သတင်းနှင့် လှုပ်ရှားမှုများ

       ဖျာပုံခရိုင်၊ ဒေးဒရဲမြို့နယ်၊ စားသုံးသူရေးရာဦးစီးဌာန၊ ဒု-ခရိုင်ဦးစီးမှူး ဦးစိုးမင်းထိုက်၊ ခရိုင်စားသုံးထုတ်လုံမှ  ဦးစီးမှူး ဒေါ်ကေသွယ်ဝင်းနှင့် ဒေးဒရဲမြို့နယ်ဦးစီးမှူးတို့သည် ၂၀၂၄ခုနှစ်၊ ဇွန်လ (၁၈) ရက်နေ့၊ နံနက် (၉:၃၀) နာရီအချိန်တွင် ဒေးဒရဲမြို့၊ အမှတ်(၁) ရပ်ကွက် ၊ အ.ထ.က (၃) ကျောင်းရှိ ဆရာ/မ (၃၄) ဦး၊ ကျောင်းသား/သူ (၆၁၁)ဦးတို့အား စားသုံးသူကာကွယ်ရေးအသိပညာ ပေးဟောပြောခဲ့ပါသည်။

         ဒု-ခရိုင်ဦးစီးမှူး ဦးစိုးမင်းထိုက်က အဖွင့်အမှာစကားပြောကြားခဲ့ပြီးနောက် စားသုံးသူကာကွယ်ရေးဥပဒေပါ စားသုံးသူ၏အခွင့်အရေး(၈)ချက်ကိုပြောကြားခဲ့ပြီး ခရိုင်စားသုံးထုတ်လုံမှ ဦးစီးမှူး ဒေါ်ကေသွယ်ဝင်းက စားသုံးသူများနစ်နာဆုံးရှုံးမှုများဖြစ်ပေါ်လာပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC) ဖွင့်လှစ်ထားရှိပြီး ကုန်စည်နှင့်ဝန်ဆောင်မှုများတွင် ငွေကြေး (သို့) ကျန်းမာရေးဆိုင်ရာထိခိုက်နစ်နာမှုများရှိပါက တိုင်ကြားနိုင်မှုများနှင့်စပ်လျဉ်း၍ ရှင်းလင်းပြောကြားခဲ့ပါသည်။ ဒေးဒရဲမြို့နယ်ဦးစီးမှူး ဦးသိမ်းမောင်ကလည်း ဘေးအန္တရာယ်ကင်းရှင်းပြီး လုံခြုံစိတ်ချရသော ကုန်စည်နှင့်ဝန်ဆောင်မှုများအား ဝယ်ယူသုံးစွဲနိုင်ရေး ထပ်ဆင့်အသိပညာပေးဟောပြောခဲ့သည်ဟု သတင်းရရှိပါသည်။

DOCA(ဧရာဝတီ)

          စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန ကန့်ဘလူမြို့နယ်တာဝန်ခံရုံးသည် စားသုံးသူကာကွယ်ရေးလုပ်ငန်းများကို တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီး ကြပ်မှုတို့ဖြင့် စားသုံးသူကာကွယ်ရေးအကြောင်းသိမှတ်ဖွယ်ရာများကို ကျယ်ကျယ်ပြန့်ပြန့်သိရှိ စေရန် အသိပညာပေးဟောပြောပွဲများကို လစဉ်ဆောင်ရွက်လျက်ရှိရာ ၂၀၂၄ ခုနှစ် ၊ ဇွန်လ ၂၀ ရက်နေ့ နံနက်(၁၀:၃၀)နာရီအချိန်တွင် ပြန်ကြားရေးနှင့်ပြည်သူ့ ဆက်ဆံရေးဦးစီးဌာန Community Center၌ စားသုံးသူအသိပညာပေး Talk Show ကျင်းပပြုလုပ်ခဲ့သည်။

