သတင်းနှင့် လှုပ်ရှားမှုများ

          (၂၀.၈.၂၀၂၅)ရက်နေ့ နံနက်(၁၁:၀၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးပါ(၄)ဦး ဆီလုပ်ငန်းရှင်များအသင်းမှ (၂)ဦး ဈေးတာဝန်ခံတို့ ပူးပေါင်းပါဝင်လျက် အမှတ်(၂၀)ဈေးအတွင်း စားအုန်းဆီလက်လီအရောင်းဆိုင်သို့ ကွင်းဆင်းစစ်ဆေး ခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ဆောင်ရွက်ခဲ့ရာတွင် ရုံ(ဃ)၊ အခန်း(၂၂)၊ အမှတ်(၂၀)ဈေး၊ လှိုင်သာယာ (အနောက်ပိုင်း) မြို့နယ်ရှိ ဒေါ်စန္ဒာဝင်းစားအုန်းဆီလက်လီအရောင်းဆိုင်သို့ ရောက်ရှိခဲ့ရာ မိမိသည်ရရှိသောခွဲတမ်းများကို ရပ်ကွက်နေပြည်သူများသို့ စာအုပ်စနစ်ဖြင့်ပေးပါကြောင်း၊ နေ့စဉ်ရပ်ကွက်အပိုင်းလိုက်ခွဲထား ပါကြောင်း၊ ပုံမှန်အားဖြင့် နေ့စဉ်နံနက်(၉)နာရီမှ (၅)နာရီထိ ရောင်းပေးပါကြောင်း၊ ထုတ်ရန်ကျန်ရှိသော စာအုပ်များကိုလည်း နောက်နေ့တွင် ပြန်လည် ထုတ်ပေးပါကြောင်း၊ ရောင်းချမှုလက်ခံလယ်ဂျာများလည်းထားရှိပြီး နေ့စဉ်ကုန်အောင် ရောင်းပေးပါကြောင်း၊ လက်ကျန်လည်းမထားရှိပါကြောင်း ကွင်းဆင်းစစ်ဆေးချက်အရ သိရှိရပါသည်။

DOCA (ရန်ကုန်)

          (၂၀.၈.၂၀၂၅)ရက်နေ့ နံနက်(၁၁:၅၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၄)ဦးတို့သည် အမှတ်(၉၄)၊ ကာယ(၅) လမ်း၊ မင်္ဂလာဒုံ မြို့နယ်ရှိ Nautral Power Organic Fertilizer စိုက်ပျိုးရေးလုပ်ငန်းသုံး ပစ္စည်းများအရောင်းဆိုင်သို့  အသိပညာပေးဆွေးနွေးဟောပြောခဲ့ပါသည်။

          ထိုသို့ဟောပြောခဲ့ရာတွင် စားသုံးသူပြည်သူများ အွန်လိုင်းစနစ်ဖြင့် ရောင်းချခြင်းလုပ်ငန်းနှင့် အဓိပ္ပါယ်ဖွင့်ဆိုချက်များ၊ စားသုံးသူ၏အခွင့်အရေးများ၊ တာဝန်များ၊ အွန်လိုင်းစနစ်ဖြင့် ဈေးဝယ်ယူခြင်းအတွက် အားနည်းချက်/ အားသာချက်များကိုလည်းကောင်း၊ ကုန်စည် (သို့) ဝန်ဆောင်မှုနှင့် စပ်လျဉ်း၍ သက်ဆိုင်ရာဌာနများ၏ ဆောင်ရွက်မှုများ၊ လိမ်လည်မှုများနှင့် မှတ်ပုံတင်ထားသည့် အွန်လိုင်းရောင်းချမှုလုပ်ငန်းမှ ဈေးဝယ်ယူခြင်းဖြင့် ရရှိသည့်အကျိုးရလဒ်များကို အကျယ်တဝင့် ဟောပြောဆွေးနွေးခဲ့ပြီး ဆွေးနွေးပွဲသို့ (၃)ဦးတက်ရောက်ကာ (၁၂:၃၀) နာရီအချိန်တွင် ရုပ်သိမ်းခဲ့ကြောင်း သိရှိရပါသည်။

DOCA (ရန်ကုန်)

           စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ အနီးကပ်ကြီးကြပ်မှုဖြင့် စားသုံးသူရေးရာဌာနခွဲတာဝန်ခံနှင့် ဝန်ထမ်းများ သည် စားသုံးသူကာကွယ်ရေးဥပဒေပါ ပြဌာန်း ချက်များအားလိုက်နာဆောင်ရွက်ခြင်းဖြင့် စားသုံးသူ များဘေးအန္တရာယ်ကင်းရှင်းပြီး မိမိတို့လုပ်ငန်းများ ထုတ်ကုန်လုံခြုံစိတ်ချရမှုရှိပြီး အကျိုးစီးပွား အောင်မြင်ဖြစ်ထွန်းစေရန် ရည်ရွယ်၍(၁၄.၈.၂၀၂၅)ရက်နေ့၊ နံနက်(၁၀:၀၀)အချိန်တွင် ဒေသတွင်း စားသောက်ကုန်ထုတ်လုပ်ဖြန့်ဖြူးရောင်းချလျက်ရှိသော မြေပဲဆားလှော် ၊ မြေပဲဆုံဆီ နှင့် စားသုံးဆီ ထုတ်လုပ်ရောင်းချလျက်ရှိသော လုပ်ငန်းရှင်များထံသို့ သွားရောက်၍ အသိပညာပေးဆွေးနွေးခဲ့ ကြောင်း သိရသည်။

          စားသုံးသူရေးရာဌာနခွဲတာဝန်ခံမှ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များနှင့် မြန်မာနိုင်ငံစားသုံးသူကာကွယ်ရေး ကော်မရှင်မှ ထုတ်ပြန်ထားသောညွှန်ကြားချက် ပါ ကုန်စည်အုပ်စုအလိုက် မြန်မာဘာသာဖြင့် ထည့်သွင်းဖော်ပြရမည့်အချက်အလက်များ အကြောင်း ၊ လုပ်ငန်းရှင်များမှလည်း မိမိတို့ထုတ်လုပ်သောကုန်စည် အမျိုးအစားအလိုက် စားသုံးသူကာကွယ် ရေးဥပဒေ (၂၀၁၉)အခန်း (၁၈)ပါ ကုန်အညွှန်းအမှတ် အသားဖော်ပြချက်များနှင့် ကိုက်ညီသည့် ကုန်စည်များကို စားသုံးသူရေးရာဦးစီးဌာန၏ စိစစ်ခွင့်ပြုချက်ရရှိရန်လျှောက်ထားနိုင်ကြောင်း၊ မြေပဲ ဆားလှော်နှင့် မြေပဲဆုံဆီထုတ်လုပ်သော လုပ်ငန်းရှင်များအနေဖြင့် သန့်ရှင်းလတ်ဆတ်သော ကုန်ကြမ်းများကိုသာ အသုံးပြုစေလိုကြောင်း၊ မြေပဲများတွင် စနစ်တကျအခြောက်ခံခြင်းမရှိပါက အာဖလာတော့ပ်ဆင်မှိုဆိပ် ကျရောက်နိုင်၍သတိပြုလုပ်ဆောင်စေလိုကြောင်း၊ နစ်နာဆုံးရှုံးမှု ဖြစ်ပွားစေသည့် ကုန်စည်ကိုတိုက်ရိုက်ရောင်းချခြင်း(သို့) သွယ်ဝိုက်ရောင်းချခြင်းကိုရှောင်ကြဉ် ရန် နှင့် အာမခံပေးထားသည့်အတိုင်း တာဝန်ယူဆောင်ရွက်ပေးရန် စသည့်အချက်များမှာ မိမိတို့၏ တာဝန်များဖြစ်သောကြောင့် တိကျစွာလိုက်နာဆောင်ရွက်စေလိုကြောင်း၊ မိမိတို့ ဌာနမှစစ်ဆေးရေး အရာရှိများမှလည်း ဈေးကွက်စောင့်ကြည့်စစ်ဆေးလျက်ရှိပြီး ကုန်အညွှန်းအမှတ်အသားပြည့်စုံမှု မရှိသောထုတ်ကုန်များအား စားသုံးသူကာကွယ်ရေးဥပဒေအရ ဈေးကွက်အတွင်းမှလျော့နည်း ပပျောက်အောင် ဖယ်ရှားသွားမည်ဖြစ်ကြောင်း၊ စီးပွားရေးကျင့်ဝတ်နှင့်အညီ လုပ်ကိုင်ဆောင်ရွက် ခြင်းဖြင့်ဈေးကွက်များပိုမိုရရှိလာနိုင်ပြီး စားသုံးသူများမှလည်း လုံခြုံစိတ်ချရသောကုန်စည်များအား ရွေးချယ်ဝယ်ယူသုံးစွဲလာနိုင်၍ နှစ်ဦးနှစ်ဖက်အကျိုးကျေးဇူးများရရှိစေလိုကြောင်း ဆွေးနွေးခဲ့ပြီး လက်ကမ်းစာစောင်များဖြန့်ဝေခဲ့ကြောင်း သိရသည်။

