ပြည်တွင်းကုန်သွယ်မှုသတင်း

ဗမာခရမ်းချဉ်သီးဆိုသည်မှာ မြန်မာနိုင်ငံတွင် စိုက်ပျိုးသည့်ရာသီပေါ်ခရမ်းချဉ်သီး အမျိုး အစားတစ်ခုဖြစ်ပြီး အရသာရှိတဲ့အပြင် အာဟာရဓာတ်ကြွယ်ဝသည်။

မြင်းခြံမြို့နယ်ရှိ ကုန်စိမ်းဈေးဖြစ်သော အေးမြသီတာဈေးတွင် ဗမာခရမ်းချဉ်သီး လက်လီ တစ်ပိဿာလျှင်(၅၀၀)ကျပ်မှ(၁၀၀၀)ကျပ်ဖြင့်ရောင်းချနေပြီး ပွဲရုံများတွင်လက်ကားဂျွန် တစ်ပိဿာ လျှင်(၇၀၀)ကျပ်ဖြင့် ရောင်းချလျက်ရှိကြောင်း၊ ဗမာခရမ်းချဉ်သီး အရွယ်အစား၊ အရည်အသွေး ပေါ်မူတည်၍ ဈေးနှုန်းအနည်းငယ်ကွာခြားသည်။ ဝင်ရောက်မှုအနေဖြင့် ဒေသတွင်းရွာများဖြစ်သော ဂျုပ်ပင်ရွာ၊ နဘူးအိုင်ရွာများနှင့် ပုပ္ပားမြို့တို့မှ ဝယ်ယူရောင်းချသည်။

ဗမာခရမ်းချဉ်သီးများသည် ရာသီဥတုနှင့်မြေဆီလွှာအခြေအနေပေါ်မူတည်၍ အရည်အသွေး ကောင်းမွန်ပြီး ဈေးကွက်တွင်ဝယ်ယူမှုများပြားလျက်ရှိသည်။ ယခုအချိန်တွင် ဗမာခရမ်းသီးများ လှိုင်လှိုင်ထွက်ပေါ်ချိန်ဖြစ်သောကြောင့် ဈေးကွက်တွင် ဝယ်ယူစားသုံးမှုများပြားလျက်ရှိကြောင်း ကုန်စိမ်းရောင်းချသူများထံမှသိရသည်။

DOCA(မန္တလေး)

ငါန်းဇွန်မြို့နယ်သည် သီးနှံမျိုးစုံစိုက်ပျိုးဖြစ်ထွန်းလျက်ရှိရာ ကုလားပဲသီးနှံကို မိုးစပါးများ ရိတ်သိမ်းပြီးချိန်တွင် စတင်စိုက်ပျိုးကြကြောင်း သိရသည်။ ၂၀၂၄-၂၀၂၅ ခုနှစ်တွင် ကုလားပဲ လျာထားဧက(၃၈၅၀)လျာထားပြီး (၃၇၀၈) ဧကသာစိုက်ပျိုးမှုရှိကြောင်း စိုက်ပျိုးရေးစာရင်းအရ သိရသည်။ ကုလားပဲမျိုးမှာ V2 မျိုးနှင့် ရိုးရိုးကုလားပဲမျိုး ဟူ၍ (၂)မျိုးရှိပြီး V2 မျိုးကိုသာ အများဆုံး စိုက်ပျိုးကြောင်း ဘုရားထူးကျေးရွာမှ တောင်သူတစ်ဦး၏ ပြောပြချက်အရသိရသည်။ ကုလားပဲ မျိုးကို အချို့တောင်သူများမှာ  မိမိအိမ်တွင် သိမ်းဆည်းထားပြီး အချို့က မန္တလေးမြို့ ပွဲရုံများမှ ဝယ်ယူကြကြောင်း သိရသည်။ မျိုးဈေးမှာ တစ်တင်းလျှင် (၁)သိန်းကျပ်ဈေးရှိကြောင်း တစ်ဧကလျှင် (၁)တင်း/(၁)တင်းခွဲပက်ကြဲရကြောင်း၊ မြေဆီတစ်အိတ်လျှင်(၁၀၅၀၀၀)ကျပ်ဈေးနှုန်းရှိပြီး တစ်ဧက တစ်အိတ်ထည့်ပါကြောင်း ၊ (၁)ဧကကုန်ကျစရိတ်အနေဖြင့်(၃၅၀၀၀၀)ကျပ်ခန့်ကုန်ကျကြောင်း သိရ သည်။ တစ်ဧကအထွက်နှုန်းမှာ(၉/၁၀)တင်းခန့်ထွက်ရှိကြောင်း အကျိုးအမြတ်အနေဖြင့်(၃၅၀၀၀၀ ) ကျပ်ဝန်းကျင်ရရှိကြောင်း သိရသည်။ ယခင်နှစ်ဈေးနှုန်းမှာV2 တစ်တင်းလျှင်(၈၅၀၀၀)ကျပ်နှင့် ရိုးရိုး ကုလားပဲ တစ်တင်းလျှင် (၇၆၀၀၀)ကျပ်ရှိပြီး ယခုနှစ်ပေါ်စဈေးမှာV2 တစ်တင်းလျှင်(၇၅၀၀၀ )ကျပ် နှင့် ရိုးရိုးကုလားပဲတစ်တင်းလျှင် (၇၀၀၀၀)ကျပ်ဖြစ်ကြောင်း ၊ ရောင်းဝယ်မှုအနေဖြင့် မန္တလေးမြို့ ပွဲရုံများသို့တင်ပို့ရောင်းချကြောင်း တောင်သူတစ်ဦး၏ ပြောပြချက်အရ သိရသည်။