       ဆွေးနွေးပွဲတွင် ကန့်ဘလူမြို့နယ်တာဝန်ခံ ဦးမျိုးဝင်းသန်းက စားသုံးသူကာကွယ်ရေးဥပဒေအကြောင်း ခေါင်းစဉ်ဖြင့် စားသုံးသူကာကွယ်ရေးဥပဒေ ပြဌာန်းရခြင်း၏ ရည်ရွယ်ချက်များ၊ ဥပဒေပါ စားသုံးသူကာကွယ်ရေးနှင့် စားသုံးသူအခွင့်အရေးများအကြောင်း၊ စားသုံးသူနှင့် စီးပွားရေးလုပ်ငန်းရှင်ဆိုတာ ဘယ်လိုလူတွေကိုခေါ်တယ်၊ အခန်း(၁၈)၊ ပုဒ်မ(၄၁)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ အသေးစိတ်ဖော်ပြရမည့်အချက်များကို ဟောပြောဆွေးနွေးခဲ့ကြောင်း၊ စားသုံးသူများ သည် ကုန်စည်(သို့မဟုတ်)ဝန်ဆောင်မှုများကို ဝယ်ယူအသုံးပြုရာတွင် စားသုံးသူအခွင့်အရေးချိုး ဖောက်ခံရပါက သက်ဆိုင်ရာပြည်နယ်နှင့်တိုင်းဒေသကြီးအပါအဝင် ခရိုင်ဦးစီးမှူးရုံးများရှိ CICCများ သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင် ကြောင်း၊ DOCA Myanmar Mobile Application တွင်လည်းကောင်း၊ DOCA Facebook Page နှင့် Consumer Call Center 1535 သို့လည်း ဆက်သွယ်တိုင်ကြားနိုင်ကြောင်း အသိပညာပေးဆွေးနွေးခဲ့ကြောင်း သိရသည်။

DOCA(စစ်ကိုင်း)

        စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့တွင် စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှု၊ ရွှေဘိုခရိုင်စီမံအုပ်ချုပ်ရေးအဖွဲ့၏ ကြီးကြပ်မှုဖြင့် (၂၄.၆.၂၀၂၄)ရက်နေ့၊ နံနက်(၁၀:၀၀)နာရီ အချိန်တွင် ရွှေဘိုခရိုင် အထွေထွေအုပ်ချုပ်ရေးဦးစီးဌာရုံးအစည်းအဝေးခန်းမ၌ ပြည်တွင်းစားဆန် ဈေးနှုန်းများ သင့်တင့်မျှတစွာဖြင့်  တည်ငြိမ်မှန်ကန်စေရေးနှင့် MyRo တွင် သိုလှောင်ရုံမှတ်ပုံတင် ဆောင်ရွက်ရေး ရှင်းလင်းပွဲကို ကျင်းပခဲ့ပါသည်။

