သတင်းနှင့် လှုပ်ရှားမှုများ

    ရှမ်းပြည်နယ်(တောင်ပိုင်း)၊ စားသုံးသူရေးရာဦးစီးဌာန၊ လွိုင်လင်ခရိုင်ဦးစီးမှူးရုံးမှ ဝန်ထမ်း များသည် ၂၀၂၅ ခုနှစ်၊ မေလ (8) ရက်နေ့၊ နေ့လယ် (၁3:3၀)နာရီအချိန်တွင် မြို့နယ်စည်ပင်သာယာ ရေးအဖွဲ့နှင့်ပူးပေါင်း၍ ပင်လုံမြို့ပေါ်ရှိ စားအုန်းဆီရောင်းချနေသော အရောင်းဆိုင်များအား ကွင်းဆင်း စစ်ဆေးခဲ့ပါသည်။

  ထိုသို့ကွင်းဆင်းစစ်ဆေးရာတွင် စားသုံးသူများနေ့စဉ် အသုံးပြုလျက်ရှိသော ကုန်စည်နှင့် ဝန်ဆောင်မှုများကို ဘေးအန္တရာယ်ကင်းရှင်းစွာ အသုံးပြုနိုင်စေရန်ရည်ရွယ်၍ ဈေးကွက်အတွင်း ရောင်းချနေသည့် စားအုန်းဆီအရောင်းဆိုင်များအား ဈေးနှုန်းမြှင့်တင်ရောင်းချခြင်းရှိ/မရှိ၊ အချိန် အတွယ်မှန်ကန်မှုရှိ/မရှိ ကွင်းဆင်းစစ်ဆေးခဲ့ပြီး လုပ်ငန်းရှင်များအနေဖြင့် ဈေးကစားရန်ရည်ရွယ်ပြီး သိုလှောင်ခြင်းများ၊ ဈေးနှုန်းမြှင့်တင်ရောင်းချခြင်းပြုလုပ်ပါက ဥပဒေအရ အရေးယူခံရနိုင်ကြောင်း အသိပညာပေးဆွေးနွေးခဲ့ပါသည်။

DOCA(ရှမ်း)

     စားသုံးသူရေးရာဦးစီးဌာန၊ ရေကြည်မြို့နယ်တာဝန်ခံသည် ရေကြည်မြို့နယ်၊ ငါးသိုင်းချောင်းမြို့၊ အောင်ဆန်းရပ်ကွက်၊ စိန်မြလမ်းရှိ ဦးကံ ဆီစက်လုပ်ငန်းသို့သွားရောက်၍ ဆီကြိတ်ခွဲထွက်ရှိမှု၊ ဈေးကွက်ဈေးနှုန်းအခြေအနေ၊ ကုန်ကြမ်းရရှိမှုအခြေအနေ၊ ဝယ်လိုအား၊ ရောင်းလိုအား အခြေအနေ များကို ဦးကံဆီစက်လုပ်ငန်းပိုင်ရှင်နှင့် တွေ့ဆုံဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)

     ကျုံပျော်မြို့နယ်၊ စားသုံးသူရေးရာဦးစီးဌာနမှ တာဝန်ရှိသူများသည် သဖန်းချောင်းကျေးရွာ အုပ်စု၊ ပက်ပက်ပင်းကျေးရွာတွင် MSMEs လုပ်ငန်းတစ်ခုဖြစ်သော  ပီလောပီနံအကြမ်းမှုန့် ထုတ်လုပ်နေသောလုပ်ငန်းရှင် ဦးကိုဦးအား (၁၂.၅.၂၅) ရက်နေ့၊ နံနက် (၁၀:၀၀) နာရီအချိန်တွင် သွားရောက်တွေ့ဆုံ၍ ပီလောပီနံအကြမ်းမှုန့်နှင့် ဆက်စပ်ထုတ်ကုန်များ၏ ဈေးနှုန်းဈေးကွက်နှင့် အကျိုးအမြတ်တို့အား ဆွေးနွေးမေးမြန်းခဲ့ပါသည်။

         ဆွေးနွေးမေးမြန်းရာတွင် ပိုင်ရှင် ဦးကိုဦးမှ လုပ်သားအင်အား(၂၅) ဦးအား တစ်ဦးလျှင် ပျမ်းမျှတစ်နေ့လုပ်အားခ (၈၀၀၀) ကျပ်နှုန်းပေးချေ၍ လုပ်ငန်းလည်ပတ်လျက်ရှိကြောင်း၊ တစ်နေ့လျှင် ပီလောပီနံ အကြမ်းမှုန့် ပိဿာ (၉၀၀)၊ တစ်အိတ်လျှင် ပိဿာရှိသော အကြမ်းမှုန့် (၃၀) အိတ်နှင့် တိရစ္ဆာန်အစားအစာအဖြစ် အသုံးပြုနိုင်သော ပီလောပီနံ အလုံး(၃၀) တင်းတို့အား ပီလောပီနံ ထွက်ရှိ ချိန် (ဇန်နဝါရီလ မှ ဧပြီလထိ) သာ ထုတ်လုပ်လျက်ရှိပြီး ထုတ်လုပ်ထားသော ပီလောပီနံ အကြမ်းမှုန့် များအား တစ်ပိဿာလျှင် (၁၅၀၀) ကျပ်ဖြင့် မြို့ပေါ်ရှိ ပီလောပီနံ အချောမှုန့်ထုတ်လုပ်နေသော စက်ရုံသို့ တင်ပို့ရောင်းချလျက်ရှိကြောင်း သိရှိရပါသည်။

