ပြည်တွင်းကုန်သွယ်မှုသတင်း

ရာသီစာသီးနှံ ဖြစ်သည့် မအူပင်ဒေသထွက် ကြောင်လျှာသီးကို မအူပင်မြို့ အနီးတဝိုက် ကျေးရွာများမှ မအူပင်မြို့ပေါ်ဈေးများသို့လာရောက် ရောင်းချကြပါသည်။ ကျေးရွာနေပြည်သူများ၏ ခြံများတွင် သဘာဝအလျောက်ပေါက် ရောက်နေသော ကြောင်လျှာသီးကို အပိုဝင်ငွေရရှိရန်အတွက် ၏ အိမ်ခြံဝန်းအတွင်း တစ်နိုင်တစ်ပိုင် စိုက်ပျိုးကြသည်။ ကြောင်လျှာပင်ဟာ အပင်လတ်အမျိုးအစားဖြစ်ပြီး ကြီးထွားနှုန်းမြန်ပါတယ်။ အပင်အမြင့်အနေနဲ့ကတော့ ၈ မီတာကနေ ၁၅ မီတာအထိမြင့်တတ်သည်။ ။ အခေါက်ထူကာ မီးခိုးစိမ်းရောင်ရှိပြီး အတွင်းသားအနေနဲ့တော့ အဝါရောင်ရှိသည်။ အသီးအနေနဲ့တော့ တွဲလျားကျပြီးသီးသော သီးတောင့်ရှည်အမျိုးအသားဖြစ်သည်။ အသီးပုံစံကပြားပြီး လက်တတောင်ကျော် လောက်ရှည်ကာ အမွှေးနုကလေးတွေရှိပါသည်။ ကြောင်လျှာပွင့်နဲ့ ကြောင်လျှာရွက်နုကို ရေနွေးနဲ့ ဖျောပြီးသုတ်စားလေ့ရှိသလို ငါးပိရည်နဲ့လည်း တို့စားလို့ရသည်။ ကြောင်လျှာသီးကိုတော့ မီးဖုတ်ပြီးဖြစ်စေ၊ ပြုတ်ပြီးဖြစ်စေ ငါးပိရည်နဲ့တို့စား၊ သုပ်စားကြသလို ကြော်စားတာ၊ အသားတစ်မျိုးမျိုးနဲ့ ရောချက်စားတာ လည်းရှိကြသည်။ မအူပင်ဈေးကွက်အတွင်းတွင် ကြောင်လျာသီး ၁တောင့်လျှင် ၁၀၀၀ကျပ်ဖြင့် ရောင်းချလျက် ရှိသည်။ ကြောင်လျာသီး လက်ကားဈေးအနေဖြင့် ၁တောင့်လျင် ၇၀၀ကျပ်ဖြင့် ဝယ်ယူရပြီး အတောင့် ၃၀ မှာယူပြီးရောင်းချ၍ အတောင့် ၃၀ လျှင့် လက်ကားဈေး ၂၁၀၀၀ ကျပ်ဖြင့် ဝယ်ယူပြီး ရောင်းချရကြောင်း၊ အကျိုးအမြတ်ကျန်ရှိကြောင်း ဒေသတွင်းရောင်းချခြင်းမျိုးသာ ရှိပြီး ရန်ကုန် တင်ပို့ရောင်းချခြင်း မရှိကြောင်း ဒေသထွက် ကြောင်လျာသီး ၃၀၀-၅၀၀ လောက်ကို စုပေါင်းကောက်ယူ၍ အနည်းငယ်သာ တင်ပို့ပြီး စီးပွားဖြစ် တင်ပို့ခြင်းမရှိကြောင်း ကုန်စိမ်းရောင်းချသူထံမှ သိရသည်။ DOCA(ဧရာဝတီ)

မအူပင်မြို့ သို့ ရန်ကုန်ဈေးကွက်မှ အခြေခံစားသောက်ကုန်ဖြစ်သည့် အာလူးများ မှာယူရောင်းချလျက်ရှိပြီး မအူပင်ဈေးကွက်တွင် ရောင်းချပေးလျက်ရှိသည်။ ရန်ကုန် ဘုရင့်နောင်မှ ဝင်ရောက်လာသည့် အာလူးများကို စားသုံးသူများက စားသုံးရန် ဝယ်ယူကြသလို၊ မုန့်လုပ်ငန်းထုတ်လုပ်ရန်အတွက်လည်း ဝယ်ယူအသုံးပြုလျက်ရှိကြောင်း သိရသည်။ မအူပင်မြို့နယ်တွင် အားလူး ဈေးနှုန်းဈေးကွက် လက်လီဈေးနှုန်းအနေဖြင့် အလုံးလတ် ၁-ပိဿာ ၃၅၀၀ ကျပ်၊ အလုံးကြီး ၁ ပိဿာ ၄၀၀၀ ကျပ်ဈေးဖြင့်ရောင်းချလျက်ရှိသည်။ အားလူး ၁အိတ်လျှင် အချိန် ၅၀ ပါဝင်ပြီး ရန်ကုန်ဘုရင့်နောင်မှ အလုံးကြီး ၁အိတ်လျှင် ၁၇၀၀၀၀ ကျပ်၊ အလုံးလတ် ၁အိတ်လျှင် ၁၅၀၀၀၀ ကျပ်ဖြင့် ဝယ်ယူရောင်းချရပြီး ၁လ လျှင် အားလူး အကြီး ၇အိတ်၊ အလတ် ၅အိတ် ရောင်းချရကြောင်း အားလူးရောင်းချသည့် ကုန်သည်ထံမှ သိရသည်။ DOCA(ဧရာဝတီ)

