သတင်းနှင့် လှုပ်ရှားမှုများ

  ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်အတွင်းရှိ ဆေးဆိုင်များတွင် Dumex Dupro Brand အမှတ်တံဆိပ်အတုများရောင်းချမှုရှိမရှိ စစ်ဆေးခြင်းကို ၁၀-၁၀-၂၀၂၅ ရက်နေ့ နံနက် ၉နာရီ အချိန်က မြို့နယ်စားသုံးသူရေးရာ ဦးစီးဌာနမှ တာဝန်ခံနှင့် FDA ၊ မြို့နယ်ကျန်းမာရေး ဝန်ထမ်းများက ဆောင်ရွက်ခဲ့ကြောင်း သိရသည်။

   ထိုသို့ စစ်ဆေးခဲ့ရာ အစားအသောက်နှင့် ဆေးဝါးကွပ်ကဲရေးဦးစီးဌာန၏ ထောက်ခံချက်ရရှိထား သော DKSH Myanmar Ltd. မှ တင်သွင်းသည့် Dumex Dupro Brand (နို့စို့ကလေးနှင့် ကလေးငယ်များအတွက်ဖော်စပ်စာ) များကိုသာ စစ်ဆေးတွေ့ရှိရကြောင်း ကုန်ပစ္စည်းရောင်းချသူ ဆိုင်ရှင်များကိုလည်း အတုအစစ်ခွဲခြားနည်းနှင့် Dumex Dupro Brand အမှတ်တံဆိပ်အတုများကို ရောင်းချခြင်းမပြုရန် အသိပညာပေးဆွေးနွေးခဲ့ကြာင်း သိရသည်။

DOCA(ဧရာဝတီ)

             ကျောက်ဆည်ခရိုင်၊ စားသုံးသူရေးရာဦးစီးဌာနရှိ စစ်ဆေးရေးအရာရှိများသည် စက်တင်ဘာလ (၂၅) ရက်နေ့တွင် မြစ်သားမြို့နယ် ၊ ရန်ကုန်-မန္တလေးကားလမ်းဘေး၊အိုးကြီးကွေ့ကျေးရွာရှိOK စက်သုံးဆီအရောင်းဆိုင်အား ကွင်းဆင်းစစ်ဆေးခဲ့ပါသည်။ ထိုသို့စစ်ဆေးရာတွင် စက်သုံးဆီ အရောင်းဆိုင်များအနေဖြင့်နိုင်ငံတော်မှစက်သုံးဆီပြတ်လပ်မှုမရှိစေရေး၊စျေးနှုန်းမြင့်တက်မှုမရှိစေရေး၊စက်သုံးဆီစျေးနှုန်းတည်ငြိမ်မှုရှိစေရေးအတွက် ဆောင်ရွက်လျှက်ရှိကြောင်း၊ စက်သုံးဆီရောင်းချသည့် ကုမ္ပဏီများမှလည်း သုံးစွဲသူပြည်သူများအား စက်သုံးဆီတင်သွင်း၊ သိုလှောင်ဖြန့်ဖြူးခြင်း လုပ်ငန်း ကြီးကြပ်ရေးကော်မတီမှ သတ်မှတ်ထားသည့် ရည်ညွှန်းစျေးနှုန်းများထက် ပိုမိုကျော်လွန်၍ ရောင်းချ ခြင်းမရှိရန်လိုကြောင်း၊ အချင်အတွယ်မှန်ကန်စွာ ရောင်းချရန်နှင့်အရည်အသွေးကောင်းမွန်သော စက်သုံးဆီများကိုသာ ဝယ်ယူရောင်းချရန် ပြောကြားခဲ့ကြောင်း သတင်းရရှိပါသည်။

DOCA(မန္တလေး)

  စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ဒုခရိုင်ဦးစီးမှူးနှင့် ဝန်ထမ်းများသည် ၉-၁၀-၂၀၂၅ ရက်နေ့ နံနက်(၉)နာရီအချိန်က ခရိုင် အစားအေသာက်နှင့် ဆေးဝါးကွပ်ကဲ ရေးဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးအဖွဲ့တို့နှင့် အတူ အသင့်သောက် ရေသန့်ဗူး အမျိုးမျိုးအား ဘေးအန္တရာယ်ကင်းရှင်းရေး၊ ကုန်အညွှန်းအမှတ်အသားပြည်စုံစွာဖော်ပြပါဝင်မှု ရှိမရှိနှင့်၊ သက်ဆိုင်ရာထောက်ခံချက်များ ပါဝင်မှု ရှိမရှိ ကွင်းဆင်း စစ်ဆေးခဲ့ကြသည်။

