မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ ဘီးလင်းမြို့နယ် တာဝန်ခံသည် (၁၀.၄.၂၀၂၆) ရက်နေ့တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်အထူးစုံစမ်းစစ်ဆေးရေးအဖွဲ့တို့နှင့် ပူးပေါင်း၍ ဘီးလင်းမြို့၊ မင်္ဂလာဈေးအတွင်းရှိ မုန့်မျိုးစုံရောင်းချနေသော ဆိုင်များသို့သွားရောက်၍ ယိုမျိုးစုံတို့အား ဈေးကွက်စောင့်ကြည့်စစ်ဆေးခဲ့ကြောင်း သိရသည်။
ထိုသို့ ဈေးကွက်စောင့်ကြည့်စစ်ဆေးခဲ့ရာတွင် စားသုံးသူပြည်သူများ ဘေးအန္တရာယ် ကင်းစေရေး ရည်ရွယ်၍ ယိုမျိုးစုံတို့တွင် မြန်မာဘာသာဖြင့် ကုန်အညွှန်းအမှတ်အသား ပြည့်စုံဖော်ပြထားခြင်း ရှိ/မရှိ ၊ သက်ဆိုင်ရာဌာနများ၏ ထောက်ခံချက် ပါ/မပါ တို့ကို အထူးဦးစားပေး စစ်ဆေးခဲ့ပြီး၊ ကုန်အညွှန်းအမှတ်အသားပြည့်စုံစွာ ဖော်ပြထားခြင်း မရှိသည့် ကုန်စည်များအား ရောင်းချဖြန့်ဖြူးခြင်း မပြုရန် ဘီးလင်းမြို့နယ်၊ စားသုံးသူရေးရာ ဦးစီးဌာန၊ မြို့နယ်တာဝန်ခံမှ မုန့်မျိုးစုံရောင်းချနေကြသော ဆိုင်ရှင်များအား အသိပညာပေး ဆွေးနွေးခဲ့ကြောင်း ကုန်အညွှန်းအမှတ်အသားနှင့် ပတ်သက်၍ မှတ်သားလိုက်နာရမည့် အချက်များအား ဆွေးနွေးခဲ့ကြောင်း သတင်းရရှိပါသည်။
DOCA (မွန်)