ပြည်တွင်းကုန်သွယ်မှုသတင်း

           ငါန်းဇွန်မြို့နယ်၏ ၂၀၂၅-၂၀၂၆ ခုနှစ်တွင် ဆောင်းပဲတီစိမ်းများကို သီတင်းကျွတ်လတွင် စတင် စိုက်ပျိုးပြီး လျာထားဧက(၁၈၀၀) ရှိပြီး ယခုအခါ စိုက်ပျိုးပြီးစီးမှုမှာ (၅၇၀)ဧက ရှိကြောင်း သိရသည်။ ယခင်နှစ် လျာထားဧက(၁၈၀၀)ဧက၊ စိုက်ပျိုးဧက (၁၃၀၇)၊ အထွက်နှုန်းမှာ(၁၂.၈၅)တင်းနှင့် အထွက် တင်းပေါင်း (၁၆၇၉၅)တင်းရှိကြောင်း သိရသည်။ စိုက်ပျိုးသောမျိုးများမှာရေဆင်း-၁၄နှင့်ရေဆင်း-၁၁မျိုးများကိုသာအဓိကစိုက်ပျိုးကြောင်း၊ယခင်နှစ်ပေါ်ဦးပေါ်စအချိန်ပဲတီစိမ်းတစ်ပိဿာဈေးနှုန်းမှာ(၃၀၀၀/၃၂၀၀)ကျပ်ရှိပြီး စိုက်ပျိုးမှုများသော ကျေးရွာများမှာ ဘုရားထူး၊ ရွာသစ်၊ ကုလား ရွာ၊ ကျောက်တလုံး၊ သာစည်စသည့်တို့ဖြစ်ပြီး ရောင်းချမှုအနေဖြင့် မန္တလေးမြို့သို့ တင်ပို့ရောင်းချကြောင်း သိရသည်။

DOCA (မန္တလေး)

          မန္တလေးတိုင်းဒေသကြီး ငါန်းဇွန်မြို့နယ်သည် ၂၀၂၅-၂၀၂၆ ခုနှစ် မိုးစပါးလျာထားဧက (၅၅၃၅)ဧက၊ စိုက်ပျိုးဧက (၄၀၉၂)ဧကစိုက်ပျိုးပြီး သက်ဆိုင်ရာဌာနစာရင်းအရသိရသည်။ စိုက်ပျိုးသော မျိုးများမှာ မနောသုခစပါး (၄၀၄၁)ဧကနှင့် အောင်နိုင်တိုးစပါး (၅၁)ဧက စိုက်ပျိုးထားကြောင်း သိရ သည်။  ယခင်နှစ် နွေစပါးထွက်ပေါ်ချိန်တွင် စပါးတစ်တင်းကို (၈၅၀၀/၉၀၀၀)ကျပ်ဖြင့် အရောင်းအဝယ် ဖြစ်လျက်ရှိကြောင်း၊ ဆန်တစ်အိတ်လျှင် (၈၀၀၀၀)ကျပ်နှင့် ရောင်းချရကြောင်း သိရသည်။ ဆည်ရေ သောက်စနစ်ဖြင့် (၄၅၀)ဧက၊ မြစ်ရေတင်စနစ်ဖြင့် (၅၅၇)ဧက၊ မိုးကောင်းသောက်စနစ်ဖြင့် (၁၉၈၉)ဧက နှင့် အခြားနည်းလမ်း(စက်ရေတွင်း၊ မြစ်ရေဝင်)ဖြင့် (၁၀၉၆)ဧကစိုက်ပျိုးကြောင်းလည်း သိရသည်။ စပါးစိုက်ပျိုးသော ကျေးရွာများမှာ သားကျင်၊ ဆင်ဖြူကုန်း၊ ငါန်းမြာ၊ မိုးထောင်၊ မရိုးကုန်း၊ ကုလရွာ၊ ဆင်တပ်၊ ရွာဘို၊ ရွာသစ်၊ ကျောက်တလုံးကျေးရွာများတွင် စိုက်ပျိုးကြောင်း သိရသည်။

DOCA (မန္တလေး)

