ပြည်တွင်းကုန်သွယ်မှုသတင်း

     ပြည်တွင်းစားသုံးမှုနှင့်ပြည်ပသို့တင်ပို့သည့်ပဲတီစိမ်းမှာအရောင်းသွက်သည့် ပဲအမျိုးအစား ဖြစ်ပြီး၊ မန္တလေးတိုင်းဒေသကြီးအတွင်း၂၀၂၄-၂၀၂၅ ခုနှစ် ပဲတီစိမ်းစိုက်ပျိုးမှု (၂၇၀၉၅၈)ဧက၊ ရိတ် သိမ်း(၂၅၃၄၄၁)ဧက၊ အထွက်နှုန်း(၁၁.၆၄)တင်းနှင့် အထွက် (၂၉၄၉၀၁၇)တင်းဖြစ်ကြောင်း သိရှိရပါ သည်။မန္တလေးပွဲစား၊ကုန်သည်၊စက်ပိုင်များမဟာကထိန်တော်အသင်းတွင်၂၀၂၅ခုနှစ်အောက်တိုဘာ လနောက်ဆုံးပတ်အတွင်း ဖြစ်ပေါ်လျက်ရှိသောစျေးမှာ ၃တင်းဝင်တစ်အိတ်လျှင် ပဲတီစိမ်း (ညာ) ၂၄၅၀၀၀ကျပ်နှင့် ၃၃၅၀၀၀ကျပ်၊ပဲတီစိမ်း(ပဲခွဲ)၂၈၀၀၀၀ကျပ်နှင့် ၃၀၅၀၀၀ကျပ်၊ တစ်ပိဿာစျေးမှာ ပဲတီစိမ်း(ညာ)၄၃၅၆ကျပ်နှင့်၅၉၅၆ကျပ်၊ပဲတီစိမ်း(ပဲခွဲ) ၄၉၇၈ကျပ်နှင့် ၅၄၂၂ကျပ် တို့ဖြစ်ကြောင်း သိရှိရပါသည်။ ယခင်နှစ် ကာလတူတစ်ပိဿာစျေးမှာ ပဲတီစိမ်း(အညာ)၃၅၅၆ ကျပ်နှင့် ၄၃၂၀ ကျပ်၊ ပဲတီစိမ်း(ပဲခွဲ) ၂၈၄၄ ကျပ်နှင့် ၃၂၀၀ကျပ်တို့ဖြစ်ပေါ်ခဲ့ပြီး၊ ကာလတူစျေးနှိုင်းယှဉ်ပါက ပဲတီစိမ်း (ညာ) မှာ တစ်ပိဿာလျှင် ၁၆၃၆ ကျပ်စျေး ပိုမိုရရှိကြောင်း သိရပါသည်။

DOCA(မန္တလေး)

