ပြည်ခရိုင်အတွင်း စားအုန်းဆီဖြန့်ဖြူးရောင်းချသည့် လက်လီဆိုင်များအား ကွင်းဆင်းကြီးကြပ်စစ်ဆေးခြင်းများဆောင်ရွက်

            ပြည်ခရိုင်အတွင်း ခွဲတမ်းရစားအုန်းဆီများ ဖြန့်ဖြူးရောင်းချလျက်ရှိသော  လက်ကားကိုယ်စား လှယ်များနှင့်ပူးပေါင်း၍ ၎င်းတို့ဖြန့်ဖြူးထားသော သက်ဆိုင်ရာမြို့နယ်အလိုက် လက်လီအရောင်းဆိုင် များသို့ ကွင်းဆင်းကြီးကြပ်စစ်ဆေးခြင်းများဆောင်ရွက်ခဲ့ပါသည်။ (၉.၃.၂၀၂၆)ရက်နေ့တွင် ရွှေတောင် မြို့နယ်မှ လက်လီအရောင်းဆိုင်များအား လည်းကောင်း၊ (၁၀.၃.၂၀၂၆)ရက်နေ့တွင် ပြည်မြို့ပေါ်ရှိ လက်လီအရောင်းဆိုင်များနှင့် ပန်းတောင်း မြို့နယ်အတွင်းရှိ ဆင်တဲ၊ပန်းတောင်းနှင့် ဥသျှစ်ပင်မြို့တို့မှ လက်လီအရောင်းဆိုင်များအားလည်းကောင်း ကွင်းဆင်းကြီးကြပ်စစ်ဆေးရာတွင် လက်လီအရောင်း ဆိုင်များအနေဖြင့် သတ်မှတ်ရည်ညွှန်းဈေးနှင့်အညီ ရောင်းချမှုရှိ/မရှိ၊ ရရှိသည့် အရေအတွက်အတိုင်း အပြည့်အဝရောင်းချမှု ရှိ/မရှိ၊ အလေးချိန်မှန်ကန်မှု ရှိ/မရှိတို့ကို ဆောင်ရွက်ခဲ့ပါသည်။

             ထိုသို့ မြေပြင်ကွင်းဆင်းကြီးကြပ်စစ်ဆေးရာတွင် လက်လီအရောင်းဆိုင်များအနေဖြင့် ခွဲတမ်းရ စားအုန်းဆီများအား သတ်မှတ်ရည်ညွှန်းဈေးနှင့်အညီ ရောင်းချလျက်ရှိပြီး အရေအတွက်အပြည့်အဝ ရောင်းချလျက်ရှိပါကြောင်း၊ အိမ်ထောင်စုအလိုက် စားအုန်းဆီဝယ်ယူခွင့်စာအုပ်များဖြင့်လည်း စနစ်တကျပုံမှန်ရောင်းချလျက်ရှိပါကြောင်း၊ အရောင်းဆိုင်များတွင်လည်း လမ်းညွှန်မှာကြားချက်များအတိုင်း နေ့စဉ်ရောင်းချသည့် ဈေးနှုန်းများအား Vinyl ကပ်၍ ရောင်းချနေသည်ကို တွေ့ရှိရပါသည်။

DOCA(ပဲခူး)