သတင်းနှင့် လှုပ်ရှားမှုများ

ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် စည်ပင်သာယာရေးအဖွဲ့ရုံးတွင် ဇူလိုင်လ(၃)ရက်နေ့၊ နံနက်(၀၉:၃၀)နာရီအချိန်တွင် အစားအသောက်ရောင်းချသော ထမင်းဆိုင် ပိုင်ရှင်များအား စားသုံးသူရေးရာဦးစီးဌာန၊ ခရမ်းမြို့နယ် တာဝန်ခံ ဒေါ်ကျော့ကေခိုင်က စားသုံး သူကာကွယ်ရေး အသိပညာပေး ဟောပြောခဲ့ကြောင်း သိရှိရပါသည်။ ထိုသို့ အသိပညာပေး ဟောပြောရာတွင် စားသုံးသူကာကွယ်ဥပဒေ ပြဌာန်းထားရှိမှု၊ ဥပဒေတွင် ပြဌာန်းထားသော စားသုံးသူများ၏ အခွင့်အရေးများ၊ စီးပွားရေးလုပ်ငန်းရှင်များ၏ တာဝန်များအား ရှင်းလင်းပြီး စားသောက်ဆိုင် လုပ်ငန်းလုပ်ကိုင်သော သူများသည် လုပ်ငန်းရှင် များဖြစ်သလို စားသုံးသူများလည်း ဖြစ်သည့်အတွက် စားသုံးသူအခွင့်အရေး ဦးစားပေးဆိုသည့် ဆောင်ပုဒ်နှင့်အညီ စားသုံးသူများ ဘေးအန္တရာယ်ကင်းရှင်း၍ လုံခြုံစိတ်ချရသော အစား အသောက်များ ရရှိစေရန်အတွက် မိမိတို့ဆိုင်များတွင် ရောင်းချသော အစားအသောက်များ သန့်ရှင်းမှုရှိစေရေး၊ လုပ်သားများ တစ်ကိုယ်ရည်သန့်ရှင်းပြီး ကျန်းမာရေးကောင်းမွန်သူများ ဖြစ် စေရန်နှင့် ဝန်ဆောင်မှုများ ပေးရာတွင်လည်း စားသုံးသူများ စိတ်ကျေနပ်မှု ရရှိစေရန် အလေး ထားဆောင်ရွက်ကြရန်နှင့် မိမိတို့၏ စားဖွယ်စုံများကို Online မှရောင်းချနေမှုများ ရှိခဲ့လျှင်လည်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၏ www.ecom.gov. mm တွင် အွန်လိုင်းမှတ်ပုံတင် ဆောင်ရွက်ထားကြရန်တို့အား အသိပေးခဲ့ပြီး လိုင်းမှတစ်ဆင့် ဈေးဝယ်လျှင်လည်း စားသုံးသူရေးရာဦးစီးဌာန၏ Call Center No.1535 သို့ မည်သည့်ဖုန်းဖြင့် မဆို ဆက်သွယ်တိုင်ကြားနိုင်ပြီး စားသုံးသူရေးရာဦးစီးဌာန၏ လုပ်ငန်းဆောင်ရွက်မှုများကိုလည်း လေ့လာလိုပါက www.doca.gov.mm သို့ ဝင်ရောက်လေ့လာဖတ်ရှု့နိုင်ပါကြောင်း အသိပညာ ပေးခဲ့ပြီး ဟောပြောပွဲသို့ လုပ်ငန်းရှင်(၃၀)ဦးခန့် ဝင်ရောက်ခဲ့ကြောင်း သိရှိရပါသည်။ DOCA(ရန်ကုန်)

