သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ ဘိုကလေးမြို့နယ်တာဝန်ခံနှင့်ဝန်ထမ်းတို့သည် ၂၀၂၃ခုနှစ်၊ နိုဝင်ဘာလ(၆)ရက်နေ့၊ နေ့လယ်(၁၃:၀၀)နာရီအချိန်တွင် လုပ်ငန်းရှင်(၁၇)ဦးအား မြို့နယ်တာဝန်ခံရုံး၌ စားသုံးသူကာကွယ်ရေးအသိပညာပေးဟောပြောခဲ့ပါသည်။

   အဆိုပါဟောပြောပွဲတွင် မြို့နယ်တာဝန်ခံက အခန်း(၁၀)ပါ စီးပွားရေးလုပ်ငန်းရှင်များ၏တာဝန်များ၊ စားသုံးဆီ(ဘူးဆီ)၊ ဟင်းသီးဟင်းရွက်ဆီများတွင် မြန်မာဘာသာဖြင့်ဖော်ပြထားသော ကုန်အညွှန်းအမှတ်အသားများနှင့် FDA ၏ထောက်ခံချက်ပါသော ဘူးဆီများအကြောင်း၊ စားအုန်းဆီများနှင့်ပက်သက်၍ ဈေးနှုန်းမြှင့်တင်ရောင်းချခြင်းမရှိစေရေး၊  ဈေးကစားရန်ရည်ရွယ်ချက်ဖြင့် သိုလှောင်ခြင်း၊ မသမာသည့် လုပ်ဆောင်မှုများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်းနှင့် တရားမဝင်ကုန်စည်များကို ဈေးကွက်အတွင်း ရောင်းချခြင်းမပြုကြရန်လိုအပ်ကြောင်းကို အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင်ဦးစီးမှူးရုံးမှ ဝန်ထမ်းများနှင့် မြို့နယ်တာဝန်ခံတို့သည် ၂၀၂၃ခုနှစ်၊ နိုဝင်ဘာလ ၆ ရက်နေ့တွင် ပုသိမ်မြို့နယ်၊ ပေါက်ကုန်းကျေးရွာ၊ အုတ်စီကုန်းကျေးရွာ၊ တာလမ်းကျေးရွာနှင့် ညောင်တုန်းကျေးရွာများရှိ ကျေးလက်နေပြည်သူ အိမ်ထောင်စု ၅၅၀ အတွက် အခြေခံစားသောက်ကုန်များအား ပြင်ပပေါက်ဈေးထက် သက်သာသောနှုန်းထားဖြင့် ရောင်းချပေးခဲ့ပါသည်၊၊

   ထိုသို့ဈေးကားဖြင့် ရောင်းချပေးခဲ့ရာတွင် စားအုန်းဆီ တစ်ပိဿာလျှင် ကျပ် ၅၀၀၀ ဈေးဖြင့် စားအုန်းဆီပိဿာ ၅၅၀ ၊ ဆန်တစ်ပြည်လျှင် ကျပ် ၂၅၀၀ ဈေးဖြင့် ဆန် ၁၀ အိတ် ဆားလုပ်ငန်းဦးစီးဌာနမှ ဆားတစ်ပိသာလျှင် ၃၀၀ ကျပ်ဈေးနှင့် ကျေးရွာနေ ပြည်သူများအား ရောင်းချပေးခဲ့ရာတွင် ခရိုင်ဦးစီးမှူးရုံး ဝန်ထမ်များနှင့် မြို့နယ်တာဝန်ခံတို့မှ ပူးပေါင်းပါဝင်ကြီးကြပ် ဆောင်ရွက်ခဲ့ပါသည်၊၊

DOCA(ဧရာဝတီ)

   ပုသိမ်ခရိုင်၊ ငပုတောမြို့နယ် စားသုံးသူရေးရာဦးစီးဌာနမှ ၂၀၂၃ခုနှစ်၊ နိုဝင်ဘာလ ၆ ရက်နေ့တွင် မြို့နယ်အတွင်းရှိ နေလမင်း အမှတ်တံဆိပ်ပါ သောက်ရေသန့် လုပ်ငန်းရှင်အား စားသုံးသူကာကွယ်ရေး ဥပဒေပါပြဌာန်းချက်များနှင့်အညီ ထုတ်လုပ်ရောင်းချရန်၊ ကုန်အညွှန်းအမှတ်အသားများကို မြန်မာဘာသာဖြင့်ဖော်ပြခြင်းနှင့် စပ်လျဉ်း၍ ကုန်အညွှန်းအမှတ်အသားများ ပြည့်စုံစွာဖော်ပြရေးသားရန်နှင့် ဌာန၏ လုပ်ထုံးလုပ်နည်းများအတိုင်းဆောင်ရွက်ရန် စားသုံးသူရေးရာဦးစီးဌာန မြို့နယ်တာဝန်ခံရုံးသို့ လုပ်ငန်းရှင်အား ခေါ်ယူတွေ့ဆုံခဲ့ပါသည်၊၊

