ပြည်ပကုန်သွယ်မှုသတင်းများ

     ဂျပန်နိုင်ငံသည် သြဂုတ်လ ၂၉ ရက်နေ့တွင် နှစ်နိုင်ငံကြား ဆက်ဆံရေးများပိုမို လေးနက် စေရန်အတွက် အိန္ဒိယနိုင်ငံမှ ဝန်ကြီးချုပ် Narendra Modi ဂျပန်နိုင်ငံသို့ လည်ပတ်နေစဥ်အတွင်း တွင် အိန္ဒိယနိုင်ငံ၌ အမေရိကန်ဒေါ်လာ ၆၈ ဘီလီယံခန့် ရင်းနှီးမြှုပ်နှံမည်ဟု ကတိပြုခဲ့ကြောင်း သိရပါသည်။ နှစ်နိုင်ငံကြား အပြန်အလှန်ကုန်သွယ်မှုတန်ဖိုးသည် ယခုအချိန်တွင် အမေရိကန် ဒေါ်လာ ၂၀ ဘီလီယံခန့် တန်ကြေးရှိနေပြီး ဂျပန်နိုင်ငံမှ သဘောတွေ့နေကြောင်း သိရပါသည်။ Ishiba က ဂျပန်နိုင်ငံသည် အိန္ဒိယနိုင်ငံတွင် ယမ် ၁၀ ထရီလီယံ (အမေရိကန်ဒေါ်လာ ၆၈ ဘီလီယံ ခန့်) ရင်းနှီးမြှုပ်နှံမည်ဖြစ်ကြောင်း နှင့် semiconductor နှင့် AI တွင် အားစိုက်၍ ကနဦးပူးပေါင်း ဆောင်ရွက်မှုကိုလည်း တည်ဆောက်မည်ဖြစ်ကြောင်း ပြောကြားခဲ့ပါသည်။ အဆိုပါနှစ်နိုင်ငံသည် လုံခြုံရေးပူးပေါင်းဆောင်မှုကို အဆင့်မြှင့်တင်မည်ဖြစ်ကြောင်း ကတိပြုခဲ့ပါသည်။ အစောပိုင်းကာ လတွင် Modi သည် Tokyo တွင်ပြုလုပ်သော စီးပွားရေးညီလာခံတွင် အိန္ဒိယနိုင်ငံနှင့် ဂျပန်နိုင်ငံတို့ သည် အာရှတိုက်၏ ရာစုနှစ်ကို ပုံသွင်းမည်ဖြစ်ကြောင်း ပြောကြားခဲ့ပါသည်။ အဆိုပါနှစ်နိုင်ငံလုံး သည် အမေရိကန်နိုင်ငံသို့ တင်သွင်းသော ကုန်ပစ္စည်းများအပေါ် အမေရိကန်နိုင်ငံသမ္မတ Donald Trump ၏ အခွန် ၅၀ ရာခိုင်နှုန်းတိုးမြှင့်ကောက်ခံခြင်းကြောင့် အခက်အခဲများနှင့် ရင်ဆိုင်နေရကြောင်း သိရပါသည်။

Source: The Daily Star                                                              

DOCA (ရန်ကုန်)

