သတင်းနှင့် လှုပ်ရှားမှုများ

         (၂၄.၇.၂၀၂၅)ရက်နေ့ နံနက်(၁၀:၁၅)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၃)ဦးတို့သည် အင်းစိန်မြို့နယ်ရှိ ထက်ထက်အီလက် ထရောနစ်အမည်ဖြင့် Online လုပ်ငန်းသို့ မှတ်ပုံတင်လျှောက်ထားရာတွင် ဖော်ပြထားသောအချက်များနှင့် မြေပြင်အချက်အလက်များ ကိုက်ညီမှုရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးရာတွင် အမှတ်(၂/အေ၊ ၃၂၆)၊ မုဒိတာအိမ်ရာ(၂)၊ ဖန်ချက် စက်လမ်း၊ ရွာမအနောက်ရပ်ကွက်၊ အင်းစိန်မြို့နယ်ရှိ ထက်ထက်အီလက်ထရောနစ် Online စနစ်ဖြင့် ရောင်းချမှုအား မှတ်ပုံတင်လက်မှတ်လျှောက်ထားမှုနှင့်စပ်လျဉ်း၍ မြေပြင်ကွင်းဆင်း ဆောင်ရွက်ရာတွင် လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တစ်ကယ်တည်ရှိခြင်းရှိ/ မရှိနှင့် ရောင်းချရန်တင်ပြထားသော ကုန်စည်(သို့မဟုတ်) ဝန်ဆောင်မှုအမျိုးအစားစာရင်းအတိုင်း မြေပြင်တွင် အမှန်တကယ် ရောင်းချနေသော စာရင်းကိုက်ညီမှုရှိ/ မရှိတို့ကို စစ်ဆေးခဲ့ကြောင်း သိရှိရပါသည်။

DOCA (ရန်ကုန်)

       ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့ကျေးနီရွာ၌ အသေးစား စက်မှုလက်မှုလုပ်ငန်းဦးစီးဌာနနှင့် ပူးပေါင်း၍ (၂၅.၇.၂၀၂၅ )ရက်‌နေ့၊ နံနက်(၁၀:၀၀)နာရီအချိန်တွင်ခရိုင် စားသုံးသူရေးရာဦးစီးဌာ၊စားသုံးသူရေးရာဌာနခွဲတာဝန်ခံ ဦးစီးမှူး  ဒေါ်ခိုင်ခိုင်ရီ ကစားသုံးသူ အခွင့်အရေးနှင့် တာဝန်များ ကုန်အညွှန်းအမှတ်အသားဖော်ပြခြင်းဆိုင်ရာအကြောင်း သိကောင်းစရာ ခေါင်းစဉ်ဖြင့် အသိပညာပေး ဆောင်ရွက်ခဲ့ပါသည်။

          ဦးစီးမှူး ဒေါ်ခိုင်ခိုင်ရီက စားသုံးသူရေးရာဦးစီးဌာန၏ မျှော်မှန်းချက်နှင့် ရည်မှန်းချက်များ စားသုံးသူကာကွယ်ရေးဥပဒေပါ စားသုံးသူများ၏ အခွင့်အရေး(၈)ချက်နှင့်တာဝန်(၄)ချက်၊  စီးပွား ရေးလုပ်ငန်းရှင်၏တာဝန်များ၊  ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုး အစားအလိုက် သတ်မှတ်ချက်များနှင့်အညီ ဖော်ပြပါရှိရေး ရှင်းလင်းဆွေးနွေးခဲ့ပါသည်။ စားသုံး သူများ  နစ်နာဆုံးရှုံးမှုများရှိပါက  www.doca.gov.mm တွင်တိုင်ကြားနိုင်ခြင်း၊ စားသုံးသူရေး ရာဦးစီးဌာနနှင့် CICC နှင့် Facebook Page  တို့တွင်တိုင်ကြားနိုင်ခြင်း၊ စားသုံးသူရေးရာ အရပ် ဖက်အဖွဲ့အစည်းများမှ  တစ်ဆင့်တိုင်ကြားနိုင်ခြင်း၊ Call Center 1535သို့တိုင်ကြား နိုင်ပါကြောင်း အသိပညာပေး ဟောပြော ဆောင်ရွက်ခဲ့ပါသည်။

