HighLight News

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် မြို့သစ်ရပ်ကွက်ရှိ အခြေခံပညာ အထက်တန်း၌ ၂၀၂၅-၂၀၂၆ ပညာသင်နှစ်တွင် ကျောင်းသား/ ကျောင်းသူများ အဆင်ပြေချောမွေ့ စွာ ပညာသင်ကြားနိုင်ရေးနှင့် စာသင်ကျောင်းများ ဥပတိရုပ် ကောင်းမွန်စေရေးအတွက် ကော့မှူးမြို့နယ် ရပ်ကွက်ကျေးရွာများရှိ အခြေခံပညာကျောင်းများ၌ ကျောင်းပတ်ဝန်းကျင် သန့်ရှင်းလှပ စေရေးအတွက် နယ်မြေခံတပ်မတော်သားများ၊ ဌာနဆိုင်ရာဝန်ထမ်းများ လူမှုရေးအသင်းအဖွဲ့များနှင့် ဒေသခံပြည်သူများက ဇွန်လ (၅)ရက်နေ့၊ နံနက်(၀၇:၀၀) နာရီအချိန်တွင် စုပေါင်းသန့်ရှင်းရေး လုပ်ငန်းများဆောင်ရွက်ပေးခဲ့ကြောင်း သိရသည်။ ထိုသို့ ဆောင်ရွက်ခဲ့ရာတွင် ကော့မှူးမြို့နယ် အထွေထွေအုပ်ချုပ်ရေးဦးစီးဌာနမှ ဒုတိယ မြို့နယ်အုပ်ချုပ်ရေးမှူးနှင့် ဝန်ထမ်းများ၊ ကော့မှူမြို့နယ်တာဝန်ခံ ဦးတင်မင်း၊ ကော့မှူးမြို့နယ် နယ်မြေခံတပ်မတော်သားများ၊ မြို့နယ်ဌာနဆိုင်ရာများမှ ဝန်ထမ်းများ၊ လူမှုရေးအသင်းအဖွဲ့များ နှင့် ရပ်ကွက်အုပ်ချုပ်ရေးမှူးများနှင့် ဒေသခံပြည်သူများက မြို့သစ်ရပ်ကွက် အခြေခံပညာ အထက်တန်းကျောင်းအတွင်း/အပြင်ရှိ ချုံနွယ်ပေါင်းမြက်များ ခုတ်ထွင်ရှင်းလင်းခြင်း၊ အမှိုက်များ ရှင်းလင်းခြင်း၊ ရေစီးရေလာ ကောင်းမွန်စေရေး၊ ရေနုတ်မြောင်းများ တူးဖော်ပေးခြင်း၊ အုတ် ရေကန်များတွင် အဘိတ်ဆေးများခတ်ပေးခြင်း၊ ခြင်ခိုအောင်းနိုင်သည့် စာသင်ခန်းများအား ခြင်ဆေးဖျန်းခြင်းများ စုပေါင်းဆောင်ရွက်ခဲ့ကြောင်း သိရှိရပါသည်။ DOCA(ရန်ကုန်)

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ပြည်တော်သာရပ်ကွက် အခြေခံပညာမူတန်းကျောင်း မျက်နှာစာရှိ ပျံကျဈေးဆိုင်များအား ဇွန်လ (၄)ရက်နေ့၊ နံနက်(၁၀:၃၀) နာရီအချိန်တွင် စာသင်ကျောင်း ဥပတိရက် ကောင်းမွန်စေရေး၊ သန့်ရှင်းလှပစေရေးတို့အတွက် ဖယ်ရှားရှင်းလင်း ဆောင်ရွက်ပြီးသွားကြောင်း သိရသည်။ ထိုသို့ ဖယ်ရှားရှင်းလင်း ဆောင်ရွက်ခဲ့ရာတွင် မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ရဲတပ်ဖွဲ့၊ မြို့နယ်စားသုံးသူရေးရာဦးစီးဌာန၊ ရပ်ကွက် အုပ်ချုပ်ရေးမှူးနှင့် ရပ်မိရပ်ဖများ ပူးပေါင်း၍ ပြည်တော်သာရပ်ကွက် အခြေခံပညာမူလတန်း ကျောင်း မျက်နှာအတွင်း အခြေခံစားသောက်ကုန်၊ အလှကုန်ပစ္စည်းများအား အချိန်ပိုင်း ရောင်းချလျက်ရှိသော ဈေးဆိုင်များမှ ဆိုင်ပိုင်ရှင်များအား အထွေထွေအုပ်ချုပ်ရေးဦးစီးဌာနရုံးခန်းမတွင် ခေါ်ယူတွေ့ဆုံဆွေးနွေးခြင်း၊ မြေပြင်ကွင်းဆင်း စစ်ဆေးခြင်းများအား ဇွန်လကုန်ပိုင်းတွင် လမ်းတစ်ဖက်ခြမ်းကပ် ပျံကျဈေးတန်းအား ဖွင့်လှစ်ရောင်းချနိုင်ရေး ဆောင်ရွက်ခဲ့ရာ ယခုအချိန် တွင် ဆရာ/ဆရာမများ၊ ကျောင်းသား/ ကျောင်းသူများဈေးဝယ်သူ ဈေးဝယ်သားများ၊ ရပ်ကွက်သူရပ်ကွက်သားများ အဆင်ပြေစွာ ဖြတ်သန်းသွားလာနိုင်ပြီးဖြစ်ကြောင်း သိရှိရပါသည်။ DOCA(ရန်ကုန်)