           ငါန်းဇွန်မြို့နယ်သည် ၂၀၂၄-၂၀၂၅ ခုနှစ် ဖူးစားပြောင်း(မိုး)လျာထားဧက( ၂၇၄၂)ဧက၊ စိုက်ပျိုး ဧက(၃၆၆၉)ဧက၊ အထွက်နှုန်း(၁၂၀၀၀)ဖူးနှင့် အထွက်ပေါင်း(၄၄၀၂၈၀၀၀)ဖူး ထွက်ရှိကြောင်းသိ ရသည်။ ဆောင်းဖူးစားပြောင်း လျာထားဧကမှာ(၂၆၂၇)ဧက၊ စိုက်ပျိုးဧကမှာ (၆၁၆၉) ဧက စိုက်ပျိုးခဲ့ပြီး အထွက်နှုန်း(၁၂၀၀၀)ဖူးနှင့် အထွက်နှုန်းပေါင်း (၇၄၀၂၈၀၀၀)ဖူး ထွက်ရှိကြောင်း သိရသည်။ စိုက်ပျိုး သောမျိုးမှာ ဒေသခေါ် သူတော်မျိုးကိုအများဆုံး စိုက်ပျိုးကြကြောင်း၊ မျိုး၊ သွင်းအားစုနှင့် လုပ်သားခ အပါအဝင် တစ်ဧကကုန်ကျစရိတ်အနေဖြင့် (၅) သိန်းကျပ်ဝန်းကျင်ခန့် ကုန်ကျပါကြောင်း၊ပေါ်စချိန်တွင် (၂၅၀/၃၀၀)ကျပ်ခန့် ဖောက်သည်ဈေးဖြင့် ရောင်းချရပါကြောင်း၊ မန္တလေးမြို့နှင့် ငါန်းဇွန်မြို့မဈေး သို့ ရောင်းချကြပါကြောင်း သိရှိရသည်။ ယခုနှစ် ၂၀၂၅-၂၀၂၆ ခုနှစ် ဖူးစားပြောင်း(မိုး) လျာထားဧက (၂၇၇၈)ဧကရှိပြီး၊ စိုက်ပျိုးဧက(၂၈၇၂)ဧကပြီး ရိတ်သိမ်းပြီးစီးမှုမှာ(၁၃၈)ဧကရှိပြီးတစ်ဧကလျှင်အထွက်နှုန်းမှာ(၁၂၀၀၀)ဖူးထွက်ရှိကြောင်း အထွက်စုစုပေါင်းမှာ(၁၆၅၆၀၀၀)ဖူး ဖြစ်ကြောင်းသိရသည်။ဖူးစားပြောင်းစိုက်ပျိုးခြင်းဖြင့် နွားစာအဖြစ် ပြောင်းရိုးများကိုလည်း ပြန်လည်ရောင်းချရသည့်အတွက် တွက်ခြေကိုက်သည့် သီးနှံတစ်မျိုးဖြစ်ကြောင်း ပြောင်းစိုက်တောင်သူတစ်ဦး၏ပြောပြချက်အရ သိရသည်။

DOCA (မန္တလေး)

