သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ တောင်ငူခရိုင် ဖြူးမြို့နယ်တာဝန်ခံ ဒေါ်သန္တာစိုးသည် အစား အသောက်နှင့် ဆေးဝါးကွပ်ကဲရေးဦးစီးဌာန၊ တောင်ငူရိုင်ဦးစီးမှူးရုံး၏ ညှိနှိုင်းဆောင်ရွက်ချက်အရ ဇူလိုင်လ ၇ ရက်နေ့ နံနက်ပိုင်းက ဖြူးစည်ပင်သာယာဈေးနှင့် မြို့ပေါ်ရှိ ဆေးဆိုင်များသို့ ဈေးကွက် စောင့်ကြည့်စစ်ဆေးခြင်း ဆောင်ရွက်ရာတွင် ပူးပေါင်း ဆောင်ရွက်ခဲ့ ပါသည်။ ပူးပေါင်းအဖွဲ့သည် စည်ပင်သာယာဈေးအတွင်း ရောင်းချလျှက်ရှိသော အစားအသောက်များ နှင့် အလှကုန်ပစ္စည်းများတွင် ခွင့်မပြုဓါတုဆေးများ ပါဝင်မှုရှိ/မရှိနှင့် ရက်လွန်/မလွန်တို့ကို လည်းကာင်း၊ ဆေးဆိုင်များ၌ ရောင်းချလျှက်ရှိသော ဆေးဝါးများတွင် တရားမဝင်ဆေးဝါးများနှင့် ရက်လွန်ဆေးဝါးများ ပါဝင်မှုရှိ/မရှိကိုလည်းကောင်း စောင့်ကြည့်စစ်ဆေးပြီး အစားအသောက်နှင့် ဆေးဝါးကွပ်ကဲရေး ဦးစီးဌာနက အစားအသောက်များနှင့် အလှကုန်ပစ္စည်းများကို နမူနာ ကောက်ယူခဲ့ပါသည်။ ဈေးကွက်စောင့်ကြည့်စစ်ဆေးစဉ် စားသုံးသူရေးရာဦးစီးဌာန၊ မြို့နယ်တာဝန်ခံသည် ကုန်အညွှန်းအမှတ်အသားများကို သတ်မှတ်ချက်နှင့်အညီ ပြည့်စုံစွာဖော်ပြထားခြင်းမရှိသော ကုန်စည် များကို ရောင်းချခြင်းမပြရန် အသိပညာပေးပြောကြားခဲ့ကြောင်းနှင့် ဈေးကွက်စောင့်ကြည့် စစ်ဆေးရာ သို့ မြို့နယ်ပြည်သူ့ကျန်းမာရေးဦးစီးဌာနနှင့် မြို့နယ်စည်ပင်သာယာရေးအဖွဲ့တို့မှ တာဝန်ရှိသူများ ပူးပေါင်းပါဝင် ဆောင်ရွက်ခဲ့ကြောင်း သိရပါသည်။ DOCA(ပဲခူး)

တောင်ငူခရိုင်၊ ဖြူးမြို့၊ မြို့မ(၂)အခြေခံပညာမူလတန်းလွန်ကျောင်းမှ ကျောင်းသား ကျောင်းသူများ၊ သိသင့်သိထိုက်သည့် အသိပညာ ဗဟုသုတများရရှိစေရန် ရည်ရွယ်၍ စားသုံးသူ ရေးရာဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာ ဦးစီးဌာနတို့ ပူးပေါင်း၍ အသိပညာပေးဟောပြောပွဲကို ဇူလိုင်လ ၄ ရက်နေ့ နံနက်ပိုင်းက ယင်း ကျောင်း၌ ကျင်းပ ပြုလုပ်ပါသည်။ ဟောပြောပွဲတွင် စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ် တာဝန်ခံရုံးမှ ဌာနခွဲစာရေး ဒေါ်ခင်သန္တာဦးက စားသုံးသူ၏အခွင့်အရေးနှင့်တာဝန်များ၊ ကုန်စည်များတွင် ကုန် အညွှန်းအမှတ်အသားများကို မြန်မာဘာသာဖြင့် ဖော်ပြရန် ဥပဒေတွင်ပြဌာန်းထားပြီးဖြစ်ရာ ကျောင်းသား ကျောင်းသူများအနေဖြင့် မုန့်များနှင့် အချိုရည်များဝယ်ယူစားသောက်ရာတွင် မြန်မာဘာသာဖြင့် ကုန်အညွှန်းအမှတ်အသား