ပြည်တွင်းကုန်သွယ်မှုသတင်း

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျွန်းလှမြို့နယ် တာဝန်ခံရုံးအနေဖြင့်  စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုး တိုးတက်ရေးလုပ်ငန်းများကိုပါ ဆောင်ရွက်လျက်ရှိရာ စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကျွန်းလှမြို့နယ်၊ ရှမ်းစုကျေးရွာတွင် တစ်ပိုင်တစ်နိုင် အနေဖြင့် ပြောင်းချိုပင်ကို စိုက်ပျိုးကြပါသည်။

    ပြောင်းချိုပင်စိုက်ပျိုးသည့်မျိုးမှာ နှင်းဆီရွှေ မျိုးဖြစ်ပြီး မျိုးစေ့တိုက်ရိုက်ချစနစ်ဖြင့်ပျိုးထားပြီး မြေကျင်းဖွဲ့စိုက်ပျိုးသည့် စနစ်ကို အသုံးပြု၍ စိုက်ပျိုးထားပါသည်။ ပြောင်းချိုပင်ကို တစ်ကျင်းလျှင် (၂)စေ့ခန့် စိုက်ပျိုးပြီး စိုက်ဧကအနေဖြင့် ဧကဝက် အပင်ရေ(၈၀၀၀)ခန့် စိုက်ပျိုးထားရှိပါကြောင်း၊ စိုက်ပျိုးပြီး တစ်ကြိမ်ရေသွင်းခြင်း၊ သွင်းအားစု ထည့်ခြင်းများ ‌ဆောင်ရွက်ရပြီး မျိူး‌စေ့ဖိုးအပါအဝင် စိုက်ပျိုးမြေပြုပြင်ခြင်း၊ ရေပေးသွင်းခြင်းနှင့်အလုပ်သမားငှားရမ်းခြင်း စုစုပေါင်းကုန်ကျစရိတ်အ‌နေဖြင့် (၁၀)သိန်း ခန့်ကုန်ကျပါကြောင်း၊ အပင်အ‌ရေအတွက်(၈၀၀၀)ဖြစ်သည့်အတွက် ပြောင်းချိုအဖူးအနည်းဆုံး (၆၀၀၀)ဖူးထွက်ရှိမည်ဖြစ်ပြီး ပြောင်းချို(၁)ဖူးလျှင် (၅၀၀)ကျပ်နှုန်းဖြင့် ရောင်းချရလျှင် သိန်း(၃၀) ခန့်ရရှိမည်ဖြစ်၍ အကျိုးအမြတ်အနေဖြင့်  ပြောင်းချိုပင် ဧကဝက်စိုက်လျှင် ငွေကျပ်သိန်း(၂၀) အကျိုး အမြတ်ရရှိကြောင်း သိရသည်။

      ၂၀၂၅ ခုနှစ်၊ နိုဝင်ဘာလ တတိယပတ် ကျွန်းလှမြို့တွင် ရောင်းချနေသော ပြောင်းချိုဖူး ဈေးနှုန်းများမှာ ပြောင်းချို အဖူးကြီး တစ်ဖူးလျှင်(၈၀၀)ကျပ်၊ အဖူးလတ် တစ်ဖူးလျှင်(၇၀၀)ကျပ် နှင့် အဖူးသေး တစ်ဖူးလျှင်(၆၀၀)ကျပ် ဈေးနှုန်းတို့ဖြင့် အ‌ရောင်းအဝယ်ဖြစ်လျက်ရှိကြောင်း သိရသည်။

DOCA(စစ်ကိုင်း)

     ကျွန်းလှမြို့တွင် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ စပျစ်သီး၊ သင်္ဘောသီး၊ ဖရဲသီး၊ ဩဇာသီး၊ သခွားမွှေးသီး၊ ကျောက်သခွားမွှေးသီး၊ ပန်းသီး၊ ပန်းသစ်တော်သီး၊ မင်းဂွတ်သီး၊  ဒညှင်းသီး နှင့် ဖရဲသီးများကို  ရောင်းချလျက်ရှိကြောင်း သိရသည်။

