သတင်းနှင့် လှုပ်ရှားမှုများ

   ၂-၅-၂၀၂၅နေ့ နံနက် (၁၀:၃၀) အချိန်တွင် မအူပင်ခရိုင်ဦးစီးမှူး ဦးဇော်မင်းနှင့် အဖွဲ့သည်  မအူပင်ခရိုင် ညောင်တုန်းမြို့နယ်တွင်ငွေကြေးလိမ်လည်မူပတ်သက်၍ CICCသို့တိုင်ကြားမူအား ပဏာမ ကွင်းဆင်းစစ်ဆေးခဲ့ ဆောင်ရွက်ခဲ့ကြောင်း သိရသည်။

    ကွင်းဆင်းစစ်ဆေးဆောင်ရွက်ရာတွင် ညောင်တုန်းမြို့နယ်မှ ငွေကြေးလိမ်လည်မှုနှင့်ပတ်သက်၍ တိုင်ကြားသူအား ညောင်တုန်းမြို့နယ်ဦးစီးမှူးရုံးတွင် လက်ခံတွေ့ဆုံ၍ တိုင်ကြားလာသောအချက်အလက်များကို သိရှိနိုင်ရန် ဖြစ်စဉ်အကျဉ်းကို မေးမြန်းဆောင်ရွက်ခဲ့ပြီး စားသုံးသူထိခိုက်နစ်နာမှုအတွက် အကောင်းဆုံးဖြေရှင်း ဆောင်ရွက်နိုင်ရန် ဖြေရှင်း ဆောင်ရွက်မှုကို မှတ်တမ်းယူ၍ ဆက်လက်ဆောင်ရွက်ပေးမည်ကို တိုင်ကြားသူအား ဆွေးနွေးခဲ့ကြောင်း သိရသည်။

DOCA(ဧရာဝတီ)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ တာဝန်ရှိသူနှင့် ခရိုင်ရေနံထွက် ပစ္စည်းကြီးကြပ်စစ်ဆေးရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မြို့နယ် အရံမီးသတ်တပ်ဖွဲ့တို့သည် ၂၀၂၅ ခုနှစ်၊ မေ (၃) ရက်နေ့ တွင် မအူပင်မြို့ပေါ်ရှိ စက်သုံးဆီအရာင်းဆိုင် (၇)ဆိုင် သို့ ကွင်းဆင်းစစ်ဆေးခဲ့ပါသည်။

     ထိုသို့ ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ ဒေါ်ခိုင်ခိုင်လင်း ဒု-ဦးစီးမှူးက စက်သုံးဆီ တင်သွင်းရောင်းချဖြန့်ဖြုးသည့် လုပ်ငန်းရှင်အား သတ်မှန်ရည်ညွှန်းဈေးအပေါ်  သယ်ယူစရိတ် ၂ရာခိုင်နှုန်းဖြင့် ရောင်းချခြင်း ရှိမရှိနှင့် LED ဘုတ်ဖြင့်ဖော်ပြရောင်ချမှု ရှိမရှိကို စစ်ဆေးခြင်း၊ စားသုံးသူကာကွယ်ရေးဥပ‌ဒေပါ စီးပွားရေးလုပ်ငန်းရှင် တာဝန်နှင့် အညီ ရောင်းချရန်၊ တရားမဝင်စက်သုံးဆီများ အရောင်းအဝယ်မပြုရန်ကို သတိပေး ပြောကြားခဲ့ပြီး ၊ လုပ်ငန်းရှင်များ အနေဖြင့် တရားမဝင်စက်သုံးဆီ၊ ချောဆီများအား တင်သွင်း ဖြန့်ဖြူးရောင်းချပါက အရေးယူ ဆောင်ရွက်သွားမည်ဖြစ်ကြောင်း ၊ စက်သုံးဆီများကို ရေနံထွက် ပစ္စည်းကြီးကြပ်စစ်ဆေး ရေးဦးစီးဌာနက နေ့စဉ်ထုတ် ပြန်ထားသော သတ်မှတ်ရည်ညွှန်းဈေးထက် ပိုမိုရောင်းချခြင်းမပြုရန်နှင့် ညွှန်ကြားချက်များအတိုင်း ရောင်းချကြရန် ပြောကြားဆွေးနွေးခဲ့ပြီး စစ်ဆေးခဲ့ကြကြောင်း သိရပါသည်။