DOCA(ပဲခူး)

           စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်းများသည် ၂၅.၇.၂၀၂၅ ရက်နေ့ နံနက် (၁၁:၀၀)  နာရီအချိန်တွင် အိမ်သုံးလျှပ်စစ်ပစ္စည်းအမျိုးမျိုးတို့တွင် ကုန်အညွှန်းအမှတ်အသားများ ပြည့်စုံစွာပါဝင်ခြင်းရှိ/ မရှိ ကွင်းဆင်းစစ်ဆေးခဲ့ပါသည်။

           ထိုသို့ကွင်းဆင်းစစ်ဆေးရာတွင် ကမာရွတ်မြို့နယ် လှည်းတန်းဈေးနှင့် လှိုင်မြို့နယ် လှိုင်ဈေးကြီးတို့တွင် ရောင်းချနေသော အိမ်သုံးလျှပ်စစ်ပစ္စည်းအမျိုးမျိုးဖြစ်သော ALPHA (ထမင်းပေါင်းအိုး)၊ Samsonic (ထမင်းပေါင်းအိုး)၊ SHARP(ထမင်းပေါင်းအိုး)၊ FRRFALLA (စားပွဲတင်ပန်ကာ)၊ LEGACY (ခြင်ရိုက်ဘတ်တံ)၊ AMC(မီးပလပ်ခုံ)၊ Kettle(ရေနွေးအိုး)၊ K-Like(အားသွင်ဆလိုက်ဓါတ်မီး)၊ Islor (အားသွင်းပန်ကာ)၊Royal (လျှပ်စစ်မီးပူ) စသော လျှပ်စစ် ပစ္စည်းအမျိုးမျိုးတို့တွင် စားသုံးသူကာကွယ် ရေးဥပဒေပြဌာန်းထားသည့် ကုန်အညွှန်းအမှတ်အသားများ ဖော်ပြခြင်းဆိုင်ရာ အချက်အလက်များ ကိုက်ညီမှုရှိ/ မရှိစစ်ဆေးရာ ကိုက်ညီမှုရှိသည်ကို စစ်ဆေးတွေ့ရှိခဲ့ကြောင်း သိရှိရပါသည်။

DOCA(ရန်ကုန်)

    ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့၊ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ရီရီရှိန်သည် (၂၂.၇.၂၀၂၅) ရက်နေ့ နံနက် (၁၀:၀၀) နာရီအချိန်တွင် ပြန်ကြားရေးနှင့်ပြည်သူဆက်ဆံရေး ဦးစီးဌာနရုံး၊လူထုအခြေပြုဗဟိုဌာန (Community Centre) အွန်လိုင်းဈေးရောင်းချမှု့ဆိုင်ရာ အသိပညာပေး Talk Show ဆောင်ရွက်ခဲ့ပါသည်။

          အွန်လိုင်းဈေးရောင်းချမှုနှင့်ပတ်သတ်၍ သိသင့်သိထိုက်သော အချက်များကို ပြန်ကြားရေး နှင့်ပြည်သူ့ဆက်ဆံရေး ဦးစီးဌာနမှ ဦးစီးအရာရှိ ဒေါ်ဝင်းလေးမှသိလိုသည့်များကို မေးမြန်းရာ စားသုံးသူရေးရာဦးစီးဌာနမှ မြို့နယ်တာဝန်ခံမှ မိမိတို့ဝန်ကြီးဌာနတွင် အွန်လိုင်းဈေးရောင်းချခြင်း လုပ်ငန်းကိုအရေးကြီးကုန်စည်နှင့် ဝန်ဆောင်မှုများ အမိန်ကြော်ငြာစာအမှတ်နှင့် ထုတ်ပြန်သည့်နေ့ များသိရှိရန်ပြောကြားပြီး အွန်လိုင်းဈေးဝယ်ယူရာတွင် မိမိတို့ဝယ်ယူမည့် ကုန်စည်ကိုလေ့လာပြီး ယုံကြည်စိတ်ချရသည့် Online Shopping များတွင် ဝယ်ယူကြရန်၊Online Sale ရောင်းချ သည့်သူများ မှတ်ပုံတင်လုပ်ငန်း လျှောက်ထားနိုင်သည့် ကုန်စည်အမျိုးအစား (၂၂) မျိုးနှင့် ဝန်ဆောင်မှုအမျိုးအစား (၁၄)မျိုးတို့ကို အသေးစိတ်ရှင်းပြပြီး Online ရောင်းချသူများအနေဖြင့် မှတ်ပုံတင်လျှောက်ထားလိုလျှင် မိမိတို့မြို့ရှိ မြို့နယ်တာဝန်ခံရုံးတွင် ဆက်သွယ်မေးမြန်းစုံစမ်းနိုင် ကြောင်းနှင့်မိမိကိုယ်တိုင်မှတ်ပုံတင်လျှောက်ထားလိုလျှင်လည်း(https://www.ecoreg.gov.mm) မှ link တွင်ဝင်ရောက်လျှောက်ထားနိုင်ကြောင်း အသိပညာပေးပြောကြားသည့် Talk Show ဆောင်ရွက်ခဲ့ပါသည်။