          ၂၀၂၅ ခုနှစ်၊ နိုဝင်ဘာလ တတိယပတ်အတွင်း ဖြစ်ပေါ်နေသော ကျွန်းလှမြို့၏ ပန်းသစ် တော်သီး ဈေးနှုန်းများမှာ ပန်းသစ်တော်သီး အကြီး(၁)လုံးလျှင်(၇၀၀၀)ကျပ်၊ အသေး (၁)လုံးလျှင်(၅၀၀၀)ကျပ်၊ ဈေးနှုန်းတို့ဖြင့်လည်းကောင်း၊ ဇီးပန်းသီး ဈေးနှုန်းများမှာ ဇီးပန်းသီး တစ်ပိဿာလျှင်(၂၀၀၀၀)ကျပ်၊ (၅၀)ကျပ်သားလျှင်(၁၀၀၀၀)ကျပ် နှင့် (၂၅) ကျပ်သားလျှင်(၅၀၀၀)ကျပ်၊ ပန်းသီး ဈေးနှုန်းများမှာ ပန်းသီး အကြီး(၁)လုံးလျှင်(၂၅၀၀)ကျပ်၊ အလတ်(၁)လုံးလျှင်(၂၀၀၀)ကျပ်၊ အသေး (၁)လုံးလျှင် (၁၇၀၀)ကျပ်ဈေးနှုန်း တို့ဖြင့်‌ အရောင်းအဝယ် ဖြစ်လျက် ရှိကြောင်း သီးနှံမျိုးစုံထဲမှ ဖရဲသီး၊ ဩဇာသီး၊ ငှက်ပျောသီး နှင့် မာလကာသီးတို့ကို မိမိတို့ ဒေသထွက်နှင့် အခြားသစ်သီးများကိုမူ မြစ်ကြီးနားမြို့၊ မန္တလေးမြို့တို့မှ မှာယူရောင်းချလျက်ရှိကြောင်း သစ်ရာမြိုင်ဈေး တိုက်တန်းတွင် သစ်သီးမျိုးစုံ ရောင်းချနေသော ဈေးသည်ထံမှ သိရသည်။

DOCA(စစ်ကိုင်း)

          ၂၀၂၅ ခုနှစ်၊ နိုဝင်ဘာလ(၂၀) ရက်နေ့တွင် ဘုရင့်နောင်ကုန်စည်ဒိုင်သို့ ကြက်သွန်နီ ဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံ၊ မုံရွာ၊ ပခုက္ကူဒေသတို့မှ ကြက်သွန်နီ (၉၉၀၀၀၀) ပိဿာ ဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၃၉၆၀၀၀) ကျန်ရှိကြောင်း ကုန်စည်ဒိုင်သတင်း အရသိရှိရသည်။ ဆိပ်ဖြူကြက်သွန်နီ (အသစ်) အချောတစ်ပိဿာ ကျပ် ၃၀၀၊ အသန့်မှာ တစ်ပိဿာ ကျပ် ၇၅၀၊ အကြီးမှာ ကျပ် ၁၃၀၀၊ ရှယ်မှာ ကျပ် ၁၅၅၀၊ မုံရွာ ကြက်သွန်နီ (အသစ်) အချော တစ်ပိဿာ ကျပ် ၄၅၀၊ အသန့်မှာ တစ်ပိဿာ ကျပ် ၇၅၀၊ အကြီးမှာ ကျပ် ၁၂၅၀၊ ရှယ် မှာ ကျပ် ၁၇၀၀၊ မြင်းခြံ ကြက်သွန် နီ(အသစ်) အချော တစ်ပိဿာ ကျပ် ၂၅၀၊ အသန့်မှာ တစ် ပိဿာ ကျပ် ၅၅၀၊ အကြီးမှာ ကျပ် ၉၀၀၊ ရှယ်မှာ ကျပ် ၁၃၀၀၊ ပခုက္ကူ ကြက်သွန်နီ (အသစ်) အချော တစ်ပိဿာ ကျပ် ၄၅၀၊ အသန့်မှာ တစ်ပိဿာ ကျပ် ၈၀၀ ၊ အကြီးမှာ ကျပ် ၁၃၀၀ ဈေး တို့အသီးသီး ရှိကြောင်း စုံစမ်းသိရှိရပါသည်။

          ယခုတစ်ပတ်တွင်  ဆိပ်ဖြူ၊ မုံရွာ၊ ပခုက္ကူကြက်သွန်နီဈေးနှုန်းများမှာ ယခင်အပတ်ကထက် ဈေးအနည်းငယ်ကျသွားကြောင်း  သိရှိရပါသည်။

DOCA(ရန်ကုန်)

    ကျွန်းလှမြို့နယ်အတွင်းရှိ ကျေးရွာများတွင် စိုက်ပျိုးရေးလုပ်ငန်းများကို လုပ်ကိုင်လျက်ရှိ ရာ နှစ်ရှည်သီးနှံဖြစ်သည့် သရက်သီးပင်၊ နဂါးမောက်သီးပင်၊ ပိန္နဲသီးပင်၊ မန်ကျည်းသီးပင်၊ သင်္ဘောသီး မှည့် နှင့် မာလကာသီးပင်များကိုလည်း မိမိတို့ နေအိမ် ခြံစည်းရိုးများနှင့် တောင်ယာများထဲတွင် တစ်ပိုင်တစ်နိုင် စိုက်ပျိုးလျက်ရှိပြီး နဂါးမောက်သီး နှင့် သင်္ဘောသီးများကို မန်ကျည်းအင်းကျေးရွာ၊ အင်းကောင်းကျေးရွာ၊ ရှမ်းစုကျေးရွာ နှင့် မြို့ပေါ်ရပ်ကွက်များမှ ကျွန်းလှမြို့၊ သစ်ရာမြိုင်ဈေးသို့ လာရောက် ပို့ဆောင်ကာ အရောင်းအဝယ်ဖြစ်လျက်ရှိကြောင်းသိရသည်။

