စစ်ကိုင်းတိုင်းဒေသကြီးတွင် လစဉ် ကုန်ရ၊ ကုန်ထုတ်၊ ကုန်လက်ကျန်များဖြည့်သွင်းခြင်း လုပ်ငန်းစဉ်များ လိုက်ပါဆောင်ရွက်နိုင်ရေး အသိပညာပေး
စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းအကောင်အထည်ဖော် ဆောင်ရွက်လျက်ရှိသည့် မြန်မာဆန်စပါးအွန်လိုင်း( MyRO) တွင် ၂၀၂၃ ခုနှစ် နိုဝင်ဘာလ ၃ ရက်နေ့မှ စတင်၍ ဆန်တန်ချိန် ၂၅ နှင့် အထက် (သို့) စပါးတင်း ၂၅၀၀ နှင့်အထက် သိုလှောင်ရုံ မှတ်ပုံတင်ခြင်းလုပ်ငန်းကို ဆောင်ရွက်လျက်ရှိရာ စစ်ကိုင်းတိုင်းဒေသကြီးမှ ဆန်/စပါး သို လှောင်ရုံ မှတ်ပုံတင်ထားသူ (၁၈၇)ဦးရှိကြောင်း သိရှိရပါသည်။
( Myanmar Rice Online – My RO ) ၏ Website www.myro .com.mm တွင် ( MyRO) တွင် မှတ်ပုံတင်ထားခြင်းမရှိသေးသည့် ဆန်စပါး သိုလှောင်ရုံ၊ ဆန်စက်၊ ဆန်ဆိုင်ပိုင်ဆိုင်သူများအား မှတ်ပုံတင်နိုင်ရေး တိုင်းဒေသကြီးဆန်ကုန်သည်အသင်းနှင့် တွေ့ဆုံ၍ တိုက်တွန်းနှိုးဆော်ခြင်း၊ မှတ်ပုံတင်ထားခြင်းမရှိပါက ဆန်စပါးသိုလှောင်ရုံမှတ်ပုံတင် ခြင်းဆိုင်ရာအမိန့်အမှတ် ၈၂/ ၂၀၂၄ အရ စိစစ်အရေးယူဆောင်ရွက်သွားမည်ဖြစ်ကြောင်း၊ လစဉ် ကုန်ရ၊ ကုန်ထုတ်၊ ကုန်လက်ကျန်ဖြည့်သွင်းခြင်းလုပ်ငန်းစဉ်များကို ပြုလုပ်ပေးရမည်ဖြစ်ကြောင်း၊ ဖြည့်သွင်း ဆောင်ရွက်ရာတွင် စားသုံးသူရေးရာဦးစီးဌာနမှ ဝန်ထမ်း များက တယ်လီဖုန်းဖြင့် သော်လည်း ကောင်း၊ Online မှတဆင့်သော်လည်းကောင်း၊ လုပ်ငန်းရှင်များက ရုံးသို့ လူကိုယ်တိုင်လာရောက်၍ မေးမြန်းရာတွင်းလည်းကောင်း နည်းပညာပိုင်းဆိုင်ရာများကို ကူညီဆောင်ရွက်ပေးလျက်ရှိကြောင်း ပြောကြားခဲ့ပြီး မြေပြင်ကွင်းဆင်းခြင်း၊ တယ်လီဖုန်းဖြင့် ဆက်သွယ်၍ ဆန်စက်လုပ်ငန်းရှင် (၁၁၁)ဦးအားအသိပေးဆွေးနွေးခြင်းလုပ်ငန်းကို တိုင်းဒေသကြီး ဆန်ကုန်သည်အသင်းနှင့် ပူးပေါင်းဆောင်ရွက်ခဲ့ကြောင်း သိရှိရပါသည်။
DOCA(စစ်ကိုင်း)