      ၂၀၂၅ ခုနှစ်၏ ပထမ ၇ လတာကာလတွင် ဗီယက်နမ်သည် စင်ကာပူ၏ ၁၀ ခုမြောက် အကြီးမားဆုံးကုန်သွယ်ရေးမိတ်ဖက်အဖြစ်ရပ်တည်နေပြီး နှစ်နိုင်ငံအပြန်အလှန်ကုန်သွယ်မှုမှာ စင်ကာပူဒေါ်လာ ၂၃.၁ ဘီလီယံ ဖြင့် ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၂၆.၁ ရာခိုင်နှုန်းမြင့်တက်ခဲ့ကြောင်း သိရပါသည်။ စင်ကာပူမှ ဗီယက်နမ်သို့ စင်ကာပူဒေါ်လာ ၁၆.၃ ဘီလီယံတန်ဖိုးတင်ပို့ပြီး ၆.၇ ဘီလီယံတန်ဖိုးတင်ပို့ခဲ့ကာ ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက ၂၀.၂ ရာခိုင်နှုန်းနှင့် ၄၃ ရာခိုင်နှုန်းအသီးသီးမြင့်တက်ခဲ့ကြောင်း သိရပါသည်။ ဇူလိုင်လတစ်လတည်းတွင် စင်ကာပူနှင့် ဗီယက်နမ်ကုန်သွယ်မှုတန်ဖိုးမှာ စင်ကာပူဒေါ်လာ ၃.၆ ဘီလီယံတန်ဖိုးရှိပြီး ယခင်နှစ်တူညီသည့်ကာလနှင့်နှိုင်းယှဉ်ပါက ၁၄.၆ ရာခိုင်နှုန်းမြင့်တက်ခဲ့ ကြောင်း သိရပါသည်။ စင်ကာပူထံမှအချက်အလက်များအရ ထို ၇ လတာကာလတွင် ၎င်းတို့ သည် ကုန်သွယ်ရေးပိုငွေ စင်ကာပူဒေါ်လာ ၉.၆ ဘီလီယံ ရရှိခဲ့ကြောင်း သိရပါသည်။ သို့သော် စင်ကာပူနှင့် ဗီယက်နမ်မူရင်းကုန်ပစ္စည်းသာလျှင်ဆိုပါက ဗီယက်နမ်က ကုန်သွယ်ရေးပိုငွေ စင်ကာပူဒေါ်လာ ၂.၁၂ ဘီလီယံ ရရှိခဲ့ကြောင်း သိရပါသည်။ ထို ၇ တာကာလအတွင်းအချက် အလက်များအရ စက်ပစ္စည်း၊ လျှပ်စစ်ပစ္စည်းများနှင့် အစိတ်အပိုင်းများမှာ စင်ကာပူဒေါ်လာ ၃.၄ ဘီလီယံဖြင့် စင်ကာပူ၏ ဗီယက်နမ်ထံမှ ထိပ်တန်းသွင်းကုန်များဖြစ်ကြောင်း သိရပါသည်။ ဒုတိယနှင့် တတိယနေရာတွင် နူကလိယားဓာတ်ပေါင်းဖိုများ၊ ဘွိုင်လာများ၊ စက်ပစ္စည်းများနှင့် စက်အစိတ်အပိုင်းများက စင်ကာပူဒေါ်လာ ၁.၅ ဘီလီယံ၊ မှန်နှင့် ဖန်ထည်များက စင်ကာပူ ဒေါ်လာ ၄၉၄.၃ သန်းဖြင့် ရပ်တည်နေကြောင်း သိရပါသည်။ အထက်ဖော်ပြပါအမျိုးအစားများ မှလွဲ၍ ဗီယက်နမ်၏ စင်ကာပူထံမှထိပ်တန်းသွင်းကုန် ၁၅ မျိုးမှာ ယခင်နှစ်တူညီသည့်ကာလနှင့် နှိုင်းယှဉ်ပါက ကြီးထွားမှုကျဆင်းခဲ့ကြောင်း သိရပါသည်။ စင်ကာပူရှိ ဗီယက်နမ်ကုန်သွယ်ရေး အတိုင်ပင်ခံပုဂ္ဂိုလ် Cao Xuan Thang က အပြန်အလှန်ကုန်သွယ်ရေးအများစုသည် နည်းပညာ နှင့် လောင်စာအပေါ်တွင် အဓိကဖြစ်နေခြင်းက စီးပွားရေး ၂ ခု၏ တစ်မူထူးခြားသော ကုန်သွယ် ရေးတည်ဆောက်ပုံကို ရောင်းပြန်ဟပ်နေကြောင်းနှင့် ထိုပုံစံသည် စီးပွားရေးလုပ်ငန်းများက ထုတ်လုပ်မှုကွင်းဆက်ချိတ်ဆက်မှုနှင့် ကုန်သွယ်ရေးပလက်ဖောင်းအသစ်များနှင့် ထောက်ပံ့ ပို့ဆောင်ရေးဖွံဖြိုးတိုးတက်ရေးအစရှိသည့် နှစ်ဖက်အကျိုးရှိမည့် ဧရိယာသစ်များတွင် ပူးပေါင်းဆောာင်ရွက်မှုအခွင့်အလမ်းသစ်များကို ဖန်တီးပေးနိုင်မည်ဟု ပြောကြားခဲ့ပါသည်။

