HighLight News

           ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်ရှိ စားအုန်းဆီလက်လီ/ လက်ကားအရောင်းဆိုင်များသို့ စားသုံးသူရေးရာဦးစီးဌာန၊ ရန်ကုန်တောင်ပိုင်းခရိုင်ဦးစီးမှူးရုံး၏ လမ်းညွှန်ချက်နှင့်အညီ ကွမ်းခြံကုန်းမြို့နယ်၊ စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းများသည် ဒီဇင်ဘာလ(၂၃)ရက်နေ့၊ နံနက်(၁၁း၀၀)နာရီအချိန်တွင် ပူးပေါင်းအဖွဲ့ဖြင့် ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရှိရသည်။

           ထိုသို့ကွင်းဆင်းစစ်ဆေးခြင်းများဆောင်ရွက်ရာတွင် ကွမ်းခြံကုန်းမြို့နယ် စည်ပင်သာယာရေးအဖွဲ့၊ အကောက်ခွန်စာရေး ဦးသန့်ဇင်ဝင်း၊ ကွမ်းခြံကုန်းမြို့နယ် စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေးဦးတင်ထွန်းဦးတို့ ပူးပေါင်း၍ ဈေးဆိုင် ရပ်ကွက်အတွင်း ရောင်းချသော ဦးဟိန်းသော်ဇင်ဦး( လက်လီ/လက်ကားအရောင်းဆိုင်)၊ ဦးခင်မောင်အေး (လက်လီအရောင်းဆိုင်)၊ ကံကြီးမှ ဒေါ်မော်မော်(လက်လီအရောင်းဆိုင်)၊ မကျီးရပ်ကွက်မှ ဦးကျော်လွင်(လက်လီအရောင်းဆိုင်)၊ ဦးရဲဝင်း(လက်လီအရောင်းဆိုင်)၊ မြို့မ ရပ်ကွက်မှ ဦးဟိန်းမင်းလတ်(လက်လီအရောင်းဆိုင်)၊ ဦးကျော်သူရအောင် (လက်လီအရောင်းဆိုင်)၊ ဒေါ်မြသီတာကျော်(လက်လီအရောင်းဆိုင်)များနှင့် မြို့မဈေးအတွင်းရောင်းချသော ဒေါ်လဲ့လဲ့သင်း(လက်လီအရောင်းဆိုင်)၊ ဒေါ်မျိုးသူဇာထွန်း(လက်လီအရောင်းဆိုင်)၊ ဦးစန်းဌေး(လက်လီအရောင်းဆိုင်)၊ ဦးမြင့်မင်းသူ(လက်လီအရောင်းဆိုင်)များသို့ စားအုန်းဆီ ဖြန့်ဖြူးရောင်းချသည့်ကုမ္မဏီ၊ ခွဲတမ်းရရှိသည့်ပိဿာ, ပေပါ၊ တာဝန်ယူဖြန့်ဖြူးရောင်းချသည့် အရေအတွက်ပိဿာ, ပေပါ၊ ရောင်းချသည့်လက်လီ/လက်ကားဈေးနှုန်းများနှင့် နေ့စဉ်ရောင်းချလျက်ရှိသည့် ပုံစံများကိုပါ စိစစ်ကြပ်မတ်ခဲ့ကြောင်း သိရှိရသည်။

         ထို့နောက်စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်နွယ်နွယ်အေးက စားသုံးသူရေးရာဦးစီးဌာနမှ အပတ်စဉ်စားအုန်းဆီ ရည်ညွှန်းဈေးများကိုသတ်မှတ်ထုတ်ပြန်လျက်ရှိရာ ရည်ညွှန်းဈေးအပေါ် (၂%)အမြတ်နှင့် တင့်သင့်သောသယ်ယူခနှင့် လုပ်အားခများထည့်သွင်း တွက်ချက်၍ ရောင်းချကြရန် ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်၍ သိုလှောင်ခြင်း၊ ဖြန့်ဖြူးခြင်းများ မပြုလုပ်ကြရန် ရောင်းချလက်လီ/ လက်ကား ကိုယ်စားလှယ်များနှင့် တွေ့ဆုံဆွေးနွေး စိစစ်ကြပ်မတ်ခဲ့ကြောင်း သိရှိရပါသည်။

