သတင်းနှင့် လှုပ်ရှားမှုများ

မကွေးတိုင်းဒေသကြီးအတွင်း စပါး ဝယ်ယူ၊ သိုလှောင်၊ ကြိတ်ခွဲ၊ ရောင်းချသည့်လုပ်ငန်းများ မှန်ကန်မြန်ဆန်စွာ ဆောင်ရွက်နိုင်ရေး၊ သယ်ယူပို့ဆောင်မှုလုပ်ငန်းများ ဆောင်ရွက်ရာတွင် မလို လားအပ်သော အဟန့်အတားများ၊ ကြန့်ကြာမှုများ မဖြစ်ပေါ်စေရေး ထိန်းကျောင်းဆောင်ရွက်နိုင်ရန် ရည်ရွယ်၍ မကွေးတိုင်းဒေသကြီး ဆန်စပါးလုပ်ငန်းကြီးကြပ်ရေးအဖွဲ့ (၂/၂၀၂၅)ကြိမ်မြောက် လုပ်ငန်း ညှိနှိုင်းအစည်းအဝေးကို ၂၀၂၅ ခုနှစ်၊ အောက်တိုဘာလ ၁၀ ရက်နေ့၊နံနက် (၁၀:၃၀)နာရီ အချိန်တွင် စားသုံးသူရေးရာဦးစီးဌာန၊ မကွေးတိုင်းဒေသကြီးဦးစီးမှူးရုံး အစည်းအဝေးခန်းမ၌ ဥက္ကဌ မကွေးတိုင်း ဒေသကြီးအစိုးရအဖွဲ့ စီးပွားရေးရာဝန်ကြီးမှ ဦးဆောင်၍ ဆန်စပါးလုပ်ငန်း ကြီးကြပ်ရေးအဖွဲ့ဝင် များနှင့်အတူ ကျင်းပဆောင်ရွက်ခဲ့ပါသည်။

          အဆိုပါ လုပ်ငန်းညှိနှိုင်းအစည်းအဝေးတွင် မကွေးတိုင်းဒေသကြီး ဆန်စပါးလုပ်ငန်း ကြီးကြပ် ရေးအဖွဲ့ ဥက္ကဌ မကွေးတိုင်းဒေသကြီးအစိုးရအဖွဲ့ စီးပွားရေးရာဝန်ကြီးက မကွေးတိုင်း ဒေသကြီးသည် ဆန်လိုတိုင်းဒေသကြီး တစ်တိုင်းဖြစ်ပြီး ဆန်ဖူလုံမှုအနေဖြင့် ၇၃ ရာခိုင်နှုန်းခန့်သာရှိသည့်အတွက် လိုအပ်သည့် ဆန်များကို ဧရာဝတီ၊ စစ်ကိုင်း၊ ရန်ကုန်နဲ့ မန္တလေးတိုင်းတို့မှ  မှာယူစားသုံးရပြီး တိုင်းဒေသကြီးအတွင်းမှ ထွက်ရှိသည့် ဧရာပဒေသာဆန်ကို မန္တလေး၊ နေပြည်တော်၊ ရန်ကုန် တိုင်းဒေသကြီးသို့ တင်ပို့လျက်ရှိပြီး လက်ရှိအခြေအနေတွင် တိုင်းဒေသကြီး အတွင်းမှ ဆန်တင် ပို့မှုအတွက်  ဆန်ကုန်သည်အသင်း ဥက္ကဌနှင့် ဆန်စက်ပိုင်ရှင်များအသင်း ဥက္ကဌ တို့၏ ထောက်ခံ ချက်ဖြင့် မျှောစာများ ထုတ်ပေးပြီး တင်ပို့လျက်ရှိရာ အခက်အခဲများ ရှိပါက အစည်းအဝေးတွင် ပွင့်ပွင့် လင်းလင်း တင်ပြစေလိုကြောင်း ပြောကြားခဲ့ပါတယ်။