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌ လုပ်ငန်းညှိနှိုင်း အစည်း အဝေးကို အထွေထွေအုပ်ချုပ်ရေးဦးစီးဌာန အစည်းအဝေးအခန်းမတွင် ဇူလိုင်လ(၁) ရက်နေ့၊ နေ့လယ်(၁၃:၀၀)နာရီအချိန်တွင် ကျင်းပပြုလုပ်ခဲ့ကြောင်း သိရသည်။ အဆိုပါ အစည်းအဝေးတွင် သဘာဝဘေးအန္တရာယ်စီမံခန့်ခွဲမှု ဆိုင်ရာကိစ္စရပ်များနှင့် ပတ်သတ်၍ ကြိုတင်စီမံဆောင်ရွက်ထားရှိရန်ကိစ္စများ၊ ပြည်သူ့စစ်မှုထမ်းဆင့်ခေါ်ခြင်းအား ဥပဒေ ညွှန်ကြားချက်များအတိုင်း ဆောင်ရွက်၍ အဂတိကင်းရှင်းစေရေးကိစ္စများ ရွေးကောက်ပွဲ ဆိုင်ရာ လူဦးရေစာရင်းတိကျမှန်ကန်စွာ ပြုစုသွားရန်နှင့် သက်ဆိုင်ရာဌာနများနှင့် ပေါင်းစပ် ဆောင်ရွက်ရန်ကိစ္စများ၊ လုံခြုံရေးဆိုင်ရာကိစ္စရပ်များနှင့် ထူးခြားဖြစ်စဉ်များရှိပါက အချိန်နှင့် တပြေးညီတင်ပြရန် ကိစ္စရပ်များအား ရှင်းလင်းဆွေးနွေးပြောကြားခဲ့ပြီး အစည်းအဝေးသို့ တွံတေးခရိုင်စီမံအုပ်ချုပ်ရေးအဖွဲ့ ဥက္ကဌနှင့်အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဝင်များ၊ ရပ်/ကျေးအုပ်ချုပ်ရေးမှူး စာရေးများ၊ မြို့နယ်အဆင့်ဌာနဆိုင်ရာများတက်ရောက်ခဲ့ကြောင်း သိရှိရသည်။ ၎င်းအစည်းအဝေးတွင် တွံတေးခရိုင်စီမံအုပ်ချုပ်ရေးအဖွဲ့ဥက္ကဌ ဦးညွှန့်နွယ်မှ စစ်မှုထမ်းဆင့်ခေါ်ခြင်းဆိုင်ရာ ကိစ္စရပ်များ၊ လူဦးရေးစာရင်းများအား အချိန်နှင့် တပြေးညီ ပုံမှန် ပြုစုသွားရန် ကိစ္စရပ်များ၊ လယ်ယာမြေအသုံးပြုမှုနှင့် စိုက်ပျိုးရေးဆိုင်ရာ ကိစ္စရပ်များ၊ သဘာဝ ဘေးကာကွယ်ရေးနှင့် မြို့(၃)မိုင်ပတ်လည် သစ်ပင်စိုက်ပျိုးခြင်း/လေကာပင်များ ပျိုးထောင်ခြင်း ကိစ္စရပ်များအား လမ်းညွှန်မှာကြားပြီး မြို့နယ်စိုက်ကြပ်အဖွဲ့ဝင်များမှာ သက်ဆိုင်ရာများအား ရှင်းလင်းဆွေးနွေးခဲ့ပြီး အစည်းအဝေးပြီးမြောက်ခဲ့ကြောင်း သိရှိရပါသည်။ DOCA(ရန်ကုန်)

ကသာခရိုင်စားသုံးဆီနှင့်စက်သုံးဆီလုပ်ငန်းများ စစ်ဆေးရေးအဖွဲ့သည် ကသာမြို့ပေါ်တွင် ရောင်းချ လျက်ရှိသည့် စက်သုံးဆီအရောင်းဆိုင်များသို့ သွားရောက်၍ အပတ်စဉ်ကွင်းဆင်းစစ်ဆေး ခြင်းများ ဆောင်ရွက်လျက်ရှိရာ ၂၀၂၅-ခုနှစ် ဇွန်လ(၂၅)ရက်နေ့တွင် ကသာခရိုင်စီမံအုပ်ချုပ်ရေးအဖွဲ့ ဥက္ကဌမှ ဦးဆောင်၍ စားသုံးသူရေးရာဦးစီးဌာန၊ ကသာခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးကြည်နိုင်ဦး(ဦးစီးမှူး)နှင့်အတူ ခရိုင်ပတ်ဝန်းကျင်ထိန်းသိမ်းရေးဦးစီးဌာန၊ ခရိုင်မီးသတ်ဦးစီး ဌာန၊ မြို့နယ်အထွေထွေအုပ်ချုပ်ရေးဦးစီးဌာန၊မြို့နယ်စည်ပင်သာယာရေးအဖွဲ့ဝင်များပါဝင်သော အဖွဲ့သည် ကသာမြို့ပေါ်တွင် ဖွင့်လှစ်ရောင်းချလျက်ရှိသည့် ထူးစက်သုံးဆီအရောင်းဆိုင်သို့ ကွင်းဆင်း စစ်ဆေးခြင်း ဆောင်ရွက်ခဲ့ပါသည်။ ထိုသို့စစ်ဆေးခြင်း ဆောင်ရွက်ရာတွင် စစ်ဆေးရေးအဖွဲ့ဝင်များသည် စက်သုံးဆီအရောင်းဆိုင် ၏ စက်သုံးဆီရောင်းချမှုအခြေအနေများ၊ စက်သုံးဆီဈေးနှုန်း၊ စက်သုံးဆီအရည်အသွေး၊ အချင် အတွယ်မှန်ကန်မှု ရှိ/မရှိ၊ ဆီကားရောက်ရှိမှုအခြေအနေများနှင့် ဆီလက်ကျန်အခြေအနေများအား စစ်ဆေးမေးမြန်းခြင်း ဆောင်ရွက်ခဲ့ပြီး စက်သုံးဆီရောင်းချသည့် လုပ်ငန်းရှင်နှင့် တွေ့ဆုံကာ မြို့နယ် အတွင်း စက်သုံးဆီပြတ်လပ်မှုမရှိစေရေး၊ စက်သုံးဆီဈေးနှုန်း အဆမတန်မြှင့်တင်ရောင်းချမှုများ မရှိစေရေးနှင့် ဖြစ်သင့်ဖြစ်ထိုက်သောဈေးနှုန်းဖြင့် ရောင်းချရေး ဆွေးနွေးမှာကြားခြင်းများ ဆောင်ရွက် ခဲ့ကြောင်း သိရှိရပါသည်။ DOCA(စစ်ကိုင်း)

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်း/ အပြင်နှင့်ရပ်ကွက်များရှိ အခြေခံစားကုန်ပစ္စည်း အရောင်းဆိုင်များသို့ ဇူလိုင်လ(၂)ရက်နေ့၊ နံနက်(၀၉:၃၀)နာရီအချိန်တွင် ဇူလိုင်လဆန်းတွင် ဖြစ်ပေါ်နေသည် အခြေခံစားကုန်ပစ္စည်းများ ၏ ဈေးနှုန်းအခြေအနေအား မြေပြင်ကွင်းဆင်း စစ်ဆေးခဲ့ကြောင်း သိရသည်။ ထိုသို့ ဈေးကွက်အတွင်း မြေပြင်ကွင်းဆင်း စစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းနှင့် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင် တို့သည် စည်ပင်လမ်း၊ ပြည်တော်သာရပ်ကွက်ရှိ ရတနာလွင်ကုန်စုံဆိုင်၊ ဗိုလ်ချုပ်လမ်း၊ မြို့မရပ် ကွက်ရှိ ဦးသိန်းထွဋ်(ခ) ဦးကိုလေးကုန်စုံဆိုင်၊ စည်ပင်သာယာမြို့မဈေးအတွင်းရှိ ဒေါ်မူ၊ ဒေါ်မွှေးကြူ၊ မိဘရိပ်ဆန်ဆိုင်၊ မြို့မဈေးအပြင်တန်းရှိ ဒေါ်လုံးလုံး၊ ဦးချမ်းသာကြီးဆန်ဆိုင်၊ ဦးတင့်ဆွေဦး၊ ဦးဌေးလှိုင်၊ ဦးတင်ဝင်း၊ ဒေါ်ချောစုလှိုင်၊ ဒေါ်ချိုချိုမြင့် ကုန်ခြောက်ဆိုင်၊ ဒေါ်ပေါက်၊ ဒေါ်နိုင်နိုင်မော် ကြက်သားဆိုင်၊ ဦးခင်မောင်ဝင်း ဝက်သားဆိုင်၊ ဦးကုလားအမဲသား ဆိုင်၊ ဦးဇော်ကြီးဆိတ်သားဆိုင်၊ ဒေါ်သင်းသင်း၊ ဒေါ်မျိုးမျိုးဝင်း ရေချို၊ ရေငံငါးပုဇွန် အရောင်း ဆိုင်၊ ဒေါ်ချို ကြက်ဥ၊ ဘဲဥ လက်လီလက်ကားအရောင်းဆိုင်၊ ဒေါ်သန်းသန်းစိုး ငါးပိငါးခြောက် ဆိုင်နှင့် ဦးဖိုးထောင်၊ ဦးကျောက်ခဲ အသီးအရွက်ကုန်စိမ်းဆိုင်တို့တွင် ဇူလိုင်လအတွင်းနှင့် ဇူလိုင်လဆန်းတွင် ဖြစ်ပေါ်နေသည့် အခြေခံစားကုန်ပစ္စည်းဈေးနှုန်း အခြေအနေတို့မှာ သိသိသာသာ ကွာခြားမှုမရှိဘဲ စားအုန်းဆီ ဈေးနှုန်းမှာ အနည်းငယ်ကျဆင်းလာသည်ကို စစ်ဆေးတွေ့ရှိကြောင်း သိရှိရပါသည်။ DOCA(ရန်ကုန်)

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်တွင် တိုက်ရိုက်မျိုးစေ့ချ ကိရိယာ Seeder ဖြင့်မိုးစပါးလက်တွေ့စိုက်ပျိုးပွဲ အခမ်းအနားကို ဇူလိုင်လ(၁)ရက်နေ့၊ နံနက်(၀၉:၃၀) အချိန်တွင် ကော့မှူးမြို့နယ်၊ မကျီးကန်းကျေးရွာ ကွင်းအမှတ်(၂၉၁) ဦးပိုင်အမှတ် (၂၃)ရှိ ဦးချစ်နိုင်၏ လယ်ယာမြေတွင် ကျင်းပးပြုလုပ်ခဲ့ကြောင်း သိရှိရသည်။ အဆိုပါ အခမ်းအနားတွင် တွံတေးခရိုင်စီမံ အုပ်ချုပ်ရေးအဖွဲ့ ဥက္ကဌ ဦးညွှန့်နွယ်မှ အဖွင့် အမှာစကားပြောကြားပေးခဲ့ပြီး မြို့နယ်စိုက်ပျိုးရေးဦးစီးဌာန မြို့နယ်ဦးစီးမှူး ဦးသက်နိုင်မှ တိုက်ရိုက်အစေ့ချကိရိယာ Seeder ဖြင့် စိုက်ပျိုးခြင်းဖြင့် ရရှိလာမည့် အကျိုးကျေးဇူးများအား ရှင်းလင်းပြောကြားခြင်းနှင့် အဆိုပါတိုက်ရိုက် မျိုးစေ့ချ ကိရိယာ Seeder ဖြင့် သရုပ်ပြ မိုးစပါး စိုက်ပျိုးပွဲ အခမ်းအနားသို့ တက်ရောက်လာသော တွံတေးခရိုင်စီမံအုပ်ချုပ်ရေးအဖွဲ့ ဥက္ကဌနှင့် အဖွဲ့ဝင်များ၊ မြို့နယ်စီမံအုပ််ချုပ်ရေးအဖွဲ့ဥက္ကဌနှင့် အဖွဲ့ဝင်များ၊ မြို့နယ်စိုက်ပျိုး ကြီးကြပ်မှုအဖွဲ့ ဝင်များ၊ မြို့နယ်အဆင့် ဌာနဆိုင်ရာများ၊ ရပ်ကွက်/ကျေးရွာအုပ်စု (၆၂)အုပ်စုမှ အုပ်ချုပ်ရေးမှူး များနှင့် လေ့လာသူတောင်သူများက တိုက်ရိုက်မျိုးစေ့ချ ကိရိယာ Seeder ဖြင့် သရုပ်ပြစိုက်ပျိုး ခြင်းအား လှည့်လည်ကြည့်ရှု့ခြင်းများ ဆောင်ရွက်ခဲ့ပြီး နံနက်(၁၀:၃၀) နာရီအချိန်တွင် အခမ်းအနား ပြီးမြောက်ကြောင်း သိရှိရပါသည်။ DOCA(ရန်ကုန်)