 ထိုသို့တွေ့ဆုံခဲ့ရာတွင် စားသုံးသူရေးရာဦးစီးဌာန မြို့နယ်တာဝန်ခံဒေါ်မြင့်မြင့်စန်းက စားသုံးသူကာကွယ်ရေး ဥပဒေအခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာဖော်ပြရမည့် ကုန်စည်၏ တံဆိပ်အမှတ်အသား ကုန်စည်၏ အမျိုးအမည်အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲ ထုတ်လုပ်မှုအမှတ်စဉ်၊ ထုတ်လုပ်သည့်နေရာ၊ ကုန်စည်တွင်ပါဝင်သော ကုန်ကြမ်းပစ္စည်း အမျိုးအမည်များနှင့်ပစ္စည်းပမာဏ၊ ကျန်းမာရေးဆိုင်ရာ ဘေးထွက်ဆိုးကျိုး သို့မဟုတ် ဓာတ်မတည့်ကြောင်း ဖော်ပြချက်နှင့် သက်ဆိုင်ရာအစိုးရဌာနများက ဖော်ပြရန်သတ်မှတ်ထားသော အချက်အလက်များ၊ အမှတ်အသား ဖော်ပြရာတွင် မြန်မာဘာသာနှင့်ဖြစ်စေ အခြားဘာသာတစ်ခုနှင့်ဖြစ်စေ တွဲလျက် ရေးသားဖော်ပြရမည့်ကိစ္စရပ်များနှင့်ပတ်သက်၍ လုပ်ငန်းရှင်အား အသေးစိတ်ရှင်းလင်းဆွေးနွေးခဲ့ကြောင်း သိရသည်၊၊

DOCA(ဧရာဝတီ)

   ပုသိမ်ခရိုင်သာပေါင်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများသည် ၂၀၂၃ခုနှစ်၊ နိုဝင်ဘာလ ၆ ရက်နေ့တွင် ကွမ်းခြံကုန်းကျေးရွာအတွင်းရှိ အိမ်ထောင်စု (၅၅၀)စုအတွက် အခြေခံရည်ညွှန်းဈေးဖြင့် စားအုန်းဆီတစ်ပိဿာလျှင် ကျပ် (၅၀၀၀)ဈေးနှင့်ရောင်းချပေးခဲ့ပြီး နိုဝင်ဘာလ (၁၁) ရက်နေ့တွင် ကွက်ပြင်ကျေးရွာအုပ်စု ပိန္နဲကုန်းကျေးရွာအတွင်းရှိ အိမ်ထောင်စု‌ ၅၅၀ အတွက် ပုသိမ်ခရိုင်ဆီကုန်သည်နှင့်ဆီလုပ်ငန်းရှင်များအသင်းမှ ဈေးကားဖြင့် ကျေးရွာနေပြည်သူများအား ဈေးနှုန်း သက်သာစွာဝယ်ယူစားသုံးနိုင်ရန် စားအုန်းဆီတစ်ပိဿာလျှင် ကျပ် ၅၀၀၀ ဈေးဖြင့် ပိဿာ ၅၅၀ ရောင်းချပေးခဲ့ရာ ရပ်ကျေးအဖွဲ့များ စားသုံးသူရေးရာဦးစီးဌာန မြို့နယ်တာဝန်ခံဦးထွန်းမင်းလတ်မှလည်း ဝယ်ယူသူများစနစ်တကျတန်းစီ ဝယ်ယူနိုင်ရေး ကြီးကြပ်ဆောင်ရွက်ခဲ့ပါသည်၊၊

DOCA(ဧရာဝတီ)

    ကျုံပျော်ခရိုင်၊ ရေကြည်မြို့နယ် စားသုံးသူရေးရာဦးစီးဌာနမှ ဦးစီးမှူး ဒေါ်ချယ်ရီမြင့်သည် ကျုံပျော်ခရိုင်၊ ရေကြည်မြို့နယ် ၊ အားကစားနှင့်ကာယပညာဦးစီးဌာနတို့နှင့်ပူးပေါင်း၍ ရေကြည်မြို့နယ် နတ်စင်ငူ အ.ထ.က (ခွဲ) ကျောင်းရှိ ဆရာ/ဆရာမ (၂၂) ဦး ကျောင်းသား၊ကျောင်းသူ ၂၈၆ ဦး တို့အား စားသုံးသူ အကာအကွယ်ပေးရေး အသိပညာပေးဟောပြောခဲ့ပါသည်၊၊

    ဟောပြောရာတွင် ရေကြည်မြို့နယ် စားသုံးသူရေးရာဦးစီးဌာန ဦးစီးမှူး ဒေါ်ချယ်ရီမြင့်က စားသုံးသူကာကွယ်ရေး ဥပဒေပေါ်ပေါက်လာပုံနှင့် စားသုံးသူများ၏အခွင့်အရေးများ၊ စီးပွားရေးလုပ်ငန်းရှင်၏ တာဝန်များနှင့်ပြစ်မှုပြစ်ဒဏ်များ၊ တားမြစ်ချက်များ၊ စားသုံးသူ ကာကွယ်ရေး ဥပဒေအခန်း(၁၈) ပါ ကုန်အညွှန်းအမှတ်အသားဖော်ပြခြင်း နှင့်စပ်လျဉ်း၍ မြန်မာဘာသာနှင့်ဖြစ်စေ အခြားဘာသာတစ်ခုထက်ပို၍ တွဲလျက်ဖြစ်စေ ရေးသားဖော်ပြ ရမည်ဖြစ်ကြောင်း၊  ကုန်စည်အမျိုးအစားအလိုက်သတ်မှတ်ထားသည့် ဥပဒေများနှင့်အညီ လိုက်နာဆောင်ရွက်ရန် ဥပဒေတားမြစ်ချက်များလိုက်နာဆောင်ရွက်မှုမရှိပါက ပြစ်မှုပြစ်ဒဏ်များ စားသုံးသူများနစ်နာဆုံးရှုံးမှုများရှိလာပါက စားသုံးသူသတင်းပြန်ကြားရေး နှင့်တိုင်ကြားမှုလက်ခံဆောင်ရွက်ရေးစင်တာ(CICC) သို့ လူကိုယ်တိုင်ဖြစ်စေ တယ်လီဖုန်း ဖြင့်ဖြစ်စေ တိုင်ကြားနိုင်ကြောင်း အသိပညာပေးဟောပြောခဲ့ပါသည်၊၊

DOCA(ဧရာဝတီ)