၁၈.၁၁.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
၁၇.၁၁.၂၀၂၃ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
နေပြည်တော်၊ ရန်ကုန်၊ မန္တလေး နှင့် ပုသိမ်မြို့ကြီးများ၏ အခြေခံစားကုန်(လက်လီ)၊ ပြည်ပပို့ကုန်၊ စက်သုံးဆီ နှင့် ရွှေဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယနေ့ ကာလတူ နှိုင်းယှဉ်၍ ပြုစုတင်ပြအပ်ပါသည်။
ပဲခူးတိုင်းဒေသကြီး၊ ပြည်ခရိုင်၌ သီဟိုဠ်ပင်နှင့် လျှော်ဖြူပင်များကို စိုက်ပျိုးထားရှိလျက်ရှိရာ ၂၀၂၃ခုနှစ်၊ နိုဝင်ဘာလတွင် လျှော်ဖြူပင်များမှ လျှော်ဖြူအစေးများကို ထုတ်ယူလျက်ရှိပါသည်။ သီဟိုဠ်စေ့နှင့် လျှော်ဖြူစေးများကို ပြည်တွင်း၌သာ အသုံးပြုရန်မဟုတ်ဘဲ ပြည်ပသို့တင်ပို့ရောင်းချနိုင်ရန်အတွက်လည်း Export တန်းဝင် အသီးအနှံများတိုးချဲ့စိုက်ပျိုးရန်ဖြစ်ပါသည်။
သီဟိုဠ်
သီဟိုဠ်ပင်၏ မူရင်းဒေသမှာ တောင်အမေရိက၊ ဘရာဇီးနိုင်ငံမြောက်ပိုင်းမှစတင်၍ အိန္ဒိယနိုင်ငံမှတစ်ဆင့် အာရှတိုက်အတွင်း၊ ဗီယက်နန်နိုင်ငံမှတစ်ဆင့် အာဖရိကနိုင်ငံအနှံ့အပြားတွင် စိုက်ပျိုးလာခဲ့ကြပါသည်။ ပြည်ခရိုင်၊ ပြည်မြို့တွင်လည်း စိုက်ပျိုးကြသည့်အပြင် ရွှေတောင်မြို့နယ်တွင်လည်း စိုက်ပျိုးကြပါသည်။ သီဟိုဠ်ပင်ကို မေလနှင့်ဇွန်လတို့တွင်စိုက်ပျိုးကြပြီး တစ်ဧကလျှင် အပင်(၄၀)ခန့်ဝင်ဆံ့ကြောင်းသိရပါသည်။ သီဟိုဠ်စေ့ကို မြန်မာနိုင်ငံတွင် လူအများအပြားစားသုံးကြပြီး ပြည်ဈေးကွက်၌ သီဟိုဠ်အစေ့အဆန်များကို မုန့်ဖုတ်ခြင်း၊ အစား သောက်ဟင်းလျာများတွင် ထည့်သွင်းအသုံးပြုခြင်းနှင့် လှော်၍ရောင်းချခြင်းများပြုလုပ်ကြပါသည်။ ဈေးနှုန်းဈေးကွက်အနေဖြင့် ပြည်ခရိုင်၊ ရွှေတောင်မြို့နယ်တွင်ထွက်ရှိသော သီဟိုဠ်စေ့များကို ကုန်ကြမ်း(အစို)အတိုင်းသာရောင်းချလျက်ရှိပါသည်။ ယခင်နှစ်တွင် ကုန်ကြမ်းအစိုတစ်ပိဿာလျှင် ၃၀၀၀ကျပ်ဖြင့် ရန်ကုန်သို့ ရက်ခြားတင်ပို့နိုင်သော်လည်း ယခုနှစ်တွင် ရာသီဥတုဒဏ်ကြောင့် အဖူးများ၊ အသီးများကြွေကျ၍ အထွက်နှုန်းများကျဆင်းလာပြီး ကုန်ကြမ်းအစိုတစ်ပိဿာလျှင် ၃၅၀၀ကျပ်ဖြင့် ပွဲစားများက လာရောက်ဝယ်ယူကာ ရန်ကုန်၊ ထောက်ကြံသို့ တင်ပို့ရောင်းချကြောင်းသိရပါသည်။ မြန်မာနိုင်ငံမှထွက်ရှိသော သီဟိုဠ်စေ့များသည် မူဆယ်ဈေးကွက်မှတစ်ဆင့် တရုတ်နိုင်ငံသို့တင်ပို့ရောင်းချနေသည့်အတွက် ပြည်ပဈေးကွက်ရှိသော သီးနှံဖြစ်သောကြောင့် ဈေးကောင်းရရှိရေးအတွက် အထွက်နှုန်းကောင်း/ အရည်အသွေးကောင်းသောမျိုးများကိုရွေးချယ်၍ ပြောင်းလဲစိုက်ပျိုးသင့်ပါကြောင်းနှင့် နည်းပညာအသစ်များဖြင့် စိုက်ပျိုးနိုင်လျှင် ပြည်ပဈေးကွက်သို့ ထိုးဖောက်ဝင်ရောက်နိုင်ပြီး နိုင်ငံခြားဝင်ငွေရရှိလာနိုင်မည့် သီးနှံတစ်မျိုးဖြစ်ပါသည်။
လျှော်ဖြူ
ပြည်ခရိုင်၌ လျှော်ဖြူကို ရွှေတောင်မြို့နယ်နှင့် ပြည်မြို့နယ်တို့တွင် စိုက်ပျိုးထားရှိပါသည်။ လျှော်ဖြူ (ခေါ်) ဆေးကုလားမသည် ၂၀၁၉ခုနှစ်၊ ကိုဗစ်ရောဂါမဖြစ်ပွားမီကာလအထိ ဈေးကွက်တွင် ဈေးနှုန်းအလွန်ကောင်းမွန်လာခဲ့ပြီး ကြာဇံအမျှင်တစ်ပိဿာလျှင် ၁၂၀၀၀၀ကျပ်၊ ရေခဲသားတစ်ပိဿာလျှင် ၈၅၀၀၀ကျပ်နှင့် ပုံမှန်အစတစ်ပိဿာလျှင် ၆၅၀၀၀ကျပ်ဈေးနှုန်းတို့ရှိခဲ့ပါသည်။ ကိုဗစ်ရောဂါဖြစ်ပွားပြီးနောက်ပိုင်းတွင် ပြည်ပဝယ်လက်လမ်းကြောင်းမရှိတော့သလောက်နည်းပါးသွားပြီး ဈေးကွက်တွင် တစ်ပိဿာလျှင် ၇၀၀၀ကျပ်မှ ၈၀၀၀ကျပ်ခန့်အထိ ဈေးနှုန်းကျဆင်းသွားခဲ့ပါသည်။ ယခုနှစ်၌ ပြည်ခရိုင်၊ ရွှေတောင်မြို့နယ်တွင် လျှော်ဖြူစိုက်ဧက (၇၃၀) ဧကစိုက်ပျိုးထားရှိပြီး လျှော်ဖြူစေးများကိုလည်း စတင်ထုတ်ယူနေကြောင်းသိရပါသည်။ လျှော်ဖြူစေးထုတ်ယူရာတွင် ကြာဇံစေးနှင့် ရိုးရိုးလျှော်ဖြူစေးဟူ၍ (၂)မျိုးရှိရာ ကြာဇံစေးလျှော်ဖြူမှာ တစ်ပိဿာလျှင် (၁၀၀၀၀၀)ကျပ်ရှိပြီး ရိုးရိုးလျှော်ဖြူစေးတစ်ပိဿာလျှင် ၈၀၀၀ကျပ်နှင့် ၁၀၀၀၀ကျပ်ဈေးနှုန်းသာရှိကြောင်းသိရပါသည်။ ရိုးရိုးအစေးကို ပင်စည်မှထုတ်ယူရရှိ၍ အထွက်နှုန်းကောင်းပြီး ကြာဇံအစေးကို အပင်၏ကိုင်းမှထုတ်ယူရရှိသဖြင့် အထွက်နှုန်းနည်းကြောင်းသိရပါသည်။ လျှော်ဖြူပင်မှ လျှော်ဖြူစေးကို မိုးရာသီနှင့် ဆောင်းရာသီကာလများ၌ အဓိကထုတ်လုပ်၍ တစ်နှစ်ပတ်လုံးတွင် အစေးထုတ်ချိန်(၈)လခန့်ရှိကြောင်းသိရှိရပါသည်။ အစေးခြစ်ရာတွင် လူတစ်ဦးလျှင် တစ်နေ့ (၂၅)ပင်သာခြစ်နိုင်ပြီး အလုပ်သမားခ (၁)သောင်းကျပ်ပေးချေရကြောင်းသိရပါသည်။ ရွှေတောင်မြို့နယ်အနေဖြင့် လျှော်ဖြူကို ဧကများစွာစိုက်ပျိုးကြပြီး ယခုအချိန်တွင် အပင်(၅၀၀)ကိုစမ်းသပ်၍ အစေးထုတ်ယူနေပြီး ကြာဇံအစေးမှာ ဈေးကောင်းရ၍ စမ်းသပ်ထုတ်ယူနေကြောင်းသိရပါသည်။ အစေးအထွက်နှုန်းအနေဖြင့် အကိုင်းအကြီး/ အသေးပေါ်မူတည်၍ ထွက်ရှိကြောင်းသိရပါသည်။ ထုတ်ယူရရှိသောအစေးများကို မန္တလေးမြို့သို့တင်ပို့ရောင်းချကြပြီး နယ်ဝယ်များကလည်း လာရောက်ဝယ်ယူကြပါသည်။
ပြည်ခရိုင်အနေဖြင့် ပြည်ပသို့တင်ပို့နိုင်ရန်အတွက် ပို့ကုန်များကို ထပ်မံတိုးချဲ့၍ စိုက်ပျိုးထုတ်လုပ်သွားလျှင် ပြည်ပဝင်ငွေများရရှိနိုင်မည်ဖြစ်ကြောင်းသိရှိရပါသည်။
DOCA(ပဲခူး)
၁၇.၁၁.၂၀၂၃ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၁၇.၁၁.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
မြန်မာ့ရိုးရာအစားအစာတစ်မျိုးဖြစ်သော မုန့်လေပွေမှာ သီတင်းကျွတ်ကာလအတွင်းသာ ရာသီပေါ်သားရေစာအဖြစ်စားရသည့် မုန့်တစ်မျိုးဖြစ်ပါသည်။
