ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ် နေရာအနှံ့အပြားတွင် မန်ကျည်းပင်များ အလေ့ကျပေါက်ရောက်ပြီး ဒေသခံပြည်သူများက မန်ကျည်းသီးမှည့်ချိန်တွင် ခူးဆွတ်ကာ ရောင်းချကြောင်း၊ မန်ကျည်းသီးမှည့်တွင် အစေ့ပါမန်ကျည်းသီးမှည့်နှင့် အစေ့လွတ်မန်ကျည်းသီး မှည့်ဟူ၍ နှစ်မျိုးရှိပြီး ဈေးကွက်အတွင်း အစေ့လွတ်မန်ကျည်းသီးမှည့်ကို လူကြိုက်များ၍ အရောင်း အဝယ်ပိုဖြစ်ကြောင်း သိရသည်။

          ကန့်ဘလူမြို့နယ်တွင် မန်ကျည်းသီးမှည့်ကို ဝယ်ယူသည့်ပွဲရုံမရှိဘဲ ကန့်ဘလူမြို့မဈေးတွင် ရောင်းချကြသလို မြို့နယ်အတွင်းရှိ အကြော်ဆိုင်များ၊ အကင်ဆိုင်များနှင့် စားသောက်ဆိုင်များမှ မန်ကျည်းဆော့ပြုလုပ်ရန် ဝယ်ယူကြကြောင်း၊ ဈေးကွက်အတွင်း မန်းကျည်းမှည့်များ ထပ်မံဝင် ရောက်မှုမရှိတော့ပဲ သိုလှောင်ထားသည့်ပစ္စည်းများသာ အရောင်းအဝယ်ဖြစ်နေကြောင်း၊ ဩဂုတ်လ ပထမပတ်အတွင်း  အစေ့လွတ်မန်ကျည်းသီးမှည့် လက်လီတစ်ပိဿာလျှင် (၁၀၀၀၀)ကျပ် လက်ကားတစ်ပိဿာ (၉၀၀၀)ကျပ်၊ (၅၀)ကျပ်သားလျှင် (၄၅၀၀)ကျပ်၊ (၁၀)ကျပ်သားလျှင် (၁၀၀၀)ကျပ်နှင့် အစေ့ပါမန်ကျည်းသီးမှည့် (၁)ပိဿာလျှင် (၄၀၀၀)ကျပ်ဖြင့် ဈေးကွက်အတွင်း အရောင်းအဝယ်ဖြစ်နေကြောင်း လုပ်ငန်းရှင်များထံမှ သတင်းရရှိပါသည်။

DOCA(စစ်ကိုင်း)

     ၂၀၂၅ ခုနှစ်၊ မိုးကာလဇူလိုင်လ စတုတ္ထပတ်အတွင်း ကရင်ပြည်နယ်၊ ဘားအံမြို့ပေါ် ဈေးများတွင် ရေချိုငါးတစ်မျိုးဖြစ်သည့် ငါးသစ်တုံးငါးများ ဈေးကောင်းရကာ အရောင်းသွက် လျက်ရှိကြောင်း သိရသည်။

      ငါးသစ်တုံးငါးများသည် ရေချိုပိုင်းဖြစ်သည့် မြစ်၊ ချောင်း၊ အင်းအိုင်၊ချောင်းမြောင်းများတွင် သာအများဆုံးတွေ့ရသည်။ ငါးသစ်တုံးငါးများကို မိုးကာလဇူလိုင်လမှဩဂုတ်နှင့်စက်တင်ဘာလ လောက်အထိတာ ငါးသစ်တုံးပေါ်ချိန်ဖြစ်သည်ဟုဆိုကြသည်။ ဒေသခံစားသုံးသူများက ငါးသစ်တုံး ငါးကို ဆီပြန်ဟင်း၊ အကြွပ်ကြော်၊ ငါးအိုးကပ်စသည်ဖြင့် ပြုလုပ်စားသောက်ကြပါသည်။ ငါးသစ်တုံး ငါးလေးများသည် အရိုးပါဝါးစားရသောငါးမျိုးဖြစ်သည်။ ငါးသစ်တုံးငါးလေးများ စားပေးခြင်းသည် အရိုးပွရောဂါဖြစ်ပွားခြင်းမှ ကြိုတင်ကာကွယ်ပေးနိုင်သည်။ ငါးသစ်တုံးငါးလေးများ၏ ဈေးနှုန်းများ မှာ လက်ကားဈေးနှုန်းတစ်ပိဿာလျှင်(၁၇၀၀၀)ကျပ်နှင့် လက်လီဈေးနှုန်း တစ်ပိဿာလျှင် (၂၀၀၀၀ /၂၅၀၀၀)ကျပ်တို့ဖြင့် ဒေသထွက်ရေချိုငါးသစ်တုံးငါးကလေးက ဈေးကောင်းလျက်ရှိကြောင်း သိရ သည်။