DOCA(ဧရာဝတီ)

   ၄.၅.၂၀၂၅ ရက်နေ့ နေ့လယ် (၁၂:၃၀)အချိန်တွင်  ပန်းတနော်မြို့နယ်တာဝန်ခံရုံးမှ ဝန်ထမ်းများသည် မြို့နယ်အတွင်းရှိ ရောနှောဆီရောင်းချမှု ရှိသဖြင့် ရောနှောဆီရောင်းချသော မြို့မဈေးအတွင်း လုပ်ငန်းရှင်ထံ ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။

   ကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ ပန်းတနော်မြို့နယ်တာဝန်ခံ ဦးအောင်ကျော်သက်နှင့် မြို့နယ် စည်ပင်သာယာရေးအဖွဲ့တို့ပါဝင်ခဲ့ကြပြီး ရောနှောဆီ ရောင်းချသောလုပ်ငန်းရှင်နှင့် တွေ့ဆုံ၍ ရောနှောဆီရောင်းချသူလုပ်ငန်း ရှင်များသိရှိလိုက်နာနိုင်ရန် မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန် ကြော်ငြာထားသော ညွှန်ကြားချက်အမှတ် (၁/၂၀၂၁) နှင့်အညီ မြန်မာဘာသာဖြင့် ပြည်စုံစွာ ဖော်ပြထားသော ကုန်စည်များကိုသာရောင်းချရန်နှင့် စီးပွားရေး လုပ်ငန်းရှင်များအနေဖြင့် ထုတ်ပြန် ထားသော ညွှန်ကြားချက်များအတိုင်း လိုက်နာဆောင်ရွက်ရန်၊ ဟင်းသီးဟင်းရွက် ရောနှောဆီ အရည်အသွေးအာမခံချက် နှင့် အမှတ်တံဆိပ်ကပ်ခြင်းဆိုင်ရာ သတ်မှတ်အမိန့် ဖော်ပြရမည့် အချက်များဖြင့် ကိုက်ညီမှု ရှိမရျိကို စစ်ဆေးခဲ့ပြီး သတ်မှတ်ချက်များအတိုင်း လိုက်နာဆောင်ရွက် ရောင်းချကြောင်း စစ်ဆေးတွေ့ရှိရပြီး လုပ်ငန်းရှင်တို့သည် သက်ဆိုင်ရာဌာနတို့၏ ညွှန်ကြားချက်များကို လိုက်နာမှုမရှိပါက အရေးကြီးကုန်စည် ဝန်ဆောင်မှု ဥပဒေ အမျိုးသာ’အစားအသောက်ဥပဒေအရ အရေယူသွားမည်ဖြစ်ကြောင်းကို ရှင်းလင်းပြောကြားခဲ့ကြောင်း သိရပါသည်။

DOCA(ဧရာဝတီ)

     စစ်ကိုင်းတိုင်ဒေသကြီး ၊ ကန့်ဘလူခရိုင်၊ ကျွန်းလှမြို့သစ်ရာမြိုင်ဈေးအတွင်းရှိ ကုန်မျိုးစုံ ရောင်းဝယ်ရေးဆိုင်များတွင်(၇.၅.၂၀၂၅)ရက်နေ့ ၊ နံနက်(၁၀း၀၀)နာရီအချိန်တွင် မြို့နယ်စားသုံးသူရေးရာ ဦးစီးဌာန မြို့နယ်တာဝန်ခံ ဒုတိယဦးစီးမှူး ဒေါ်ဝေဝေအောင် ဦးဆောင်၍ မြို့နယ်စီမံအုပ်ချုပ်ရေးအဖွဲ့ ခေတ္တဥက္ကဌ ဗိုလ်မှူးဖြိုးသန့်ဇင်ထွန်း၊ မြို့နယ်အထွေ ထွေအုပ်ချုပ်ရေးဦးစီးဌာန ဒုတိယဦးစီးမှူး ဒေါ်ယွန်းမီမီထွန်း၊ မြို့နယ်ရဲတပ်ဖွဲ့မှူးရုံးမှ ဒုရဲအုပ် ယုဝေမင်းနှင့် ရဲတပ်သားများ၊ မြို့နယ်စည်ပင်သာယာ ရေးအဖွဲ့ မှ ဒုတိယဦးစီးမှူး ဒေါ်ခိုင်ခိုင်ဝင်း နှင့် မြို့နယ်စိုက်ပျိုးရေးဦးစီး ဒေါ်မြင့်မြင့်ရီ တို့အဖွဲ့ ပူးပေါင်းပါဝင်၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

