သတင်းနှင့် လှုပ်ရှားမှုများ

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန ရုံးချုပ်၏လမ်းညွှန်မှုဖြင့် စစ်ကိုင်းတိုင်းဒေသကြီး စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးဦးဆောင်၍ ဝန်ထမ်းများသည် (မုံရွာမြို့) သူနာပြုနှင်းသားဖွားသင်တန်းကျောင်းတွင် စားသုံးသူကာကွယ်ရေး အသိပညာပေးဟောပြောပွဲဆောင်ရွက်ရာ ကျောင်းအုပ်ဆရာမကြီးနှင့် ဆရာ၊ဆရာမ ၊ပထမနှစ်၊ တတိယနှစ် ကျောင်းသား/သူများ စုစုပေါင်း (၁၂၀) ဦးတက်ရောက်ကြောင်း သတင်းရရှိပါသည်။

   အဆိုပါ စားသုံးသူကာကွယ်ရေးအသိပညာပေးဟောပြောပွဲတွင်  ကျောင်းအုပ်ဆရာမကြီးဒေါ်ဆုဆုထိုက်က နှုတ်ဆက်အဖွင့်အမှာစကားပြောကြားပြီး  တိုင်ဒေသကြီးဦစီးမှူးက ဝန်ကြီးဌာန၏သမိုင်းကြောင်းနှင့် ရည်မှန်းချက်၊ မျှော်မှန်းချက်များ၊ စားသုံးသူများ၏ အခွင့်အရေးနှင့်တာဝန်များ၊  လုပ်ငန်းတာဝန်များကိုနိုင်ငံတကာနှင့်အတူ ပူးပေါင်းဆောင်ရွက်နေရပါကြောင်း၊ အဓိကစားသုံးသူများနစ်နာ၍ တိုင်ကြားလာမှုများကို မှန်မှန်ကန်ကန်ရရှိဖြေရှင်းနိုင်ရေး ၊အထက်မှညွှန်ကြားချက် လမ်းညွှန်မှုများအား ထိထိရောက်‌ရောက်ဆောင်ရွက်နိုင်ရန် လျာထားချက်များနှင့်အညီဆောင်ရွက်ခြင်းများ ၊ကုန်အညွှန်အမှတ်အသားများအချက်အလက်ပြည့်စုံစေရန်များအကြောင်း၊ ဌာန၏ လုပ်ငန်းဆောင်ရွက်မှုများကို ကျယ်ကျယ်ပြန့်ပြန့်ဆွေးနွေးဟောပြောခြင်း၊ ဒု-တိုင်းဒေသကြီး ဒေါ်ရီလင်းထွဋ်က စီးပွားရေးလုပ်ငန်းရှင်များလိုက်နာရမည်တာဝန်များအကြောင်း၊ မူပိုင်ခွင့်မှတ်ပုံတင်ဆိုင်ရာ အချက်အလက်များအကြောင်း၊ စားသုံးသူနစ်နာဆုံးရှုံးသဖြင့်တိုင်ကြားမှုကို လက်ခံညှိ့နှိုင်းဖြေရှင်းဆောင်ရွက်မှုနှင့်ဖြေရှင်းပြီးစီးမှုအကြောင်းများကို Video ကလစ်ဖြင့် အကျယ်တဝင့်ရှင်းလင်းဆွေးနွေးခြင်း၊ စားသုံးသူဌာနခွဲတာဝန်ခံဒေါ်ခိုင်မို့မို့က စားသုံးသူကာကွယ်ရေးဥပဒေပါ စားသုံးသူများ၏အခွင့်အရေးနှင့် တာဝန်များ လိုက်နာရမည့်အ‌ချက်များအကြောင်းများဆွေးနွေးရာ တက်‌ရောက်လာသူများမှ သိလိုသောမေးမြန်းမှုများအား တိုင်းဒေသကြီးဦးစီးမှူးက ပြည့်စုံစွာရှင်းလင်း၍ ဌာန၏ပညာပေး လက်ကမ်းစာဆောင်များဖြန့်ဝေခြင်း ဆောင်ရွက်ခဲ့ကြောင်းသတင်းရရှိပါသည်။

DOCA(စစ်ကိုင်း)

   စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန ကန့်ဘလူမြို့နယ်တာဝန်ခံရုံးသည် စားသုံးသူကာကွယ်ရေးလုပ်ငန်းများကို တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် စားသုံးသူကာကွယ်ရေးအကြောင်းသိမှတ်ဖွယ်ရာများကို ကျယ်ကျယ်ပြန့်ပြန့်သိရှိစေရန် အသိပညာပေးဟောပြောပွဲများကို လစဉ်ဆောင်ရွက်လျက်ရှိကြောင်း သိရှိရပါသည်။