    ကရင်ပြည်နယ်သည် သံလွင်မြစ်၊ ဂျိုင်းမြစ်၊ သောင်းရင်းမြစ်ကို အခြေခံ၍ မြစ်လက်တက်၊ ချောင်းလက်တက်များ ပေါများပြီး ဒေသထွက်ရေချိုငါးများထွက်ရှိသည်။ ဘားအံမြို့အနီးတဝိုက် ကျေးရွာများရှိ ဒေသခံအချို့သည်သံလွင်မြစ်ကိုအမှီသဟဲပြု၍ တံငါအလုပ်ဖြင့်အသက်မွေးကြကာ ရေချိုငါးဖမ်းလုပ်ငန်းများ တနိုင်တပိုင်လုပ်ကိုင်ကြပြီး ဘားအံမြို့ပေါ်ဈေးများတို့ အဓိကထား လာရောက်ရောင်းချကြောင်း  သိရသည်။

DOCA(ကရင်)

      ၂၀၂၅ ခုနှစ်၊ ဇူလိုင်လ စတုတ္ထပတ်အတွင်း ဘားအံမြို့ပေါ်တွင် မိုးများ၍ရေကြီးနေသော လည်း ဒေသထွက်ကန်စွန်းဥများ ဈေးကောင်းရကာ အရောင်းသွက်လျက်ရှိကြောင်း သိရသည်။

      ကရင်ပြည်နယ်၊ ဘားအံမြို့အနီးတဝိုက်ကျေးရွာများတွင် ကန်စွန်းဥကို အပိုဝင်ငွေရရှိရေး တနိုင်တပိုင်စိုက်ပျိုးကြတလို စီးပွားဖြစ်လည်းစိုက်ပျိုးကြသည်။ လူအများစုသည် ရာသီစာကန်စွန်းဥကို ပြုစားစား၊ ဖုတ်စားစား၊ ယိုထိုးစားစား၊ ဟင်းချက်စားစားစသည်ဖြင့် အမျိုးမျိုးပြုလုပ် စားသုံးကြသည်။ ကန်စွန်းဥတွင် အမျှဓာတ်၊သံဓာတ်၊ပရိုတင်းဓာတ်၊ အဆီဓာတ်၊ ကလက်စထရောဓာတ် တို့ပါဝင်သောကြောင့် စားသုံးသင့်သည့်အစားအစားဖြစ်သည်။ဘားအံမြို့ဒေသထွက် ကန်စွန်းဥဈေးနှုန်း များမှာ ကန်စွန်းဥအကြီး တစ်ပိဿာလျှင်(၃၅၀၀)ကျပ်နှင့် ကန်စွန်းဥအသေး တစ်ပိဿာလျှင်(၃၀၀၀)ကျပ် တို့ဖြစ် အရောင်းအဝယ်ဖြစ်လျက်ရှိကြောင်း သိရသည်။

DOCA(ကရင်)

        ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မမြို့နယ် တာဝန်ခံ ဦးအောင်မိုးနှင့် ဝန်ထမ်းများသည်(၂၂.၇.၂၀၂၅)ရက်နေ့၊ နံနက်(၀၇း၃၀) နာရီအချိန်တွင် မြို့နယ်ကုန်ဈေးနှုန်း တည်ငြိမ်ကျဆင်းရေး ကော်မတီဥက္ကဌနှင့်အဖွဲ့ဝင်များ၏ ဦးဆောင်ကြီးကြပ်မှုဖြင့် မြို့နယ်ဆန်စက်လုပ်ငန်းရှင်များ အသင်းရုံးရှေ့တွင် ဆန်၊ စားအုန်းဆီ၊ ကြက်ဥ တို့ကိုသက်သာသောဈေးနှုန်းများဖြင့် ပြည်သူများအား ရောင်းချပေးခဲ့ပါသည်။

          ထိုသို့ရောင်းချပေးရာတွင် စားသုံးသူပြည်သူများအား ကြက်ဥတစ်လုံး (၃၅၀)၊  ဆန်တစ်ပြည်(၂၀၀၀)၊ စားအုန်းဆီ ၁ပိဿာ(၇၀၀၀)အစရှိသည့်သက်သာသော ဈေးနှုန်းများဖြင့် စားသုံးသူ ပြည်သူများအားမည်သူမဆို လွတ်လပ်စွာဝယ်ယူနိုင်ရန် ရောင်းချပေးခဲ့ကြောင်း သိရှိရပါသည်။

DOCA (ဧရာဝတီ)

