေ တွင်ပါရှိသော ကုန်စည်(သို့မဟုတ်)ဝန်ဆောင်မှုနှင့် စပ်လျဉ်း၍ စားသုံးသူပြည်သူများ၏ အကျိုး စီးပွားရေးကို ကာကွယ်ပေးခြင်းနှင့် စီးပွားရေးလုပ်ငန်းရှင်တို့အကြား မျှတမှုရှိသောကော်မရှင်နှင့် ကော်မတီအဆင့်ဆင့်တို့မှ သတ်မှတ်ဆောင်ရွက်ပေးသည် လုပ်ငန်းစဉ်များအကြောင်း၊ စားသုံးသူ၏အခွင့်အရေးနှင့်တာဝန်များ စီးပွားရေးလုပ်ငန်းရှင်များ၏ တာဝန်များစသည့် စားသုံးသူကာကွယ်ရေးဆိုင်ရာ အချက်များအား အကျယ်တဝင့် ရှင်းလင်းဆွေးနွေးဟောပြောပေးခဲ့ပြီး ကျေးရွာသူ ကျေးရွာသားများ၏ သိရှိလိုသည့် မေးမြန်းချက်များအား ပြန်လည်ဖြေရှင်းပြောကြားပေးခဲ့ကြောင်း သိရှိရပါသည်။
DOCA(ရန်ကုန်)