Vietnam Plus                                                                            

DOCA (ရန်ကုန်)

    ၂၀၂၅ ခုနှစ် နှစ်စမှ ဩဂုတ်လ ၁၅ ရက်နေ့ထိတွင် ဗီယက်နမ်သည် အမေရိကန်ဒေါ်လာ ၃ ဘီလီယံကျော်တန်ဖိုးရှိသော ဆန်တန်ချိန် ၅.၉ သန်းနီးပါးတင်ပို့ခဲ့ကြောင်း ဗီယက်နမ်အစားအစာ အသင်း (VFA) ၏ အဆိုအရ သိရပါသည်။ နိုင်ငံ၏ ဆန်တင်ပို့မှုမှာ တန်ချိန် ၅.၈၇ ဘီလီယံရှိခဲ့ပြီး တန်ဖိုးအားဖြင့် ၃ ဘီလီယံကျော်တန်ဖိုးရှိကာ ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက တင်ပို့သည့်ပမာဏတွင် ၂.၈၈ ရာခိုင်နှုန်းမြင့်တက်ခဲ့သော်လည်း တန်ဖိုးတွင် ၁၆ ရာခိုင်နှုန်း ကျဆင်းခဲ့ကြောင်း သိရပါသည်။ ဩဂုတ်လနောက်ဆုံးအပတ်တွင် ရောင်းလိုအားတင်းကျပ်မှုများ ရှိနေသော်လည်း တင်ပို့သည့်ဈေးနှုန်းများမှာ ၈ လအတွင်းအမြင့်ဆုံးအဆင့်သို့ရောက်ရှိခဲ့ကြောင်း သိရပါသည်။ အသင်းက ဩဂုတ်လ ၂၈ ရက်နေ့တွင် 5% broken ဆန်ဈေးနှုန်းမှာ တစ်တန်လျှင် ၄၅၅ မှ ၄၆၀ အမေရိကန်ဒေါ်လာထိရှိပြီး ဇန်နဝါရီလမှစ၍ အမြင့်ဆုံးဖြစ်ကြောင်း သိရပါသည်။ ဟိုချီမင်းမြို့တော်ရှိ ကုန်သည်တစ်ဦးက ရောင်းလိုအားသည်ပိုမိုတင်းကျပ်လာသော်လည်း ဝယ်လို အားမှာ စက်တင်ဘာ ၁ ရက်နေ့တွင် စတင်မည့် ဖိလစ်ပိုင်၏ရက်၆၀ ဆန်တင်သွင်းမှုပိတ်ပင်မည့် အစီအစဉ်မတိုင်မီတွင် ဝယ်လိုအားတည်ငြိမ်နေကြောင်း ပြောကြားခဲ့ပါသည်။ Can Tho မြို့တော် တွင် စပယ်ရနံ့စပါးကတစ်ကီလိုလျှင် ၈၄၀၀ ဗီယက်နမ်ဒေါင်၊ IR 5451 က ၆၂၀၀ ဗီယက်နမ် ဒေါင်၊ OM 18 က ၆၇၀၀ ဗီယက်နမ်ဒေါင်နှင့် ST 25 က ၉၅၀၀ ဗီယက်နမ်ဒေါင်ရှိကြောင်း စိုက်ပျိုး မွေးမြူ‌ရေးနှင့် သဘာဝပတ်ဝန်းကျင်အတွက် မူဝါဒနှင့် မဟာဗျူဟာအသင်း၏ အဆိုအရ သိရပါ သည်။ An Giang စိုက်ပျိုးမွေးမြူရေးနှင့် သဘာဝပတ်ဝန်းကျင်ဦးစီးဌာနက စပါးဈေးနှုန်းများမှာ အမျိုးအစားအပေါ်မူတည်၍ တစ်ကီလိုလျှင် ၅၇၀၀ မှ ၆၂၀၀ ဗီယက်နမ်ဒေါင်ရှိပြီး ပြည်နယ်၏ လက်လီဆန်ဈေးနှုန်းမှာ  တစ်ကီလိုလျှင် ၁၃၀၀၀ နှင့် ၂၂၀၀၀ ဗီယက်နမ်ဒေါင်ရှိကြောင်း သိရပါ သည်။ မဲခေါင်ဒေတာပြည်နယ်များသည် နွေ-ဆောင်းဦးဆန် ဟတ်တာ ၁.၈၂ သန်းစိုက်ပျိုးခဲ့ပြီး ဟတ်တာ ၁.၀၈ သန်းရိတ်သိမ်းခဲ့ပြီဖြစ်ကြောင်း သိရပါသည်။ ဆောင်းဦး-ဆောင်းဆန်စိုက်ပျိုးမှုမှာ  စီစဉ်ထားသည့် ဟတ်တာ ၇၀၀၀၀၀ အနက် ဟတ်တာ ၅၈၁၀၀၀ ကို စိုက်ပျိုးခဲ့ပြီးဖြစ်ကြောင်း သိရပါသည်။

