သတင်းနှင့် လှုပ်ရှားမှုများ

   ၁၄.၇.၂၀၂၅ ရက်နေ့ နံနက် (၉:၃၀) အချိန်တွင် စားသုံးသူရေးရာဦးစီးဌာန၊ ကျိုက်ထိုခရိုင် တာဝန်ခံ ဦးအောင်ကျော်မင်း၊ မြို့နယ်တာဝန်ခံ ဦးဇော်ဦးနှင့် အခြားမိတ်ဖက်ဌာနဆိုင်ရာများနှင့် ပူးပေါင်း၍ ကျိုက်ထိုမြို့နယ်၊ ရှမ်းဈေးအတွင်း ရောင်းချလျက်ရှိသော အသင့်ဖျော်ကော်ဖီနှင့် လက်ဖက်ရည်ထုပ်အမျိုးမျိုးတို့အား ဈေးကွက်စောင့်ကြည့်စစ်ဆေးခဲ့ကြောင်း သိရသည်။

  ထိုသို့ ဈေးကွက်စောင့်ကြည့်စစ်ဆေးရာတွင် ကျိုက်ထိုမြို့နယ်၊ ရှမ်းဈေးအတွင်း ရောင်းချ လျက်ရှိသော အသင့်ဖျော်ကော်ဖီနှင့် လက်ဖက်ရည်ထုပ်အမျိုးမျိုးတို့တွင် ကုန်အညွှန်းအမှတ် အသားဖော်ပြချက်များနှင့် ကိုက်ညီမှု ရှိ/မရှိ၊ ဘေးအန္တရာယ်ဖြစ်နိုင်ချေ ရှိ/မရှိ၊ အသင့်ဖျော် ကော်ဖီနှင့် လက်ဖက်ရည်ထုပ်တစ်မျိုးချင်းစီအလိုက် ဘေးအန္တရာယ်ဖြစ်နိုင်မှု အခြေအနေ၊ ကုန်အညွှန်းအမှတ်အသားမပြည့်စုံမှု၊ ကြိုတင်သတိပေးချက်မရှိသော အသင့်ဖျော်ကော်ဖီနှင့် လက်ဖက်ရည်ထုပ်အမျိုးမျိုးတို့အား ရောင်းချခြင်းမပြုရန် အသိပညာပေးပြောကြားခဲ့ကြောင်း သိရှိရပါသည်။

DOCA (မွန်)

     ၁၅.၇.၂၀၂၅ ရက်နေ့ နေ့လည် (၁၁:၀၀) နာရီအချိန်တွင် စားသုံးသူရေးရာဦးစီးဌာန၊ သထုံ ခရိုင်ဦးစီးမှူးရုံးမှ ဦးစီးအရာရှိ ဦးအောင်ကျော်မင်းနှင့် ဒုတိယဦးစီးမှူး ဦးစည်သူတို့သည် ဆန် စပါးသိုလှောင်ရုံများ မှတ်ပုံတင်သက်တမ်းတိုးခြင်း ဆောင်ရွက်ရန် မြေပြင်ကွင်းဆင်းခဲ့ကြောင်း သိရသည်။

   ထိုသို့ ကွင်းဆင်းစစ်ဆေးရာတွင် သထုံမြို့နယ်၊ ရန်ကုန်-မော်လမြိုင်ကားလမ်းဘေးရှိ ဦးမြတ်မောင်မောင်ပိုင်ဆိုင်သည့် “စိတ်တိုင်းကျ” ဆန်စက်နှင့် ဆန်စပါးသိုလှောင်ရုံအား MyRo တွင် မှတ်ပုံတင်သက်တမ်းတိုးဆောင်ရွက်ရန်၊ ဆန်စပါး ဝင်/ထွက် လက်ကျန်စာရင်းအား လစဉ် ပုံမှန်ဖြည့်သွင်းရန်၊ ဆန်စပါးသိုလှောင်ထားရှိမှု အခြေအနေ၊ ဆန်စပါးရောင်းဝယ်မှု အခြေအနေ များအား ကွင်းဆင်းစစ်ဆေးဆောင်ရွက်ခဲ့ကြောင်း သိရှိရပါသည်။