    စားတော်ပဲမှာ ပြည်တွင်းစားသုံးမှုများပြားသည့်ပဲဖြစ်ပြီး၊စျေးကွက်အတွင်း အရောင်းသွက်သည့်ပဲအမျိုးအစားဖြစ်ကြောင်း သိရပါသည်။မန္တလေးတိုင်းဒေသကြီးအတွင်း အမရပူရ၊ပြင်ဦးလွင်၊  မိုးကုတ်၊တကောင်း၊စဉ့်ကူး၊မတ္တရာနှင့်မြင်းခြံမြို့နယ်တို့တွင် စားတော်ပဲများစိုက်ပျိုးပြီး၊၂၀၂၄-၂၀၂၅ ခုနှစ်အတွင်း စားတော်ပဲအပါအဝင် ပဲမျိုးစုံစိုက်ပျိုးမှု  ၁၀၁၉၄၇၇ ဧကဖြစ်ကြောင်း သိရှိရပါသည်။ မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင်၂၀၂၅ခုနှစ် အောက်တိုဘာ လ နောက်ဆုံးပတ်အတွင်းဖြစ်ပေါ်သည့်ပေါက်စျေးမှာ၃တင်းဝင်တစ်အိတ်လျှင် စားတော်ပဲ(ကနေဒါ)    ၃၅၅၀၀၀ကျပ်နှင့် ၃၆၀၀၀၀ကျပ်၊စားတော်ပဲ(ကျွန်း) ၈၅၀၀၀၀ ကျပ်နှင့် ၈၇၀၀၀၀ ကျပ်၊ တစ် ပိဿာလျှင်စားတော်ပဲ (ကနေဒါ) ၅၉၉၂ကျပ်နှင့် ၆၀၇၆ကျပ်၊စားတော်ပဲ(ကျွန်း)၁၄၃၄၆ကျပ်နှင့် ၁၄၆၈၄ ကျပ်တို့ဖြစ်ကြောင်းသိရှိရပါသည်။ ယခင်နှစ်ကာလတူတစ်ပိဿာပေါက်ဈေးမှာ စားတော်ပဲ (ကနေဒါ)၉၁၉၈ ကျပ်နှင့် ၉၂၈၃ကျပ်၊စားတော်ပဲ(ကျွန်း) ၆၀၇၆ ကျပ်နှင့် ၆၅၈၂ကျပ်ဖြစ်ပြီး၊ ယခုနှစ်နှင့် ယခင်နှစ် ကာလတူစျေးနှိုင်းယှဉ်ပါက တစ်ပိဿာ လျှင် စားတော်ပဲ (ကျွန်း) ၈၁၀၂ ကျပ်တို့စျေး ပိုမိုရရှိကြောင်း သိရှိရပါသည်။

DOCA(မန္တလေး)

        မန္တလေးစျေးကွက်အတွင်း တိရိစ္ဆာန်အစာဆီကြိတ်ဖတ်အမျိုးမျိုး အရောင်းသွက်လျက်ရှိကြောင်း သိရှိရပါသည်။ဆီထွက်သီးနှံမြေပဲ၊နှမ်းနှင့် နေကြာသီးနှံများအား ပြည်တွင်းစားဆီ ကြိတ်ခွဲခြင်းတွင် အရေးပါသကဲ့သို့မြေပဲနှင့်နှမ်းမှာပြည်ပသို့ တင်ပို့သည့်ကုန်စည်အမယ်များဖြစ်ပါသည်။ မြေပဲ၊နှမ်း၊နေကြာသီးနှံများအား စားဆီကြိတ်ခွဲပြီး ထွက်ရှိလာသည့်မြေပဲဖတ်၊ နှမ်းဖတ်နှင့် နေကြာဖတ်များကို တိရိစ္ဆာန်အစာအဖြစ် အသုံးပြုလျက်ရှိပြီး၊ အရောင်းသွက်လျက်ရှိကြောင်း သိရှိရ ပါသည်။ မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ်အောက်တိုဘာလ နောက်ဆုံးပတ်အတွင်း ဖြစ်ပေါ်လျက်ရှိသည့် စားဆီတစ်ပိဿာပေါက်စျေးများမှာ မြေပဲဆီ ၁၃၀၀ဝိ/- နှင့်၁၅၀၀ဝိ/-၊ နှမ်းဆီ ၁၂၅၀ဝိ/-စျေး၊နေကြာဆီ ၂၂၀၀၀ ကျပ်နှင့် ၂၂၅၀၀ ကျပ်တို့ဖြစ်ကြောင်း သိရှိရပါသည်။ ပဲဖတ်တစ်ပိဿာ ပေါက်စျေးများအနေဖြင့် မြေပဲဖတ် ၆၀၀ဝိ/- နှင့် ၆၂၀ဝိ/-၊နှမ်းဖတ် ၃၆၀ဝိ/-နှင့်၃၈၀ဝိ/-၊နေကြာဖတ် ၃၀၀ဝိ/-နှင့် ၃၂၀၀ကျပ်တို့ဖြင့် ရောင်းချလျက်ရှိကြောင်း သိရပါ သည်။

DOCA(မန္တလေး)