ကြက်သွန်နီကို မန္တလေးတိုင်းအတွင်း၌ ကျောက်ဆည်၊ မြစ်သား၊ စဉ့်ကိုင် ၊ တံတားဦး၊ မြင်းခြံ၊ တောင်သာ၊ နွားထိုးကြီး၊ ပျော်ဘွယ်၊ ရမည်းသင်း စသည့် ဒေသများတွင် အများဆုံး စိုက်ပျိုးကြသည်။ ကြက်သွန်နီကို မိုးကြက်သွန်၊ ဆောင်းကြက်သွန်အဖြစ် နှစ်ရာသီစိုက်ပျိုးကြ ကြက်သွန်နီမျိုးမှာ မြင်းခြံမျိုး(ဥရှည်)မျိုးနှင့် မြစ်သားမျိုး(ရွှေဖလားမျိုး)ဟူ၍ ရှိကြသည်။ မြင်းခြံဥမျိုးသည် ဥရှည်ပြီး အခွံထူကာ အသားကြမ်းသည်။ ကျောက်ဆည်၊ မြစ်သားမျိုး (ရွှေဖလား)ကြက်သွန်ဥသည် ဥဝိုင်းမျိုးဖြစ်ပြီး အခွံပါး၍ အသားနုသည်။ ယခုအခါ ဈေးကွက် အတွင်း၌ ဆောင်းကြက်သွန်နီများ လှိုင်လှိုင်ဝင်ရောက် လျှက်ရှိပြီး ကြက်သွန်နီဈေးနှုန်းများ ဆက်လက်ကျဆင်းလျှက်ရှိပါသည်။ မေလဆန်းပိုင်းတွင် မြစ်သားကြက်သွန်နီ(ရွှေဖလား)မျိုး တစ်ပိဿာ လျှင် ၁၅၀၀/၂၀၀၀ ကျပ်၊ မြင်းခြံဥ တစ်ပိဿာလျှင် ၁၂၀၀/၁၅၀၀ ကျပ် စသည်ဖြင့် ရောင်းချလျှက် ရှိသည်။ ဇွန်လအတွင်း၌လည်း ၎င်းဈေးနှုန်းများဖြင့် ရောင်းချလျှက်ရှိပြီး ယခုဇူလိုင်လဆန်းပိုင်းအထိလည်း ၎င်းဈေးနှုန်းအတိုင်း ဈေးနှုန်းတည်ငြိမ်စွာဖြင့် ရောင်းချလျှက်ရှိကြောင်း ဈေးကွက်အတွင်းမှ သိရှိရသည်။ DOCA(မန္တလေး)