DOCA(မန္တလေး)

              စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်အနေဖြင့် ဒေသတွင်းစိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက်အခြေအနေတို့အား ရေးသားတင်ပြလျက်ရှိရာ ယခုအခါ ကန့်ဘလူမြို့ပေါ်ရှိ ကုန်စုံဆိုင်များတွင်ရောင်းချလျက်ရှိသည့် ဇီးတော်ဖီ(ခေါ်)ဇီးထန်းလျက်ကို ရွှေဘိုမြို့ရှိလက္ကားဆိုင်များမှ ဝယ်ယူရောင်းချကြောင်း သိရသည်။

             ၂၀၂၅ ခုနှစ်၊ မတ်လ တတိယပတ်တွင်ရောင်းချနေသော ဇီးတော်ဖီ(ခေါ်)ဇီးထန်းလျက် ဈေးနှုန်းမှာ (၁)ပိဿာလျှင် (၆၅၀၀)ကျပ်၊ (၅၀)ကျပ်သားလျှင် (၃၃၀၀)ကျပ်နှင့် (၁၀)ကျပ်သားလျှင် (၇၀၀)ကျပ်ဖြင့် ရောင်းချကြောင်း၊ ဇီးတော်ဖီကို ဇီးသီးမှုန့်၊ ထန်းလျက်၊ သကြားစသည့်တို့ဖြင့် ပြုလုပ် ထားသည့်အတွက် ချဉ်ချိုအရသာပြီး လူကြီးလူငယ်မရွေး ကြိုက်နှစ်သက်၍ အရောင်းသွက်လျက်ရှိကြောင်း လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

           စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်အနေဖြင့် ဒေသတွင်း စိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက်အခြေအနေတို့အား ရေးသားတင်ပြလျက်ရှိကြောင်း သိရသည်။

            ယခုအခါ ကန့်ဘလူမြို့ပေါ်ရှိ ကုန်စုံဆိုင်များတွင် ရောင်းချလျက်ရှိသည့် ကြံသကာများကို မန္တလေးမြို့နှင့် ရွှေဘိုမြို့တို့မှ ဝယ်ယူရောင်းချကြောင်း၊ ၂၀၂၅ ခုနှစ်၊ မတ်လ တတိယပတ်တွင် ရောင်းချနေသော ကြံသကာဈေးနှုန်းမှာ တစ်ပိဿာလျှင် ၆၀၀၀ကျပ် ၊ (၅၀)ကျပ်သားလျှင် ၃၀၀၀ ကျပ်နှင့် (၁၀)ကျပ်သားလျှင် ၆၅၀ကျပ်ဖြင့်ရောင်းချကြောင်း၊ ယခင်အပတ်ဈေးနှုန်းများနှင့် နှိုင်းယှဉ် ပါကယခုပတ်အတွင်း ကြံသကာဈေးနှုန်း အနည်းငယ်ကျဆင်းသွားကြောင်း လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

           စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်အနေဖြင့် ဒေသတွင်း စိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက်အခြေအနေတို့အား ရေးသားတင်ပြလျက်ရှိရာ ယခုအခါ ကန့်ဘလူမြို့ပေါ်ရှိ ကုန်စုံဆိုင်များတွင်ရောင်းချလျက် ရှိသည့် ထန်းလျက်များကို ရွှေဘိုမြို့လက္ကားဆိုင်များမှ ဝယ်ယူရောင်းချကြောင်း သိရသည်။

           ၂၀၂၅ ခုနှစ်၊ မတ်လ တတိယပတ်တွင်ရောင်းချနေသော ထန်းလျက်ဈေးနှုန်းမှာ ပန်ထန်း လျက်တစ်ပိဿာလျှင် (၉၀၀၀)ကျပ်၊ ရိုးရိုးထန်းလျက်တစ်ပိဿာလျှင် (၆၃၀၀)ကျပ်၊ နို့ထန်းလျက် တစ်ပိဿာလျှင် (၇၀၀၀)ကျပ်နှင့် စမုံထန်လျက်အသေး(၁)ပိဿာလျှင် (၈၀၀၀)ကျပ်ဖြင့် ရောင်းချ ကြောင်း လုပ်ငန်းရှင်ထံမှ သိရသည်။

            ထန်းလျက်သည် ထန်းပင်မှရရှိသည့် တန်ဖိုးမြင့်ထုတ်ကုန်တစ်ခုဖြစ်ပြီး ထန်းလျက်ကို အစားအသောက်များ၌ ထည့်သွင်းအသုံးပြုကြကြောင်း၊ မြေပဲယို၊ နှမ်းယို၊ ဇီးယို စသည်တို့ပြုလုပ် ခြင်းနှင့် ဆေးဖော်စပ်ရာတွင်လည်း ထန်းလျက်ကိုအသုံးပြုကြောင်း သိရှိရပါသည်။

DOCA(စစ်ကိုင်း)