Vietnam Plus                                                                            

DOCA (ရန်ကုန်)

        ကမ္ဘောဒီးယားနိုင်ငံ၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန (MoC) သည် အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSMEs) များကို ပံ့ပိုးပေးနိုင်ရန် ရည်ရွယ်ပြီး ၎င်း၏ မူပိုင်ခွင့် (IP) စနစ်ကို ခေတ်မီအောင် ကြိုးပမ်းဆောင်ရွက်နေကြောင်း ၁-၉-၂၀၂၅ ရက်နေ့တွင် ထုတ်ပြန်ခဲ့သည်။ စီးပွားရေးလုပ်ငန်းများနှင့် ရင်းနှီးမြှုပ်နှံသူများအတွက် လုပ်ငန်းစဉ်များကို လွယ်ကူချောမွေ့စေရန် ရည်ရွယ်၍ IP ၏ မှတ်ပုံတင်ခြင်းနှင့် စီမံခန့်ခွဲခြင်း တွင် ဉာဏ်ရည်တု (AI) ပေါင်းစပ်ခြင်းတို့တွင် တော်ဝင်အစိုးရ၏ ဆက်လက်ကြိုးပမ်း အားထုတ်မှု များကို အလေးပေးဖော်ပြထားသည်။ MSMEs များအကြား IP အသုံးပြုမှုကို အားပေးခြင်း၊ မှတ်ပုံတင်ခြင်းလုပ်ထုံးလုပ်နည်းများကို ရိုးရှင်းစေရန်နှင့် အခွင့်အရေးကိုင်ဆောင်သူများကို ကာကွယ်ပေးရန် IP ဥပဒေများကို ပြဋ္ဌာန်းခြင်း၏ အရေးပါမှုများကို MoC မှ အတွင်းရေးမှူး  Ouk Prachea ကအလေးပေးပြောကြားခဲ့သည်။ IP မူဘောင်ကို အားကောင်းစေခြင်းဖြင့် အစိုးရသည် ဆန်းသစ်တီထွင်မှုဖြင့် စီးပွားရေးလုပ်ငန်းများကို ပံ့ပိုးကူညီရန်၊ ရင်းနှီးမြှုပ်နှံမှုကို ဆွဲဆောင်ကာ ဒေသတွင်းနှင့် ကမ္ဘာ့ဈေးကွက်များတွင် ပြည်တွင်းစီးပွားရေးလုပ်ငန်းများ၏ ယှဉ်ပြိုင်နိုင်စွမ်းကို မြှင့်တင်ရန် ကြိုးပမ်းနေကြောင်း ၎င်းက ဆက်လက်ပြောကြားခဲ့သည်။ IP စီမံကိန်းများအတွက် ငွေကြေးထောက်ပံ့မှုနှင့် IP ပိုင်ဆိုင်မှုများအတွက် ကူးသန်းရောင်းဝယ်ရေးဆိုင်ရာ အခွင့်အလမ်း များမြှင့်တင်ရေးတို့အတွက် လုပ်ထုံးလုပ်နည်းများနှင့် အခြေအနေများ ဖွံ့ဖြိုးတိုးတက်မှုကိုလည်း အလေးပေးပြောကြားခဲ့သည်။ အဆိုပါ ပဏာမခြေလှမ်းများသည် ကမ္ဘောဒီးယားကုမ္ပဏီများ အထူးသဖြင့် MSMEs လုပ်ငန်းများ၊ ၎င်းတို့၏ ဖန်တီးမှုနှင့် နည်းပညာဆိုင်ရာ ပိုင်ဆိုင်မှုများကို ဒေသတွင်းနှင့် နိုင်ငံတကာဈေးကွက်များသို့ ချဲ့ထွင်နိုင်ရန် ကူညီပေးရန် ရည်ရွယ်ထားကြောင်း Prachea  က ထပ်လောင်းပြောကြားခဲ့သည်။

