သတင်းနှင့် လှုပ်ရှားမှုများ

       ၂၀၂၅ ခုနှစ် ဩဂုတ်လ ၁၅ ရက်နေ့ နံနက်(၁၀:၃၀)နာရီအချိန်တွင် စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် သက်ဆိုင်ရာဌာနဆိုင်ရာများနှင့် ပူးပေါင်း၍ ဟင်္သာတမြို့၊ ဦးဝိစာရ လမ်း၊ ဘုရာကြီးရပ်ကွက်ရှိ “ပိုလာ” ဖုန်းနှင့် လျှပ်စစ်ပစ္စည်းအမျိုးမျိုးအရောင်းဆိုင်သို့ ဆက်သွယ်ရေး ဝန်ဆောင်မှုနှင့် စပ်လျဉ်း၍  ဈေးကွက်စောင့်ကြည့် စစ်ဆေးခြင်းကို ဆောင်ရွက်ခဲ့ပါသည်။

          ထိုသို့ကွင်းဆင်းခဲ့ရာတွင် ဆက်သွယ်ရေးဝန်ဆောင်မှုလုပ်ငန်းနှင့် ပတ်သတ်၍ အရည်အသွေး ပြည့်မီသော အင်တာနက်ဝန်ဆောင်မှုများရရှိစေရန်၊ စားသုံးသူများ စိတ်ကျေနပ်မှုရရှိအောင် ဆောင်ရွက်ပေးနိုင်ရန်၊ သတင်းအချက်အလက်များ ပြည့်စုံမှန်ကန်စွာ ကြိုတင်အသိပေးချက်များရှိ/မရှိ၊ တိုင်ကြားမှုများအား ဖြေရှင်းဆောင်ရွက်ပေးနိုင်ရန်နှင့် စားသုံးသူအခွင့်အရေး ပြည့်ဝစွာ ရရှိစေရန် စစ်ဆေးခဲ့ပြီး၊ ရွှေကောင်းကင်ဖုန်းဆိုင်တွင် သက်ဆိုင်ရာဌာန ထောက်ခံချက်များရှိကြောင်း၊ လုပ်ငန်း ရှင်နှင့်တွေ့ဆုံ၍ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်း အသိပညာပေးဆွေးနွေးခဲ့ပြီး ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

EYDNS (DOCA ဧရာဝတီ)

      စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံနှင့် ဝန်ထမ်းများသည် မိတ်ဘက်ဌာနဆိုင်ရာ များနှင့်ပူးပေါင်း၍ (၁၈.၈.၂၀၂၅) ရက်နေ့ နံနက် (၀၉:၀၀)နာရီအချိန်တွင် အင်္ဂပူမြို့၊ ညောင်ပင်ကြီး ကွင်းကျေးရွာရှိ အခြေခံပညာအထက်တန်းကျောင်း၌ လူငယ်ရေးရာအသိပညာပေးဟောပြောပွဲတွင် ကျောင်းသား/သူများနှင့်ဆရာ/ဆရာမ ဦးရေ(၂၈၅)ဦးအား စားသုံးသူကာကွယ်ရေးဆိုင်ရာ သိကောင်း စရာများ အကြောင်း ဟောပြောခြင်းကို ဆောင်ရွက်ခဲ့ပါသည်။