(၃.၇.၂၀၂၅)ရက်နေ့ နံနက်(၁၀:၀၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ တိုက်ကြီးမြို့နယ်ခွဲတာဝန်ခံ ဒေါ်တင်တင်ဌေးပါ (၂)ဦးတို့သည် ဌာနလမ်းရှိ စားအုန်း ဆီအရောင်းဆိုင်သို့ ကွင်းဆင်းစစ်ဆေးခဲ့ပါသည်။ ထိုသို့စစ်ဆေးခဲ့ရာတွင် ဆိုင်ရှင် ဉီးကြည်စိုးမှ မိမိရရှိသောစားအုန်းဆီများသည် ကိုယ်စားလှယ် ဦးဇေမှ ခွဲဝေပေးခြင်းဖြစ်ကြောင်း၊ အိမ်ထောင်စုတစ်စုလျှင် (၁)လလျှင် (၂.၅၀)ကျပ်သားရရှိပြီး ကျေးရွာအုပ်စုပေါင်း (၄)အုပ်စုသို့ နေ့စဉ်ခွဲဝေရောင်းချပေးပါ ကြောင်း၊ အိမ်ထောင်စုတစ်စုလျှင် (၅၀)ကျပ်သားနှုန်းဖြင့် လာရောက်ထုတ်ယူကြပါကြောင်း၊ ဈေးနှုန်း လည်းမြှင့်တင်ရောင်းချခြင်းမရှိပါကြောင်း၊ ရရှိသောခွဲတမ်းများကိုလည်း နေ့စဉ်လက်ကျန်များ မရှိအောင် ရောင်းချပေးပါကြောင်း သိရှိရပါသည်။ DOCA (ရန်ကုန်)

(၄.၇.၂၀၂၅)ရက်နေ့ နံနက်(၁၀:၀၀)နာရီအချိန်တွင် မှော်ဘီခရိုင်၊ ထန်းတပင်မြို့နယ်၊ အထွထွေအုပ်ချုပ်ရေးဉီးစီးဌာနမှ မြို့နယ်အုပ်ချုပ်ရေးမှူး ဉီးနိုင်နိုင်ဉီး၊ စားသုံးသူရေးရာဉီးစီးဌာနမှ ဉီးဇော်မြင့်၊ မြို့နယ်ခွဲတာဝန်ခံနှင့်သက်ဆိုင်ရာဌာနများ ပူးပေါင်း၍ စိုက်ပျိုးစရိတ်ချေးငွေထုတ်ပေး ရန်ကိစ္စ အစည်းအဝေးကျင်းပပြုလုပ်ခဲ့ပါသည်။ ထန်းတပင်မြို့နယ်တွင် နိုင်ငံ့စီးပွားမြှင့်တင်ရေး စီမံချက်အရ တောင်သူများအား “ဟိန်းသစ်ရှင်”ကုမ္ပဏီမှ စိုက်ပျိုးစရိတ်ချေးငွေများ ပေးအပ်ရာတွင် လက်ခံရရှိပြီးသော တောင်သူများအနေဖြင့် ကြွေးကျန်စပါးတင်းများ သတ်မှတ်ရက်အတွင်း ပြန်လည်ပေးသွင်းရန် မြို့နယ်အုပ်ချုပ် ရေးမှူး ဉီးနိုင်နိုင်ဉီးက ဆွေးနွေးပြောကြားခဲ့ပြီး သက်ဆိုင်ရာဌာနများမှလည်း တောင်သူများ ဝန်ထုပ် ဝန်ပိုးမဖြစ်စေရေး ညှိနှိုင်းဆောင်ရွက်သွားမည်ဖြစ်ကြောင်း သိရှိရပါသည်။ DOCA(ရန်ုကုန်)

(၃.၇.၂၀၂၅)ရက်နေ့ နေ့လယ်(၀၂:၃၀) နာရီအချိန်တွင် စားသုံးသူရေးရာဉီးစီးဌာန၊ မြောက်ပိုင်းခရိုင် ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၃)ဦးတို့သည် လှိုင်သာယာ(အရှေ့ပိုင်း)မြို့နယ်ရှိ City Mart တွင် အိမ်သုံးလျှပ်စစ်ပစ္စည်းများနှင့်ပတ်သက်ပြီး ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။ ထိုသို့ဆောင်ရွက်ခဲ့ရာတွင် အမှတ်(၂/က)၊ (၈)ရပ်ကွက်၊ ကျန်စစ်မင်းအိမ်ရာ၊ လှိုင်သာယာ (အရှေ့ပိုင်း)မြို့နယ်ရှိ City Mart ကျန်စစ်မင်းမှ မန်နေဂျာ ဒေါ်မျိုးမျိုးမြင့်အောင်က မိမိရောင်းချနေ သော အမှတ်တံဆိပ်များမှာ JAJUAR, SAMSONIC, SHARP, MIDEA, ALPHA နှင့် FUSU တို့တွင် စားသုံးသူကာကွယ်ရေးဥပဒေပါ အခန်း(၁၈)မှ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ မြန်မာလိုများရေးသားဖော်ပြထားသည်ကို စိစစ်တွေ့ရှိရပြီး မိမိတို့ဌာနမှလည်း စီးပွားရေးလုပ်ငန်းရှင် လိုက်နာရမည့်အချက်များကို အသိပေးဆွေးနွေးပြောကြားခဲ့ကြောင်း သိရှိရပါသည်။ DOCA (ရန်ကုန်)