သတင်းနှင့် လှုပ်ရှားမှုများ

       စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးနှင့်ဝန်ထမ်း များက ဦးဆောင်လျက် ထန်းတပင်မြို့နယ် အထွေထွေအုပ်ချုပ်ရေးဦးစီးဌာနမှ ဒေါ်နှင်းရတနာအေး၊ ဒုဦးစီးမှူး၊ ဆီလုပ်ငန်းအသင်းမှ ဦးသန်းစိုး(တွဲဘက်အတွင်းရေးမှူး)နှင့် တာဝန်ရှိသူများ၊ စားအုန်းဆီ ဝယ်ယူဖြန့်ဖြူးရောင်းချသည့်ကုမ္ပဏီမှ တာဝန်ရှိသူများ၊ လက်ကားကိုယ်စားလှယ်များ၊ လက်လီ ကိုယ်စားလှယ်များ ပူးပေါင်း၍ (၁.၁၀.၂၀၂၅)ရက်နေ့ နေ့လယ် (၁၄:၀၀)နာရီအချိန်တွင် စားအုန်းဆီဖြန့် ဖြူးသည့်အိမ်ထောင်စုများသို့ ကွင်းဆင်းစစ်ဆေး ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာ ဆီထုတ်လက်ကား ကိုယ်စားလှယ်များမှ တစ်ဆင့်ခွဲတမ်းရရှိ သော ဆီများအား ကျောင်းကုန်းကျေးရွာအတွင်းရှိ ရပ်ကွက်နေပြည်သူများအား ဆီထုတ်ကိုယ်စားလှယ်မှ တစ်ဆင့်စားသုံးသူများထံသို့ ဖြန့်ဖြူးရောင်းချလျက်ရှိပြီး  ထိုသို့ရောင်းချရာတွင်လည်း စားအုန်းဆီ သတ်မှတ်ရည်ညွှန်းဈေး ထက်ကျော်လွန်၍ ရောင်းချမှုမရှိကြောင်း၊ ရောင်းချမှုလက်ခံ စာအုပ်များထားရှိခြင်း၊ သတ်မှတ်ရည်ညွှန်းဈေးဖြင့်သာ ရောင်းချခြင်း၊ အခြားမသမာသော နည်းလမ်း များသုံး၍ ရောင်းချမှု မရှိခြင်းနှင့် ဈေးကစားရန် ရည်ရွယ်ပြီး သိုလှောင်ထားခြင်း များမရှိကြောင်း သိရှိရပါသည်။

DOCA (ရန်ကုန်)

          စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် (၂၇.၉.၂၀၂၅ )ရက်နေ့၊ နံနက် (၁၁:၀၀)နာရီအချိန်တွင်  ဆန်စက်ပိုင်ရှင်များအသင်း ဥက္ကဌ ဦးရှု့မောင်နှင့် တွေ့ဆုံဆွေးနွေးခဲ့ကြောင်း သိရသည်။

            အသင်းအနေဖြင့် လက်ရှိတွင် အင်္ဂပူမြို့နယ်အတွင်း ကောက်စောစပါးများ စတင်ထွက်ရှိပြီးဖြစ်ရာ၊ စပါးများဝယ်ယူခြင်း၊ အခြောက်ခံစက်များဖြင့်ခြောက်ခံခြင်း၊  စပါးဟောင်းများကြိတ်ခွဲထုတ်လုပ်ခြင်း၊ ဆန်စက် အစိတ်အပိုင်းများပြင်ခြင်းခြင်းနှင့် ဈေးကွက်ရှိရာမြို့နယ်တွင်း၊ မြို့နယ်ပြင်ပများသို့ ဆန်များတင်ပို့ ရောင်းချခြင်းများဆောင်ရွက်လျက်ရှိပြီး စပါး၊ ဆန်နှင့် ထိတွေ့ဆောင်ရွက်နေသော စက်ပိုင်ရှင်များ လုပ်ငန်းဖွံ့ဖြိုးတိုးတက်ရေး ပရဟိတလုပ်ငန်းများကို တက်နိုင်သည့်အခန်းကဏ္ဍမှပူးပေါင်း၍ ဆက်လက်ဆောင်ရွက် သွားမည်ဖြစ်ပြီး စက်ပိုင်ရှင်များလုပ်ငန်းရေရှည်လည်ပတ်နိုင်စေရန် ကုန်ကြမ်းအရင်းအနှီးများ ထောက်ပံ့ပေးခြင်း၊ ဈေးကွက်ရရှိလာအောင် သက်ဆိုင်ရာအဖွဲ့အစည်းများက အကူအညီအထောက်အပံ့များပေးနိုင်ပါရန် အကြံပြုဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

       (၁.၁၀.၂၀၂၅)ရက်နေ့ နေ့လယ် (၁၅:၃၀)နာရီအချိန်တွင် စားသုံးသူရေးရာဦးစီးဌာန၊ မြောက် ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးနှင့် ဝန်ထမ်းများက ဦးဆောင်လျက် ဆီလုပ်ငန်းရှင်အသင်း မှ ဦးသန်းစိုး(တွဲဘက်အတွင်းရေးမှူး)နှင့် တာဝန်ရှိသူများ၊ သက်ဆိုင်ရာမြို့နယ်အုပ်ချုပ်ရေးမှူးများ၊ စားအုန်းဆီဝယ်ယူဖြန့်ဖြူးရောင်းချသည့်ကုမ္ပဏီမှ တာဝန်ရှိသူများ လက်ကားကိုယ်စားလှယ်များ၊ လက်လီကိုယ်စားလှယ်များပူးပေါင်း၍ စားအုန်းဆီဖြန့်ဖြူးသည့်အိမ်ထောင်စုများသို့ ကွင်းဆင်း စစ်ဆေးဆောင်ရွက်ခဲ့ပါသည်။

      ထိုသို့စစ်ဆေးရာတွင် ခရိုင်ဦးစီးမှူး ဦးလှစိုးက ထန်းတပင်မြို့နယ်၊ (၂)ရပ်ကွက်နှင့် (၁)ရပ် ကွက်အတွင်းရှိ အိမ်ထောင်စုများအား စားအုန်းဆီရောင်းချရာတွင် စားအုန်းဆီသတ်မှတ်ရည်ညွှန်း ဈေးထက်ကျော်လွန်၍ ရောင်းချမှုမရှိကြောင်း ရောင်းချမှုလက်ခံစာအုပ်များထားရှိခြင်း၊ စားအုန်းဆီ ဝယ်ယူခွင့်စာအုပ်များဖြင့် တစ်ကြိမ်လျှင် တစ်အိမ်ထောင်(၅၀)ကျပ်သားရောင်းချပြီး သတ်မှတ် ရည်ညွှန်းဈေးဖြင့်သာ ရောင်းချလျက်ရှိကြောင်း စားအုန်းဆီရရှိမှုအခြေအနေတို့ကို ကွင်းဆင်း စစ်ဆေးခဲ့ကြောင်း သိရှိရပါသည်။

DOCA (ရန်ကုန်)