    ဟောပြောပွဲတွင် အကြီးတန်းစာရေး ဒေါ်ဝင်းမာစိုးက စားသုံးသူကာကွယ်ရေး ဥပဒေကို ၂၀၁၉ခုနှစ် မတ်လ(၁၅) ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူ စကားရပ်၏ အဓိပ္ပာယ်ဖွင့်ဆိုချက်၊  စားသုံးသူအခွင့်အရေးနှင့် တာဝန်များအကြောင်း၊ ဝန်ဆောင်မှု နှင့်စပ်လျဉ်း၍ အာမခံချက်ပေးခြင်းများအကြောင်း၊ ကုန်အညွှန်းအမှတ်အသားဖော်ပြခြင်းများ အကြောင်း၊ တားမြစ်ချက်များအကြောင်း၊ ပြစ်မှုပြစ်ဒဏ်များအကြောင်း၊ စားသုံးသူတို့အနေဖြင့် အသင့်စားမုန့်များ ဝယ်ယူစားသုံးရာတွင် ထုတ်လုပ်သည့်ရက်စွဲနှင့် သက်တမ်းကုန်ဆုံးရက်များ အဓိကဖတ်ရှု့ရမည် ဖြစ်ကြောင်း၊ စားသုံးသူတို့အနေဖြင့် ကုန်စည်သို့မဟုတ်ဝန်ဆောင်မှုများနှင့် စပ်လျဉ်း၍ နစ်နာဆုံးရှုံးမှုများရှိပါက စားသုံးသူရေးရာဦးစီးဌာနသို့ တိုင်ကြားနိုင်မည်ဖြစ်ကြောင်း၊ စားသုံးသူရေးရာဦးစီးဌာန၏ လက်ရှိဆောင်ရွက်နေသည့် လုပ်ငန်းဆောင်ရွက်ချက်များ အကြောင်း စသည်တို့ကို အသိပညာပေးဟောပြောခဲ့ကြောင်း သိရှိရပါသည်။

EYDNS(DOCA ဧရာဝတီ)

          ကျောက်ဆည်ခရိုင် စားသုံးသူရေးရာဦးစီးဌာနမှ စစ်ဆေးရေးအရာရှိများသည် ဩဂုတ်လ (၁၉) ရက်နေ့တွင် မြို့နယ်စည်ပင်သာယာရေးအဖွဲ့များနှင့်အတူ ပူးပေါင်း၍ ကျောက်ဆည်မြို့၊ အေးမြကြည်လင်စျေးရှိ ရွှေစဉ် ဆန်လက်လီ၊ လက်ကားရောင်းချနေသော ဆန်အရောင်းဆိုင်သို့ သွားရောက်၍ ဆန်ဖြန့်ဖြူးရောင်းချမှုအခြေအနေများကို ကွင်းဆင်းစစ်ဆေးခဲ့ပါသည်။ ထိုသို့ စစ်ဆေးရာတွင် ကျောက်ဆည်မြို့၊ အေးမြကြည်လင်စျေးရှိ ရွှေစဉ် ဆန်အရောင်းဆိုင်အား စားသုံးသူရေးရာဦးစီးဌာနမှ ဆန်သတ်မှတ် ရည်ညွှန်းဈေးများအား လစဉ်ထုတ်ပြန်ပေးလျက်ရှိကြောင်း၊ ဩဂုတ်လအတွင်း သတ်မှတ်ထားသည့် ရည်ညွှန်းဈေးနှုန်းထက် ဈေးနှုန်းမြှင့်တင်ရောင်းချဖြန့်ဖြူးခြင်း၊ ဈေးကစားရန် ရည်ရွယ်ချက်ဖြင့် ဆန်များကို သိုလှောင်ခြင်းမပြုရန်နှင့် သက်ဆိုင်ရာဌာနတို့၏ လမ်းညွှန်ချက်များကို လိုက်နာဆောင်ရွက်ရန်လိုအပ်ကြောင်း၊ ဆန်တန်ချိန် (၂၅)တန်အထက် သိုလှောင်ပါက မြန်မာ့ဆန်စပါးအွန်လိုင်း (Myanmar Rice Online) တွင် မဖြစ်မနေမှတ်ပုံတင်ရမည်ဖြစ်ကြောင်း ဆွေးနွေးပြောကြားခဲ့သည်ဟု သတင်းရရှိပါသည်။

DOCA(မန္တလေး)