မုန့်လေပွေမုန့်ပြုလုပ်ရာတွင် ဆန်ကွဲကို မုန့်ရည်ကြိတ်ပြီး ရရှိလာသည့်မုန့်အနှစ်များကို မုန့်အိုးထဲတွင် နှမ်းစေ့များထည့်ကား အချပ်ကလေးများပြုလုပ်ရပါသည်။ မုန့်ချပ်အပျော့ဖတ်လေးများရရှိလာသောအခါ ဝါးကပ်များပေါ်တွင် နေလှန်းထားပြီး (၂)နာရီကြာလျှင် မုန့်ဖတ်ကလေးများခြောက်သွေ့လာကာ ၎င်းကို သံဒယ်အိုးအကြီးထဲ၌ သဲနှင့်ရောစပ်ပြီး မီးဖိုပေါ်တင်၍လှော်ရကာ မုန့်သားလေးများမာကျွတ်လာလျှင် ဆန်ကာအကျဲတွင်ထည့်ပြီး မုန့်ချပ်းများကို ဈေးကွက်အတွင်းရောင်းချပါသည်။
ဆန်ကွဲ (၃)ပြည်ကိုကြိတ်လျှင် အချပ်ရေ (၁၀၀၀/၁၃၀၀)ချပ်ရရှိပါသည်။ ကုန်ချောရရှိလာသည့် မုန့်ချပ်အခု (၁၀၀)လျှင် ကျပ် (၂၀၀၀)ကျပ်နှုန်းဖြင့် ရောင်းချကြောင်းသိရပါသည်။
မုန့်လေပွေများကို ရွှေတောင်မြို့နယ်၊ ဖိုးသိမ်းတန်းရွာတွင် ပြုလုပ်ပါသည်။ ၎င်းကို ပြည်မြို့နယ်၊ ရွှေတောင်မြို့နယ်အတွင်းရှိ ရပ်ကွက်များနှင့် ကျေးရွာများတွင် ရောင်းချကြောင်းသိရှိရပါသည်။
DOCA(ပဲခူး)
စီးပွားရေးနှင့်ကူးသန်းရောင်းဝယ်ရေးဝန်ကြီဌာန၊ စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်အနေဖြင့် စားသုံးသူကာကွယ်ရေးလုပ်ငန်းများအပြင် အခြေခံစားကုန်ဈေးနှုန်းများကို အပတ်စဉ် မေးမြန်းတင်ပြလျက်ရှိရာ ၂၀၂၃ခုနှစ်၊ အောက်တိုဘာလ နောက်ဆုံးပတ်တွင် ပြည်မြို့၌ စားသုံးဆီဈေးနှုန်းများတည်ငြိမ်လျက်ရှိကြောင်း စားသုံးဆီအရောင်းဆိုင်များမှသိရှိရပါ သည်။
ပြည်မြို့ပေါ်တွင် စားအုန်းဆီလက်လီ/ လက်ကားရောင်းချသောဆိုင်များရှိပြီး အောက်တိုဘာလ နောက်ဆုံးပတ်တွင် စားအုန်းဆီတစ်ပိဿာလျှင် (၅၄၀၀)ကျပ်၊ ပဲဆီသန့်တစ်ပိဿာလျှင် (၁၃၀၀၀)ကျပ်နှင့် နှမ်းဆီသန့်တစ်ပိဿာလျှင် (၁၂၅၀၀)ကျပ်ဖြင့် အရောင်းအဝယ်ဖြစ်ခဲ့ပြီး ယခုနိုဝင်ဘာလ ပထမပတ်တွင်လည်း စားအုန်းဆီတစ်ပိဿာလျှင် (၅၄၀၀)ကျပ်၊ ပဲဆီသန့်တစ်ပိဿာလျှင် (၁၃၀၀၀)ကျပ်နှင့် နှမ်းဆီသန့်တစ်ပိဿာလျှင် (၁၂၅၀၀)ကျပ်ဖြင့် အရောင်းအဝယ်ဖြစ်နေသဖြင့် ယခင်အပတ်နည်းတူ ဈေးနှုန်းတည်ငြိမ်လျက်ရှိကြောင်း စားသုံးဆီလက်ကားအရောင်းဆိုင်များမှသိရှိရပါသည်။
