ပြည်တွင်းကုန်သွယ်မှုသတင်း

  ပုသိမ်မြို့နယ်အတွင်းရှိ ဈေးကွက်များတွင် ဒေသထွက် မန်ကျည်းသီးမှည့်များ ဈေးနှုန်း မြင့်မားစွာဖြင့် ရောင်းချလျက်ရှိရာ ဈေးကွက်ဝယ်လိုအား ကောင်းမွန်လျက်ရှိကြောင်း သိရှိရပါသည်။ ပုသိမ်မြို့နယ်နှင့် ပတ်ဝန်းကျင်ကျေးရွာများတွင် မန်ကျည်းပင်များ အလေ့ကျ ပေါက်ရောက်ပြီး ဒေသခံပြည်သူများက မန်ကျည်းသီးမှည့်ချိန်တွင် ခူးဆွတ်ကာ ရောင်းချ ကြကြောင်း သိရသည်။ မန်ကျည်းသီးမှည့်တွင် အစေ့ပါမန်ကျည်းသီးမှည့်နှင့် အစေ့လွတ် မန်ကျည်းသီး မှည့်ဟူ၍ နှစ်မျိုးရှိပြီး ဈေးကွက်အတွင်း အစေ့လွတ်မန်ကျည်းသီးမှည့်ကို လူကြိုက်များ၍ အရောင်းအဝယ်ပိုဖြစ်ကြောင်း သိရသည်။

          ပုသိမ်မြို့နယ်တွင် မန်ကျည်းသီးမှည့်ကို ဝယ်ယူသည့်ပွဲရုံမရှိဘဲ ပုသိမ်မြို့မဈေးများတွင် ရောင်းချကြသလို မြို့နယ်အတွင်းရှိ အကြော်ဆိုင်များ၊ အကင်ဆိုင်များနှင့် စားသောက်ဆိုင်များမှ မန်ကျည်းဆော့ပြုလုပ်ရန် ဝယ်ယူကြကြောင်း သိရသည်။ ဈေးကွက်အတွင်း မန်ကျည်းမှည့်များ ဝင်ရောက်မှု နည်းပါးပြီး ဝယ်လိုအားများနေမှုကြောင့် ဈေးနှုန်းများ မြင့်တက်လျက်ရှိကြောင်း သိရသည်။ အစေ့လွတ်မန်ကျည်းသီးမှည့် လက်ကားတစ်ပိဿာ - ၉,၀၀၀ ကျပ်မှ ၉,၅၀၀ ကျပ်၊ အစေ့လွတ်မန်ကျည်းသီးမှည့် လက်လီတစ်ပိဿာ - ၁၀,၀၀၀ ကျပ်မှ ၁၀,၅၀၀ ကျပ် ၊ အစေ့ပါမန်ကျည်းသီးမှည့် တစ်ပိဿာ - ၅,၀၀၀ ကျပ်မှ ၅,၅၀၀ ကျပ် ဖြစ်ပြီး ဈေးနှုန်းများမှာ မန်ကျည်း၏အရည်အသွေး၊ အခြောက်အစိုအခြေအနေနှင့် ရောင်းသည့်နေရာဒေသအလိုက် ကွဲပြားမှုရှိနိုင်ကြောင်း သိရပါသည်။ ဒေသခံစိုက်ပျိုးရောင်းချသူများသည် မိမိတို့၏ထွက်ကုန် များကို ပုသိမ်မြို့အတွင်းရှိ ဈေးများသို့တင်ပို့ရောင်းချလျက်ရှိကြောင်း သိရှိရပါသည်။

DOCA(ဧရာဝတီ)

ဧရာဝတီတိုင်းဒေသကြီး၊ ပုသိမ်မြို့နယ်အတွင်းရှိ ဈေးများတွင် ဒေသထွက် နဂါးမောက်သီး များ အလုံးအရင်းဖြင့် ဝင်ရောက်ရောင်းချလျက်ရှိရာ ဈေးကွက်ကောင်းမွန်လျက်ရှိကြောင်း သိရှိရပါသည်။ ပုသိမ်မြို့နယ်နှင့် ပတ်ဝန်းကျင်ကျေးရွာများတွင် စိုက်ပျိုးထုတ်လုပ်သည့် နဂါး မောက်သီးများသည် မြို့၏အဓိက သစ်သီးဈေးဖြစ်သော မြို့မဈေး ၊ ဘူတာဈေးနှင့် ရပ်ကွက် အလိုက်ရှိ ဈေးကလေးများသို့ တိုက်ရိုက်ဝင်ရောက်ရှိလျက်ရှိပါသည်။

