သတင်းနှင့် လှုပ်ရှားမှုများ

      ၁၇.၁၀.၂၀၂၅ ရက်နေ့တွင်    မွန်ပြည်နယ် ဘီးလင်းမြို့နယ်တွင် မွေးမြူရေးနှင့် ကုသရေး ဦးစီးဌာနမှ ခွေးရူးရောဂါ အသိပညာပေး ဟောပြောပွဲကို ယနေ့ နံနက်ပိုင်းက ဘီးလင်းမြို့၊ အ.ထ.က(ခွဲ) လိပ်ခုံးကြီး ကျောင်း၌ ကျင်းပပြုလုပ်သည်။

            ရှေးဦးစွာ ဘီးလင်းမြို့နယ် မွေးမြူရေးနှင့်ကုသရေးဦးစီးဌာနမှ မြို့နယ်ဦးစီးမှူး ဒေါက်တာ နှင်းဝေမျိုးနိုင်က ခွေးရူးရောဂါအကြောင်း သိကောင်းစရာများနှင့် ကြိုတင် ကာကွယ်ရေးနည်းလမ်းများကို အသိပညာပေး ဟောပြောခဲ့သည်။

    ထို့နောက် ဟောပြောပွဲသို့တက်ရောက်လာကြသော ကျောင်းသား၊ကျောင်းသူများအား မြို့နယ်မွေးမြူရေးနှင့် ကုသရေးဦးစီးဌာန ဝန်ထမ်းများက ခွေးရူးရောဂါ ကာကွယ်ရေးအသိ ပညာပေး လက်ကမ်းစာစောင်များကို အခမဲ့ဖြန့်ဝေပေးခဲ့ကြသည်။ ဆက်လက်၍ အာဟာရ နွားနို့တိုက်ကျွေးခြင်းကို ကျင်းပပြုလုပ်ရာ K.G တန်းမှ Grade (2) အထိ ကျောင်းသား၊ ကျောင်းသူ (၂၃၀) ဦးတို့အား  မွေးမြူရေးနှင့်ကုသရေးဦးစီးဌာနမှ မြို့နယ်ဦးစီးမှူးနှင့် ဝန်ထမ်းများ ၊ ကျောင်းအုပ်ဆရာမကြီး နှင့်ဆရာ၊ ဆရာမများက အာဟာရနွားနို့များကို တိုက်ကျွေးခဲ့ကြကြောင်းသိရသည်။

         DOCA (မွန်)

              စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှစစ်ဆေးရေးအရာရှိ ဦးသိန်းထွန်း နှင့်ဝန်ထမ်းများသည် (၂၂.၁၀.၂၀၂၅) ရက်နေ့ ၊ နေ့လယ် (၁၃:၀၀)နာရီအချိန်တွင် ပိုးအိမေမေ Online Shop မှ “စားသောက်ကုန်ပစ္စည်းများ”အား အမှတ်(၁၃၆)၊ သိင်္ဂီ(၄)လမ်း၊ (၅)ရပ်ကွက်၊  သာကေတမြို့နယ်သို့ သွားရောက်၍ Online Sale မှတ်ပုံတင်မြေပြင်စစ်ဆေး ခြင်းဆိုင်ရာ အချက်အလက်များကိုက်ညီမှုရှိ/မရှိကို စစ်ဆေးခဲ့ကြောင်းသိရှိရပါ သည်။

          ကွင်းဆင်းစစ်ဆေးရာတွင် စစ်ဆေးရေးအရာရှိက အွန်လိုင်းစနစ်နဲ့ ရောင်းချခြင်းလုပ်ငန်း နှင့်ပတ်သက်၍ မြေပြင်စစ်ဆေးရမည့် အချက်(၁၈) ချက်နှင့် ကိုက်ညီမှု ရှိ/မရှိ စစ်ဆေးခြင်း နှင့် အွန်လိုင်းစနစ်နှင့်ရောင်းချခြင်းလုပ်ငန်းလုပ်ကိုင်ခြင်းကို အရေးကြီးကုန်စည်ဝန်ဆောင်မှုဥပဒေ အဖြစ် သတ်မှတ်ထားခြင်းဖြစ်ကြောင်းနှင့် စီးပွားရေးလုပ်ငန်းရှင်အား စားသုံးသူကာကွယ်ရေးဥပ‌ ဒေပါ စီးပွားရေးလုပ်ငန်းရှင်၏တာဝန်များအတိုင်း လိုက်နာဆောင်ရွက်စေလိုကြောင်း အသိပေး ပြောကြားခဲ့ကြောင်း သိရှိရပါသည်။