DOCA(ရန်ကုန်)

             စားသုံးသူရေးရာဦးစီးဌာန၊ တိုက်ကြီးခရိုင်၊ တိုက်ကြီးမြို့နယ်ခွဲတာဝန်ခံ ဦးရှင်းခန့်ကိုကိုသည် (၂၄.၁၂.၂၀၂၅)ရက်နေ့ နံနက်(၁၀:၀၀)နာရီအချိန်တွင် တိုက်ကြီးမြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် အွန်လိုင်းစနစ်ဖြင့် ရောင်းချနေသော လုပ်ငန်းရှင်များအား အွန်လိုင်းမှတ်ပုံတင်ခြင်းနှင့် စပ်လျဉ်း၍ သိရှိစေရန်အတွက် Talk Show ဟောပြောပွဲ ကျင်းပပြုလုပ်ခဲ့ကြောင်း သိရှိရပါသည်။

          အဆိုပါဟောပြောပွဲတွင် အွန်လိုင်းစနစ်ဖြင့် ရောင်းချခြင်းလုပ်ငန်းကို အမိန့်ကြော်ငြာ စာအမှတ် (၅၀/၂၀၂၃)ဖြင့် အရေးကြီးကုန်စည်နှင့်ဝန်ဆောင်မှုလုပ်ငန်းအဖြစ် သတ်မှတ်ထားကြောင်း အွန်လိုင်းမှ ရောင်းချခြင်းလုပ်ငန်းမှတ်ပုံတင်ဆိုင်ရာအမိန့်ကို အမိန်ကြော်ငြာစာအမှတ် (၅၁/၂၀၂၃) ဖြင့်လည်းကောင်း ထုတ်ပြန်ထားရှိကြောင်း၊ မှတ်ပုံတင်ရာတွင် www.ecomreg.gov.mm ၌ ဝင်ရောက်မှတ်ပုံတင်၍ရရှိကြောင်း၊ မှတ်ပုံတင်သက်တမ်းမှာ (၂)နှစ်ဖြစ်ကြောင်း၊ အွန်လိုင်းမှတ်ပုံတင် ရရှိတော့မည့်သူများအား မှတ်ပုံတင်လက်မှတ်ထုတ်မပေးခင် ဦးစွာမြေပြင်ကွင်းဆင်းစစ်ဆေးရကြောင်း၊ လုပ်ငန်းရှင်မှ မှတ်ပုံတင်ထားစဉ်က ကုန်စည်(သို့)ဝန်ဆောင်မှုများ မှန်ကန်မှုရှိ/ မရှိအစရှိသည့် အချက်(၁၈)ချက်အား ကွင်းဆင်းစစ်ဆေးပြီး ပြည့်စုံမှန်ကန်မှုရှိလျှင် မှတ်ပုံတင်လက်မှတ်ရရှိမည်ဖြစ်ကြောင်း ရှင်းလင်း၍ အွန်လိုင်းမှတစ်ဆင့် အသိပညာပေးလုပ်ငန်းများ စီစဉ်တင်ဆက်လျက်ရှိကြောင်း သိရှိရပါသည်။

DOCA (ရန်ကုန်)

          စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၃)ဦးတို့သည် (၂၄.၁၂.၂၀၂၅)ရက်နေ့ နံနက်(၀၉:၃၀)နာရီအချိန်တွင် မင်္ဂလာဒုံမြို့နယ်နှင့် လှိုင်သာယာမြို့နယ်ရှိ Modern Mart များတွင် ထိုင်းနိုင်ငံထုတ်စားသောက်ကုန်နှင့် လူသုံးကုန်ပစ္စည်းများ၏ ဈေးနှုန်းဈေးကွက်အခြေအနေများနှင့် ပစ္စည်းပြတ်လပ်မှုရှိ/ မရှိအား ဈေးကွက်စောင့်ကြည့် ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးရာတွင် ထိုင်းနိုင်ငံမှတင်သွင်းသည့်စားသောက်ကုန်နှင့် လူသုံးကုန်ပစ္စည်းများ ပတ်သက်၍ ဈေးနှုန်းမြှင့်တက်မှုရှိ/မရှိ ကုန်ပစ္စည်းများပြတ်လပ်မှုရှိ/ မရှိ စစ်ဆေးခဲ့ပြီး  ဒေါ်နီလာဝင်း၊ ဦးစီးမှူးမှ Modern Mart များမှ တာဝန်ရှိသူများအား စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော City Mart များတွင် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်ကြားချက် အမှတ် (၂/၂၀၁၉)နှင့်အညီ မြန်မာဘာသာဖြင့် ပြည့်စုံစွာဖော်ပြထားသော ညွှန်ကြားချက်များအတိုင်း လိုက်နာဆောင်ရွက်ရန်နှင့် သတ်မှတ်အရည်အသွေးပြည့်မီသော ကုန်စည်များကိုသာရောင်းချရန် အသိပညာပေးပြောကြားခဲ့ပြီး ယခင်အပတ်ဈေးနှုန်းနှင့် ယခုအပတ်ဈေးနှုန်းများကောက်ယူပြီး ဈေးကွက်စောင့်ကြည့်ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA (ရန်ကုန်)

          (၂၄.၁၂.၂၀၂၅)ရက်နေ့၊ နံနက် (၁၁:၃၀) နာရီအချိန်တွင် စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ စစ်ဆေးရေးအရာရှိ ဦးသိန်းထွန်းနှင့် ဝန်ထမ်းများသည် Just For You Online Shop  မှ “အလှကုန်ပစ္စည်းများ”အား  အမှတ် (၂၅)၊  ၁၄၈လမ်း၊  ပျားရည်ကုန်းရပ်ကွက်၊ တာမွေမြို့နယ်သို့သွားရောက်၍ အွန်လိုင်းစနစ်ဖြင့်ရောင်းချခြင်းလုပ်ငန်းများမှတ်ပုံတင်လက်မှတ် စိစစ်ထုတ်ပေးခြင်း၊ မြေပြင်လုပ်ငန်းနှင့် မှတ်ပုံတင်ထားရှိမှုကိုက်ညီမှု ရှိ/ မရှိ၊ လုပ်ငန်းလိပ်စာမှန်ကန်မှု ရှိ/ မရှိ၊ Online Sale မှတ်ပုံတင်မြေပြင်စစ်ဆေးခြင်းဆိုင်ရာ အချက်အလက်များကိုက်ညီမှု ရှိ/ မရှိကိုစစ်ဆေးခဲ့ပြီး အလှကုန်ပစ္စည်းများဖြစ်သည့်အတွက် ကုန်အညွှန်းအမှတ်အသားများ ပြည့်စုံစွာဖော်ပြထားရမည်ဖြစ်ကြောင်း အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

       စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးရန်နိုင်ထွန်း (အကြီးတန်းစာရေး)နှင့် ဝန်ထမ်းများသည် ပုဇွန်တောင်မြို့နယ်၊ ရေကျော် (City Mart )ရှိ  ဆန်ရောင်းချမှုအခြေ အနေများကို (၂၄.၁၂.၂၀၂၅) ရက်နေ့ ၊နံနက်(၁၁:၀၀)နာရီအချိန်တွင် ကွင်းဆင်းအသိပညာပေးမှုများ ဆောင်ရွက်ခဲ့ကြောင်း သိရှိရပါသည်။

           ထိုသို့ ကွင်းဆင်းစစ်ဆေးရာတွင် ဆန်များ သတ်မှတ်ဈေးနှုန်းဖြင့် ရောင်းချနေခြင်း ရှိ/ မရှိကို စစ်ဆေးခြင်းဖြစ်ပြီး စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးရန်နိုင်ထွန်း   (အကြီးတန်းစာရေး)က ဆန်ဈေးနှုန်းမြှင့်တင်ရောင်းချခြင်းမပြုရန်နှင့် ဈေးကစားရန်အလို့ငှာဆန်များကိုသိုလှောင်ထားခြင်းမပြုရန်ပြောကြားခဲ့ပြီး ဈေးနှုန်းမြှင့်တင်ရောင်းချသည်ကို စစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမှာဖြစ်ကြောင်း အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)