သတင်းနှင့် လှုပ်ရှားမှုများ

  ရှမ်းပြည်နယ်(တောင်ပိုင်း)၊စားသုံးသူရေးရာဦးစီးဌာန၊ကလောခရိုင်ဦးစီးမှူးရုံး(အောင်ပန်း)မှ ဒုတိယဦးစီးမှူးဦးဆောင်သောဝန်ထမ်းများသည်(၇.၅.၂၀၂၅)‌ရက်နေ့၊နေ့လယ် (၁၃:၀၀)နာရီတွင် အောင်ပန်းမြို့ ၊မြို့ဟောင်းရပ်ကွက်ရှိ စားသုံးဆီ အရောင်းဆိုင် (၂)ဆိုင်နှင့် (၈.၅.၂၀၂၅)‌ရက်နေ့(၁၃:၀၀)နာရီတွင် ကလောမြို့ ၊ ကျောက်တန်းကျေး ရွာ ရှိစားသုံးဆီအရောင်းဆိုင်(၁)ဆိုင်နှင့် အင်းပြင်ကျေးရွာရှိ စားသုံးဆီ အရောင်းဆိုင်(၁)ဆိုင်တို့အားအထွေထွေအုပ်ချုပ်‌ရေးဦးစီးဌာနနှင့် စည်ပင်သာယာရေးဌာနတို့နှင့်ပူးပေါင်း၍ ဈေးကွက်စောင့်ကြည့်စစ်ဆေးခြင်း နှင့်စိစစ်ကြီးကြပ်ခြင်း ဆောင်ရွက်ခဲ့ပါ သည်။

    ထိုသို့စစ်ဆေးရာတွင် စားအုန်းဆီလက်လီအရောင်းဆိုင် လုပ်ငန်းရှင်ကိုယ်စားလှယ်များအနေဖြင့် မိမိတို့ရရှိ သောခွဲတမ်းများအား စာအုပ်စနစ်ဖြင့်ရပ်ကွက်အလိုက် အိမ်ထောင်စုတစ်စုတွင် (၁)ပိဿာနှုန်းဖြင့် ရောင်းချပေးခြင်း၊ သတ်မှတ်ရည်ညွှန်းဈေးနှုန်းများအတိုင်း ရောင်းချပေးခြင်း ၊အခြားမသမာသောနည်းလမ်းများသုံး၍ ရောင်းချမှုမရှိခြင်းနှင့်ဈေးကစားရန်ရည်ရွယ်ပြီး သိုလှောင် ထားခြင်း မရှိကြောင်း စစ်ဆေးတွေ့ရှိရပြီး တစ်နေ့ စာတစ်နေ့ကုန်အောင် ရောင်းချပေးပြီး၊ လက်ကျန်လည်းမထားရှိပါကြောင်း၊ ရက်ကျော်လွန်လျှင်လည်း ပြန်လည် ရောင်းချပေးပါကြောင်း သိရှိရပြီး မိမိတို့ဌာနမှလည်း သိုလှောင်ထားခြင်း ရှိပါက အရေးယူဆောင် ရွက်သွားမည်ဖြစ်ကြောင်း အသိပညာ ပေးဆွေးနွေးခဲ့ပါသည်။

DOCA(ရှမ်း)

စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ ခုနှစ် ၊ မေလ (၇) ရက်နေ့ နံနက်(၁၀ : ၃၀) အချိန်တွင်  လွိုင်ကော်မြို့ပေါ်ရှိ အိမ်သုံးဆေးဝါးများ ရောင်းချ      နေသော ဆေးဆိုင်များ၌ သက်တမ်းလွန်ဆေးဝါးများ ရောင်းချနေမှုများ ရှိ/မှရှိ ဆေးများ ပြတ်လတ်မှုများ၊ ဈေးနှုန်းမြှင့်တင်ရောင်းချခြင်း  ရှိ/မရှိနှင့်  မြန်မာနိုင်ငံစားသုံးသူရေးရာ ကော်မရှင်၏ ညွှန်ကြားချက်အမှတ် ၂/ ၂၀၁၉ ပါ သတ်မှတ်ချက် နှင့် ကိုက်ညီမှုရှိ/မရှိ စစ်ဆေး ခြင်းကို  သက်ဆိုင်မိတ်ဖက်များနှင့်ပူးပေါင်း၍  ဈေးကွက်စောင့်ကြည့်စစ်ဆေးခဲ့ကြောင်းသိရှိ ရပါသည်။  