            အစေ့ထုတ်ပြောင်းကို အဓိကအားဖြင့် ပြည်တွင်းမွေးမြူရေးအစားအစာအဖြစ် အများဆုံး အသုံးပြုလေ့ရှိကြသည်။အရက်ချက်လုပ်ငန်းများ၊ထောပတ်ဖြင့်ပေါက်ပေါက်ပွင့်ပြုလုပ်၍ တန်ဖိုးမြှင့် ထုတ်ကုန်သရေစာအဖြစ်လည်း စားသုံးလေ့ရှိကြသည်။ အစေ့ထုတ်ပြောင်း(မိုး)ကို မေ၊ ဇွန်လများတွင် စိုက်ပျိုးကြပြီး အောက်တိုဘာ၊ နိုဝင်ဘာ၊ ဒီဇင်ဘာလများတွင် ရိတ်သိမ်းလေ့ရှိပါသည်။ အစေ့ထုတ် ပြောင်း(ဆောင်း)ကို အောက်တိုဘာ၊ နိုဝင်ဘာလများတွင် စိုက်ပျိုးကြပြီး ဖေဖော်ဝါရီ ၊မတ်၊ဧပြီလ များတွင် ရိတ်သိမ်းလေ့ရှိပါသည်။ ၂၀၂၅-၂၀၂၆ ခုနှစ်၊  မြင်းခြံမြို့နယ်တွင် အစေ့ထုတ်ပြောင်း(မိုး) သီးနှံကို(၂၂၉၂)ဧကစိုက်ပျိုးထားရှိပြီး အစေ့ထုတ်ပြောင်း(ဆောင်း)သီးနှံကို(၄၃၁၈)ဧက စိုက်ပျိုးထား ရှိကြောင်းသိရှိရသည်။ ရိတ်သိမ်းဧကအနေဖြင့် အစေ့ထုတ်ပြောင်း(မိုး)သီးနှံကို(၁၀၅)ဧကခန့်သာ ဖူးချိုးရိတ်သိမ်းလျက်ရှိနေပြီး စိုက်ဧကအားလုံးရိတ်သိမ်းကာ လှိုင်လှိုင်ထွက်ပေါ်လာပါက ကုန်စည် စီးဆင်းမှုအနေဖြင့် မြင်းခြံမြို့သို့  မြို့နယ်အတွင်းကျေးရွာအစုံမှ အစေ့ထုတ်ပြောင်းများ ဝင်ရောက်ပြီး မြင်းခြံမြို့မှ မြဝတီ/ရန်ကုန်မြို့များသို့လည်းကောင်း၊ ငါန်းဇွန်မြို့နယ်၊ မြို့သာစက်မှုဥယျာဉ်မြို့တော် ရှိ တိရစ္ဆာန်အစားအစာထုတ်လုပ်သည့်စက်ရုံများဖြစ်သည့် Japfa Comfeed Myanmar Pte.Ltd နှင့် De Hues Myanmar Ltd  ကုမ္ပဏီများသို့ တိရစ္ဆာန်အစားအစာထုတ်လုပ်သည့် ကုန်ကြမ်းအဖြစ် အသုံးပြုရန်အတွက်လည်းကောင်း တင်ပို့ရောင်းချကြကြောင်း ကုန်သည်များထံမှသိရှိရပါသည်။

DOCA (မန္တလေး)