          ၂၀၂၅ ခုနှစ်၊ နိုဝင်ဘာလ တတိယပတ်အတွင်း ရောင်းချနေသော ကျွန်းလှမြို့၏ နဂါးမောက်သီး ဈေးနှုန်းများမှာ နဂါးမောက်သီး  အကြီး တစ်လုံးလျှင်(၂၀၀၀)ကျပ်၊  အသေး တစ်လုံးလျှင်(၁၅၀၀)ကျပ် မာလကာသီး ဈေးနှုန်းများမှာ မာလကာသီး အကြီး တစ်လုံးလျှင်(၁၀၀၀)ကျပ်၊ အလတ်(၁)လုံးလျှင် (၇၀၀/၈၀၀)ကျပ်၊ (၂)လုံးလျှင်(၁၅၀၀)ကျပ်၊  အသေး တစ်လုံးလျှင်(၅၀၀)ကျပ် ဈေးနှုန်းတို့ဖြင့် လည်း ကောင်း၊ အလားတူပင် အာနီငှက်ပျောသီး တစ်ဖီးလျှင်(၃၅၀၀)ကျပ်၊ ငှက်ပျောသီး ဖီးကြမ်း တစ်ဖီး လျှင်(၃၀၀၀)ကျပ်၊ ခွန်စိမ်းငှက်ပျောသီး တစ်ဖီးလျှင်(၃၀၀၀)ကျပ်ဈေးနှုန်းရှိပြီး ငှက်ပျောဖီး အကြီး အသေးပေါ်မူတည်၍ ဈေးနှုန်းအစားစားတို့ဖြင့် ရောင်းချလျက်ရှိကြောင်း သစ်ရာမြိုင်ဈေးတိုက်တန်းတွင် သစ်သီးမျိုးစုံ ရောင်းချနေသော ဈေးသည် ထံမှ သိရသည်။

DOCA(စစ်ကိုင်း)

     ကျွန်းလှမြို့တွင် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ စပျစ်သီး၊ သင်္ဘောသီး၊ ပျားလိမ္မော်သီး၊ ဖရဲသီး၊ ဩဇာသီး၊ သခွားမွှေးသီး၊ ကျောက်သခွားမွှေးသီး၊ ပန်းသီး၊ ပန်းသစ်တော်သီး၊ မင်းဂွတ်သီး၊  ဒညှင်းသီး  နှင့် ဖရဲသီးများကို  ရောင်းချလျက်ရှိကြောင်းသိရ သည်။

     ၂၀၂၅ ခုနှစ်၊ နိုဝင်ဘာလ တတိယပတ်အတွင်း ရောင်းချနေသော တည်သီး ဈေးနှုန်းများမှာ တည်သီး အကြီး တစ်လုံးလျှင်(၂၅၀၀)ကျပ်၊ အလတ် တစ်လုံးလျှင်(၂၀၀၀)ကျပ်၊ အသေး တစ်လုံးလျှင်(၁၀၀၀)ကျပ်ဈေးနှုန်းတို့ဖြင့် လည်းကောင်း၊ အလားတူပင် ပျားလိမ္မော်သီး ဈေးနှုန်းများမှာ ပျားလိမ္မော်သီး တစ်ပိဿာလျှင်(၂၀၀၀၀) ကျပ်၊ (၅၀)ကျပ်သားလျှင်(၁၀၀၀၀)ကျပ် နှင့် (၂၅)ကျပ်သားလျှင်(၅၀၀၀)ကျပ် နှင့် ထောပတ်သီး ဈေးနှုန်း များမှာ ထောပတ်သီး အကြီး(၁)လုံးလျှင် (၂၀၀၀)ကျပ်၊ ငွေကျပ် (၅၀၀၀)ဖိုးလျှင်(၃)လုံး နှင့် အသေး (၁)လုံးလျှင်(၁၅၀၀)ကျပ်ဈေးနှုန်းတို့ဖြင့်‌ အရောင်းအဝယ်ဖြစ်လျက်ရှိကြောင်း သစ်ရာမြိုင်ဈေး တိုက်တန်းတွင် သစ်သီးမျိုးစုံ ရောင်းချနေသော ဈေးသည် ထံမှ သိရသည်။

DOCA(စစ်ကိုင်း)