ပြည်တွင်းကုန်သွယ်မှုသတင်း

      မကွေးတိုင်းဒေသကြီး၊ သရက်ခရိုင်၊ သရက်မြို့နယ် အတွင်းရှိ ကျောက်အိုင်၊ ရွာသစ်ကျေးရွာ၊ မီးသွေးဖုတ်ကျေးရွာနှင့် ကံသာစုကျေးရွာတို့မှထွက်ရှိသည့် ရုံးပတီသီးများ သရက်မြို့နယ်၌ လူကြိုက်များလျက်ရှိကြောင်း သိရသည်။ ၂၀၂၅ခုနှစ်၊ ဩဂုတ်လ(ပထမပတ်)တွင် ရုံးပတီသီး (၄)တောင့်လျှင် ကျပ် (၁၀၀)ဖြင့်ရောင်းချပြီး အတောင့်(၁၀၀)ဈေးနှုန်းမှာ ကျပ်(၂၀၀၀)ဖြင့် ရောင်းချ လျက်ရှိပါသည်။

   ရုံးပတီသီးမှာ အမြင်အာရုံနှင့်အ‌‌ရေပြားကျန်းမာရေးအတွက် အထောက်ပံ့ပေးသော ဗီတာမင် ဒီနှင့် အခြားဓါတ်တိုး ဆန့်ကျင်ပစ္စည်းများလည်း ကြွယ်ဝစွာပါဝင်ပါသည်။ ရုံးပတီသီးကို ကြော်၍သော် လည်းကောင်း၊ ချက်ပြုတ်၍သော်လည်းကောင်း မိမိကြိုက်နှစ်သက်သလို အမျိုးမျိုးစားသုံးကြပြီး သရေ စာအဖြစ် ရုံးပတီသီးကို‌ အကင်လုပ်၍လည်း စားသုံးကြသည်။ နေ့စဥ် ရုံးပတီသီးကို ရေနွေးစိမ်၍ သောက် ပါက ရိုးတွင်းချဥ်ဆီဓါတ် အားကောင်းလာပြီး ခါးနာသူ၊ ဒူးနာသူများ သက်သာစေပါသည်။  ရုံးပတီသီးမှာ အမျှင်ဓါတ်များစွာပါဝင်နေပြီး အသည်းရောဂါမဝင်အောင် ကာကွယ်ပေးနိုင်ပါသည်။ လူတို့အတွက် အစာအာဟာရနှင့် ကျန်းမာရေးအတွက် အထောက်အကူဖြစ်စေသည့် သီးနှံတစ်မျိုး ဖြစ်ပါသည်။ ယခုအချိန်အခါသည် ရုံးပတီသီးလှိုင်လှိုင်ထွက်ရှိနေပြီး အရောင်းအဝယ်ကောင်းလျက်ရှိ ကြောင်း ဈေးသည်များထံမှ သိရသည်။

DOCA(မကွေး)

     မိတ္ထီလာခရိုင်၊ မလှိုင်မြို့နယ်တွင် လယ်ယာထွက်ကုန်သီးနှံမျိုးစုံစိုက်ပျိုးကြပြီး စားဖိုဆောင်သီးနှံ များဖြစ်သော ခရမ်းချဉ်သီး၊ကြက်သွန်နီ၊ ငရုတ်သီးနှံများ စိုက်ပျိုးကြရာ ကံကြီး၊လယ်ကြီး၊သိမ်ကုန်း၊ ချောင်းဆုံ စသည့်ကျေးရွာများမှ ခရမ်းချဉ်သီးကို အများဆုံးစိုက်ပျိုးကြပါသည်။

    ဈေးကွက်အတွင်း ဒေသမျိုးခရမ်းချဉ်(ဗမာ)သီးနှင့် ရှမ်းသီးများ အရောင်းအဝယ်ဖြစ်လျက်ရှိ ကြောင်း၊ရှမ်းသီးကို ရှမ်းပြည်နယ်၊အောင်ပန်းမှ အများဆုံးဝင်ရောက်လျက်ရှိကြောင်း၊ ယခုအပတ်အတွင်း 