DOCA (ရန်ကုန်)

   ပဲခူးတိုင်းဒေသကြီး၊ ဇီးကုန်းမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ ကျောင်းသား/ ကျောင်းသူများ အသိပညာဗဟုသုတတိုးပွားလာစေရန်နှင့် စားသုံးသူကာကွယ်ရေးလုပ်ငန်းများ သိရှိလိုက်နာလာစေရန် အသိပညာပေး ကွင်းဆင်းဆောင်ရွက်ခြင်းအား  (၁၄.၁၀.၂၀၂၅)ရက် နေ့လယ်  (၁၃;၀၀)နာရီတွင် ဝက်ကော် အခြေခံပညာအလယ်တန်းကျောင်း(ခွဲ) ၌ ကျင်းပခဲ့ပါသည်။

          ရှေးဦးစွာ ကျောင်းအုပ်ဆရာကြီး ဦးမြင့်ဆွေက  အဖွင့်အမှာစကား ပြောကြားပြီး စားသုံးသူ   ရေးရာ ဦးစီးဌာနမြို့နယ်တာဝန်ခံ  ဒေါ်မြင့်မြင့်ခင်က စားသုံသူကာကွယ်ရေးဆိုင်ရာ  စားသုံးသူ အခွင့်အရေးနှင့် တာဝန်များ၊ ကုန်အညွှန်းအမှတ်အသားများအား ကုန်စည်တိုင်းတွင် ပြည့်စုံစွာဖော်ပြ ပါရှိရေး စားသုံးရန်မသင့်သောအစားအစာများ သတင်းအချက်အလက်များကိုလေ့လာ၍ ရွေးချယ်  ဝယ်ယူစားသောက်နိုင်ရန် အသိပညာပေးဟောပြောခဲ့ပါသည်။ ဆက်လက်၍ မြို့နယ် ပြန်ကြားရေး   နှင့် ပြန်ကြားရေးဦးစီးဌာန ဦးစီးအရာရှိ ဒေါ်မာမာဦးက စာဖတ်ခြင်းဖြင့်ရရှိမည့် အကျိုးကျေးဇူးများ   ကိုလည်းကောင်း ၊ ဒုဦးစီးမှူး ဒေါ်ရီရီမြင့်မှ ပုံပြင်စာအုပ်များဖတ်ပြခြင်းဖြင့် ကလေးငယ်များ စိတ်ပျော်ရွင်မှု ရင်းနှီးရိုင်းပင်းစွာ နေထိုင်နိုင်မှု များရရှိလာစေရန်ပြောကြားခဲ့ပါသည်။

          ထိုနောက် ကျောင်းသူ၊ ကျောင်းသားများအား နံရံကပ်စာစောင်များဖြင့် စာအုပ်စာပေ ဖတ်ကြစို့ခေါင်းစဉ်ဖြင့်  ပြန်ကြားရေးနှင့်ပြည်သူ့ဆက်ဆံရေးဌာနမှ ပြသဖတ်ရူစေ၍ အသိပညာပေး  ဟောပြောမှုအားပူးပေါင်းဆောင်ရွက်ခဲ့ပါသည်။

DOCA(ပဲခူး)

   ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ် မူလတန်းကျောင်း၌ (၁၆.၁၀.၂၀၂၅)ရက်နေ့ နံနက် (၁၀;၀၀)နာရီတွင် စားသုံးသူရေးရာ ဦးစီးဌာန ဝန်ထမ်းများနှင့် မြို့နယ်ပြန်ကြားရေးနှင့် ပြည်သူဆက်ဆံရေးဦးစီးဌာန ဝန်ထမ်းများနှင့် ပူပေါင်း၍ အသိပညာပေးဟောပြောဆွေးနွေးခြင်းပြုလုပ်ခဲ့ပါသည်။