          ဒေသတွင်းတွင် အဓိကစိုက်ပျိုးကြသည့်မျိုးမှာ အခွံအနီရောင်နှင့် အတွင်းသား အဖြူရောင်မျိုးဖြစ်ပြီး၊ အတွင်းသားအနီရောင်မျိုးကိုလည်း အနည်းငယ်စီ စိုက်ပျိုးကြောင်း သိရပါသည်။ နဂါးမောက်သီး စိုက်ပျိုးခြင်းသည် ပုသိမ်ဒေသအတွက် စီးပွားရေးအရ တွက်ခြေ ကိုက်သည့် သီးနှံတစ်ခုဖြစ်ကာ မေလမှ အောက်တိုဘာလအတွင်း သီးတန်းရာသီဖြစ်ပါသည်။ ယခုအချိန်သည် စက်တင်ဘာလကုန်ပိုင်းဖြစ်သဖြင့် သီးနှံအထွက်နှုန်းနှင့် ဈေးကွက်သို့ ဝင်ရောက်မှု အများဆုံးကာလဟု ဆိုနိုင်ပါသည်။

          စက်တင်ဘာလစတုတ္ထပတ်အတွင်း ပုသိမ်မြို့နယ်ဈေးကွက်များရှိ နဂါးမောက်သီး လက်ရှိဈေးနှုန်း(ခန့်မှန်း) အလတ်စား (အလုံးအရွယ်အလတ်) : တစ်လုံး ၁၆၀၀ ကျပ်မှ ၁၈၀၀ ကျပ် ၊ အကြီးစား (အလုံးကြီး) : တစ်လုံး ၂၀၀၀ ကျပ်မှ ၂၅၀၀ ကျပ် ဖြစ်ပြီး ဈေးနှုန်းများမှာ သီး၏အရည်အသွေး၊ အရွယ်အစားနှင့် ရောင်းသည့်နေရာဒေသအလိုက် ကွဲပြားမှုရှိနိုင်ကြောင်း သိရပါသည်။ ဒေသခံစိုက်ပျိုးရောင်းချသူများသည် မိမိတို့၏ထွက်ကုန်များကို ပုသိမ်မြို့အတွင်းရှိ ဈေးများသို့တင်ပို့ရောင်းချကြပြီး၊ အချို့မှာ အိမ်တိုင်ရာရောက် လှည့်လည်ရောင်းချခြင်းများ လည်း ရှိကြောင်းသိရှိရပါသည်။ နဂါးမောက်သီးသည် ပုသိမ်မြို့နယ်အတွက် ရာသီစာ သစ်သီး ဝလံဈေးကွက်တွင် အရေးပါသော သီးနှံတစ်ခုအဖြစ် ပါဝင်နေပါသည်။

DOCA(ဧရာဝတီ)

        စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် သီးနှံမျိုးစုံစိုက်ပျိုးလျက်ရှိ ရာစားဖိုဆောင်သီးနှံများကို ရာသီချိန်အလိုက် စိုက်ပျိုးကြကြောင်း၊ မုန့်ညှင်းရွက်ကို မြို့ပေါ်ရပ်ကွက်များတွင်သာမက ကန့်ဘလူမြို့နယ်အတွင်းရှိ ကျေးရွာများတွင်လည်း မိမိတို့နေအိမ်ခြံဝင်းများ၊ ယာကွက်များတွင် တစ်နိုင်တစ်ပိုင် စိုက်ပျိုးလျက်ရှိကြောင်း သိရှိရသည်။