        ၂၀၂၅ ခုနှစ်၊ ဇူလိုင်လ(၂၅)ရက်နေ့၊လွိုင်ကော်မြို့၊ သီရိမင်္ဂလာဈေးအတွင်း ဖြစ်ပေါ်နေသော စားသုံးဆီဈေးနှုန်းနှင့် စားဖိုဆောင်သီးနှံဈေးနှုန်းများမှာ မြေပဲဆီ(၁)ပိဿာလျှင်(၂၀၀၀၀)ကျပ်၊ နေကြာဆီ (၁)ပိဿာလျှင်(၂၀၀၀၀)ကျပ်နှင့် စားအုန်းဆီ(၁)ပိဿာလျှင်(၆၇၀၀)ကျပ်တို့ဖြစ်ပြီး စားဖိုဆောင်သီးနှံများ ၏ဈေးနှုန်းများမှာ ကြက်သွန်နီ(၁)ပိဿာလျှင်(၂၀၀၀)ကျပ်၊ ကြက်သွန်ဖြူ(၁)ပိဿာလျှင်(၇၅၀၀)ကျပ်၊ မြေပဲ ဆန်(၁)ပိဿာ လျှင်(၁၀၀၀၀)ကျပ်၊ ဂျင်း(၁)ပိဿာ လျှင်(၃၀၀၀) ကျပ်၊ အိုင်အိုဒင်းဆား (၁)ထုပ်လျှင် (၁၀၀၀)ကျပ်၊ အာလူး(၁)ပိဿာလျှင်(၄၅၀၀)ကျပ်၊ ကုလားပဲခြမ်း(၁)ပိဿာလျှင်(၇၀၀၀)ကျပ်၊ ပဲနီလေး (၁)ပိဿာ လျှင်(၁၂၅၀၀)ကျပ်၊ ငရုတ်သီး (အရှည်) (၁)ပိဿာလျှင် (၁၆၀၀၀)ကျပ်၊ ငရုတ်သီး အပု (၁) ပိဿာလျှင် (၃၅၀၀၀) ကျပ်၊ ပန်းဂေါ်ဖီ (၁)ပွင့်လျှင် (၂၀၀၀)ကျပ်၊ ခရမ်းချဉ်သီး (၁)ပိဿာလျှင် (၃၀၀၀) ကျပ်၊ ပဲတောင်းရှည် (၁)စည်းလျှင် (၅၀၀)ကျပ်၊ ဂေါ်ဖီထုပ် (၁)ထုပ် လျှင် (၁၂၀၀)ကျပ်၊ ကန်စွန်းရွက် (၁)စည်းလျှင် (၃၀၀)ကျပ်ခန့် ရှိပါကြောင်း စားဖိုဆောင်သီးနှံရောင်းချသူများထံမှ သိရှိရပါသည်။

            ယခင်အပတ် ဈေးနှုန်းများနှင့်နှိုင်းယှဉ်ကြည့်လျှင် ကြက်သွန်နီ (၁)ပိဿာလျှင်(၂၀၀)ကျပ်ဖြင့် ဈေးနှုန်းမြင့်တက်သွားပြီး မြင့်တက်ရခြင်းမှာ မိုးတွင်းကာလဖြစ်သည့်အတွက် ကြက်သွန်နီများ ပုပ်သိုးပျက်စီးမှုများ များပြားလာခြင့်ကြောင့် ဈေးတက်ရခြင်းဖြစ်ပါကြောင်းနှင့် ဂျင်း (၁)ပိဿာ လျှင်(၁၀၀၀) ကျပ်၊ အာလူး (၁)ပိဿာ လျှင်(၅၀၀) ကျပ်၊ ပဲနီလေး (၁)ပိဿာလျှင်(၅၀၀)ကျပ်၊ ငရုတ်သီး အပု(၁)ပိဿာလျှင်(၅၀၀၀) ကျပ်၊ ပန်းဂေါ်ဖီ(၁)ပွင့်လျှင် (၅၀၀)ကျပ်၊ ဂေါ်ဖီထုပ် (၁)ထုပ်လျှင် (၃၀၀)ကျပ်၊ ပဲတောင်းရှည်(၁)စည်းလျှင် (၃၀၀)ကျပ်စီဖြင့် ဈေးနှုန်းကျဆင်းသွားပြီး ကျဆင်းလာရခြင်းမှာ ဒေသခံ ပြည်သူများ ပြန်လည်စိုက်ပျိုးလုပ်ကိုင်လျက်ရှိပြီး ဈေးကွက်အတွင်း ဟင်းသီးဟင်းရွက်များ တင်သွင်း ရောင်းချလျက်ရှိသည့်အတွက် ဟင်းသီးဟင်းရွက်ဈေးနှုန်းအများစုမှာ ဈေးနှုန်းအနည်းငယ် ကျဆင်းလျက်ရှိပါကြောင်းနှင့် ကျန်စားဖိုဆောင်သီးနှံဈေးနှုန်းများ တည်ငြိမ်လျက်ရှိပါကြောင်း သိရှိရပါသည်။

DOCA(ကယား)