    ကွင်းဆင်းစစ်ဆေးရာတွင် မအူပင်ခရိုင်စစ်ဆေးရေးအရာရှိ ဦးအောင်ဇော်ဦးက ရေသန့်ရောင်းချသည့် ကုန်မျိုးစုံအရောင်းဆိုင် ၈ဆိုင်တို့မှ လုပ်ငန်းရှင်တို့ကို ဌာန၏ လမ်းညွှန်ချက်များကို လိုက်နာဆောင်ရွက်ပြီး မိမိတို့ဒေသအတွင်း ‌ရောင်းချနေသော ရေသန့်အမျိုးမျိုးတွင် သက်ဆိုင်ရာဌာန၏ သတ်မှတ်ရန်ဖော်ပြထားသည့် အချက်အလက်များ၊ ထောက်ခံခွင့်ပြုချက်များ ပါဝင်မှု ရှိ မရှိ၊ ကုန်အညွှန်အမှတ်အသားဖော်ပြချက်များ ပါဝင်မှု ရှိ မရှိစစ်ဆေးဆောင်ရွက်ခဲ့ပြီး ဆိုင်တွင်ရောင်းချနေသော ရေသန့်ဗူးများကို စနစ်တကျ အရိတ်ပ်အောက်တွင်ထားရှိပြီး ရောင်းချရန်၊ နေရောင်နှင့် တိုက်ရိုက်ထိတွေ့သော နေရာများတွင် ချ၍ ‌ရောင်းချခြင်းမျိုး မပြုလုပ်ရန် ရောင်းချသည့် လုပ်ငန်းရှင်တို့ကလည်း ကုန်စည်များတွင် ဖော်ပြထားသည့် အချက်များကို လိုက်နာ၍ စားသုံးသူများအတွက် ဘေးအန္တရာယ်ကင်းရှင်စွာရောင်းချကြရန်ကို မှာကြားဆွေးနွေးခဲ့ကြောင်း သိရသည်။

DOCA(ဧရာဝတီ)

           စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊  ‌ကျောက်ဆည် ခရိုင်ဦးစီးမှူးရုံးအနေဖြင့် ထုတ်ကုန်များအနေဖြင့် လုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/ မရှိ၊ စားသုံးသူများ နေ့စဉ်အသုံးပြုလျှက်ရှိသည့် ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံ စိတ်ချရမှုရှိစေရေး ကုန်စည်များကို သတ်မှတ်စံချိန်းစံညွှန်းများ ညွှန်ကြားချက်များနှင့် ကိုက်ညီမှု ရှိ/ မရှိ စျေးကွက်စောင့်ကြည့်စစ်ဆေးခြင်းများလုပ်ငန်းကို စဉ်ဆက်မပြတ်ဆောင်ရွက်လျှက် ရှိပါသည်။ စက်တင်ဘာလ(၂၅)ရက်၊ မွန်းလွှဲ (၁၂:၃၀)နာရီအချိန်တွင် ‌ကျောက်ဆည် ခရိုင်ဦးစီးမှူးရုံး၌ ချမ်းမြေ့သောက်ရေသန့် ရောင်းချသည့်လုပ်ငန်းရှင်နှင့်တွေ့ဆုံ‌ခဲ့ပါသည်။ ထိုသို့တွေ့ဆုံဆွေးနွေးရာ တွင်မိမိတို့ရောင်းချသည့် ကုန်ပစ္စည်းများပေါ် တွင် မြန်မာနိုင်ငံ စားသုံးသူကာကွယ်ရေး ကော်မရှင်၏ ညွှန်ကြားချက်အမှတ်(၂/၂၀၁၉)နှင့်အညီ ကုန်စည်အုပ်စုအလိုက် မြန်မာဘာသာဖြင့် ကုန်အညွှန်း အမှတ်အသား‌ဖော်ပြရမည့် အသေးစိတ် အချက်အလက်များအား ပြည့်စုံစွာထည့်သွင်း ဖော်ပြထားရန်လိုကြောင်း၊ ထုတ်ကုန်လုံခြုံစိတ်ချရမှုရှိပြီး ကုန်အညွှန်းအမှတ်အသား ပြည့်စုံသော သက်ဆိုင်ရာ ဌာနများ၏ ထောက်ခံချက်ပါရှိသော ကုန်စည်များကိုသာရောင်းချရန်လိုကြောင်း၊ လုပ်ငန်းရှင်များကို စားသုံးသူကာကွယ်ရေးဥပဒေပါ စားသုံးသူအခွင့်အရေး(၈) ချက် ရှိကြောင်း၊ ကုန်အညွှန်းအမှတ်အသားများအကြောင်း ဥပဒေပြစ်မှု ၊ ပြစ်ဒဏ်များ အကြောင်းကိုလည်း အကျယ် တဝင့်ရှင်းလင်း ဆွေးနွေးခဲ့ကြောင်း သတင်းရရှိပါသည်။

DOCA(မန္တလေး)