    ၂၀၂၄ ခုနှစ် ၊ ဇွန်လ ၂၀ ရက်နေ့ နံနက်(၁၀:၃၀)နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Center၌ စားသုံးသူအသိပညာပေး Talk Show ကျင်းပပြုလုပ်ခဲ့သည်။ ကန့်ဘလူမြို့နယ်တာဝန်ခံ ဦးမျိုးဝင်းသန်းက စားသုံးသူကာကွယ်ရေးဥပဒေအကြောင်းခေါင်းစဉ်ဖြင့် အသိပညာပေးဆွေးနွေးခဲ့ရာ စားသုံးသူကာကွယ်ရေးဥပဒေပြဌာန်းရခြင်း၏ ရည်ရွယ်ချက်များ၊ ဥပဒေပါစားသုံးသူကာကွယ်ရေးအကြောင်း၊ စားသုံးသူနှင့် စီးပွားရေးလုပ်ငန်းရှင်ဆိုတာ ဘယ်လိုလူတွေကိုခေါ်တယ်၊ အခန်း(၁၈)၊ ပုဒ်မ(၄၁)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ အသေးစိတ်ဖော်ပြရမည့်အချက်များကို ဟောပြောဆွေးနွေးခဲ့ကြောင်း၊ စားသုံးသူများသည် ကုန်စည်(သို့မဟုတ်)ဝန်ဆောင်မှုများကို ဝယ်ယူအသုံးပြုရာတွင် စားသုံးသူအခွင့်အရေးချိုးဖောက်ခံရပါက သက်ဆိုင်ရာပြည်နယ်နှင့်တိုင်းဒေသကြီးအပါအဝင် ခရိုင်ဦးစီးမှူးရုံးများရှိ CICCများသို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ကြောင်း၊ DOCA Myanmar Mobile Application တွင်လည်းကောင်း၊ DOCA Facebook Page နှင့် Consumer Call Center 1535 သို့လည်း ဆက်သွယ်တိုင်ကြားနိုင်ကြောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့တွင် စစ်ကိုင်းတိုင်းဒေသကြီးအစိုးရအဖွဲ့၏လမ်းညွှန်မှု၊ ရွှေဘိုခရိုင်စီမံအုပ်ချုပ်ရေးအဖွဲ့၏ ကြီးကြပ်မှုဖြင့် (၂၄.၆.၂၀၂၄)ရက်နေ့၊ နံနက်(၁၀:၀၀)နာရီအချိန်တွင် ရွှေဘိုခရိုင် အထွေထွေအုပ်ချုပ်ရေးဦးစီးဌာရုံးအစည်းအဝေးခန်းမ၌ ပြည်တွင်းစားဆန်ဈေးနှုန်းများ တင့်သင့်မျှတစွာဖြင့်တည်ငြိမ်မှန်ကန်စေရေးနှင့် MyRoတွင် သိုလှောင်ရုံမှတ်ပုံတင် ဆောင်ရွက်ရေး ရှင်းလင်းပွဲကို ကျင်းပခဲ့ပါသည်။

 အဆိုပါတွေ့ဆုံပွဲတွင် ရွှေဘိုခရိုင်၊ကုန်ဈေးနှုန်းတည်ငြိမ်ရေးကော်မတီဥက္ကဌမှ အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာန၊ ခရိုင်ဦးစီးမှူးက စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၏ဆောင်ပုဒ်၊ မျှော်မှန်းချက်များ၊ ဝန်ကြီးဌာနအောက်ရှိဦးစီးဌာနများ၊ စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ မြန်မာနိုင်ငံဆန်စပါးအသင်းချုပ်၏ ဆန်စပါးသိုလှောင်မှု မှတ်ပုံတင်ရေး စီစဉ်ဆောင်ရွက်ရန်နှင့် သင့်တင့်မျှတသောဆန်ဈေးနှုန်းများဖြင့် ရောင်း/ ဝယ်ရန် တိုက်တွန်းနှိုးဆော်ချက် ထုတ်ပြန်ထားရှိမှုများ၊ MyRo တွင် သိုလှောင်ရုံမှတ်ပုံတင်ဆောင်ရွက်ရေးအကြောင်းများနှင့်စပ်လျဉ်း၍ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံဆန်စပါး အသင်းချုပ်နှင့် စားသုံးသူရေးရာဦးစီးဌာနတို့၏ အသိပေးကြေငြာထားမှုအခြေအနေများ၊ (၁၇.၆.၂၀၂၄) ရက်နေ့ထိ MyRo တွင် ဆန်စပါးသိုလှောင်ရုံ မှတ်ပုံတင်ထားသည့်စာရင်းများကို အသေးစိတ်ရှင်လင်းဆွေးနွေးခဲ့ကြောင်း၊ ဆက်လက်၍ တက်ရောက်လာသည့်လုပ်ငန်းရှင်များမှ မရှင်းလင်းသည်များနှင့် သိရှိလိုသည်များကို မေးမြန်းဆွေးနွေးခြင်း၊ အထွေထွေဆွေးနွေးခြင်းနှင့် ခရိုင်ကုန်ဈေးနှုန်းတည်ငြိမ်ရေး ကော်မတီဥက္ကဌက နိဂုံးချုပ်စကားပြောကြားခဲ့ကြောင်း၊ အစည်းအဝေးသို့ ရွှေဘိုခရိုင်ကုန်ဈေးနှုန်း တည်ငြိမ်ရေးလုပ်ငန်းအဖွဲ့ဥက္ကဌနှင့် အဖွဲ့ဝင်များ၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ တာဝန်ရှိသူများ၊ ခရိုင်စက်မှုကြီးကြပ်ရေးနှင့် စစ်ဆေးရေးဦးစီးဌာနမှတာဝန်ရှိသူများ တက်ရောက်ခဲ့ပြီး   ဆန်စက်လုပ်ငန်းရှင်နှင့် ဆန်ကုန်သည်(၁၀၅)ဦးတို့တက်ရောက်ခဲ့ကြကြောင်း သတင်းရရှိပါသည်။