   ဗမာသီး(၁)ပိဿာလျှင် (၄၅၀၀)ကျပ်၊ရှမ်းသီး(၁)ပိဿာလျှင် (၂၀၀၀)ကျပ်ဖြင့် အရောင်းအဝယ်ဖြစ် လျက်ရှိကြောင်း၊ ယခင်လနှင့်ကာလတူနှိုင်းယှဉ်လျှင် ဗမာသီး(၁)ပိဿာလျှင် (၅၀၀)ကျပ်၊ရှမ်းသီး(၁) ပိဿာလျှင် (၅၀၀)ကျပ်ခန့်ကျဆင်းလာကြောင်း၊ဈေးနှုန်းကျဆင်းလာရခြင်းမှာ ဈေးကွက်အတွင်း အောင်ပန်းဘက်မှအဝင်များခြင်း၊ ဒေသမှပိုမိုထွက်ရှိလာခြင်းကြောင့်ဖြစ်သည်ဟု ဈေးကွက်မှသိရသည်။ 

DOCA (မန္တလေး)

     မိတ္ထီလာမြို့နယ်၌ ၂၀၂၅-၂၀၂၆ ခုနှစ်စိုက်ပျိုးရာ ရာသီအထွက်နွေစပါး(၇၀၈)ဧက စိုက်ပျိုးခဲ့ရာ ဇူလိုင်လကုန်အထိ (၃၇၀)ဧကရိတ်သိမ်းပြီးအထွက်နှုန်းအနေဖြင့် တစ်ဧက(၈၈.၅၀)တင်းထွက်ရှိကြောင်း သိရသည်။     

          နွေစပါးကို မိတ္ထီမြို့နယ်တွင် မိတ္ထီလာကန်ရေရရှိသော လယ်မြေများ၌ (၄၂၉)ဧက၊ မုန်တိုင်ဆည် ရေပေးရေးလယ်မြေများတွင် (၂၀၄)ဧက၊ ချောင်းကောက်ဆည်ရေပေးလယ်မြေများတွင် (၆၃)ဧက၊စုစု ပေါင်း(၇၀၈)ဧက စိုက်ပျိုးခဲ့ရာ ဘောင်ပျိုးစနစ်ဖြင့်(၆၅)ဧက၊ ပျိုးစိုက်စနစ်ဖြင့်(၅၆၀)ဧက ၊အစေ့ချစနစ် ဖြင့် စိုက်ဧက(၈၃)ဧကစိုက်ပျိုးကြောင်း၊ တစ်ဧကအထွက်နှုန်းအနေဖြင့် ဘောင်ပျိုးစနစ်မှာ(၉၃.၂၄) တင်းဖြင့် အများဆုံးထွက်ရှိကြောင်း သိရပါသည်။

          နွေစပါးမှာ ဆည်ရေကန်ရေရရှိသော လယ်မြေများတွင်စိုက်ပျိုးရသဖြင့် သက်နုစပါးများကို စိုက်ပျိုးရာ ယခုနှစ်တစ်ဧကကုန်ကျစရိတ်မှာ (၆၅၀၀၀၀)ခန့်ကုန်ကျပြီး စပါးဈေးနှုန်းမှာ တစ်တင်းလျှင် (၁၅၅၀၀/၁၆၀၀၀)ဈေးရှိသည့်အတွက် တောင်သူများထိုက်သင့်သည့် အကျိုးအမြတ်ရရှိကြောင်း တောင်သူများထံမှ သိရပါသည်။               

    DOCA (မန္တလေး)

          မန္တလေးတိုင်းဒေသကြီး၊မိတ္ထီလာခရိုင်၊ သမဝါယမနှင့် ကျေးလက်ဖွံ့ဖြိုးရေးဦးစီးဌာန၊အသေးစား စက်မှုလုပ်ငန်းဦးစီးဌာန၊ ရက်ကန်းနှင့်အသက်မွေးပညာသင်တန်းတွင် (၅.၈.၂၀၂၅)ရက်နေ့၌ အသေး စားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစုဝင်ငွေတိုးရေးစီမံကိန်း လုပ်ငန်း သုံးပစ္စည်းပေးအပ်ပွဲအခမ်းအနားကို ရက်ကန်းနှင့်အသက်မွေးပညာသင်တန်းကျောင်းတွင်ပြုလုပ်ခဲ့ပြီး အဆိုပါသင်တန်းတင်ပေးအပ်ပွဲကို မြို့နယ်သမဝါယမ၊ ခရိုင်ကျေးလက်ဖွံ့ဖြိုးရေးဦးစီးဌဦန၊ အမျိုးသမီး ရေးရာအဖွဲ့၊ မိခင်နှင့််ကလေးစောင့်ရှောက်ရေးအဖွဲ့နှင့် စားသုံးသူရေးရာဦးစီးဌာန ၊ခရိုင်စီမံအုပ်ချုပ်ရေး အဖွဲ့နှင့်ဌာနဆိုင်ရာအဖွဲ့ဝင်များ တက်ရောက်ခဲ့ပါသည်။     