              ၂၀၂၅ ခုနှစ်၊ အောက်တိုဘာလ၊ ၁၀ ရက်နေ့၊ စားသုံးသူရေးရာဦးစီးဌာန အစည်းအဝေး ခန်းမတွင် ဆီစက်ကဏ္ဍဖွံ့ဖြိုးတိုးတက်ရေးနှင့် ကျန်းမာရေးနှင့်ညီညွှတ်သော စားသုံးဆီများ ထုတ်လုပ်နိုင်ရေးအလုပ်ရုံဆွေးနွေးပွဲ အခမ်းအနား ကျင်းပဆောင်ရွက်ခဲ့ပါသည်။ အခမ်းအနားကို နံနက်(၁၀)နာရီအချိန်တွင် စတင်ခဲ့ပြီး စီးပွားရေးရာဝန်ကြီးမှ တက်ရောက်အဖွင့်အမှာ စကားပြော ကြားခဲ့ပါသည်။ အခမ်းအနားသို့ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးနှင့်တကွ စိုက်ပျိုးရေးဦးစီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ အစားအသောက်နှင့် ဆေးဝါး ကွပ်ကဲရေးဦးစီးဌာန၊ ကုန်ပစ္စည်းစစ်ဆေးရေးနှင့်အရည်အသွေးစီမံခန့်ခွဲမှုဌာန၊ မြန်မာနိုင်ငံ ဆီစက်ပိုင်ရှင်များအသင်းဥက္ကဌနှင့် အသင်းသားများ၊ စုစုပေါင်း အယောက်(၅၀) ခန့်  တက်ရောက် ခဲ့ကြပါသည်။ ထို့နောက် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ ဆီစက်ကဏ္ဍဖွံ့ဖြိုး တိုးတက်စေရေးအလုပ်ရုံဆွေးနွေးပွဲ ကျင်းပရခြင်း နှင့်ပတ်သက်၍ ရှင်းလင်းဆွေးနွေးခဲ့ပါသည်။ မြန်မာနိုင်ငံဆီစက်ပိုင်ရှင်များ အသင်းဥက္ကဌမှလည်း မန္တလေးတိုင်းဒေသကြီး ဆီစက်လုပ်ငန်း များလည်ပတ်မှုအခြေအနေနှင့်ပတ်သက်၍လည်းကောင်း၊ စိုက်ပျိုးရေးဦးစီးဌာနမှ မန္တလေးတိုင်း ဒေသကြီး၏ ဆီထွက်သီးနှံတိုးတက်ရေး ဆောင်ရွက်ထားရှိမှု အခြေအနေအား လည်းကောင်း၊ စက်မှုကြီးကြပ်ရေးနှင့်စစ်ဆေးရေးဦးစီးဌာနမှ ဆီစက်လုပ်ငန်းများဖွံ့ဖြိုးတိုးတက်စေရေးနှင့် လိုက်နာ ရမည့် စည်းကမ်းများနှင့်ပတ်သက်၍လည်းကောင်း၊ အစားအသောက်နှင့်ဆေးဝါးကွပ်ကဲရေးဦးစီး ဌာနမှ အာဖလာတော့ဆင်အကြောင်းသိကောင်းစရာ ခေါင်းစဉ်ဖြင့်လည်းကောင်း၊ ကုန်ပစ္စည်း စစ်ဆေးရေးနှင့်အရည်အသွေးစီမံခန့်ခွဲမှုဌာနမှ စားသုံးဆီနှင့်အာဖလာတော့ဆင်မှိုဆိပ်၊ ကျန်းမာရေး နှင့်ညီညွတ်သောစားဆီများ ပြည်တွင်းဈေးကွက် တွင်ရရှိရေး စသည့်ခေါင်းစဉ်များဖြင့် အသီးသီး ရှင်းလင်းဆွေးနွေးခဲ့ကြပါသည်။ ထိုသို့ရှင်းလင်းဆွေးနွေးပြီးနောက် အခမ်းအနားသို့ တက်ရောက် လာသော ဆီစက်ပိုင်ရှင်အသင်းသားများက သိလိုသည်များကို မေးမြန်းဆွေးနွေးခဲ့ရာ  သက်ဆိုင်ရာ ဌာနအသီးသီးက ပြန်လည်ဖြေကြားဆွေးနွေးပေးခဲ့ပါသည်။ ထို့နောက် စားသုံးသူရေးရာဦးစီးဌာန၊ တိုင်းဒေသကြီး ဦးစီးမှူးက အလုပ်ရုံဆွေးနွေးပွဲကျင်းပရခြင်းနှင့်ပတ်သက်၍ နိဂုံးချုပ်စကား ပြောကြားခဲ့ပြီး အခမ်းအနားကို  ညနေ (၁၄:၅၅) အချိန်တွင် ရုတ်သိမ်းခဲ့ပါသည်။

DOCA (မန္တလေး)