          ဆက်လက်၍ မကွေးတိုင်းဒေသကြီး ဆန်စပါးလုပ်ငန်းကြီးကြပ်ရေးအဖွဲ့ အတွင်းရေးမှူး၊ စားသုံးသူရေးရာဦးစီးဌာန တိုင်းဒေသကြီးဦးစီးမှူးက ဆန်စပါးသိုလှောင်မှု လုပ်ငန်းများ၊ သိုလှောင်မှု အခြေအနေများကိုလည်း စနစ်တကျ မှတ်ပုံတင်ထိန်းကျောင်းဆောင်ရွက်စေခဲ့ရာ မကွေးတိုင်းဒေသကြီးအတွင်း  သိုလှောင်ရုံ (၂၅၅)လုံး တွင် မှတ်ပုံတင်ထားလျက်ရှိပြီး (၅၈)လုံးသာလျှင်  လစဉ် ကုန်ထုတ်စာရင်းများ ရေးသွင်းထားသည်ကို စိစစ်တွေ့ရှိရသည့်အတွက် ကုန်ရ

 သိုလှောင်ရုံအားလုံး စာရင်းရေးသွင်းသွားရန်ကိုလည်း ယခုထက် ပိုမို စိစစ်ကြပ်မတ်သွားမည်ဖြစ်ပါကြောင်း၊ စပါးဆန် ဈေးနှုန်းများ တည်ငြိမ်စေရေးအတွက် စပါးများ ဝယ်ယူစုဆောင်းခြင်းလုပ်ငန်းများ ဆောင်ရွက်ရာတွင် စပါးပွဲစား (ကြားပွဲစား)များအား ထိန်းကျောင်းနိုင်ရန် ကြားပွဲစားစိစစ်ရေးကတ်များ ထုတ်ပေးပြီး လုပ်ငန်းတာဝန်များကိုလည်း သတ်မှတ်ပေးထားခဲ့ရာ မကွေးတိုင်းဒေသကြီးအနေဖြင့် ပထမဆုံး ဆောင်ရွက်ခဲ့သည့် တိုင်းဒေသကြီးတစ်တိုင်းဖြစ်ပြီး ကြားပွဲစားစိစစ်ရေးကတ် (၃၅၄)ကတ် ထုတ်ပေးထားပြီး၊တစ်နှစ်သက်တမ်းပြည့်ပြီးဖြစ်သည့်ကြားပွဲစားများအား မှတ်ပုံတင် သက်တမ်းတိုးဆောင်ရွက်စေရေး လမ်းညွှန်မှာကြားထားပြီးဖြစ်ပါကြောင်း၊ ဆန်စပါးလုပ်ငန်း ကြီးကြပ်ရေးအဖွဲ့သို့ ဆန်စပါးနှင့်ပတ်သက်၍ အမှာစာ(၆)စောင်အားဖတ်ကြား၍ အတည်ပြုချက်ရယူကာမကွေး တိုင်းဒေသကြီး ဆန်စပါးလုပ်ငန်းကြီးကြပ်ရေးအဖွဲ့(၂/၂၀၂၅)ကြိမ်မြောက်လုပ်ငန်းညှိနှိုင်းအစည်းအဝေးတွင်ဆုံးဖြတ်ချက် (၁၃)ချက်အား ချမှတ်ခဲ့ကြပြီး အစည်းအဝေးကို နေ့လယ်(၁၀:၃၀)နာရီအချိန်တွင် ရုတ်သိမ်းခဲ့ကြောင်း သိရှိရပါသည်။

DOCA(မကွေး)   

    စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပြဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသား ဖေါ်ပြထားမှုအခြေအနေ တို့နှင့် စပ်လျဉ်း၍ သက်ဆိုင်ရာ မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်း လုပ်ငန်းများဆောင်ရွက်လျက်ရှိရာ ၂၀၂၅ ခုနှစ်၊ စက်တ်ဘာလအတွင်းတွင် ပြည်ခရိုင်၊ ပြည်မြို့နယ်တွင် ဘုရင့်နောင်လမ်းမကြီး၊ နဝဒေးလမ်းဆုံရှိ “သပြေ” သောက်ရေသန့် လုပ်ငန်းသို့လည်းကောင်း၊ ဈေးကြီး(၅)ရုံရှိ “ပြည့်ကျော်” ကရေကရာလုပ်ငန်းသို့လည်းကောင်း၊ သိမ်လမ်း၊ အမှတ်(၆၂၃)၊ ဆင်စုရပ်ကွက်ရှိ “မြင်းပျံ” ဖျော်ရည်လုပ်ငန်း သို့လည်းကောင်း၊ (၁၄)လမ်း၊ အောင်ဆန်းပြည်သာယာရပ်ကွက်၊ အပိုင်း(၃)ရှိ “အောင်ကမ္ဘာ” မလိုင်လုံးလုပ်ငန်းသို့လည်းကောင်း၊ အမှတ်(၂၁)၊ F လမ်း၊ အောင်ဆန်းပြည်သာယာရပ်ကွက်ရှိ “ရွှေမြင့်မိုရ်” ချက်နို့ဆီလုပ်ငန်း သို့လည်းကောင်း၊ မအူရွာ၊ ဆင်စုရပ်ကွက်ရှိ “ကောင်းသန့်”မလိုင်လုံး လုပ်ငန်းသို့လည်းကောင်း၊ အောင်ဆန်းတိုးချဲ့ရပ်ကွက်ရှိ “ပေါက်ကြီး” ပေါင်မုန့်လုပ်ငန်း သို့လည်းကောင်း၊ အောင်ဆန်း ပြည်သာယာရပ်ကွက်ရှိ “အက်ရှင်” ငှက်သိုက်လုပ်ငန်းသို့လည်းကောင်း၊ သို့လည်းကောင်း သက်ဆိုင်ရာ မြို့နယ်တာဝန်ခံနှင့်ဝန်ထမ်း များသည်သွားရောက်၍ ဈေးကွက်မရောက်မီ ကုန်စည်များတွင် ကုန်အညွှန်း အမှတ်အသားပါ သတ်မှတ် ချက်များနှင့် ကိုက်ညီမှုရှိသော ကုန်စည် များကို တင်သွင်း ရောင်းချခြင်း ရှိ/မရှိ၊ သက်ဆိုင်ရာဌာန၏ ထောက်ခံမှု ရှိ/မရှိ ဈေးကွက် စောင့်ကြည့်စစ်ဆေး ခဲ့ပါကြောင်းနှင့် စောင့်ကြည့် စစ်ဆေးခဲ့သည့် ကုန်စည်များတွင် ကုန်အညွှန်း အမှတ်အသား ဖေါ်ပြချက်များနှင့် ကိုက်ညီမှုရှိပါ ကြောင်း သတင်းရရှိပါသည်။

DOCA(ပဲခူး)

    စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်ချက်အရ စားသုံးသူများ အားလုံးသည် ကုန်စည်နှင့် ဝန်ဆောင်မှုများအသုံးပြုရာတွင် ဘေးအန္တရာယ်ကင်းရှင်းစွာသုံးစွဲနိုင်ရေး အတွက် ခရိုင်အတွင်းရှိ  ထုတ်လုပ်လျှက်ရှိသော ကုန်စည်များနှင့်စပ်လျဉ်း၍ အာမခံချက်ပေးခြင်းနှင့် ကုန်အညွှန်းအမှတ် အသားများ ပြည့်စုံမှန်ကန်စွာဖေါ်ပြမှုရှိစေရေး ရည်ရွယ်၍ ဆောင်ရွက်လျှက် ရှိရာ ၂၀၂၅ ခုနှစ်၊ စက်တင်ဘာလအတွင်း၌  ပြည်ခရိုင်တွင် မြို့သစ်ရပ်ကွက်၊ ဈေးလမ်းရှိ ဦးထက်လင်း‌အောင်၏ “ထက်လင်း” ဆန်ရောင်းဝယ်ရေး လုပ်ငန်း၊ ဒေါ်ကြည်စန်း၏ “KTT”ဆန်ရောင်းဝယ်ရေး လုပ်ငန်းသို့လည်းကောင်း၊ မြို့သစ်ရပ်ကွက် (၆/၄)ကွက် ၊ ဒေါ်ယုယုနိုင်၏ “မြတ်ကြယ်စင်” ဆေးဆိုင်သို့လည်းကောင်း၊ ရွှေတောင်မြို့နယ်တွင် ကြာနီကန်ရပ်ကွက် ကင်ပွန်းခြုံလမ်းရှိ ဒေါ်ခင်မာဝင်း၏ “လင်းရောင်ခြည်” ယိုမျိုးစုံလုပ်ငန်းသို့လည်းကောင်း၊ ကြာနီကန်ရပ်ကွက်၊ ရန်ကုန်-ပြည်လမ်းရှိ ဦးမျိုးအောင်၏ “သရဖူ”ဆန်စက်သို့လည်းကောင်း၊ ပန်းတောင်းမြို့နယ်တွင် ဥသျှစ်ပင်ဒေသရှိ ဒေါ်ကြည်ကြည်လှိုင်၏ “ထက်အောင်” ဆန်ရောင်းဝယ်ရေး၊ ဦးကိုလေး၏ “အောင်မာဃ" အိမ်ဆောက်ပစ္စည်းဆိုင် လုပ်ငန်းသို့လည်းကောင်း၊ ဦးဇော်မိုးနိုင်၏ “ဆေးနန်းတော်”ဆေးဆိုင်သို့ လည်းကောင်း၊ ဒေါ်ဝင်းဥမ္မာ ဆန်ဆိုင်သို့လည်းကောင်း၊ ဦးတင်နိုင်ဝင်း၏ “သုခပြည့်စုံ” စိုက်ပျိုးရေးဆေးဆိုင် လုပ်ငန်းသို့လည်းကောင်း၊ ဦးမြတ်မိုးကျော်၏ “မိဘဂုဏ်ရည်” ဆေးဆိုင်သို့ လည်းကောင်း၊ ပေါက်ခေါင်းမြို့တွင် အမှတ်(၅)ရပ်ကွက်ရှိ ဦးစိုးနိုင်၏ ဆန်ဆိုင်လုပ်ငန်းသို့လည်းကောင်း၊ သက်ဆိုင်ရာမြို့နယ် တာဝန်ခံနှင့် ဝန်ထမ်းများသည် သွားရောက်၍ မိမိတို့ ဖြန့်ဖြူးရောင်းချ လျက်ရှိသောကုန်စည်များတွင် အရည်အသွေး၊ အလေးချိန်၊ အချိန်အတွယ်၊ ပမာဏနှင့် အမျိုးအစားများ မှန်ကန်စွာဖြန့်ဖြူး ရောင်းချမှုရှိစေရေး၊ စီးပွားရေးကျင့်ဝတ်၊ စည်းကမ်း နှင့်အညီ ထုတ်လုပ် ရောင်းချ မှုရှိစေရေး၊ ကုန်စည်အလိုက် ဖေါ်ပြရမည့် ကုန်အညွှန်း အမှတ်အသား များ၊ ပြည့်စုံမှန်ကန်စွာ ဖေါ်ပြ မှုရှိစေရေး လိုက်နာဆောင်ရွက်ကြရန်နှင့် နောက်ပိုင်း ကာလများတွင် ကွင်းဆင်းစစ်ဆေးမှုများနှင့် အတူ အရေးယူဆောင်ရွက်မှုများပြုလုပ် ဆောင်ရွက်သွားမှာဖြစ်သည့် အတွက် စီးပွားရေးလုပ်ငန်းရှင်များ အနေဖြင့် အထူးအလေးထား လိုက်နာ ဆောင်ရွက်ကြရန် ရှင်းလင်းဆွေးနွေး ပြောကြားခဲ့ကြောင်း သတင်းရရှိပါသည်။

DOCA(ပဲခူး)