DOCA (မွန်)

       ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်ကြီးမြို့နယ် အထွေထွေအုပ်ချုပ်ရေးဦးစီးဌာန၊  စားသုံးသူရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့တို့ ပူးပေါင်း၍ (၈-၇-၂၀၂၅)ရက်နေ့ နံနက် (၁၀း၃၀) နာရီအချိန်တွင် ပန်းတနော် အနောက်ပိုင်းရပ်ကွက် မြို့နယ်အတွင်းရှိ အလှကုန်ပစ္စည်းဆိုင်(၆၅နှင့်  မြို့မဈေးရှိ အလှကုန်ပစ္စည်းရောင်းချ သောဆိုင်(၇) အစားအသောက်နှင့် ဆေးဝါးကွပ်ကဲရေးဦးစီးဌာနမှ အများပြည်သူသုံးစွဲရန်မသင့်ကြောင်း ကြေညာထားသည့် အလှကုန်ပစ္စည်းများကို တင်သွင်ခြင်း၊ ဖြန့်ဖြူးရောင်းချခြင်းရှိ/ မရှိ ကွင်းဆင်းစစ်ဆေးခဲ့ကြသည်။

        ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့် စစ်ဆေးရေးအရာရှိများက လက်လီ/လက်ကား ရောင်းချဖြန့်ဖြူးနေသော အလှကုန်ပစ္စည်းဆိုင်များတွင် ကုန်အမှတ်တံဆိပ်များ၊ အလှကုန်ပစ္စည်းများကိုတုပ၍ တရားမဝင်ဖြန့်ဖြူး ရောင်းချနေခြင်းရှိ/မရှိ၊ အစားအသောက်နှင့် ဆေးဝါးကွပ်ကဲရေးဦးစီးဌာန၏ ထောက်ခံချက်ပါရှိခြင်းရှိ/ မရှိနှင့် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ သတင်းအချက်အလက် ပြည့်စုံမှန်ကန်စွာ ဖော်ပြထားမှုရှိ/ မရှိတို့ကို ဈေးကွက်စောင့်ကြည့်စစ်ဆေးခဲ့ပြီး တားမြစ်အလှကုန်များရောင်းချခြင်း၊ သတ်တမ်းလွန်အလှကုန်များရောင်းချခြင်း၊ တရားမဝင်အလှကုန်များရောင်းချခြင်းနှင့် ကုန်ညွှန်းအမှတ်အသားမပြည့်စုံသော အလှကုန်များ မြို့နယ်ဈေးကွက်အတွင်း ရောင်းချခြင်းမရှိစေရန် ပညာပေးခဲ့ပြီး ဈေးကွက်အတွင်း စစ်ဆေးဆောင်ရွက်သည့်အခါ စစ်ဆေးတွေ့ရှိပါက FDAဌာန၏ ဥပဒေ၊ စားသုံးသူရေးရာဦးစီးဌာန၏ ဥပဒေများ၊ တရားမဝင်တင်သွင်၊ ဖြန့်ဖြူးရောင်းချမှု ဥပဒေများအရ အရေးယူဆောင်ရွက်မည်ဖြစ်ကြောင်း ပြောကြားခဲ့ပြီး လုပ်ငန်းရှင်လိုက်နာရမည့် တာဝန်များအကြောင်းကို ရှင်းလင်းအသိပေးခဲ့ပြီး စစ်ဆေးဆောင်ရွက်ခဲ့ကြောင်းသိရှိရပါသည်။

DOCA(ဧရာဝတီ)

