သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး ဖျာပုံခရိုင် ဘိုကလေးမြို့နယ် စားသုံးသူရေးရာဦးစီးဌာန၊ ဘိုကလေးမြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ စက်တင်ဘာလ(၃၀) ရက်၊ နံနက်(၁၀:၀၀) နာရီအချိန်တွင် “၁၁၁” ဆန်စက်သို့ ထုတ်ကုန်လုံခြုံစိတ်ချရမှုနှင့် MSMEs လုပ်ငန်း ဖွံ့ဖြိုးတိုးတက်ရေး ကွင်းဆင်းစိစစ်ခဲ့ကြပါသည်။

      ကွင်းဆင်းစိစစ်မှုတွင် “၁၁၁” ဆန်စက်မှ ကြိတ်ခွဲထုတ်လုပ်မှု အခြေအနေ၊ ထုတ်လုပ်သော ကုန်စည်များအရည်အသွေးပြည့်မီစေရေး၊ဆန်စပါးဈေးနှုန်းဈေးကွက်အခြေအနေများနှင့် ထုတ်ပိုးမှုစနစ်များလုံခြုံစိတ်ချရမှုရှိစေရေး၊ ခေတ်မှီစက်ကိရိယာများတပ်ဆင်ထားရှိမှုတို့ကို ကွင်းဆင်းစိစစ်ခဲ့ကြပါ သည်။ ဆန်စက်ကြိတ်ခွဲရာမှ ထွက်ရှိလာသောစွန့်ပစ်ပစ္စည်းများကိုလည်း စနစ်တကျစွန့်ပစ်ထားခြင်းရှိ/မရှိ၊ MSMEs လုပ်ငန်းဖွံ့ဖြိုး တိုးတက်ရေး ကွင်းဆင်းစိစစ်ခဲ့ကြောင်း သတင်းရရှိပါသည်။

(Doca ဧရာဝတီ)

     (၃၀.၉.၂၀၂၅) ရက်၊ နံနက်(၇:၀၀) နာရီအချိန်တွင် ကျိုက်လတ်မြို့နယ် ကုန်ဈေးနှုန်းကျဆင်းရေး အဖွဲ့ဖြင့် အခွန်လွတ် သက်သာသော ဈေးနှုန်းဖြင့် ဆန်၊ဆီ၊ ကြက်ဥ၊ အသား/ငါးတို့ကို ကျိုက်လတ်မြို့ (၇) လမ်းတွင် ပြည်သူများကို သက်သာသော ဈေးနှုန်းဖြင့် ရောင်းချ ပေးကြောင်း သိရှိရပါသည်။

    အဆိုပါ ရောင်းချပေးသော ဆန်မှာ ဧည့်မထဆန်(၁) ပြည်လျှင် (၂၅၀၀) ကျပ်၊ ဆီတစ်ပိဿာလျှင် (၇၂၀၀) ကျပ်၊ ကြက်ဥတစ်လုံးလျှင် (၃၇၀) ကျပ်ဖြင့် လူတစ်ဦးလျှင် ဆန်(၁)  ပြည်၊ ဆီ(၅၀) သား ၊ ကြက်ဥ (၁၀) လုံး ရောင်းချပေးလျက်ရှိပါသည်။ဆန်စုစုပေါင်း (၃) အိတ်နှင့် ဆီ(၅၀) သားဘူး(၂၀၀) ၊ကြက်ဥအလုံးရေ (၆၀၀) လုံးအား အများပြည်သူများသို့ သက်သာသော ဈေးနှုန်းများ ဖြင့် ရောင်းချပေးကြောင်း သိရှိရပါသည်။

(Doca ဧရာဝတီ)

     ဧရာဝတီတိုင်းဒေသကြီး၊ ဖျာပုံခရိုင် ၊ ကျိုက်လတ်မြို့နယ်ရှိ  စားသုံးသူရေးရာဦးစီးဌာနမှ မြို့နယ် တာဝန်ခံ ဦးမိုးမင်းသန်းသည် (၃၀.၉.၂၀၂၅)နေ့၊  နံနက် (၁၀:၀၀) နာရီအချိန်တွင် ကျိုက်လတ်မြို့နယ် ပန်းပဲစုကျေးရွာနှင့် ဘုံလုံချောင်းကျေးရွာသို့ မိုးစပါး (ကောက်စောစပါး) ပေါ်ထွက်နေမှုအား ကွင်းဆင်း ဆောင်ရွက်ခဲ့ပါသည်။

    ထိုသို့ ကွင်းဆင်းဆောင်ရွက်ရာတွင် ပန်းပဲစုကျေးရွာရှိ ဦးတင်လှပိုင်ဆိုင်သော ကွင်းအမှတ်(၁၂၀ AA) တွင် Gw-11 စပါးအမျိုးအစားမှာ ပေါင်(၅၀) တိုက် တင်း(၁၀၀) အစိုဓာတ် (၃၈/၄၀) ဖြစ်ပြီး စပါးဈေးနှုန်း (၁၀) သိန်းဖြင့် ရောင်းချရကြောင်းနှင့် ဘုံလုံချောင်းကျေးရွာရှိ ဦးတင်လှိုင် ပိုင်ဆိုင်သော ကွင်းအမှတ်(၁၂၆) ရှိသော လယ်မြေတွင် ရက်(၁၀၀) မုန်းသီတာ စိုက်ပျိုးရေး မျိုးစပါး စိုက်ပျိုးကြောင်း မျိုးသီးသန့် တစ်တင်းလျှင် (၂၅၀၀၀) ကျပ်ဖြင့် ဝယ်ယူ စိုက်ပျိုးရကြောင်း ကောက်စောစပါး ပေါ်ထွက်နေမှု အခြေအနေများအား သတင်းရရှိခဲ့ပါသည်။