    ပဲခူးတိုင်းဒေသကြီး၊ သာယာဝတီခရိုင်၊ စားသုံးသူရေးရာဦးစီးဌာန အုတ်ဖိုမြို့နယ်တာဝန်ခံရုံးမှ စစ်ဆေးရေးအရာရှိ ဦးအေးဇော်ထိုက် ပါဝင်သော ပူးပေါင်းအဖွဲ့သည်(၈.၁၀.၂၀၂၅) နံနက်(၁၀:၀၀) အချိန်တွင်  အုတ်ဖိုမြို့နယ်အတွင်း တိုင်းရင်းဆေးများရောင်းချသော ငွေမိုးဆေးဆိုင်နှင့်ရွှေနှင်းဆီ ဆေးဆိုင်များသို့ ဝင်ရောက်စစ်ဆေးခဲ့ပါသည်။စစ်ဆေးတွေ့ရှိချက်များအရ တိုင်းရင်းဆေးဝါးရောင်းချ သည့် ဆိုင်များသည် ဆေးဝါးရောင်းချခွင့် မှတ်ပုံတင်ထားရှိပြီး စားသုံးသူကာကွယ်ရေး ဥပဒေပါ ကုန်အညွှန်းအမှတ်အသားများ ပြည့်စုံစွာ ပါရှိပါကြောင်း တွေ့ရှိရပါသည်။

DOCA(ပဲခူး)

     ဧရာဝတီတိုင်ဒေသကြီးသည် နှစ်စဉ် မိုး၊နွေစပါးစိုက်ဧက ၅၂ သိန်းကျော် စိုက်ပျိုးလျှက်ရှိပြီး ဒေသတွင်း စားသုံးမှုဖူလုံရုံသာမက ပိုလျှံသည့် ဆန်၊ဆန်ထွက်ပစ္စည်းများကို ဆန်လိုသည့်တိုင်းများနှင့် ပြည်ပသို့လည်း နှစ်စဉ်တင်ပို့ရောင်းချလျက်ရှိနေပါသည်။

    တိုင်းဒေသကြီးအတွင်း မှလယ်ယာထွက်ကုန် သီးနှံများကို ပြည်ပသို့ တိုက်ရိုက်တင်ပို့၍ ပို့ကုန်(၂)ဆ တိုးမြှင့်နိုင်ရေးဆောင်ရွက်လျက်ရှိရာ ၂၀၂၄/၂၀၂၅ ဧပြီလမှ စက်တင်ဘာလအထိ ပြည်ပသို့ ဆန်တန် ၁၄၀၈၅၉ တင်ပို့ခဲ့ရာ ၂၀၂၅/ ၂၀၂၆ ဘဏ္ဍာနှစ်တွင် ဧပြီလမှ စက်တင်ဘာလအထိ ဆန်တန် ၁၄၁၇၃၆ တင်ပို့နိုင်ခဲ့ပြီး ယခင်နှစ်နှင့် ယခုနှစ် ကာလနှိုင်းယှဉ်ပါက ဆန်တန် ၈၇၇ တန်ပိုမိုတင်ပို့နိုင်ခဲ့ကြောင်း သိရသည်။

     ပြည်ပနိုင်ငံများသို့ ဆန်ကွဲတင်ပို့မှုမှာ ၂၀၂၄/၂၀၂၅ ဘဏ္ဍာနှစ် ဧပြီလမှ စက်တင်ဘာလအထိ အတွင်း တန်ချိန် ၆၁၃၅၂၈ တင်ပို့ခဲ့ပြီး ၂၀၂၅/၂၀၂၆ ခုနှစ် ဧပြီလမှ စက်တင်ဘာလအတွင်း ဆန်ကွဲတန်ချိန် ၆၁၈၇၅ တန်ပိုမိုတင်ပို့နိုင်သည့်အတွက် ယခင်နှစ်နှင့် ယခုနှစ်ကာလတူဆန်ကွဲတန် ၅၂၃ ပိုမိုတင်ပို့နိုင်ခဲ့ကြောင်း သိရသည်။

DOCA(ဧရာဝတီ)