      စားသုံးသူရေးရာဦးစီးဌာန၏ နှစ်ပတ်လည် နေ့အဖြစ် ၂၀၂၅ခုနှစ် နိုဝင်ဘာလ ၁၄ရက်နေ့တွင် ဝန်ထမ်းများအနေဖြင့် စားသုံးသူကာကွယ်ရေး ဥပဒေများ ဖြေဆိုခြင်း၊ နိုင်ငံဝန်ထမ်းကျင့်ဝတ်အပါး ၃၀ တို့ကို ဖြေဆိုခြင်း၊ ကျပန်းစကားပြောပြိုင်ပွဲ၊ ကွန်ပြူတာပြိုင်ပွဲ၊ များ ယှဉ်ပြိုင်နိုင်ရေးကို မအူပင်ခရိုင်အနေဖြင့် ဝန်ထမ်းများ ပါဝင်ယှဉ်ပြိုင်နိုင်ရေး မအူပင်ခရိုင်ဦးစီးမှူးက ကြပ်မတ်ဆောင်ရွက်ခြင်းလုပ်ငန်းကို ဝန်ထမ်းထုသဘောထားတောင်းခံ ၁၅-၈-၂၀၂၅ ရက်နေ့က မေးမြန်းဆောင်ရွက်ခဲ့ကြောင်း သိရသည်။

       စားသုံးသူရေးရာဦးစီးဌာနမှ မအူပင်ခရိုင်ဦးစီးမှူး ဦးဇော်မင်းမှ  ဝန်ထမ်းလူငယ်များ စွမ်းဆောင်ရည်မြှင့်မားစေရန် ရည်ရွယ်၍ ဌာနမှ နှစ်ပတ်လည်နေ့အဖြစ်ပြုလုပ်မည့် ပြိုင်ပွဲတွင် အတွေ့အကြုံရှိစေရန်နှင့် အစိုးရဌာနဆိုင်ရာဝန်ထမ်းများကို စွမ်းဆောင်ရည်မြှင့်တင်ရေးသည် အခြေခံအကျဆုံး ဖြစ်၍ ဌာနအနေဖြင့် ဝန်ထမ်းများ စွမ်းဆောင်ရည်မြှင့်တင်ရေး၊ အသိပညာပြန့်ပွားရေးကိုပါဝင်ယှဉ်ပြိင်ရန် ရွေးချယ်ခဲ့ပြီး ပါဝင်ယှဉ်ပြိုင်သူများအနေဖြင့်  အခြေခံကျကျ အဆင့်ဆင့်လေ့ကျင့်သင်ကြားပေးခြင်းတို့ ဆောင်ရွက်လျက်ရှိပါသည်။ အချို့ဝန်ထမ်းများသည် သင်တန်းတက်ရောက်ရန် ငြင်းဆန်လိုကြသည်။ မိမိမရှိလျှင် လုပ်ငန်းတာဝန်များ အခက်အခဲဖြစ်ပေါ်နိုင်သည်ကို စိုးရိမ်၍လည်းကောင်း၊ အချို့မှာ ဝန်ထမ်းမှ သင်တန်း တက်ရောက်လိုသော်လည်း ဌာနကအကြောင်းကြောင်းကြောင့် စေလွှတ်မှုမရှိ၍လည်းကောင်း၊ သင်တန်းတက် ရောက်ရန် အခွင့်အရေးမရသည်များလည်း ကြားသိရပါသည်။ သို့ဖြစ်၍ မိမိလုပ်ငန်းတာဝန်ဆောင်ရွက်မှုကို အထောက်အကူဖြစ်စေမည့် သင်တန်းများ တက်ရောက်ခြင်းကို ကိုယ်တိုင်ကျေနပ်စွာ လက်ခံနိုင်ရမည်ဖြစ်သကဲ့သို့ မိမိလက်အောက်လုပ်ဖော်ကိုင်ဖက်၊ မိမိအထက်ဝန်ထမ်းများ သင်တန်းတက်ရောက်ရေးကို အားပေးကူညီရမည်ဖြစ်ပြီး  ဝန်ထမ်းငယ်များအား ယခုယှည်ပြငိမှုမှ  ဘဝတစ်လျှောက် တက်ရောက်ခဲ့ဖူးသော သင်တန်းများနှင့် လုပ်ငန်းခွင်တွင် ပြန်လည်အသုံးချနိုင်ပုံ၊ အကျိုးရှိစွာ အသုံးချနိုင်ရန်အတွက် အသိပညာပေး မှာကြားခဲ့ကြောင်း သိရသည်။