DOCA(ပဲခူး)
ပြည်ခရိုင်၊ ပြည်မြို့နယ်တွင် မိုးစပါး ၇၄၆၄၂ဧကစိုက်ပျိုးပြီး ၂၀၂၃ခုနှစ်၊ နိုဝင်ဘာလ ပထမပတ်တွင် ၁၉၇ဧကရိတ်သိမ်းပြီးဖြစ်ပါသည်။ ပေါက်ခေါင်းမြို့နယ်တွင် ၄၆၇၅၇ဧကစိုက်ပျိုး၍ ၁၈၀ဧကရိတ်သိမ်းပြီးဖြစ်ပါသည်။ ရွှေတောင်မြို့နယ်တွင် ၅၈၁၆၃ဧကစိုက်ပျိုး၍ ၂၅၇ဧကရိတ်သိမ်းပြီးဖြစ်ပါသည်။ ပန်းတောင်းမြို့နယ်တွင် ၅၈၁၆၃ဧကစိုက်ပျိုး၍ ၂၅၁၂ဧကရိတ်သိမ်းပြီးဖြစ်ပါသည်။ ပြည်ခရိုင်တွင် တစ်ဧကအထွက်နှုန်းအနေဖြင့် ၈၃တင်းခန့်ထွက်ရှိကြောင်းသိရပါသည်။ ဈေးနှုန်းအနေဖြင့် မိုးစပါး(အသစ်) ၄၆ပေါင်ပါ တင်း(၁၀၀)လျှင် အစိုဓာတ် ၂၀%တွင် ၁၆၃၅၀၀၀ကျပ်ဈေးနှုန်းဖြင့်အရောင်းအဝယ်ရှိခဲ့ပြီး ဆန်သစ်တစ်အိတ်လျှင် (၅၉၀၀၀)ကျပ်ဈေးနှုန်းဖြင့် ဈေးဖွင့်ရောင်းဝယ်လျက်ရှိကြောင်းသိရပါသည်။
DOCA(ပဲခူး)
ပြည်မြို့ရှိ ပြည်ကုန်စည်ဒိုင်တွင် ပဲမျိုးစုံရောင်းဝယ်လျက်ရှိပြီး ပဲအရောင်းအဝယ်သွက်လျက်ရှိကြောင်းသိရှိရပါသည်။
မတ်ပဲ
ပြည်ကုန်စည်ဒိုင်တွင် အောက်တိုဘာလ စတုတ္ထပတ်တွင် မတ်ပဲတစ်တင်းကို ၉၃၀၀၀ကျပ်ဖြင့် ရန်ကုန်အဝယ်တစ်ရက်လျှင် ပိဿာ (၂၀) ဝင်အိတ် ၁၅၀ခန့်ရှိခဲ့ပါသည်။ နိုဝင်ဘာလ ပထမပတ်တွင် မတ်ပဲဈေးနှုန်းမြင့်တက်လာပြီး ပဲတစ်တင်းကို ၉၅၅၀၀ကျပ်ဖြင့် ရန်ကုန်အဝယ်တစ်ရက်လျှင် ပိဿာ (၂၀) ဝင်အိတ် (၁၅၀/ ၂၀၀) အိတ်ခန့်အဝယ်ရှိပါသည်။
ပဲစင်းငုံ
အောက်တိုဘာလ စတုတ္ထပတ်တွင် ပဲစင်းငုံတစ်တင်းကို ၉၃၀၀၀ကျပ်ဖြင့် တစ်ခါတရံသာ အရောင်းအဝယ်ဖြစ်ပြီး အဝယ်ဖြစ်လျှင် တစ်ရက်ကို ပိဿာ (၂၀) ဝင်အိတ် ၂၀၀အိတ်ခန့်အဝယ်ရှိပါသည်။ နိုဝင်ဘာလ ပထမပတ်တွင် ပဲစင်းငုံတစ်တင်းကို ၉၃၀၀၀ကျပ်ဖြင့်ဈေးအေးနေပြီး တစ်ရက်လျှင် ပိဿာ (၂၀) ဝင်အိတ် (၁၀၀/၁၅၀) အိတ်ခန့် ရန်ကုန်အဝယ်ရှိပါသည်။
ကုလားပဲ