          ထိုသို့ ဟောပြော ဆွေးနွေးရာတွင် စားသုံးသူရေးရာဦးစီးဌာန မြို့နယ်တာဝန်ခံ ဒေါ်အေးအေးဆွေက  စားသုံးသူကွယ်ရေး ဥပဒေပါ စားသုံးသူအခွင့် အရေးနှင့် တာဝန်များ၊ နစ်နာဆုံးရှုံးမှုများ ရှိပါကတိုင်ကြားနိုင်သည့် နည်းလမ်းများ၊ ကုန်ညွှန်းအမှတ်အသား ဖေါ်ပြခြင်းနှင့်ပတ်သက်၍ပုဒ်မ ၄၁။ (ခ)နှင့် (ဆ)တို့တွင် ဖော်ပြထားသည့် ကုန်စည်အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာဘေးထွက်ဆိုးကျိုး သိုမဟုတ် ဓာတ်မတည့်ကြောင်း ဖော်ပြချက်နှင့် ကြိုတင်သတိပေးချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သိုမဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည် ဖြစ်ကြောင်း ဆွေနွေး ဟောပြောခဲ့ပါသည်။ ဆက်လက်၍ မြို့နယ်ပြန်ကြားရေးနှင့် ပြည်သူဆက်ဆံရေးဦးစီးဌာန  ဦးစီးမှူး ဒေါ်ခင်သူဇာဝင်းက လူငယ်ရေးရာ အသိပညာပေး ခေါင်းစဉ်ဖြင့် ဟောပြောခဲ့ပြီး နံရပ်ကပ်စာဆောင်များဖြင့်လည်းရှင်လင်းပြသခဲ့ရာ ဆရာ/ဆရာမ နှင့် ကျောင်းသားကျောင်းသူ (၂၀၀)ဦးတက်ရောက်ခဲ့ကြောင်းသိရပါသည်။

DOCA(ပဲခူး)

  ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ် အေးငြိမ်းသာမြို့သစ် မူလတန်းကျောင်း၌ (၁၄.၁၀.၂၀၂၅)ရက်နေ့ နေ့လယ် (၁း၀၀)နာရီတွင် စားသုံးသူရေးရာ ဦးစီးဌာန ဝန်ထမ်းများနှင့် မြို့နယ်ပြန်ကြားရေးနှင့် ပြည်သူဆက်ဆံရေးဦးစီးဌာန ဝန်ထမ်းများနှင့် ပူးပေါင်း၍ အသိပညာပေးဟောပြောဆွေးနွေးခြင်းပြုလုပ်ခဲ့ပါသည်။

    ထိုသို့ ဟောပြောဆွေးနွေးရာတွင် စားသုံးသူရေးရာဦးစီးဌာန မြို့နယ်တာဝန်ခံ ဒေါ်အေးအေးဆွေက  စားသုံးသူကွယ်ရေး ဥပဒေပါ စားသုံးသူအခွင့် အရေးနှင့် တာဝန်များ၊ နစ်နာ ဆုံးရှုံးမှုများ ရှိပါကတိုင်ကြားနိုင်သည့် နည်းလမ်းများ၊ ကုန်ညွှန်းအမှတ်အသား ဖေါ်ပြခြင်းနှင့် ပတ်သက်၍ ဆွေနွေးဟောပြောခဲ့ပါသည်။ ဆက်လက်၍ မြို့နယ်ပြန်ကြားရေးနှင့် ပြည်သူ ဆက်ဆံရေးဦးစီးဌာန  ဦးစီးအရာရှိ ဒေါ်ခင်သူဇာဝင်းက လူငယ်ရေးရာ အသိပညာပေး ခေါင်းစဉ်ဖြင့် ဟောပြောခဲ့ပြီး နံရပ်ကပ်စာဆောင်များဖြင့်လည်းရှင်လင်းပြသခဲ့ရာ ဆရာ/ဆရာမ နှင့် ကျောင်းသား/ ကျောင်းသူ (၁၀၅)ဦးတက်ရောက်ခဲ့ကြောင်းသိရပါသည်။

DOCA(ပဲခူး)