                  မန္တလေးတိုင်ဒေသကြီး၊ တံတားဦးခရိုင်၊ ငါန်းဇွန်မြို့နယ်သည် လယ်ယာစိုက်ပျိုးရေးကို လုပ်ကိုင် သော မြို့နယ်တစ်ခုဖြစ်ပြီး ဒေသခံများသည် ရာသီအလိုက် ပဲ၊ ပြောင်း၊ နှမ်း၊ ဝါ၊ ဂျုံနှင့် စားဖိုဆောင် သီးနှံများကို အဓိကထားစိုက်ပျိုးလုပ်ကိုင်ကြပါသည်။ ယခင်နှစ် ပဲစဉ်းငုံသီးနှံ စိုက်ပျိုးမှု အနေဖြင့် (၃၀၃၀၀)ဧက စိုက်ပျိုးရန်လျာထားခဲ့ပြီး၊ စိုက်ပျိုးမှုအနေဖြင့်(၃၃၃၈၈)ဧကစိုက်ပျိုးနိုင်ခဲ့ပါသည်။မျိုးအသုံးချမှုအနေဖြင့် တစ်ဧကလျှင်(၂)ပြည်ခန့်ထည့်သွင်းစိုက်ပျိုးကြပါသည်။တစ်ဧကပျမ်းမျှအထွက် နှုန်းအနေဖြင့် (၁၁.၀၅)တင်းထွက်ရှိခဲ့ပြီး ရာသီချိန်ပဲစဉ်းငုံတစ်တင်းဈေးအနေဖြင့် (၉၀၀၀၀/၉၂၀၀၀)ကျပ်ရှိခဲ့ပါသည်။ယခုနှစ်တွင်ပဲစဉ်းငုံသီးနှံကို စိုက်ပျိုးရန်လျာထားမှုအနေဖြင့် (၃၀၃၀၀)ဧကရှိပြီး၊ (၃၃၃၀၀) ဧက စိုက်ပျိုးကြောင်းသိရသည်။ ပဲစဉ်းငုံစိုက်ပျိုးမှုအများဆုံးအနေဖြင့် ဘုရားထူးကျေးရွာ၊ ရွာသစ်၊ စီထိန်း၊ တမာပင်၊ အောက်ရိုး၊ ရွာသာ၊ နတ်စိမ်း၊ ထနောင်းပင်၊ မြို့သာ၊ သရက္ကန်၊ အောင်ချမ်းသာကျေးရွာနှင့်ကုန်းသာကျေးရွာ စသည့်ကျေးရွာများဖြစ်ပါသည်။ ယခုနှစ် ပဲစဉ်းငုံမျိုးဈေး အနေဖြင့် တစ်ပြည်လျှင်(၁၀၀၀၀)ကျပ်ဈေးများရှိခဲ့ပြီး ပဲစဉ်းငုံ တစ်ဧကစိုက်ပျိုးမှုကုန်ကျစရိတ်အနေ ဖြင့် မျိုး၊ မြေယာပြုပြင်မှု၊ သွင်းအားစု၊ လုပ်သားခများအပါအဝင်(၃၂၀၀၀၀)ကျပ်ဝန်းကျင်ခန့်ကုန်ကျမှု ရှိပါသည်။ တောင်သူအကျိုးအမြတ်အနေဖြင့်(၃၀၀၀၀၀)ကျပ်ဝန်းကျင်ရှိပြီး နွားစာရှားပါးသည့် ဒေသ များဖြစ်သည့်အတွက် အကျိုးအမြတ်နည်း ပါးသော်လည်း တစ်ဖက်မှလည်းနွားစာရရှိသဖြင့် နှစ်စဉ်စိုက်ပျိုးလျက်ရှိပါသည်။ ဒေသထွက်ပဲစဉ်းငုံများကို ရောင်းဝယ်မှုဈေးကွက်အနေဖြင့် မန္တလေးမြို့ နှင့်ကျောက်ဆည်မြို့များသို့ တောင်သူများကိုယ်တိုင် ဈေးဝယ်လိုက်ရင်းဖြင့်သော်လည်းကောင်း၊ကားတင်ပေး၍သော်လည်းကောင်း အများဆုံး ရောင်းချကြပါသည်။ယခုနှစ် မိုးလေဝသရာသီဥတု ကောင်းမွန်၍ ပဲစဉ်းငုံများ ဖြစ်ထွန်းအောင်မြင်လျက်ရှိကြောင်း သိရသည်။

DOCA (မန္တလေး)

