သတင်းနှင့် လှုပ်ရှားမှုများ

  စားသုံးသူရေးရာဦးစီးဌာန၊  ရန်ကုန်အရှေ့ပိုင်းခရိုင်ဦးစီးမှူးရုံးမှ   ဦးဇော်မင်းလတ် (ခရိုင် ဦးစီးမှူး) နှင့်ဝန်ထမ်းများသည် အထူးစုံစမ်းစစ်ဆေးရေးဦးစီးဌာနနှင့်ပူးပေါင်း၍ (၈-၁၀-၂၀၂၅) ရက်နေ့၊  နံနက်(၁၁း၃၀)  နာရီအချိန်တွင်  အမှတ် (၅၄၄/၁)၊ ဓမ္မရိပ်သာလမ်း၊ ဒေါပုံမြို့နယ်ရှိ  OK ဆန်ရောင်းဝယ်ရေးအရောင်းဆိုင်သို့သွားရောက်၍ ကွင်းဆင်းအသိပညာပေးမှုများ ဆောင်ရွက်ခဲ့ ကြောင်းသိရှိရပါသည်။

   ထိုသို့ စစ်ဆေးဆောင်ရွက်ရာတွင် မြို့နယ်အတွင်းရှိ ဆန်အရောင်းဆိုင်များအား စားသုံးသူရေးရာဦးစီးဌာနမှ ဆန်သတ်မှတ်ရည်ညွှန်းစျေးများအား လစဉ်ထုတ်ပြန်ပေးလျက်ရှိ ကြောင်း၊ ၎င်းစျေးနှုန်းထက်စျေးနှုန်းမြှင့်တင်ရောင်းချမှုဖြန့်ဖြူးခြင်း၊ စျေးကစားရန်ရည်ရွယ်ချက် ဖြင့် ဆန်များကိုသိုလှောင်ခြင်းမပြုရန်နှင့် သက်ဆိုင်ရာဌာနတို့၏ လမ်းညွှန်ချက်များကိုလိုက်နာ ဆောင်ရွက်ရန်လိုအပ်ကြောင်း၊ ဆန်တန်ချိန် (၂၅) တန်အထက် သိုလှောင်ပါက မြန်မာ့ဆန်စပါး အွန်လိုင်း (Myanmar Rice Online) တွင်မဖြစ်မနေ မှတ်ပုံတင်ရမည်ဖြစ်ကြောင်း အသိပညာပေး ပြောကြားခဲ့ကြကြောင်း သိရသည်။

DOCA (ရန်ကုန်)

       ၂၆-၉-၂၀၂၅ ရက်နေ့ ၊ သောကြာနေ့ နံနက် ၁၀ : ၀၀ နာရီအချိန်တွင် မြင်းခြံမြို့ ပြန်ကြားရေးနှင့် ပြည်သူဆက်ဆံရေးဦးစီးဌာန ၊ Community Center ခန်းမ၌ အသေးစားစက်မှု လက်မှုလုပ်ငန်း ဦးစီးဌာနမှ လူသုံးကုန်ထုတ်လုပ်မှုသင်တန်း ၁/၂၀၂၅ အား  သင်တန်းသူ/သား ၂၀ ဦးခန့် ဖြင့် ဖွင့်လှစ်ခဲ့ ကြောင်းသိရသည်။

         အဆိုပါဖွင့်ပွဲအခမ်းအနားသို့ မြင်းခြံခရိုင်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌနှင့် ကော်မ တီအဖွဲ့ဝင်များ၊ စက်မှုကြီးကြပ်နှင့်စစ်ဆေးရေးဦးစီးဌာန၊ ပြည်တွင်းအခွန်းများဦးစီးဌာန၊ စားသုံးသူရေး ရာဦးစီးဌာနနှင့်အခြား ဖိတ်ကြားထားသော ဌာနဆိုင်ရာအကြီးအကဲများလည်းတက်ရောက်ခဲ့ကြ သည်ဟု သိရပါသည်။ မြင်းခြံခရိုင် စီမံခန့်ခွဲရေးနှင့်အုပ်ချုပ်ရေးကော်မတီ  ဥက္ကဌက သင်တင်းဖွင့်လှစ် ရခြင်း၏ ရည်ရွယ်ချက်များရှင်းလင်းဆွေးနွေးခဲ့ကြောင်း၊ အသေးစားစက်မှုလက်မှုလုပ်ငန်းဦးစီးဌာန လက်ထောက်ညွှန်ကြားရေးမှူးက ဖွင့်လှစ်ခဲ့ပြီးသောသင်တန်းများနှင့်ပတ်သက်၍ အကျိုးပြုလုပ်ဆောင် ခဲ့မှုများအား ရှင်းလင်းပြောကြားခဲ့ကြောင်းနှင့်အဆိုပါသင်တန်းသို့ တက်ရောက်မည့် သင်တန်းသား/ သင်တန်းသူများအား စားသုံးသူရေးရာဦးစီးဌာနမှ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ အသိပညာပေးဟောပြောပွဲဆောင်ရွက်သွားမည်ဖြစ်ပြီး သင်တန်းကာလ ၅ ရက်ကြာမြင့်မည်ဖြစ်ကြောင်း သိရှိရသည်။

DOCA (မန္တလေး)

    စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးအနေဖြင့် စက်မှုလုပ်ငန်းသုံးစားအုန်းဆီများ ကို စီးပွား‌‌ရေးလုပ်ငန်းများ အမှန်တကယ်လုပ်ကိုင်ဆောင်ရွက်လျက်ရှိသည့် စီးပွားရေးလုပ်ငန်းများ အတွက် ဆက်သွယ်ဝယ်ယူနိုင်ရေး လစဉ်ဆောင်ရွက်ပေးလျက်ရှိရာ ၂၅-၉-၂၀၂၅ ရက်နေ့တွင် မြင်းခြံမြို့၊အမှတ်(၄)ရပ်ကွက်ရှိ ပဲကြော်ဖိုလုပ်ငန်းရှင်များမှ စက်မှုလုပ်ငန်းသုံးစားအုန်းဆီ လာရောက် လျှောက်ထားခြင်းနှင့်ပတ်သက်၍ ဆွေးနွေးခဲ့ကြောင်းသိရှိရသည်။

      စားသုံးသူရေးရာဌာနခွဲနှင့်ထုတ်ကုန်လုံခြုံစိတ်ချရမှုဌာနခွဲတာဝန်ခံ ဦးစိုးမိုးထွန်း(ဦးစီးမှူး)က အစား အသောက်ထုတ်လုပ်ရောင်းချခြင်းနှင့်ပတ်သက်၍ စားသုံးသူများအတွက် သန့်ရှင်းသပ်ရပ်မှုရှိစေရေး၊ သန့်ရှင်းလတ်ဆတ်သည့် အစားအသောက်များ ကိုသာရောင်းချစေရေး၊ စားသုံးသူထိခိုက်နစ်နာမှု မရှိစေရေးတို့ကို အထူးအလေးထားဆောင်ရွက်သွားရန် လိုအပ်ကြောင်း၊   စားဖိုဆောင်တွင် အသုံးပြုသည့် အသုံးအဆောင်ပစ္စည်းများ၊ အစားအသောက် တွင်ထည့်သွင်းသည့် ပါဝင်ပစ္စည်းများ သန့်ရှင်းမှုရှိစေရေး၊ လုပ်ငန်းများမှ သုံးစွဲပြီးအမှိုက်များအား အမှိုက်ပုံးထဲသို့ စနစ်တကျ စွန့်ပစ်ရန်၊ အလုပ်ရုံဝန်ထမ်းအားလုံး တစ်ကိုယ်ရည်သန့်ရှင်းမှုအား အလေးထားရန်၊ ရောင်းချသည့် ထုတ်ကုန် များတွင် ကုန်အညွှန်းအမှတ်အသားများ သိသာထင်ရှားစွာ ထည့်သွင်းဖော်ပြရမည့်အချက်များ အသိ ပညာပေး ဆွေးနွေးခဲ့ကြောင်း သိရှိရသည်။

DOCA (မန္တလေး)

        စားသုံးသူရေးရာဦးစီးဌာနမှ မြို့နယ်ဦးစီးမှူးနှင့် မြို့နယ် စက်မှုကြီးကြပ်ရေးနှင့် စစ်ဆေးရေးဦးစီးဌာနမှ ဦးစီးမှူးတို့သည် ပန်းတနော်မြို့နယ်တာဝန်ခံရုံးတွင် ပန်းတနော် ဆန်စက်လုပ်ငန်းရှင် ၂ဦးနှင့် တွေ့ဆုံ၍ ဆန်စက်လုပ်ငန်းဖွံ့ဖြိုးတိုးတက်ရေး ဆွေးနွေးခဲ့ကြောင်း သိရသည်။

       တွေ့ဆုံရာတွင် စားသုံးသူရေးရာဦးစီးဌာနမှ မြို့နယ်တာဝန်ခံက myroတွင်မှတ်ပုံတင်ထားသည့် ဆန်စပါးသိုလှောင်ရုံနှင့် စက်တွဲသိုလှောင်ရုံ လုပ်ငန်းရှင်များအနေဖြင့် လစဉ် ကုန်ရ/ ကုန်ထုတ်/ ကုန်လက်ကျန်စာရင်းများ Update ပြုလုပ်ရန်၊ သတင်းထုတ်ပြန်ချက်များ အတိုင်းလိုက်နာဆောင်ရွက်ကြရန် အသိပညာပေးခဲ့ပြီး ပြည်တွင်းဒေသထွက် စားသုံးဆန်များအား သင့်တင့်မျှတသော ဈေးနှုန်းဖြင့်ရောင်းချရေး စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနက လစဉ်ထုတ်ပြန်လျက်ရှိသည့် ဆန်အမျိုးအစားအလိုက် သင့်တင့်မျှတသောဈေးကွက်၊ ဈေးနှုန်းထုတ်ပြန်ချက်ကို သိရှိလိုက်နာဆောင် ရွက်ရောင်းချရန်၊ ဒေသတွင်းဆန်များ ပစ္စည်းမှန်၊ ဈေးနှုန်းမှန်၊ အရည်အသွေးမှန်၊ အလေးချိန်မှန်၊ အရောင်းအဝယ်မှန်စွာဖြင့် စနစ်တကျဖြန့်ဖြူးရောင်းချရန်နှင့် ရန်ကုန်တင်ပို့မှု အခြေအနေများကို ဆွေးနွေးခြင်း၊ စက်မှုကြီးကြပ်ရေးနှင့် စစ်ဆေးရေးဦးစီးဌာနမှ ခရိုင်ဦးစီးမှူးက လိုင်စင်သက်တမ်းရှိ/ မရှိ စစ်ဆေးခြင်းများဆောင်ရွက်ခဲ့ကြောင်း သတင်းရရှိပါသည်။

DOCA(ဧရာဝတီ)