ထိုသို့ ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ရာတွင်    ဆေးဆိုင်များ၌ ရောင်း ချနေသော အိမ်သုံးဆေးဝါးများ ပြတ်လပ်မှုမရှိကြောင်း၊ သက်တမ်းလွန်ရောင်းချခြင်း မရှိ ကြောင်း၊ ဆေးဝါးများအား ဈေးနှုန်းမြှင့်တင် ရောင်းချခြင်းမရှိဘဲ ၊ဈေးကစားခြင်း အလို့ငှာ သိုလှောင်ထားခြင်းလည်းမရှိကြောင်း၊ မိမိတို့အနေဖြင့်ဆေးများကို မန္တလေးမြို့၊ တောင်ကြီး မြို့၊ အောင်ပန်းမြို့တို့တွင် ဖြန့်ဖြူးရောင်းချနေသော ကုမ္ပဏီများ ထံမှမှာယူရောင်းချကြောင်း၊ မှာယူရောင်းချသောဆေးများသည်  မြန်မာနိုင်ငံစားသုံးသူကာကွယ်ရေးကော်မရှင်ရုံး၏ ၂/ ၂၀၁၉ ကုန်အညွှန်းအမှတ်အသားပါ မြန်မာဘာသာဖြင့်ဖြစ်စေ ၊မြန်မာဘာသာနှင့် အခြား ဘာသာတစ်ခုသို့မဟုတ်တစ်ခုထက်ပို၍ တွဲလျက် ဖော်ပြထားသော  စာသားများပါ ကိုက်ညီမှု ရှိတဲ့ ဆေးဝါးများသာ ဝယ်ယူရောင်းချကြောင်း သတင်းရရှိပါသည်။

DOCA(ကယား)

     ၆.၁.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်တာဝန်ခံ ဦးညီလွင်အေးသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် စည်ပင်သာယာရေးအဖွဲ့တို့နှင့် ပူးပေါင်း၍ မုဒုံမြို့နယ်၊ ရွှေဟင်္သာဈေးရှိ ကုန်စုံဆိုင်များတွင် ရောင်းချနေသော စားသုံးဆီများတွင် ကုန်အညွှန်းအမှတ်အသား ပြည့်စုံစွာပါရှိမှု ရှိ/မရှိ ကွင်ဆင်းစစ်ဆေးခဲ့ကြောင်း သိရှိရပါသည်။

     ထိုသို့ကွင်ဆင်းစစ်ဆေးခဲ့ရာ မုဒုံမြို့နယ်၊ ရွှေဟင်္သာဈေးရှိ ကုန်စုံဆိုင်များတွင် ရောင်းချ နေသော စားသုံးဆီအမျိုးမျိုးတွင် စားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) တွင် ဖော်ပြထားသော ကုန်အညွှန်းအမှတ်အသား ဖော်ပြခြင်းဆိုင်ရာ အသေးစိတ် အချက်များနှင့် ကိုက်ညီမှု ရှိ/မရှိ စစ်ဆေးခဲ့ရာ ကိုက်ညီမှုရှိကြောင်း စစ်ဆေးတွေ့ရှိရပြီး သက်ဆိုင်ရာဌာနများ၏ ထောက်ခံချက်များ ပြည့်စုံစွာဖော်ပြပါရှိသော ကုန်စည်များကိုသာ ရောင်းချရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(မွန်)

     ၈.၅.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်တာဝန်ခံ ဦးညီလွင်အေးသည် မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ မုဒုံမြို့နယ်၊ ရွှေဟင်္သာဈေးရှိ ကုန်စုံဆိုင်များတွင် ရောင်းချနေသော ကလေးအသုံးအဆောင် ပစ္စည်းအမျိုးမျိုးအား စျေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