DOCA(ဧရာဝတီ)

      (၁၅-၈-၂၀၂၅)ရက်နေ့ နံနက် (၁၀:၃၀)တွင် ညောင်တုန်းမြို့နယ်၊ အထွေထွေအုပ်ချုပ်ရေးအစည်းအဝေးခန်းမ၌ စားသုံးသူရေးရာဦးစီးဌာန၊မြိုနယ်ဦး စီးမှူးနှင့်အဖွဲ့က Myro မှတ်ပုံတင်ခြင်းနှင့် သိုလှောင်ရုံလုပ်ငန်းစဥ် စာရင်းရေးသွင်း ခြင်းအကြောင်းကို ရပ်/ကျေးအုပ်ချုပ်ရေးမှုး၊စာရေးဝန်ထမ်း၊ အမျိုသမီးရေးရာနှင့် မိခင်နှင့် ကလေးစောင့်ရှောက်ရေး အဖွဲ၊စုစု‌ပေါင်း တက်ရောက်သူ(၁၃၅)ဦးအား အသိပညာပေး ရှင်းလင်းဆွေးနွေးခဲ့ကြောင်း သိရသည်။

      ဟောပြောဆွေးနွေးရာတွင် ညောင်တုန်းမြို့နယ်ဦးစီးမှူး ဦးအောင်လွင်က ဥပဒေအရ စီးပွားရေးအလို့ငှာ ဆန်/စပါး သိုလှောင်လုပ်ကိုင်သူ မည်သည့် စီးပွားရေးလုပ်ငန်းရှင်မဆို ဆန်တန်ချိန် ၅၀ သို့မဟုတ် စပါးတင်း ၅၀၀၀ နှင့်အထက် သိုလှောင်သည့် ဆန်စပါးသိုလှောင်ရုံပိုင်ဆိုင်သူများအနေဖြင့် မိမိတို့ ၏ သိုလှောင်ရုံများကို Myanmar Rice Online (MyRo)-www.myro.com.mmတွင် မဖြစ်မနေ မှတ်ပုံတင်ဆောင်ရွက်ပေးကြပါရန် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက အသိပေးကြေငြာပြီးဖြစ်ကြောင်း၊ ညောင်တုန်းမြို့နယ်အနေဖြင့် မှတ်ပုံတင်ပြီး လုပ်ငန်း ၇၅ခု ရှိပြီးဖြစ်ကြောင်း၊ သက်တမ်း၁နှစ်ပြည့်ပြီးသူများလည်း သက်တမ်းတိုးဆောင်ရွက် လျက်ရှိကြောင်း ရှင်းလင်းပြီး၊ ပြည်တွင်းဆန်စပါးဖူလုံရေး၊ ပြည်ပသို့ စနစ်တကျတင်ပို့ရောင်းချနိုင်ရေး၊ ဆန်စပါး စျေးကွက်နှင့် စျေးနှုန်းတည်ငြိမ်မှန်ကန်စေရေးနှင့် ဆန်စပါးသိုလှောင်မှုအခြေအနေ များကို စနစ်တကျ စာရင်းပြုစု မှတ်ပုံတင်ထား နိုင်ရေးအတွက် ကြပ်မတ်ဆောင်ရွက်ခြင်းဖြစ်ကြောင်း ကို တက်ရောက်လာသူများ သိရှိနိုင်ရန် အသိပညာပေးခဲ့ပြီး တက်ရောက်လာသူများက သိရှိလိုသည်များ မေးမြန်းမှုကို အကျယ်တဝင့် ပြန်လည်ဖြေကြား ရှင်းလင်းခဲ့ကြောင်း သိရသည်။

DOCA(ဧရာဝတီ)