    (၁၃.၇.၂၀၂၅) ရက်နေ့တွင် မွန်ပြည်နယ်၊ သထုံခရိုင်၊ ဘီးလင်းမြို့နယ်၊ စားသုံးသူရေးရာ  ဦးစီးဌာန၊ မြို့နယ်တာဝန်ခံရုံးမှ မြို့နယ်တာဝန်ခံနှင့် သထုံခရိုင်ဦးစီးမှူးရုံးမှ ဒုတိယဦးစီးမှူး တို့သည် ဘီးလင်းမြို့နယ်၊ အနိုင်းပွန်ကျေးရွာ စပါးစိုက်ခင်း စပါးစိုက်ပျိုးထွက်ရှိမှု အခြေအနေ တို့အား ကွင်းဆင်းလေ့လာခဲ့ပါသည်။

   ထိုသို့ ကွင်းဆင်းလေ့လာခဲ့ရာတွင် ဘီးလင်းမြို့နယ်၊ အနိုင်းပွန်ကျေးရွာရှိ စပါးစိုက် တောင်သူ  ဦးမြင့်စိုးအား တွေ့ဆုံမေးမြန်းရာတွင် စပါး(၂၀) ဧကခန့် စိုက်ပျိုးထားပြီး အဆင့်မြင့် မျိုးဖြစ်သည့် ပေါ်ဆန်း/တောင်ပျံမျိုးကို စိုက်ပျိုးထားပြီး တစ်ဧကလျှင် စပါး(၆၅)တင်းခန့် ထွက်ရှိကြောင်းနှင့် သွင်းအားစုသုံးစွဲမှုနှင့်ကုန်ကျစရိတ်အခြေအနေ၊ တောင်သူ၏ အကျိုးအမြတ် ရရှိမှုတို့အား မေးမြန်းခဲ့ရာ ယခုနှစ်သည် သွင်းအားစုစရိတ်များ အနည်းငယ်တက်လာသဖြင့် ကုန်ကျစရိတ် အနည်းငယ်တက်လာသော်လည်း အကျိုးအမြတ်ရရှိမှုမှာ တွက်ခြေကိုက်ကြောင်း လေ့လာ သိရှိရပါသည်။

 DOCA (မွန်)

   မွန်ပြည်နယ်၊ ကျိုက်ထိုခရိုင်၊ စားသုံးသူရေးရာဦးစီးဌာန၊ ကျိုက်ထိုမြို့နယ်တာဝန်ခံသည် (၁၄.၇.၂၀၂၅)ရက်နေ့ မွန်းလွှဲ (၄း၀၀) နာရီအချိန်တွင် ကျိုက်ထိုမြို့နယ်အတွင်းရှိ ဆီအရောင်း ကိုယ်စားလှယ်ထံသို့ Kaung Hlyan New Asia Co.Ltd မှ ယာဥ်အမှတ်(9B-8875)၊ ယာဥ်အမှတ်(4G-2351)၊ မော်တော်ယာဥ်ဖြင့် စားအုန်းဆီ (၄၄) ပေပါ ရောက်ရှိကြောင်း သိရှိရပါသည်။

   အဆိုပါ စားအုန်းဆီများကို စားသုံးသူရေးရာဦးစီးဌာန၊ မြို့နယ်တာဝန်ခံမှ သွားရောက် စစ်ဆေးခဲ့ပြီး ခွဲတမ်းရရှိသော စားအုန်းဆီများကို သတ်မှတ်ရည်ညွှန်းစျေးအပေါ် သယ်ယူ ပို့ဆောင်ခ ကုန်ကျစရိတ် အမြတ်၂%တို့ဖြင့် လက်လီ/လက်ကားဆိုင်များသို့ ခွဲဝေရောင်းချ သွားမည်ဖြစ်ကြောင်း လက်လီအရောင်းကိုယ်စားလှယ်များကလည်း စားသုံးသူပြည်သူများထံသို့ အမြတ် ၂%  ရယူ၍  မြို့နယ်အတွင်းရှိ ရပ်ကွက်ကျေးရွာများသို့ လှည့်လည် ရောင်းချ ပေးလျက်ရှိပါကြောင်း စားအုန်းဆီရောင်းချရန် ခွဲတမ်းရရှိသော လက်လီကိုယ်စားလှယ်များ ထံသို့ သိရှိရပါသည်။

DOCA(မွန်)