     ထိုသို့ဈေးကွက်စောင့်ကြည့်စစ်ဆေးရာ မုဒုံမြို့နယ်၊ ရွှေဟင်္သာဈေးရှိ ကုန်စုံဆိုင်များတွင် ရောင်းချလျက်ရှိသော ကလေးအသုံးအဆောင်ပစ္စည်းများတွင် ကုန်အညွှန်းအမှတ်အသား ဖော်ပြချက်များနှင့် ကိုက်ညီမှု ရှိ/မရှိနှင့် ဘေးအန္တရာယ်ဖြစ်နိုင်ချေရှိ/မရှိ ကုန်စည်များအား စစ်ဆေးခဲ့ရာ ကုန်အညွှန်းအမှတ်အသားကိုက်ညီမှုရှိကြောင်း စစ်ဆေးတွေ့ရှိရပြီး ကလေး ကစားစရာ ကုန်ပစ္စည်းတစ်မျိုးခြင်းအလိုက် ဘေးအန္တရာယ်ဖြစ်နိုင်မှု အခြေအနေ၊ ကုန်အညွှန်း အမှတ်အသား မပြည့်စုံမှုနှင့် ကြိုတင်သတိပေးထားခြင်းမရှိသော ကုန်စည်များအားရောင်းချခြင်း မပြုရန် အသိပညာပေး ပြောကြားခဲ့ကြောင်း သိရှိရပါသည်။

DOCA(မွန်)

     မွန်ပြည်နယ်၊ မုဒုံမြို့နယ်တွင် ၂၀၂၅ - ၂၀၂၆ ခုနှစ် မိုးစပါး တိုက်ရိုက်မျိုးစေ့ချကိရိယာ (Seeder) စနစ်ဖြင့် စိုက်ပျိုးခြင်း တောင်သူပညာပေး ကွင်းသရုပ်ပြပွဲကို ၇.၅.၂၀၂၅ ရက်နေ့ နံနက် (၉:၀၀)နာရီက ကျောက်တလုံးကျေးရွာ၊ ကွင်းအမှတ် (၈၂၈) ဘုရားကျောင်းကွင်း၌ ပြုလုပ်ခဲ့သည်။

ကွင်းသရုပ်ပြပွဲသို့ ခရိုင်စိုက်ပျိုးထုတ်လုပ်မှု တိုးတက်မြင့်မားရေးအဖွဲ့ဝင် ဦးကျော်မြင့်၊ ခရိုင်ဌာနဆိုင်ရာတာဝန်ရှိသူများ၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးပြည်သိမ်းနှင့် အဖွဲ့ဝင်များက မိုးစပါး မျိုးစေ့ချကိရိယာ (Seeder)ဖြင့် လက်တွေ့စိုက်ပျိုးခြင်းကို ကြည့်ရှု အားပေးခဲ့သည်။ ထို့နောက် မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးငြိမ်းချမ်းကျော် က တောင်သူများအား မျိုးစေ့ချကိရိယာ (Seeder)ဖြင့် စိုက်ပျိုးခြင်းသည် ကြဲခင်းစနစ်တွင် အထွက်နှုန်း တိုးတက်စေရန်အတွက် တိုက်ရိုက်မျိုးစေ့ချကိရိယာဖြင့် စနစ်တကျ ဆောင်ရွက်ခြင်း၊ အတန်းလိုက်စနစ်ဖြင့်ခြင်း အပင်ပေါက်ညီညာခြင်း၊ အပင်ပြုစုထိန်းသိမ်း ရာတွင် လွယ်ကူစေခြင်း၊ ပိုးမွှားရောဂါကာကွယ်နှိမ်နင်းရာတွင် စနစ်တကျဆောင်ရွက်နိုင် ခြင်း၊ အပင်အာဟာရနှင့်လေဝင်လေထွက်စနစ်ကောင်းမွန်ခြင်းကြောင့် တစ်ဧကအထွက်နှုန်း တိုးတက်နိုင်ရန်အတွက် ဆောင်ရွက်ခြင်းဖြစ်ကြောင်း ရှင်းလင်းပြောကြားခဲ့ သည်။

     ဆက်လက်၍ တာဝန်ရှိသူများက သစ်စိမ်းမြေသြဇာထည့်သွင်းခြင်း ကွင်းသရုပ်ပြပွဲသို့ ကြည့်ရူအားပေးကာ မိုးစပါးအထွက်နှုန်းတိုးတက်မြင့်မားစေရန်အတွက် လိုအပ်သည်များကို လမ်းညွှန်မှာကြားခဲ့ကြောင်း သိရသည်။

DOCA(မွန်)