     ထိုသို့ ဈေးကွက်စောင့်ကြည့်စစ်ဆေးရာတွင် မြို့နယ်တာဝန်ခံမှ ဌာနအနေဖြင့် စားသုံးသူပြည်သူများ ဘေးအန္တရာယ်ကင်းရှင်းစေရေး၊ ကုန်ပစ္စည်းများ ထုတ်ကုန်လုံခြုံစိတ်ချရမှုရှိစေရေးအတို့အတွက် ဈေးကွက် မရောက်မီကုန်စည်များနှင့် ဈေးကွက်ရောက်ပြီး ကုန်စည်များကို ဈေးကွက်စောင့်ကြည့်စစ်ဆေးခြင်းများ လစဉ် လျာထားချက်ထက်ကျော်လွန်ပြည့်မီအောင် စစ်ဆေးဆောင်ရွက်လျက်ရှိကြောင်း၊ စားသုံးသူကာကွယ် ရေး ဥပ‌ဒေပါ စီးပွားရေးလုပ်ငန်းရှင်များ၏ လိုက်နာဆောင်ရွက်ရမည့်တာဝန်များ၊ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ထားသော ညွှန်ကြား ချက်အမှတ်(၂/၂၀၁၉) ပါအကြောင်းအရာများ၊ နို့နှင်နို့ထွက်ပစ္စည်းအမျိုးမျိုးတွင် ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဓါတ်မတည့်ကြောင်း ဖော်ပြချက်နှင့် ကြိုတင်သတိပေးချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာ နှင့် အခြားဘာသာ တစ်ခု သို့မဟုတ် တစ်ခုထက်ပို၍ တွဲလျက်ဖြစ်စေဖော်ပြရမည်ဖြစ်ကြောင်း အသိပညာ ပေးဆွေးနွေးခဲ့ပြီး  နို့နှင်နို့ထွက်ပစ္စည်းအမျိုးမျိုးတွင် ညွှန်ကြားချက်အမှတ်(၂/၂၀၁၉)နှင့်အညီ ဖော်ပြပါရှိသည် ကိုလည်း စစ်ဆေးတွေ့ရှိခဲ့ရကြောင်း သတင်းရရှိပါသည်။

DOCA(စစ်ကိုင်း)

     စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် ၇.၅.၂၀၂၅ ရက်နေ့တွင် မိုးညှင်းမြို့၊ နောင်စွန်းရပ်ကွက်အတွင်းရှိ ဦးကျော်ဆွေ (ကုန်စုံဆိုင်)သို့ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ စားသုံးသူကာကွယ်ရေးဥပဒေပါ ပြဌာန်းချက်များနှင့် ကိုက်ညီခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

     ဈေးကွက်စောင့်ကြည့်စစ်ဆေးခဲ့ရာ ရွှေသစ္စာ အမှတ်တံဆိပ်ပါ ထောပတ်ကိတ်ခြောက်သည် အသင့်စားမုန့်အမျိုးမျိုးတို့တွင် ကုန်စည်အမျိုးအစားအလိုက် သတ်မှတ်ချက်များနှင့်အညီ မြန်မာဘာ သာဖြင့် ပြည့်စုံစွာ ဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက် အသားတင် ပမာဏ၊ ထားသိုသိမ်းဆည်းမှုအညွှန်း နှင့် ဓာတ်မတည့်ကြောင်းဖော်ပြချက်တို့ကို ကုန်အညွှန်းအမှတ် အသား ဖော်ပြထားရှိခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ရာ ကုန်အညွှန်းအမှတ်အသား ပြည့်စုံ စွာ ဖော်ပြထားရှိကြောင်း စစ်ဆေးတွေ့ရှိရပြီး ကုန်စုံဆိုင်ပိုင်ရှင်အား ကုန်စည်အမျိုးမျိုး ရောင်းချရာတွင် ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြထားသော ကုန်စည်များကိုသာ ဝယ်ယူရောင်းချရန် အသိပညာပေးဆွေးနွေးခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)