          ၂၀၂၅ ခုနှစ်၊ စက်တင်ဘာလ တတိယပတ်အတွင်း ကန့်ဘလူမြို့မဈေးတွင် မုန့်ညှင်းချဉ် (၁)ပန်းကန်လျှင် (၃၀၀)ကျပ်၊ (၂)ပန်းကန်လျှင် (၅၀၀)ကျပ်ဖြင့်လည်းကောင်း၊ စက်တင်ဘာလ တတိယပတ်အတွင်း မုန့်ညှင်းရွက်လက်လီ (၁)စီးလျှင်(၃၀၀)ကျပ်၊  လက္ကား(၄)စီးလျှင် (၁၀၀၀)ကျပ် လက်လီ(၄)စီးလျှင် (၁၁၀၀)ကျပ်ဈေးနှုန်းတို့ဖြင့်  ဟင်းသီးဟင်းရွက် ရောင်းချသူများထံမှ သိရှိရပါသည်။

DOCA(စစ်ကိုင်း)

     မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့၊ ပတ္တမြားဈေး၌ စက်တင်ဘာလ(ဒုတိယပတ်)တွင် ခရမ်းချဉ်သီးဈေးကျပြီး အာလူးဈေးမြင့်တက်၍ အရောင်းအဝယ်ဖြစ်လျက်ရှိကြောင်း သိရှိရသည်။ ဆိပ်ဖြူမြို့နယ်ရှိ တောင်သူများသည် ခရမ်းချဉ်သီး စိုက်ပျိုးမှုများရှိသော်လည်း စိုက်ပျိုးစရိတ်မြင့်မားသည့် အာလူးသီးနှံစိုက်ပျိုးမှု မရှိခြင်းကြောင့် စလင်း(ဆင်ဖြူကျွန်း)နှင့် ရှမ်းပြည်နယ်(အောင်ပန်း)မြို့တို့မှ ဝယ်ယူရကြောင်း၊ လက်ရှိအချိန်တွင် ခရမ်းချဉ်သီးများ ဒေသတွင်းထွက်ရှိမှု နည်းသေး၍ ကျောက်ပန်းတောင်း၊ ပုပ္ပါးဒေသထွက်ခရမ်းချဉ်သီးများ လှိုင်လှိုင်ဝင်ရောက်အရောင်းအဝယ်ဖြစ်လျက်ရှိကြောင်း သိရှိရသည်။

      ဈေးနှုန်းအနေဖြင့် ၂၀၂၅ခုနှစ်၊ စက်တင်ဘာလ(ဒုတိယပတ်)တွင် ခရမ်းချဉ်သီး တစ်ပိဿာ ကျပ် (၂၅၀၀-၂၀၀၀)၊ အာလူးတစ်ပိဿာလျှင် ကျပ်(၇၀၀၀-၄၀၀၀)ဈေးဖြင့် အရောင်းအဝယ်ဖြစ်ကြောင်း၊ ယခင် ဩဂုတ်လ(ဒုတိယပတ်)နှင့် ဈေးနှုန်းနှိုင်းယှဉ်ပါက ခရမ်းချဉ်သီး တစ်ပိဿာလျှင် ကျပ်(၅၀၀) ဈေးကျပြီး အာလူးတစ်ပိဿာလျှင် ကျပ်(၁၅၀၀)ခန့် ဈေးတက်ကြောင်း ကုန်စိမ်းသီးနှံ ဈေးကွက်မှ သိရှိရပါသည်။

DOCA(မကွေး)

     စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့်  ဝယ်ယူစားသုံးနိုင်စေရန်နှင့် ပြည်တွင်းလိုအပ် ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်း သိရပါသည်။

          ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ် မှုများအရ ၂၀၂၅ခုနှစ်၊အောက်တိုဘာလ ၆ ရက်နေ့မှ ၁၂ ရက်နေ့အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာစားအုန်းဆီတစ်ပိဿာလျှင် ငွေကျပ်၆,၅၈၅ ဖြစ် ကြောင်း စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေး ကော်မတီက အသိပေးထုတ်ပြန်ကြေညာထားကြောင်းသိရှိရပါ​သည်။    

          ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်   ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကြောင်းသိရှိရသည်။

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ်တနင်္လာနေ့တိုင်းထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်းသိရှိရပါသည်။