                 မန္တလေးတိုင်းဒေသကြီး၊ မြင်းခြံခရိုင်၊ မြင်းခြံမြို့နယ်အတွင်းရှိ ဆီမီးခုံ၊ ရန္တပို၊ ဆင်ချောင်း၊ တလုပ်မြို့၊ သာပေါင်း၊ ခေါင်းကွဲ၊ ပတ္တာ၊ လေးအိမ်တန်း၊ ရှားတော၊ ဒေါင့်သစ်၊ လင့်ကြီး၊ သဲဖြူဝ၊ ထနောင်းကုန်း၊ထနောင်းတိုင် စသည့်ကျေးရွာအုပ်စုများအတွင်းရှိ ဧရာဝတီမြစ်ရေဝင် မြစ်ရိုး တစ်လျှောက် သဲနုန်းမြေအမျိုးအစားဖြစ်သည့် ကိုင်းကျွန်းမြေများတွင် ဖူးစားပြောင်း၊CPပြောင်း၊ငရုတ်၊ ပဲမျိုးစုံနှင့်ကုန်စိမ်းသီးနှံမျိုးစုံကို စိုက်ပျိုးကြသလိုဆေးရွက်ကြီးကိုလည်း အားထားစိုက်ပျိုးထား ကြောင်းသိရသည်။ မြင်းခြံမြို့နယ်အနေဖြင့် ယခုနှစ်ဆေးရွက်ကြီးစိုက်ပျိုးရန် လျာထားဧက(၁၅၈၅၅) ဧကအနက် အောက်တိုဘာလ စတုတ္တပတ်အထိ(၆၉၃၃)ဧက စိုက်ပျိုးပြီးဖြစ်ကြောင်း သိရှိရသည်။

          အောက်တိုဘာလဆန်းမှစတင်စိုက်ပျိုးပြီး နိုဝင်ဘာလအထိစိုက်ပျိုးသွားမည့် ဆေးရွက်ကြီးများသည် ဖေဖော်ဝါရီလ တတိယပတ်ခန့်မှစတင်၍ မတ်လအထိခူးဆွတ်ရိတ်သိမ်းသွားမည် ဖြစ် ကြောင်း၊ ဆေးရွက်ကြီးသည် မျိုးစေ့ကိုပျိုးထောင်စိုက်ပျိုးရပြီး ပျိုးပင်များ ပျိုးထောင်ရောင်းချသည့် မြင်းခြံမြို့နယ်၊ ထနောင်းကုန်းရွာ၊ ထနောင်းတိုင်ရွာ၊ ဂေါင်းကွဲရွာ၊ တောင်သာမြို့နယ်၊ တမံကြီး ကျေးရွာများထံမှ ပျိုးပင်တစ်ပင်လျှင် (၁၅)ကျပ်နှုန်းဖြင့် သွားရောက်ဝယ်ယူကာ စိုက်ပျိုးကြကြောင်း၊ ရေလိုအပ်ပါကရေသွင်းစိုက်ပျိုးကြပြီး တစ်ဧကလျှင် ဆေးရွက်ကြီးပျိုးပင် ၅၅၀၀ မှ ၆၀၀၀ ခန့် စိုက်ပျိုးကြကြောင်း၊ ယခင်နှစ်တွင် ပျမ်းမျှအထွက်နှုန်းအနေဖြင့် တစ်ဧကလျှင်ပိဿာ(၇၀၀) ခန့် ထွက်ရှိကြောင်းနှင့် ဆေးရွက်ကြီး တစ်ပိဿာလျှင် (၉၀၀၀)ကျပ်နှုန်းဖြင့် အရောင်းအဝယ်ဖြစ်ခဲ့ ကြောင်း၊ ဈေးကွက်အနေဖြင့် အခြားမြို့များသို့ တင်ပို့ရောင်းချခြင်းမရှိဘဲ မြင်းခြံမြို့ရှိ ဆေးလိပ်ခုံများသို့သာ ရောင်းချရပါကြောင်း၊ ယခုနှစ်တွင် ဆောင်းရာသီနှင့် ဆောင်းအကုန်နွေအကူးလေကြီးမိုးကြီး ရာသီဥတုဖျက်ဆီးမှုမရှိရန်နှင့်ယခင်နှစ်ကထက်ဆေးရွက်ကြီးဈေးနှုန်းပိုမိုရရှိပါက တောင်သူများအကျိုးအမြတ်ပိုမိုရရှိမည်ဟု မျှော်လင့်မိပါကြောင်း ဆေးရွက်ကြီးစိုက်ပျိုးလျက်ရှိသည့် တောင်သူတစ်ဦးထံမှသိရသည်။

DOCA (မန္တလေး)