အညာဒေသထွက် ဟင်းသီးဟင်းရွက်သီးနှံများတွင် ယခုလိုဆောင်းဦးကာလ၌ ပဲနတ်တော်မှာ လည်းတစ်မျိုးအပါအဝင် ဖြစ်သည်။ ပဲနတ်တော်မှာ ပဲတောင့်ရှည်တစ်မျိုးဖြစ်ပြီး အမည်နှင့် လိုက်ဖက်စွာ မြန်မာလဖြစ်သည့် နတ်တော်လတွင် လှိုင်လှိုင်ထွက်ရှိပါသည်။ ၎င်းပဲနတ်တော်ကို ပဲတောင့်အစိုဖြင့် စားသုံးမှုများပါသည်။ ပဲနတ်တော်အစေ့ကိုမူ ပြုတ်၍စားသုံးကြပြီး ယခုအခါ ဒေသတွင်းဈေးကွက်၌ ရာသီပေါ်သီးနှံအနေဖြင့် ပဲနတ်တော်အစို တစ်ပိဿာလျှင် (၄၀၀၀)ကျပ်ဖြင့် ရောင်းချလျက်ရှိရာ အရောင်းသွက်ကြောင်းသိရသည်။ ပဲနတ်တော်အစိုတောင့်မှာ ပဲတောင့်ရှည်ကဲ့သို့ အတောင့်မရှည်ဘဲ ရေဖြင့်ပြုပ်ကာ သုပ်၍လည်းကောင်း၊ ချက်၍လည်းကောင်း စားသုံးကြကြောင်း မိသားစုတစ်ပိုင်တစ်နိုင်သာ စိုက်ပျိုးကြသည့်အတွက် ဒေသတွင်းဈေးကွက်၌သာ ရောင်းချနိုင်ကြောင်းသိရသည်။
DOCA(မန္တလေး)