DOCA(စစ်ကိုင်း)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာနမှ ဝန်းထမ်းများသည် ပုသိမ်မြို့၊ ကိုးသိန်းအားကစားကွင်း၌ (၁၄-၆-၂၀၂၄) ရက်နေ့တွင် ကလပ်ပေါင်းစုံ သက်တမ်းအလိုက် အမျိုးသား/ အမျိုးသမီး ဖိတ်ခေါ် ကြက်တောင်ရိုက်ပြိုင်ပွဲ ဖွင့်ပွဲအခမ်းအနားသို့သွားရောက်ခဲ့ပါသည်။

      ဧရာဝတီတိုင်းအစိုးရကိုယ်တိုင်တက်ရောက်ပြီး အခမ်းအနားဖွင့်လှစ်ပေးပါသည်။ ၎င်းနောက် အသင်းသားများကို လိုက်လံနှုတ်ဆက်ခဲ့ပါသည်။ ကလပ်အသင်းပေါင်း ၁၂သင်းပါဝင်ယှဉ်ပြိုင်ခဲ့ပါသည်။ ဖွင့်ပွဲအခမ်းအနားတွင် မြန်မာနိုင်ငံကိုယ်စားပြု ရွှေတံဆိပ်ဆုရှင်များက သရုပ်ပြဆော့ကစားခဲ့ကြသည်။ ပထမဦးဆုံးအနေဖြင့် ယောင်္ကျားလေးနှစ်တွဲ တစ်ပွဲ၊ မိန်းကလေးတစ်ယောက်ချင်း တစ်ပွဲ၊ ရွှေတံဆိပ်ဆုရှင်နှစ်ယောက်နှင့် ဧရာဝတီတိုင်းဒေသကြီးကိုယ်စားပြု နှစ်ယောက်တို့ ယှဉ်ပြိုင်ကစားခဲ့ကြသည်။ ပြိုင်ပွဲကို (၁၄-၆-၂၀၂၄) ရက်နေ့မှ (၁၅-၆-၂၀၂၄) ရက်နေ့အထိ နှစ်ရက်ကျင်းပပြုလုပ်သွားမည်ဖြစ်ကြောင်းသိရပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ အင်္ဂပူမြို့နယ်၊ ပန်းတင်ကျေးရွာအုပ်စု၊ အခြေခံပညာမူလတန်း(လွန်)ကျောင်းတွင် (၁၉.၆.၂၀၂၄) ရက်နေ့ နေ့လယ်(၁၃:၀၀)နာရီအချိန်တွင်   ကျောင်းသား/ကျောင်းသူများနှင့် ဆရာ/ဆရာမ (၇၀) ဦးအား စားသုံးသူကာကွယ်ရေးအသိပညာပေး ဟောပြောဆောင်ရွက်ခဲ့ပါသည်။

          ဟောပြောပွဲတွင် အကြီတန်းစာရေး ဒေါ်လှနှင်းနွယ်က စားသုံးသူကာကွယ်ရေးဥပဒေကို ၂၀၁၉ ခုနှစ် မတ်လ(၁၅) ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူစကား ရပ်၏ အဓိပ္ပာယ်ဖွင့်ဆိုချက်၊ စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့် တာဝန်များ အကြောင်း၊ အစားအသောက်နှင့်ကုန်စည်တွေပေါ်မှာ ဖော်ပြရမည့် ကုန်အညွှန်းအမှတ်အသားများ အကြောင်း၊ ဝယ်ယူအသုံးပြုခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများဖြစ်ပေါ် လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစားနိုင်ခွင့်များအကြောင်း၊ စားသုံးသူတို့အနေဖြင့် အသင့်စားမုန့်များဝယ်ယူ စားသုံးရာတွင် ထုတ်လုပ်သည့်ရက်စွဲနှင့် သက်တမ်းကုန်ဆုံးရက်များ အဓိက ဖက်ရှု့ရမည်ဖြစ်ကြောင်း  အသိပညာပေးဟောပြောခဲ့ကြောင်းသိရှိရပါသည်။

DOCA(ဧရာဝတီ)