          အဆိုပါတွေ့ဆုံပွဲတွင် ရွှေဘိုခရိုင် ကုန်ဈေးနှုန်းတည်ငြိမ်ရေးကော်မတီဥက္ကဌမှ အဖွင့်အမှာစကား ပြောကြားခဲ့ပြီး စားသုံးသူရေးရာဦးစီးဌာန၊ ခရိုင်ဦးစီးမှူးက စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၏ဆောင်ပုဒ်၊ မျှော်မှန်းချက်များ၊ ဝန်ကြီးဌာနအောက်ရှိ ဦးစီးဌာနများ၊ စားသုံးသူရေးရာ ဦးစီးဌာန၏ မျှော်မှန်းချက်၊ ရည်မှန်းချက်များ၊ မြန်မာနိုင်ငံဆန်စပါးအသင်းချုပ်၏ ဆန်စပါးသိုလှောင်မှု မှတ်ပုံတင်ရေး စီစဉ်ဆောင်ရွက်ရန်နှင့် သင့်တင့်မျှတသောဆန်ဈေးနှုန်းများဖြင့် ရောင်း/ဝယ်ရန် တိုက်တွန်းနှိုးဆော်ချက် ထုတ်ပြန်ထားရှိမှုများ၊ MyRo တွင် သိုလှောင်ရုံမှတ်ပုံတင်ဆောင်ရွက်ရေး အကြောင်းများနှင့်စပ်လျဉ်း၍ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံဆန်စပါး အသင်းချုပ်နှင့် စားသုံးသူရေးရာဦးစီးဌာနတို့၏ အသိပေးကြေငြာထားမှုအခြေအနေများ၊ (၁၇.၆.၂၀၂၄) ရက်နေ့ထိ MyRo တွင် ဆန်စပါးသိုလှောင်ရုံ မှတ်ပုံတင်ထားသည့်စာရင်းများကို အသေးစိတ် ရှင်လင်း ဆွေးနွေးခဲ့ကြောင်း၊ ဆက်လက်၍ တက်ရောက်လာသည့်လုပ်ငန်းရှင်များမှ မရှင်းလင်းသည်များနှင့် သိရှိလိုသည်များကို မေးမြန်းဆွေးနွေးခြင်း၊ အထွေထွေဆွေးနွေးခြင်းများပြုလုပ်ခဲ့ပြီး ခရိုင်ကုန်ဈေးနှုန်းတည်ငြိမ်ရေး ကော်မတီဥက္ကဌက နိဂုံးချုပ်စကားပြောကြားခဲ့ပါသည်။

အစည်းအဝေးသို့ ရွှေဘိုခရိုင်ကုန်ဈေးနှုန်း တည်ငြိမ်ရေးလုပ်ငန်းအဖွဲ့ဥက္ကဌနှင့် အဖွဲ့ဝင်များ၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ တာဝန်ရှိသူများ၊ ခရိုင်စက်မှုကြီးကြပ်ရေးနှင့် စစ်ဆေးရေးဦးစီးဌာနမှတာဝန်ရှိသူများ တက်ရောက်ခဲ့ပြီး   ဆန်စက်လုပ်ငန်းရှင်နှင့် ဆန်ကုန်သည် (၁၀၅) ဦး တက်ရောက်ခဲ့ကြကြောင်း သတင်းရရှိပါသည်။

DOCA(စစ်ကိုင်း)

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ကြီးကြပ်မှုဖြင့် ဆိပ်ဖြူမြို့နယ်တာဝန်ခံ ဦးဇော်နေလင်းနှင့် ဝန်ထမ်းသည် မြို့နယ်ကြက်ခြေနီအဖွဲ့နှင့် ပူးပေါင်း၍ (၂၃.၆.၂၀၂၄)ရက်နေ့၊ နံနက်(၀၉:၀၀)နာရီအချိန်တွင် ဆိပ်ဖြူ မြို့ အလယ်ပိုင်းရပ်ကွက် အခြေခံပညာမူလတန်းကျောင်းသို့ သွားရောက်ပြီး ပြည်သူ(၃၃)ဦးအား စားသုံးသူကာကွယ်ရေးအသိပညာပေးဆိုင်ရာ ဟောပြောပွဲ ကျင်းပပြုလုပ်ခဲ့ပါသည်။