DOCA (ဧရာဝတီ)

     ဧရာဝတီတိုင်းဒေသကြီး၊ ကျောင်းကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် (၈.၅.၂၅) ရက်နေ့၊ နံနက် (၁၀:၀၀) အချိန်တွင် ကျောင်းကုန်းမြို့နယ်၊ မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် ပူးပေါင်း၍ ကျောင်းကုန်းမြို့နယ်၊ အမှတ်(၂) ရပ်ကွက်၊ မြို့မဈေးအတွင်းရှိ အခြေခံစားသောက်ကုန်ရောင်းချသောဆိုင်များအား သတ်မှတ် ရည်ညွှန်းဈေးနှင့် ကျော်လွန်၍ ရောင်းချခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

       ထိုသို့ ဈေးကွက်စောင့်ကြည့်စစ်ဆေးခြင်းရာတွင် ဈေးကွက်အတွင်းရောင်းချနေသော အခြေခံစားသောက်ကုန်များတွင် ဆန်ဈေးနှုန်း သတ်မှတ်ရည်ညွှန်းဈေးဖြင့် ရောင်းချရန်၊ စားအုန်းဆီ များအား သတ်မှတ်ရည်ညွှန်းဈေးဖြင့်သာ ရောင်းချရန် အသိပညာပေး ဈေးကွက်စောင့်ကြည့် စစ်ဆေးခဲ့

ပါသည်။

DOCA (ဧရာဝတီ)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင် ငပုတောမြို့နယ်တွင် တာဝန်ခံ ဒေါ်မြင့်မြင့်စန်းနှင့်ဝန်ထမ်းများသည် (၁၂.၅.၂၀၂၅)ရက်နေ့ မွန်းလွဲ(၁:၀၀)နာရီအချိန်တွင် တိုင်းဒေသကြီးဦးစီးမှူးဦးဆောင်သော Thursday Talk ကို Zoom Meeting ဖြင့်ပြုလုပ်ဆောင်ရွက် ခဲ့ပါသည်။

     ထိုသို့ပြုလုပ်ဆောင်ရွက်ရာတွင် ဧရာဝတီတိုင်းဒေသကြီး စားသုံးသူရေးရာဦးစီးဌာန တိုင်းဒေသကြီးဦးစီးမှူးမှ ဦးစွာအဖွင့်အမှာစကားပြောကြားပြီး အစည်းအဝေးပွဲကိုစတင်ခဲ့ပါသည်။ ထို့နောက် ဖျာပုံခရိုင် ဘိုကလေးမြို့နယ်မှ ဒု-ဦးစီးမှူး ဒေါ်ခင်စန်းအေးသည် Power Point ဖြင့် ဂွတ်ရှယ်သုံးထောင့်မုန့် လုပ်ငန်းနှင့်စပ်လျဉ်း၍ Thursday Talk ပြုလုပ်ဆောင်ရွက်ခဲ့ပြီး သုံးထောင့်မုန့် လုပ်ငန်း၏ မုန့်လုပ်နည်း အဆင့်ဆင့်ကို အသေးစိတ်ရှင်းလင်းပြောကြားခဲ့ပါသည်။ ထိုပြောကြားချက် များအပေါ်ဦးစွာ ဟင်္သာတ ခရိုင်မှ ခရိုင်ဦးစီးမှူးမှသုံးသပ်ပြီး ဆက်လက်၍ မြောင်းမြခရိုင်၊ မအူပင်ခရိုင် နှင့် ဖျာပုံခရိုင်မှ ခရိုင်ဦးစီးမှူး များကလည်း သုံးသပ်တင်ပြပြီး ဆက်လက်၍ ဒုတိုင်းဦးစီးမှူး ဦးထွန်းထွန်းမှလည်း  သုံးသပ်တင်ပြခဲ့ပါသည်။ နိဂုံးချုပ်အနေဖြင့် တိုင်းဒေသကြီးဦးစီးမှူးမှ သုံးသပ် တင်ပြသွားသော ဒုတိုင်းဦးစီးမှူးများ၊ ခရိုင်ဦးစီးမှူးများနှင့် ဝန်ထမ်းများအား ကျေးဇူးတင် စကား ပြောကြားပြီး လိုအပ်သည် များကိုလည်း ဖြည့်စွက်ပြောကြားကာ အစည်းအဝေးပွဲကို မွန်းလွဲ(၁:၄၀) နာရီ အချိန်တွင် ရုပ်သိမ်းခဲ့ပါသည်။

DOCA (ဧရာဝတီ)