Source: Khmer Times                                                                                  

DOCA (ရန်ကုန်)

      ကမ္ဘောဒီးယားနိုင်ငံ လျှပ်စစ်ဓာတ်အားပေးရေးဌာန အထွေထွေညွှန်ကြားရေးမှူး တာဝန်ခံ Dr. Praeng Jalsa က ကမ္ဘောဒီးယားနိုင်ငံသည် ၎င်း၏ ပထမဆုံး မဂ္ဂါဝပ် ၁၅၀ ဓာတ်အားပေး စက်ရုံကို ၂၀၂၆ ခုနှစ်တွင် စတင်ဖွင့်လှစ်ရန် စီစဉ်နေကြောင်း သဘောတူညီမှု လက်မှတ် ရေးထိုးထားပြီးဖြစ်ကြောင်း ပြောကြားခဲ့သည်။ ၃-၉-၂၀၂၅ ရက်နေ့၊ နံနက်ပိုင်းက လျှပ်စစ်နှင့် စွမ်းအင်ဝန်ကြီးဌာန ၀န်ကြီး Mr. Keo Ratanak ၏ ဥက္ကဋ္ဌအဖြစ် ဆောင်ရွက်သည့် လျှပ်စစ်နှင့် စွမ်းအင်ဝန်ကြီးဌာန ဝန်ထမ်းများ၏ အစည်းအဝေးတွင် ဒေါက်တာ Praang မှ ပြောကြားခဲ့ခြင်း ဖြစ်သည်။ ကမ္ဘောဒီးယားနိုင်ငံ၊ လျှပ်စစ်ဓာတ်အားပေးရေးဌာနမှ ထုတ်ပြန်ချက်များအရ လက်ရှိတွင် ကမ္ဘောဒီးယား၌ စွမ်းအင်အရင်းအမြစ် ၅,၀၀၀ မဂ္ဂါဝပ်ကျော်ရှိပြီး ၆၀ ရာခိုင်နှုန်းခန့် သည် ရေအားလျှပ်စစ်၊ ဇီဝလောင်စာနှင့် ဆိုလာဓာတ်အားပေးစက်ရုံများကဲ့သို့သော ပြန်လည် ပြည့်ဖြိုးမြဲစွမ်းအင်အရင်းအမြစ်များဖြစ်ကြောင်း သိရသည်။ Mondulkiri ခရိုင်ရှိ လေအားလျှပ်စစ် စီမံကိန်းကို ၂၀၁၃ ခုနှစ်မှ စတင်ကာ ပြင်သစ်ကုမ္ပဏီ Blue Circle ကုမ္ပဏီမှ ဆောင်ရွက်နေခြင်း ဖြစ်ပြီး ပြန်လည်ပြည့်ဖြိုးမြဲစွမ်းအင်စီမံကိန်းများ ရေးဆွဲခြင်း၊ ငွေကြေးထောက်ပံ့ခြင်းနှင့် လုပ်ငန်းများလည်ပတ်နိုင်ရေးတို့ကို ဆောင်ရွက်လျက်ရှိကြောင်း Dr. Praeng Jalsa က ပြောကြားခဲ့သည်။ Blue Circle ကုမ္ပဏီသည် ၎င်း၏ ပထမဆုံးလေအားလျှပ်စစ်စီမံကိန်းကို အကောင်အထည်ဖော်ရန် Mondulkiri ပြည်နယ်သို့ ၂၀၁၅ ခုနှစ်တွင် စတင်ရောက်ရှိခဲ့ပြီး ၂၀၂၆ ခုနှစ်တွင် စတင်၍ လုပ်ငန်းများလည်ပတ်ရန် စီစဉ်ထားကြောင်း ထပ်လောင်းပြောကြားခဲ့သည်။

Source: Khmer Times 

DOCA (ရန်ကုန်)