ဖော်ပြထားသည့် မုန့်နှင့် အချိုရည်များကိုသာ ဝယ်ယူ စားသောက်သင့်ပုံ များကို ရှင်းလင်းပြောကြားပါသည်။ ထို့အတူ ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးမှူး ဒေါ်အိမာဟိန်း က အာဇာနည်နေ့အကြောင်း သိကောင်းစရာများကိုလည်းကောင်း၊ အားကစားနှင့်ကာယပညာဦးစီး ဌာန၊ မြို့နယ်ဦးစီးမှူး ဒေါ်ယဉ်သူဇာလွင်က လူငယ်နှင့်အားကစားဆိုင်ရာ သိကောင်းစရာများကို လည်းကောင်း ဟောပြောခဲ့ကြောင်းနှင့် ဟောပြောပွဲသို့ ကျောင်းသားကျောင်းသူ ၁၅၄ ဦး တက်ရောက် ကြောင်း သိရပါသည်။ DOCA(ပဲခူး)

စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးမင်းဇော်သည် ခရိုင်ဦးစီးမှူးရုံး၊ ထုတ်ကုန်လုံခြုံစိတ်ချရမှုဌာနခွဲတာဝန်ခံ၊ အုတ်တွင်းမြို့နယ်တာဝန်ခံတို့နှင့် အတူ ဇူလိုင်လ ၃ ရက်နေ့၊ နေ့လယ်ပိုင်းက တောင်ငူခရိုင်၊ အုတ်တွင်းမြို့ရှိ ဟိဏ်းကမ္ဘာ အွန်လိုင်းစနစ်ဖြင့် ရောင်းချခြင်းလုပ်ငန်းသို့ သွားရောက်၍ မြေပြင်အခြေအနေများကို စစ်ဆေး ကြည့်ရှုပြီး လုပ်ငန်းရှင် နှင့်တွေ့ဆုံဆွေးနွေးခဲ့ပါသည်။ ဒုတိယခရိုင်ဦးစီးမှူးနှင့်အဖွဲ့သည် မှတ်ပုံတင်ထားရှိမှုနှင့် မြေပြင်အခြေအနေများကို စစ်ဆေး ကြည့်ရှုရာ လုပ်ငန်းရှင် ဒေါ်ရွှေဝါစိုးက ရှင်းလင်းပြသပါသည်။ ဒုတိယခရိုင်ဦးစီးမှူးက စားသုံးသူ နစ်နာဆုံးရှုံးမှုမဖြစ်စေရေးအတွက် အလေးထား ဆောင်ရွက်ရန်၊ မှတ်ပုံတင်ထားရှိသည့် ကုန်စည်အမျိုး အစားများကိုသာ ရောင်းချရေးညွှန်ကြားချက်ကို အလေးထား လိုက်နာဆောင်ရွက်ရန် အသိပညာပေး ပြောကြားခဲ့ပါသည်။ ဟိဏ်းကမ္ဘာ ဖိနပ်နှင့်အိတ်အမျိုးမျိုး အရောင်းဆိုင်သည် အိတ်၊ ဖိနပ်နှင့် ဖက်ရှင်အသုံး အဆောင်ပစ္စည်းများကို အုတ်တွင်းမြို့၊ ပဲခူးလမ်းရပ်ကွက်၊ နဝဒေးလမ်းတွင် ဆိုင်ဖွင့်လှစ်ရောင်းချသည့် အပြင် အွန်လိုင်းစနစ်ဖြင့်လည်းရောင်းချကြောင်း သိရပါသည်။ DOCA(ပဲခူး)

စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ ကျောင်းသားကျောင်းသူများ သိသင့်သိထိုက်သည့် အသိပညာဗဟုသုတများအား အသိပညာပေး ဟောပြောခြင်းများကို ဇူလိုင်လ ၆ ရက်နေ့ နံနက်ပိုင်းတွင် အုတ်တွင်းမြို့ ဈေးရပ်ကွက် အခြေခံပညာ အလယ်တန်းကျောင်းခွဲ၌လည်းကောင်း၊ မွန်းလွဲပိုင်းတွင် ကသစ်တန်း အခြေခံပညာမူလတန်းလွန် ကျောင်း၌လည်းကောင်း ကျင်းပပြုလုပ်ခဲ့ပါသည်။ ဟောပြောပွဲတွင် စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်အေးအေးခိုင်က စားသုံးသူ အခွင့်အရေးနှင့်တာဝန်များ၊ စားသုံးသူနစ်နာဆုံးရှုံးမှုမရှိစေရေးအတွက် ဦးစီးဌာနမှ ဆောင်ရွက်ချက်များ၊ ကုန်စည်များဝယ်ယူရာတွင် ကုန်အညွှန်းအမှတ်အသားများ ပြည့်စုံစွာဖော်ပြ ထားသော ကုန်စည်များကိုသာ ဝယ်ယူသုံးစွဲရန်အရေးကြီးပုံများကို အသိပညာပေး ဟောပြောခဲ့ ပါသည်။ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အုတ်တွင်းမြို့နယ်ဦးစီးမှူး ဒေါ်ခင်မူမူဝင်း က စာဖတ်ရှိန်မြှင့်တင်ရေးနှင့်လူငယ်ဆိုင်ရာဗဟုသုတကို ဟောပြောခဲ့ကြောင်းနှင့် အလက(ခွဲ)ဈေး ရပ်ကွက် ဟောပြောပွဲသို့ ကျောင်းသားကျောင်းသူ ၂၅၀ ဦးနှင့် အမက(လွန်) ကသစ်တန်း ဟောပြောပွဲသို့ ကျောင်းသားကျောင်းသူ ၁၃၅ ဦး တက်ရောက်ကြောင်း သိရပါသည်။ DOCA(ပဲခူး)

ပဲခူးတိုင်းဒေသကြီး၊သာယာဝတီခရိုင်၊ကြို့ပင်ကောက်မြို့နယ် သဲကုန်းရပ်ကွက် ဝိပသာနာ လမ်းရှိ Online Sales ရောင်းချနေသော လုပ်ငန်းအား ၇.၇.၂၀၂၅ ရက်နေ့တွင် စားသုံးသူရေးရာ ဦးစီးဌာနမှ မြို့နယ်တာဝန်ခံနှင့်အတူ ဝန်ထမ်းတစ်ဦးတို့ မေအြပြင်ကွင်းဆင်းခဲ့ပါသည်။ Online Sales များ မှတ်ပုံတင်ခြင်းလုပ်ငန်းကို ဆောင်ရွက်ရခြင်းမှာ Online စနစ်ဖြင့်ဝယ်ယူ မှုအရစားသုံးသူနှစ်နာမှု လျော့နည်းစေရန်၊အွန်လိုင်းစနစ်ဖြင့်ရောင်းချမှု၊ဝန်ဆောင်မှုပေးခြင်းတို့တွင် စနစ်တကျ ပိုမိုတွင်ကျယ်စွာ အသုံးပြုလာနိုင်ရေးအတွက် ရည်ရွယ်ကြောင်းပြောကြားခဲ့ပါသည်။ Online Sales လုပ်ငန်းများအတွက် မှတ်ပုံတင်ခြင်းတွင် လွယ်ကူစွာမှတ်ပုံတင်နိုင်ရန် မိမိကိုယ်တိုင် Online မှဝင်ရောက်လျောက်ထားနိုင်ခြင်း၊အခြားသောဌာနဆိုင်ရာများကို အသိပေးလျောက်ထား နိုင်ကြောင်း ပြောကြားခဲ့ပါသည်။မှတ်ပုံတင်လျောက်ထားရန်အတွက် လုပ်ငန်းတည်ရှိရာ လိပ်စာ မှန်ကန်ကြောင်းရပ်ကွက်၊ရဲစခန်းထောက်ခံစာ၊pass port ဓာတ်ပုံ (၁)ပုံ၊မှတ်ပုံတင်မူရင်း၊အိမ်ထောင် စုစာရင်းမိတ္တူ၊Email လိပ်စာဖုန်းနံပါတ်၊ Facebook Page စသဖြင့်လိုအပ်ကြောင်း ပြောကြားခဲ့ပါသည်။စားသုံးသူများအနေဖြင့်လည်း ကုန်စည်ဝန်ဆောင်မှုများအား အွန်လိုင်းစနစ်ဖြင့် ဝယ်ယူအသုံးပြုရာတွင် ထိခိုက်နစ်နာမှုများ မရှိစေရန်အတွက် မိမိဝယ်ယူမည့် Online Business တွင်မှတ်ပုံတင်ရရှိထားမှုရှိ/မရှိ စုံစမ်း၍ဝယ်ယူရန်နှင့် Online စနစ်ဖြင့်ရောင်းချမည့် လုပ်ငန်းရှင်များ အနေဖြင့်မှတ်ပုံတင်ရရှိပြီးမှ မိမိတို့လုပ်ငန်းများ ဆောင်ရွက်ကြရန် ပြောကြားခဲ့ပါသည်။ DOCA(ပဲခူး)