        မြို့နယ်တာဝန်ခံ ဦးဇော်နေလင်းက အသိပညာပေးဆွေးနွေးရာတွင် ဌာန၏သမိုင်းကြောင်း နှင့် လုပ်ငန်းဆောင်ရွက်ချက်များ၊ စားသုံးသူကာကွယ်ရေးဥပဒေပါ အကြောင်းအရာများ၊ ကုန် အညွှန်းအမှတ်အသားဖော်ပြချက်များ၊ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင် များ၏တာဝန်များ၊ ပြစ်မှုပြစ်ဒဏ်များနှင့် ကုန်စည်နှင့်ဝန်ဆောင်မှုများ အသုံးပြုခြင်းကြောင့် နစ်နာ ဆုံးရှုံးများ ဖြစ်ပေါ်လာပါက တိုင်ကြားနိုင်သည့်နည်းလမ်းများ၊ စားသုံးသူရေးရာကိစ္စများ စုံစမ်း မေးမြန်းရန်အတွက် Consumer Call Center (၁၅၃၅)အား ဖွင့်လှစ်ထားကြောင်း၊ စားသုံးသူ ကာကွယ်ရေးအသိပညာပေး လုပ်ငန်းများကို စဉ်ဆက်မပြတ် ဆောင်ရွက်ပေးလျက်ရှိပါကြောင်း  အသေးစိတ် ရှင်းလင်းဆွေးနွေးခဲ့ပြီး မြို့နယ်ကြက်ခြေနီအဖွဲ့ဝင် ဒေါ်ဝင်းဝင်မော်က ကြက်ခြေနီ အသင်း၏ လုပ်ငန်းဆောင်ရွက်ချက်များနှင့်           မိုင်းအန္တရာယ် ကာကွယ်ရန်အတွက် ကိုင်တွယ်ပုံ နည်းလမ်း အဆင့်ဆင့်ကို ပြည်သူများသိရှိရန် အသိပညာပေး ရှင်းလင်းဆွေးနွေးခဲ့ကြောင်း သိရှိရ သည်။

            ဆက်လက်ပြီး မြို့နယ်တာဝန်ခံ ဦးဇော်နေလင်းနှင့် ဝန်ထမ်းသည် အသိပညာပေးဟောပြော ပွဲအား တက်ရောက်ခဲ့သည့် ပြည်သူ(၃၃)ဦးအား စားသုံးသူကာကွယ်ရေးဆိုင်ရာ လက်ကမ်းစာစောင် များ ဖြန့်ဝေပေးခဲ့ကြောင်း သိရှိရသည်။

DOCA(မကွေး)

     စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးရှိ ဝန်ထမ်းများသည် ၂၅-၆-၂၀၂၄ ရက်နေ့၊ နံနက် (၁၀:၅၀)နာရီအချိန်တွင် မြို့နယ်အသီးသီးရှိ မြေပြင်တွင် စားအုန်းဆီရောင်းချနေခြင်းအား ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။

       ထိုသို့စစ်ဆေးခဲ့ရာတွင် လှည်းကူးမြို့နယ်၊ မှော်ဘီမြို့နယ်၊ တိုက်ကြီးမြို့နယ်နှင့် ထန်းတပင်မြို့နယ်များရှိ မြို့မဈေးများမှ ကုန်စုံဆိုင်များဖြစ်သော ဒေါ်ဝင်းဝင်းငယ်၊ ဒေါ်အေးအေးနွယ်၊ ဦးအောင်သန်း၊ ဦးစတီး၊ ဦးနေအောင်၊ ဒေါ်ညို၊ ဦးသိန်းသန်းစိုးနှင့် ဒေါ်ခင်မြင့်ကြည်ဆိုင်များတွင် သတ်မှတ်ရည်ညွှန်းဈေးအပေါ်  (၂%)အမြတ်၊ သယ်ယူစရိတ်+ လုပ်သားခတွက်ချက်၍ ရောင်းချပါကြောင်း၊ ယခုအခါ ဆီအဝယ်များသောကြောင့် စားသုံးသူပြည်သူများအားလုံးရရှိစေရန် ကတ်စနစ်များဖြင့် ရောင်းချနေကြောင်း၊ နံနက်စောစောပိုင်းတွင် ကတ်ဝေပေးပြီး နေ့လယ်ပိုင်းရောက်ချိန်တွင် စနစ်တကျရောင်းချပေးကြောင်း၊ အလေးချိန်ပြည့်ဝစွာရောင်းပေးပြီး လက်ကျန်မထားဘဲ တစ်နေ့စာ တစ်နေ့ ကုန်အောင်ရောင်းချလျက်ရှိပကြောင်း ကွင်းဆင်းစစ်ဆေးသိရှိရပါသည်။

DOCA(ရန်ကုန်)