DOCA(မကွေး)

       ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ ဦးနေဝေယံဦး (လက်ထောက်ညွှန်ကြား ရေးမှူး)ဦးဆောင်၍ (၂၈.၈.၂၀၂၅)ရက်နေ့ ၊နေ့လယ်(၁၄:၀၀)နာရီအချိန်တွင် ဇဗ္ဗူသီရိမြို့နယ်၊ အသေးစားစက်မှုလက်မှုလုပ်ငန်းဦးစီးဌာနတွင် စားသုံးသူကာကွယ်ရေးအသိပညာပေးဟောပြောပွဲ ပြုလုပ်ခဲ့ရာ  လုပ်ငန်းရှင်(၂၀)ဦး တက်ရောက်ခဲ့ကြပါသည်။

          အဆိုပါဟောပြောပွဲ၌ ကုန်ပစ္စည်းထုတ်လုပ်ရောင်းချသူများအနေဖြင့် အွန်လိုင်းစနစ်ဖြင့် ရောင်းချရာတွင် မှတ်ပုံတင်နိုင်ရေးအတွက် ဆောင်ရွက်ရမည့်နည်းလမ်းများ အွန်လိုင်းစနစ်ဖြင့် မှတ်ပုံတင်သည့်အကြောင်း၊ မှတ်ပုံတင်ပြုလုပ်ရာ၌ ရွေးချယ်ရမည့်ကုန်စည်၊ ဝန်ဆောင်မှု အမျိုးအစား များအကြောင်း၊ အွန်လိုင်းစနစ်ဖြင့်ရောင်းချခြင်းလုပ်ငန်းများ ကုန်အညွှန်းအမှတ်အသားအကြောင်း စသည်တို့နှင့်စပ်လျဉ်း၍ စားသုံးသူရေးရာဦးစီးဌာနမှ ဆောင်ရွက်သည့်လုပ်ငန်းများအကြောင်း ဟောပြောခဲ့ပြီး    လက်ကမ်းစာစောင်များ ဖြန့်ဝေ ပေးခဲ့ပါကြောင်း သတင်းရရှိပါသည်။

DOCA(ပြည်ထောင်စုနယ်မြေ)

         စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးမင်းမင်းစိုး (ဌာနခွဲစာ ရေး)သည် ၁၉.၈.၂၀၂၅ ရက်နေ့၊ နေ့လယ် (၀၂:၀၀) နာရီအချိန်တွင် မင်္ဂလာတောင်ညွန့်မြို့နယ်၊ ရွှေပြည်စုံဈေး၊ ကေကေဆေးဆိုင်သို့  ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

            ထိုသို့ ကွင်းဆင်းစစ်ဆေးရာတွင် ကေကေဆေးဆိုင်တွင် ရောင်းချလျက်ရှိသော လူသုံးများသောဆေးဝါးများနှင့် ရောင်းချနေသော ဆေးဝါးများ၏ ဈေးနှုန်းများအတက်အကျ ရှိ/ မရှိ၊ ယခင်လဈေးနှုန်း၊ ယခုလဈေးနှုန်းများ၏ဈေးနှုန်းကွာခြားမှုရှိ/ FDA မှ တားမြစ်ထားသော ဆေးဝါးများအားရောင်းချခြင်းမပြုလုပ်ကြရန်၊ အမြတ်ရာခိုင်နှုန်းများစွာတင်၍ရောင်းချခြင်းမပြုလုပ်ဘဲ ဈေးနှုန်းမှန်ကန်စွာရောင်းချကြရန် စားသုံးသူများနေ့စဉ် အသုံးပြုလျက်ရှိသော ကုန်စည်နှင့် ဝန်ဆောင်မှုများကို ဘေးအန္တရာယ်ကင်းရှင်းစွာ၊ လွယ်ကူလျင်မြန်စွာ ဝယ်ယူအသုံးပြုနိုင်စေ ရန်ရည်ရွယ်၍ ဈေးကွက်အတွင်း ရောင်းချနေသည့် အိမ်သုံးဆေးဝါးများ၊ ဆေးနှင့်ဆေးပစ္စည်းများ ပြတ်လပ်ခြင်းရှိ/ မရှိ၊ ဈေးနှုန်းမြှင့်တင်ရောင်းချခြင်းရှိ/ မရှိကို စစ်ဆေးခဲ့ကြောင်း သိရှိရပါသည်။

DOCA(ရန်ကုန်)