(Doca ဧရာဝတီ)

    စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည်(၃၀.၉.၂၀၂၅)ရက်နေ့ နံနက်(၁၀:၀၀) အချိန်တွင် မြန်အောင်မြို့နယ်၊အမှတ်(၆)ဇေယျသီရိလမ်းရှိ  မုန့်မျိုးစုံလုပ်ငန်းရှင်နှင့်တွေ့ဆုံ၍ထုတ်ကုန် လုံခြုံစိတ်ချရမှုရှိစေရေး အသိပညာပေးဆွေးနွေးခြင်းကို ဆောင်ရွက်ခဲ့ပါသည်။

   ထိုသို့တွေ့ဆုံဆွေးနွေးခဲ့ရာတွင် စားသုံးသူမိဘပြည်သူများဘေးအန္တရာယ်ကင်းရှင်းစွာ အသုံးပြုနိုင်စေရန်၊  ထုတ်ကုန်များလုံခြုံစိတ်ချရမှုရှိစေရန်၊  ကုန်စည်၏အမျိုးအမည်၊အသားတင်ပမာဏ၊ ထားသိုသိမ်းဆည်းမှု အညွှန်းများအား မြန်မာဘာသာဖြင့်ဖော်ပြရန်နှင့် ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိ တို့ကို စစ်ဆေးခဲ့ပြီး၊ သတ်မှတ်အရည်အသွေး ပြည့်မီသော ကုန်စည်များကိုသာရောင်းချရန်၊စီးပွားရေးလုပ်ငန်းရှင်များ အနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များ အကြောင်း နှင့် ပြစ်မှု ပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ကြောင်း သိရှိရပါသည်။

EYDNS (DOCA ဧရာဝတီ)

ကချင်ပြည်နယ်၊ မြစ်ကြီးနားခရိုင်အတွင်း အွန်လိုင်းစနစ်ဖြင့် ရောင်းချခြင်းလုပ်ငန်းများနှင့် စပ်လျဉ်း၍ အသိပညာပေးဆောင်ရွက်မှုအနေဖြင့် စားသုံးသူရေးရာဦးစီးဌာန၊မြစ်ကြီးနားခရိုင်ဦးစီးမှူး ရုံးမှ ဦးတင်မောင်ထွန်း (ရုံးအုပ်)သည် ၂.၁၀.၂၀၂၅ ရက်နေ့ (၁၁း၀၀) နာရီအချိန်တွင် မြစ်ကြီးနားမြို့၊ စက်မှုရပ်ကွက်ရှိ Lucky ကိတ်နှင့်မုန့်မျိုးစုံလုပ်ငန်းမှ လုပ်သားဝန်ထမ်း (၂၀) ဦးနှင့် တွေ့ဆုံ၍  အသိပညာပေးဆောင်ရွက်ခဲ့ပါသည်။

          ထိုသို့အသိပညာပေးဆောင်ရွက်ခဲ့ရာတွင် ဦးတင်မောင်ထွန်း (ရုံးအုပ်)က စားသုံးသူ ကာကွယ်ရေးဥပဒေပါ(၂၀၁၉)ပါ စားသုံးသူ၏အဓိပ္ပာယ်ဖွင့်ဆိုချက်၊ စားသုံးသူအခွင့်အရေးနှင့်တာဝန် များ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အမိန့်ကြော်ငြာစာအမှတ် ၅၁/၂၀၂၃ အရ အွန်လိုင်းစနစ်ဖြင့်ရောင်းချခြင်းလုပ်ငန်းကို အရေးကြီးဝန်ဆောင်မှုလုပ်ငန်းအဖြစ် သတ်မှတ်ထားရှိမှု အခြေအနေ၊ အွန်လိုင်းရောင်းချခြင်း၏အဓိပ္ပာယ်ဖွင့်ဆိုချက်၊ အွန်လိုင်းမှဈေးဝယ်ယူရာတွင် တွေ့ရှိ ရသည့် အားသာချက်၊ အားနည်းချက်များ၊ အွန်လိုင်းမှလိမ်လည်မှုပုံစံ (၂)မျိုး၊ စားသုံးသူများအနေဖြင့် အွန်လိုင်းမှတဆင့် ကုန်စည် သို့မဟုတ် ဝန်ဆောင်မှုကိုဝယ်ယူရာတွင် စိစစ်သင့်သည့် အချက်အလက် များ၊ အွန်လိုင်းစနစ်ဖြင့်ရောင်းချခြင်းလုပ်ငန်းများနှင့်စပ်လျဉ်း၍ ကုန်သွယ်ရေးဦးစီးဌာနနှင့် စားသုံးသူ ရေးရာဦးစီးဌာနတို့မှ ဆောင်ရွက်ပေးမည့်အခြေအနေ၊ မှတ်ပုံတင်ထားသော အွန်လိုင်းရောင်းချမှု လုပ်ငန်းများမှ ဈေးဝယ်ယူခြင်းဖြင့်ရရှိလာမည့် အကျိုးရလဒ်များအား အသိပညာပေးဆွေးနွေးခဲ့ပါ သည်။

DOCA(ကချင်)