အောက်တိုဘာလ စတုတ္ထပတ်တွင် ကုလားပဲ(HL) တစ်တင်းကို ၉၃၀၀၀ကျပ်၊ မြကြေးမှုံတစ်တင်းကို ၉၃၀၀၀ကျပ်ဖြင့် မြို့တွင်းခွဲစက်သမားများ တစ်ရက်လျှင် ပိဿာ (၂၀) ဝင်အိတ် (၂၅၀/၃၀၀) အိတ်ခန့်အဝယ်ရှိပါသည်။ နိုဝင်ဘာလ ပထမပတ်တွင် ကုလားပဲ(HL) တစ်တင်းကို ၉၃၀၀၀ကျပ်၊ မြကြေးမှုံတစ်တင်းကို ၉၃၀၀၀ကျပ်ဖြင့်ဈေးအေးနေပြီး မြို့တွင်းနှင့် ရန်ကုန်အဝယ်တစ်ရက်လျှင် ပိဿာ (၂၀) ဝင်အိတ် (၃၀၀/၃၅၀) အိတ်ခန့်ရှိပါသည်။
စားတော်ပဲ
အောက်တိုဘာလ စတုတ္ထပတ်တွင် စားတော်ပဲ(ကျွန်း) တစ်တင်းကို ၁၃၆၀၀၀ကျပ်ဖြင့် မြို့တွင်းအဝယ်တစ်ရက်လျှင် ပိဿာ (၂၀) ဝင်အိတ် (၂၀/၂၅) အိတ်ခန့်ရှိခဲ့ပါသည်။ နိုဝင်ဘာလ ပထမပတ်တွင် စားတော်ပဲ (ကျွန်း)တစ်တင်းကို ၁၃၆၀၀၀ကျပ်ဖြင့် တစ်ရက်လျှင် ပိဿာ (၂၀) ဝင်အိတ် ၂၅အိတ်ခန့် မြို့တွင်းအဝယ်ရှိပါသည်။
ပဲကြီး
အောက်တိုဘာလ စတုတ္ထပတ်တွင် ပဲကြီး(ရွှေကျွန်း) တစ်တင်းကို ၁၁၈၀၀၀ကျပ်၊ ပဲကြီး(ကုန်းပဲ)တစ်တင်းကို ၁၁၅၀၀၀ကျပ်ဖြင့် ပဲကြော်သမားများ မြို့တွင်းအဝယ်ရှိခဲ့ပြီး တစ်ရက်လျှင် ပိဿာ (၂၀) ဝင်အိတ် (၂၀၀/၃၀၀)အိတ်ခန့်ရှိပါသည်။ နိုဝင်ဘာလ ပထမပတ်တွင် ပဲကြီး (ရွှေကျွန်း) တစ်တင်းကို ၁၁၅၈၀၀၀ကျပ်၊ ကုန်းပဲတစ်တင်းကို ၁၁၅၀၀၀ကျပ်ဖြင့် မြို့တွင်း ပဲကြော်သမားများ တစ်ရက်လျှင် ပိဿာ (၂၀) ဝင်အိတ် ၃၀၀အိတ်ခန့်အဝယ်ရှိပါသည်။
ဘိုကိတ်
ပြည်ကုန်စည်ဒိုင်၏ အောက်တိုဘာလ စတုတ္ထပတ်တွင် ဘိုကိတ်ပဲတစ်တင်းကို ၆၉၀၀၀ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်လျှင် ပိဿာ (၂၀) ဝင်အိတ် ၁၀၀အိတ်ခန့်ရှိခဲ့ပါသည်။ နိုဝင်ဘာလ ပထမပတ်တွင် ဘိုကိတ်တစ်တင်းကို ၆၅၀၀၀ကျပ်ဖြင့်ဈေးကျခဲ့ပြီး တစ်ရက်လျှင် ပိဿာ (၂၀) ဝင်အိတ် (၅၀/၁၀၀)အိတ်ခန့် မြို့တွင်းအဝယ်ရှိခဲ့ပါသည်။
ပြည်ကုန်စည်ဒိုင်တွင် မတ်ပဲ၊ ကုလားပဲ၊ ပဲကြီးဈေးများမှာ ဈေးနှုန်းမြင့်တက်လျက်ရှိပြီး စားတော်ပဲ၊ ပဲစင်းငုံတို့မှာ ဈေးအေးလျက်ရှိကြောင်းသိရှိရပါသည်။
DOCA(ပဲခူး)