      စားသုံးသူရေးရာဦးစီးဌာန၊ ရန်ကုန်မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်း(၄) ဦး၊ မြို့နယ်အထွေထွေအုပ်ချုပ်ရေးဦးစီးဌာန၊ မြန်မာနိုင်ငံဆီကုန်သည်နှင့်ဆီလုပ်ငန်း ရှင်များအသင်း နှင့် သက်ဆိုင်ရာဆီကုမ္ပဏီမှ တာဝန်ခံများပါဝင်သော ပူးပေါင်းအဖွဲ့သည် (၁.၁၀.၂၀၂၅)ရက်နေ့ နေ့လယ် (၁၅:၀၀)နာရီအချိန်တွင် ထန်းတပင်မြို့နယ်၊ ရခိုင်ရိုးကြီး ကျေးရွာအုပ်စုရှိ ရခိုင်ရိုးကြီး ကျေးရွာနှင့် ရခိုင်ရိုးလေးကျေးရွာနေ ပြည်သူများအား စားအုန်း ဆီဝယ်ယူခွင့်စာအုပ်များဖြင့် ခွဲတမ်းရ စားအုန်းဆီကိုယ်စားလှယ်များမှတစ်ဆင့် ဆီဖြန့်ဖြူးရောင်းချနေမှုများအား မြေပြင်ကွင်းဆင်းစစ်ဆေး ခြင်းကို ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာ ဆီထုတ်လက်ကားကိုယ်စားလှယ်များမှ ခွဲတမ်းရရှိသော ဆီများအား လက်လီကိုယ်စားလှယ်များမှတစ်ဆင့် ကျေးရွာနေပြည်သူများထံသို့ ဖြန့်ဖြူးရောင်းချ ပေးလျက်ရှိပြီး ထိုသို့ရောင်းချရာတွင်လည်း စားအုန်းဆီများအား သတ်မှတ်ရည်ညွှန်းဈေးထက် ကျော်လွန် ရောင်းချမှုရှိ/မရှိ၊ ဆီထုတ်ယူခွင့်မှတ်တမ်းစာအုပ်များ ထားရှိမှုအခြေအနေ၊ စားသုံးသူများထံသို့ အမှန်တကယ်ရောင်းချမှုနှင့်အခြားမသမာသောနည်းလမ်းများဖြင့် ရောင်းချမှု ရှိ/မရှိ အခြေအနေများအား စစ်ဆေးခဲ့ကြောင်း သိရှိရပါသည်။

DOCA (ရန်ကုန်)

          စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် (၂၇-၉-၂၀၂၅ )ရက်နေ့၊ နေ့လယ် (၁၄:၃၀)မိနစ်အချိန်တွင် သက်ဆိုင်ရာဌာနဆိုင်ရာများနှင့် ပူးပေါင်း၍ ဇလွန်မြို့နယ်အတွင်းရှိ ဘိလပ်မြေအရောင်းဆိုင်များတွင် ဈေးနှုန်းမြှင့်တင်ရောင်းချမှုရှိ/ မရှိအား ကွင်းဆင်းစစ်ဆေးခြင်းကို ဆောင်ရွက်ခဲ့ပါသည်။

          ထိုသို့ကွင်းဆင်းရာတွင် ဇလွန်မြို့နယ်အတွင်းရှိ ဘိလပ်မြေအရောင်းဆိုင် (၃)ဆိုင်အား သွားရောက်စစ်ဆေးခဲ့ရာ အိမ်ဆောက်ရာတွင်အသုံးပြုသော ဘိလပ်မြေ၊ သွပ်၊ သံ၊ ကျောက်၊ အုတ်၊ သဲ ပစ္စည်းများအား ဝယ်ယူရရှိသည့် ဈေးပေါ်မူတည်၍  သယ်ယူစရိတ်၊ လုပ်သားခအပါအဝင် သင့်တင့်မျှတသော ဈေးနှုန်းဖြင့်သာ ရောင်းချလျက်ရှိကြောင်းတွေ့ရှိရပါသည်။ ယခုအချိန်မှာ ပွင့်လင်းရာသီရောက်ရှိလာပြီး အဆောက်အဦးဆောက်လုပ်ခြင်းလုပ်ငန်းများ ပြန်လည်လည်ပတ်နေခြင်းကြောင့် ဝယ်လိုအားကောင်းလာခြင်းနှင့် သယ်ယူစရိတ်အနည်းငယ်ဈေးတက်လာခြင်းတို့ကြောင့် တချို့ဆိုင်များတွင် ဈေးနှုန်းအနည်းငယ် မြင့်တက်လျက်ရှိကြောင်းနှင့် Crown တစ်အိတ်လျှင် (၂၅၀၀ဝိ/-) ကျပ်၊ အုတ်တစ်လုံးလျှင် (၃၂ဝိ/-)ကျပ်၊ သံတစ်တန်လျှင် (၂၀၀၀၀၀ဝိ/-)ကျပ်ဈေး တို့ဖြင့် အရောင်းအဝယ် ဖြစ်လျက်ရှိကြောင်း ဈေးကွက်စောင့်ကြည့်စစ်ဆေးခြင်းဖြင့် သိရှိရပါသည်။

DOCA(ဧရာဝတီ)