DOCA(ပဲခူး)

     (၂၄.၇.၂၀၂၅)ရက်နေ့ နံနက်(၁၀:၀၀)နာရီအချိန်တွင် ပဲခူးတိုင်းဒေသကြီးအနောက်ပိုင်း၊ ပြည်ခရိုင်၊ ပြည်မြို့တွင် ပြည်မြို့နယ်ကျန်းမာရေးဦးစီးဌာနမှ ဦးဆောင်၍ ပြည်မြို့နယ်အတွင်းရှိ ဆေးဝါး၊ ဆေးပစ္စည်းနှင့် ဆက်စပ်ပစ္စည်းအရောင်းဆိုင်များအား လျှောင်တခင်ကွင်းဆင်း စစ်ဆေးခြင်းများ ပြုလုပ်ဆောင်ရွက်ခဲ့ပါသည်။ ပြည်မြို့နယ်ကျန်းမာရေးဦးစီးဌာနနှင့် မိတ်ဖက်ဌာန များဖြစ်သော ပြည်ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာနနှင့် ပြည်မြို့နယ် စားသုံးသူ ရေးရာဌာန၊ မြို့နယ်ရဲတပ်ဖွဲ့၊ မြို့နယ်စည်ပင်သာယာရေးဦစီးဌာန၊ မြို့နယ် စီမံအုပ်ချုပ်ရေးအဖွဲ့မှ တာဝန်ရှိသူများနှင့် ပူးပေါင်း၍ ဆောင်ရွက်ခဲ့ကြပါသည်။

      ပြည်မြို့ပေါ်ရှိဆေးဆိုင်များနှင့် ရောဂါရှာဖွေရေးဆေးခန်းများသို့ သွားရောက်၍ သက်တမ်း လွန်ဆေးဝါးများ ရောင်းချနေခြင်းရှိ/မရှိ စစ်ဆေးခြင်းနှင့် တွေ့ရှိပါက သိမ်းဆည်းခြင်း၊ မြန်မာနိုင်ငံ ဆေးဝါးမှတ်ပုံတင် အမှတ်အသားမပါရှိသည့် ဆေးဝါးများကိုတွေ့ရှိပါက သိမ်းဆည်းခြင်းနှင့် ခံဝန်လက်မှတ်ထိုးစေခြင်း၊ စပ်ဆေးရောင်းချနေခြင်း ရှိ/မရှိ ကွင်းဆင်းထောက်လှမ်း၍ စပ်ဆေးမ ရောင်းပါဟု ဆိုင်းဘုတ်တပ်ခိုင်းခြင်း၊ ဆေးရုံ၊ဆေးခန်း၊ ဆေးဆိုင်များအတွင်း မဖြစ်မနေထားရှိရမည့် သာမိုမီတာ တပ်ဆင်ထား ခြင်းရှိ/မရှိ နှင့် စည်ပင်လိုင်စင်ရှိ/ရှိ စသည့် စစ်ဆေးခြင်းများကို ကိစ္စရပ်များကို ပူးပေါင်းစစ်ဆေးခဲ့ကြကြောင်း သိရှိရပါသည်။

DOCA(ပဲခူး)