   မန္တလေးတိုင်ဒေသကြီး၊ တံတားဦးခရိုင်၊ ငါန်းဇွန်မြို့နယ်သည် လယ်ယာစိုက်ပျိုးရေးကို လုပ်ကိုင် သော မြို့နယ်တစ်ခုဖြစ်ပြီး ဒေသခံများသည် ရာသီအလိုက် ပဲ၊ ပြောင်း၊ နှမ်း၊ ဝါ၊ ဂျုံနှင့် စားဖိုဆောင် သီးနှံများကို အဓိကထားစိုက်ပျိုးလုပ်ကိုင်ကြပါသည်။ စိုက်ပျိုးသီးနှံများမှ ဆီထွက်သီးနှံဖြစ်သော နှမ်း သီးနှံကို မိုးနှင့်ဆောင်းနှစ်ရာသီတွင်စိုက်ပျိုးလျက်ရှိရာ ယခင်နှစ်မိုးနှမ်းစိုက်ပျိုးရန် (၆၄၀၇၀) ဧက လျာထားခဲ့ပြီး၊ စိုက်ပျိုးမှုအနေဖြင့်(၆၇၈၄၀)ဧက စိုက်ပျိုးနိုင်ခဲ့ပါသည်။ စိုက်ပျိုးမှုမှာ ပက်ကျဲနှင့်တန်း စိုက်ဟူ၍ ရှိရာတွင်  နေရာ               ဒေသနှင့်မြေပေါ်မူတည်၍ ဒေသခံတောင်သူများမှာ ပက်ကျဲစိုက်ပျိုးမှုကိုသာ အများဆုံးစိုက်ပျိုးကြပြီး မျိုးအသုံးချမှုအနေဖြင့် တစ်ဧကလျှင်(၂)ပြည်ခန့် ထည့်သွင်းစိုက်ပျိုးကြပါ သည်။ တစ်ဧကပျမ်းမျှအထွက်နှုန်းအနေဖြင့် (၄.၃၅)တင်းထွက်ရှိခဲ့ပြီး ရာသီချိန်နှမ်းတစ်တင်းဈေး အနေဖြင့်(၉၅၀၀၀၊ ၁၀၀၀၀၀)ကျပ် ရှိခဲ့ပါသည်။ မိုးနှမ်းမှာ ဆောင်းနှမ်းနှင့်နှိုင်းယှဉ်လျှင် အထွက်နှုန်း ထက်ဝက်နီးပါးခန့်လျော့နည်းကြောင်း သိရသည်။ ယခုနှစ်တွင် မိုးနှမ်းကို စိုက်ပျိုးရန်လျာထားမှုအနေ ဖြင့်(၆၄၀၈၀)ဧကရှိပြီး၊ စိုက်ပျိုးပြီးစီးမှုမှ (၆၇၈၅၂) အထွက်နှုန်းမှာ တစ်ဧကလျှင် (၅.၀၂) တင်းထွက် ရှိပြီး အထွက်တင်းပေါင်း (၃၄၀၆၁၇)တင်းထွက်ရှိပါကြောင်း၊ မိုးနှမ်းစိုက်ပျိုးမှုအများဆုံးအနေဖြင့် ဘုရားထူးကျေးရွာ၊ ရွာသစ်၊ စီထိန်း၊ တမာပင်၊ အောက်ရိုး၊ ရွာသာ၊ နတ်စိမ်း၊ ထနောင်းပင်၊ မြို့သာ၊ သရက္ကန်၊ အောင်ချမ်းသာကျေးရွာနှင့်ကုန်းသာကျေးရွာ စသည့်ကျေးရွာများဖြစ်ပါသည်။ ယခုနှစ် နှမ်းမျိုးဈေးအနေဖြင့် တစ်ပြည်လျှင်(၁၀၀၀၀)ကျပ်ဈေးများရှိခဲ့ပြီး နှမ်းတစ်ဧကစိုက်ပျိုးမှုကုန်ကျစရိတ် အနေဖြင့် မျိုး၊မြေယာပြုပြင်မှု၊ သွင်းအားစု၊ လုပ်သားခများအပါအဝင် (၃၅၀၀၀၀)ကျပ်ဝန်းကျင်ခန့် ကုန်ကျမှုရှိပါသည်။ တောင်သူအကျိုးအမြတ်အနေဖြင့် (၂၀၀၀၀၀)ကျပ်ဝန်းကျင်သာ ရှိပြီး နွားစာရှားပါး သည့် ဒေသများဖြစ်သည့်အတွက် အကျိုးအမြတ်နည်းပါးသော်လည်း တစ်ဖက်မှလည်းနွားစာ ရရှိသဖြင့် နှစ်စဉ်စိုက်ပျိုးလျက်ရှိပါသည်။ တစ်ချို့ကျေးရွာများသည် နွားစာအတွက် ကျောက်ဆည်၊ မြစ်သားဒေသ ဘက်မှ နှမ်းပေါ်ချိန်ထွက်ပေါ်သော နှမ်းရိုးများကို သယ်ယူစရိတ်အကုန်အကျခံ၍ သယ်ယူကျွေးမွေးရပါ သည်။ ဒေသထွက်နှမ်းများကို ရောင်းဝယ်မှုဈေးကွက်အနေဖြင့် မန္တလေးမြို့နှင့် ကျောက်ဆည်မြို့များသို့ တောင်သူများကိုယ်တိုင် ဈေးဝယ်လိုက်ရင်းဖြင့်သော်လည်းကောင်း၊ ကားတင်ပေး၍သော်လည်းကောင်း အများဆုံးရောင်းချကြပါသည်။ တောင်သူများအတွက် သီးနှံစိုက်ပျိုးရာတွင် ရာသီဥတုကောင်းမွန်ရန် လိုအပ်သလို ရေခံမြေခံနှင့်မျိုးစေ့များလည်း ကောင်းမွန်၍ ဈေးကွက်ခိုင်မာမှုရှိမှသာ သင့်တင့်လျှောက် ပတ်သော အကျိုးအမြတ်များရရှိနိုင်မည်ဖြစ်ပါသည်။

DOCA (မန္တလေး)