ကမ္ဘောဒီးယားနိုင်ငံသည် ၂၀၂၅ ခုနှစ် ပထမ ၉ လ အတွင်း အမေရိကန်ဒေါ်လာ ၇.၈ ဘီလီယံ တန်ဖိုးရှိ ရင်းနှီးမြှုပ်နှံမှုများကို ဆွဲဆောင်နိုင်ခဲ့ပြီး ယခင်နှစ်ထက် ၄၇ ရာခိုင်နှုန်း တိုးတက်လာ ကြောင်း ကမ္ဘောဒီးယား ဖွံ့ဖြိုးတိုးတက်ရေးကောင်စီ (CDC) က အောက်တိုဘာ လ ၂ ရက်နေ့တွင် ထုတ်ပြန်သော အစီရင်ခံစာအရ သိရှိရပါသည်။
ကမ္ဘောဒီးယားနိုင်ငံသည် ယခုနှစ် ဇန်နဝါရီ - စက်တင်ဘာလအတွင်း ရင်းနှီးမြှုပ်နှံမှု စီမံကိန်း ၅၄၆ ခုကို အတည်ပြုခဲ့ပြီး ယခင်နှစ် အလာတူကာလက စီမံကိန်း ၃၁၅ ခုထက် ၇၃ ရာခိုင်နှုန်း တိုးတက်လာကာ အလုပ်အကိုင် ၃၇၆၀၀၀ ခန့် ဖန်တီးပေးနိုင်ခဲ့ကြောင်း CDC က ပြောကြားခဲ့ ပါသည်။
ထိုရင်းနှီးမြှုပ်နှံမှု စီမံကိန်းများသည် အထည်ချုပ်နှင့် အထည်မဟုတ်သော ကုန်ထုတ် လုပ်ငန်းများ၊ အခြေခံအဆောက်အအုံများ၊ စိုက်ပျိုးရေးလုပ်ငန်းများ၊ ခရီးသွားလုပ်ငန်းတို့ အပေါ် အဓိကထားကြောင်း အစီရင်ခံစာတွင် ဖော်ပြထားပါသည်။
တရုတ်နိုင်ငံသည် နိုင်ငံခြားရင်းနှီးမြှုပ်နှံမှု၏ ထိပ်ဆုံးနေရာတွင် ဆက်လက်ရပ် တည်လျက်ရှိပြီး စုစုပေါင်း ရင်နှီးမြှုပ်နှံမှု ပမာဏ၏ ၅၂.၉၆ ရာခိုင်နှုန်းကို ပိုင်ဆိုင်ထား ကြောင်း CDC က ပြောကြားခဲ့ပါသည်။ အခြားနိုင်ငံခြား ရင်းနှီးမြှုပ်နှံသူများသည် စင်္ကာပူ၊ ဗီယက်နမ်၊ ဗြိတိသျှ ဗာဂျင်ကျွန်းများ၊ ဗြိတိန်၊ ကေမန်ကျွန်းများ၊ ဘာမြူဒါ၊ အမေရိကန်ပြည်ထောင်စုနှင့် ဆာမိုအာ တို့မှဖြစ်ကြောင်း သိရှိရပါသည်။
စီးပွားရေးဝန်ကြီးဌာန၏ အတွင်းဝန်နှင့် ပြောရေးဆိုခွင့်ရှိသူ Penn Sovicheat က ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု (RCEP) သဘောတူညီချက်နှင့် ကမ္ဘောဒီးယား၏ တရုတ်၊ တောင်ကိုရီးယားနှင့် အာရပ်စော်ဘွားများပြည်ထောင်စုတို့နှင့် ချုပ်ဆိုထားသော နှစ်နိုင်ငံလွတ်လပ် သော ကုန်သွယ်ရေး သဘောတူညီချက်များသည် နိုင်ငံခြား ရင်နှီးမြှုပ်နှံမှုကို ဆွဲဆောင်ရာတွင် အဓိကကျသော အချက်များဖြစ်ကြောင်း ပြောကြားခဲ့ပါသည်။
DOCA (ရန်ကုန်)