          အဆိုပါသင်တန်းဆင်းပွဲကို အသေးစားနှင့်စက်မှုလက်မှုလုပ်ငန်းဦးစီးဌာန ဦးဝင်းဗိုလ်က သင်တန်းဆင်းအမှာစကားပြောကြားပြီး ဝမ်းတွင်းမြို့၊နေပူကုန်းအုပ်စု၊ဇီးကုန်းကျေးရွာမှစက်ချုပ်သင်တန်းသူ(၁၅)ဦးတက်ရောက်ပြီးထူးချွန်သူ(၅)ဦးကိုလုပ်ငန်းသုံးပစ္စည်းများပေးအပ်ခဲ့ကြောင်းသိရသည်။                                                                                                                                                                                                                                                                                                                                                                 DOCA (မန္တလေး)

    မိတ္ထီလာဈေးကွက်အတွင်း ယခုဩဂုတ်လပထမပတ်တွင်ဖြစ်ပေါ်နေသော ဆီထွက်သီးနှံ ဈေးနှုန်း များမှာ နှမ်းညိုတစ်တင်းလျှင် (၈၅၀၀၀-၈၇၀၀၀)ကျပ်၊ နှမ်းဖြူတစ်တင်းလျှင် (၉၀၀၀၀)ကျပ်၊ နေကြာစေ့တစ်ပိဿာလျှင်(၅၈၀၀-၆၀၀၀)ကျပ်၊ မြေပဲဆံတစ်ပိဿာလျှင်(၇၅၀၀)ကျပ် ၊ မြေပဲဆီ တစ်ပိဿာလျှင် (၁၆၀၀၀-၁၇၀၀၀)ကျပ်၊ နှမ်းဆီ (၁၃၀၀၀-၁၅၅၀၀)ကျပ်၊ နေကြာဆီတစ်ပိဿာလျှင် (၁၈၀၀၀) ကျပ်၊ နှမ်းဖတ်တစ်ပိဿာလျှင် (၂၆၀၀-၂၆၅၀)ကျပ်၊ ပဲဖတ်တစ်ပိဿာလျှင်(၄၃၀၀)ကျပ်၊ နေကြာဖတ် တစ်ပိဿာလျှင်(၂၈၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခင်လနှင့်ကာလတူ နှိုင်းယှဉ်လျှင် နှမ်းညိုတစ်တင်းလျှင် (၆၀၀၀-၇၀၀၀)ကျပ်၊ နှမ်းဖြူတစ်တင်းလျှင် (၈၀၀၀)ကျပ်၊ မြေပဲဆံတစ်ပိဿာလျှင်(၁၀၀၀)ကျပ်၊နေကြာစေ့တစ်ပိဿာလျှင်(၃၀၀-၄၀၀)ကျပ်၊ နှမ်းဖတ်တစ်ပိဿာ လျှင်(၂၀၀-၂၅၀)ကျပ်၊ ပဲဖတ်တစ်ပိဿာလျှင်(၅၀၀)ကျပ်၊ပဲဆီ၊နှမ်းဆီ၊နေကြာဆီဈေးနှုန်းများမှာ (၅၀၀) ကျပ်ခန့်အသီးသီးဈေးနှုန်းကျဆင်းလာကြောင်း၊ ဈေးနှုန်းကျဆင်းလာရခြင်းမှာ မိုးနှမ်းများဈေးကွက်သို့ လှိုင်လှိုင်ဝင်ရောက်လာခြင်း၊ ကုန်ကြမ်းဈေးများကျဆင်းလာသဖြင့် ကုန်ချောဆီဈေးနှုန်းနှင့် ပဲဖတ်၊ နှမ်းဖတ်ဈေးများပါအနည်းငယ်ကျဆင်းလာကြောင်းသိရပါသည်။

    ဈေးကွက်အနေဖြင့် မိတ္ထီလာမြို့ပေါ်ရှိပွဲရုံများတွင် မိုးနှမ်းများတစ်ရက်လျှင် အိတ်( ၅၀၀-၈၀၀) ခန့်ဝင်ရောက်လျက်ရှိပြီး ဒေသတွင်းဆီကြိတ်စက်များအပြင် မန္တလေး၊ ရန်ကုန်မြို့များသို့ တင်ပို့ ရောင်းချလျက်ရှိကြောင်း သီးနှံပွဲရုံများမှသိရပါသည်။

DOCA (မန္တလေး)