ပြည်တွင်းစားဆီကြိတ်ခွဲမှုနှင့် ပြည်ပသို့တင်ပို့သည့်နှမ်းအား မန္တလေးတိုင်းဒေသကြီး အတွင်း ၂၀၂၄-၂၀၂၅ ခုနှစ်တွင် စိုက်ပျိုးမှု ၉၆၂၃၈၃ ဧက၊ရိတ်သိမ်းမှု ၈၈၉၄၂၈ ဧက၊အထွက်နှုန်း ၄.၄၆ တင်းနှင့် အထွက်စုစုပေါင်း ၃၉၆၂၈၆၉ တင်းဖြစ်ကြောင်း သိရပါသည်။ မန္တလေးတိုင်း ဒေသကြီး၊ မကွေးတိုင်းဒေသကြီးနှင့်စစ်ကိုင်းတိုင်းဒေသကြီးတို့တွင် စိုက်ပျိုးထွက်ရှိသည့်မြေပဲ၊ နှမ်းနှင့်နေကြာသီးနှံများအား စားသုံးဆီကြိတ်ခွဲ၍ ပြည်တွင်းစားဆီဖူလုံမှုရှိစေရန်နှင့် စားဆီ တင်သွင်းမှု လျော့ချနိုင်ရန်အတွက် နိုင်ငံတော်မှတွန်းအားပေးဆောင်ရွက်လျက်ရှိကြောင်း သိရပါ သည်။ မန္တလေးပွဲစား၊ ကုန်သည်စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်ဇူလိုင်လ ဒုတိယပတ်အတွင်း နှမ်းအမျိုးအစားအလိုက်ပေါက်စျေးများမှာ ၃တင်းဝင်အိတ် (၄၅ပိဿာပါ) တစ်အိတ်လျှင် နှမ်းဖြူ(ဂျပန်) ၃၇၀၀၀၀ ကျပ်နှင့် ၄၀၀၀၀၀ကျပ်၊ နှမ်းဖြူ(ဗမာ)၃၀၀၀၀ဝ ကျပ်နှင့် ၃၁၀၀၀ဝ ကျပ်၊ပန်းနှမ်း ၃၀၀၀၀၀ကျပ်၊ တစ်ပိဿာစျေးမှာ နှမ်းဖြူ(ဂျပန်) ၈၂၂၂ ကျပ်နှင့် ၈၈၈၉ ကျပ်၊ နှမ်းဖြူ (ဗမာ)၆၆၆၇ ကျပ်နှင့် ၆၈၈၉ ကျပ်၊ ပန်းနှမ်း ၆၆၆၇ ကျပ်စျေးတို့ဖြစ် ပေါ်လျက် ရှိကြောင်း သိရပါသည်။ ယခင်နှစ်ကာလတူ ပေါက်စျေးမှာ တစ်ပိဿာလျှင် နှမ်းဖြူ(ဂျပန်) ၈၆၆၇ ကျပ်နှင့် ၈၉၅၆ ကျပ်၊နှမ်းဖြူ(ရိုးရိုး) ၈၀၀၀ ကျပ်နှင့် ၈၂၂၂ ကျပ်၊နှမ်းညို ၆၈၂၂ကျပ်နှင့် ၇၁၁၁ ကျပ်၊ ပန်းနှမ်း ၄၄၄၄ ကျပ်နှင့်၄၅၅၆ ကျပ်တို့ဖြစ်ပေါ်ခဲ့ပြီး၊ ယခုနှစ်နှင့်ယခင်နှစ်ကာလတူစျေး နှိုင်းယှဉ်ပါက နှမ်းစျေး မှာ အနည်းငယ်လျော့နည်းသွားကြောင်း သိရပါသည်။ DOCA(မန္တလေး)

စားတော်ပဲမှာ ပြည်တွင်းစားသုံးမှုများပြားသည့်ပဲဖြစ်ပြီး၊စျေးကွက်အတွင်း အရောင်းသွက် သည့်ပဲအမျိုးအစားဖြစ်ကြောင်း သိရပါသည်။မန္တလေးတိုင်းဒေသကြီးအတွင်းအမရပူရ၊ပြင်ဦးလွင်၊ မိုးကုတ်၊ တကောင်း၊ စဉ့်ကူး၊မတ္တရာနှင့် မြင်းခြံမြို့နယ်တို့တွင် စားတော်ပဲများစိုက်ပျိုး ပြီး၊၂၀၂၄-၂၀၂၅ ခုနှစ်အတွင်း စားတော်ပဲအပါအဝင် ပဲမျိုးစုံစိုက်ပျိုးမှု ၁၀၁၉၄၇၇ ဧကဖြစ်ကြောင်းသိ ရပါ သည်။ မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင် ၂၀၂၅ခုနှစ် ဇူလိုင်လ ဒုတိယပတ်အတွင်း ဖြစ်ပေါ်သည့်ပေါက်စျေးမှာ ၃တင်းဝင်တစ်အိတ်လျင် စားတော်ပဲ (ကနေဒါ) ၄၄၀၀၀၀ကျပ်နှင့်၄၅၀၀၀၀ကျပ်၊စားတော်ပဲ(ကျွန်း) ၅၂၀၀၀၀ ကျပ်နှင့်၅၃၀၀၀၀ကျပ်၊တစ်ပိဿာ လျှင် စားတော်ပဲ (ကနေဒါ) ၇၄၂၆ ကျပ်နှင့် ၇၅၉၅ ကျပ်၊ စားတော်ပဲ (ကျွန်း) ၈၇၇၆ကျပ် နှင့် ၈၉၄၅ ကျပ်တို့ဖြစ်ကြောင်း သိရပါသည်။ ယခင်နှစ်ကာလတူတစ်ပိဿာပေါက်စေျးမှာစားတော်ပဲ (ကနေဒါ)၆၂၄၅ ကျပ်၊စားတော်ပဲ(ကျွန်း) ၄၅၅၇ ကျပ်နှင့် ၄၈၁၀ ကျပ်ဖြစ်ပြီး၊ယခု နှင့် ယခင်နှစ် ကာလတူ စျေးနှိုင်းယှဉ်ပါက တစ်ပိဿာလျှင် စားတော်ပဲ (ကနေဒါ) ၁၃၅၀ ကျပ်နှင့် စားတော်ပဲ (ကျွန်း)၄၁၃၅ ကျပ်တို့စျေးပိုမိုရရှိကြောင်း သိရပါသည်။ DOCA(မန္တလေး)