လက်ရှိကာလတွင် ကြက်သွန်နီများ၏ ဈေးကွက်ဝယ်လိုအားနှင့် ရောင်းချမှုအခြေအနေများ ပေါ်မူတည်၍ ကြက်သွန်နီဈေးနှုန်းများ ဆက်လက်မြင့်တက်လျက်ရှိကြောင်း သိရသည်။ကြက်သွန်နီ အရွယ်အစားအလိုက် ဈေးနှုန်းများမှာ အသေးအရွယ်တစ်ပိဿာလျှင် ၈၀၀၀ ကျပ်၊ အလတ်အရွယ် ၁၀၀၀၀ ကျပ်ဝန်းကျင်နှင့် အကြီးအရွယ် တစ်ပိဿာလျှင် ၁၂၀၀၀ ကျပ်အထိရှိပြီး အရည်အသွေးပေါ် မူတည်၍ ဈေးနှုန်းအနည်းငယ် ကွာခြားမှုရှိကြောင်းသိရသည်။ ဈေးကွက်အတွင်း ကြက်သွန်နီ ဈေးနှုန်းများ ဆက်လက်မြင့်တက်လာခြင်းကြောင့် စားသုံးသူများအနေဖြင့် ယခင်ကာလများထက် ဝယ်ယူသုံးစွဲရာတွင် ကုန်ကျစရိတ်ပိုမိုလာလျက်ရှိသည်။ ကြက်သွန်နီဈေးနှုန်းများသည် ဈေးကွက်အတွင်း ဝယ်လိုအား၊ ရောင်းချနိုင်သည့်ပမာနနှင့် အရည်အသွေးတို့အပေါ်မူတည်၍ ဆက်လက် အပြောင်းအလဲရှိနိုင်ကြောင်း သိရသည်။
DOCA(ရှမ်း)