တနင်္သာရီတိုင်းဒေသကြီး၊ မြိတ်မြို့နေ တိုင်ကြားသူတစ်ဦး သည် Facebook Page တစ်ခုမှ ၂၀၂၅ ခုနှစ်၊ ဒီဇင်ဘာလ လူထုလမ်းလျှောက်ပွဲ၌ ဝန်ထမ်းအားလုံး တူညီဝတ်စုံဝတ်ဆင် နိုင်ရန်အတွက် Tracksuit (၁၃)ထည်အား ကျသင့်ငွေကျပ် ၄၅၀,၅၀၀/- အပေါ်စရံငွေကျပ် ၂၅၀,၅၀၀/-အား ၂၁-၁၀-၂၀၂၅ ရက်နေ့တွင် Kpay ဖြင့် လွှဲပေးပြီးမှာယူခဲ့ရာ ၁၈-၁၁-၂၀၂၅ ရက်နေ့တွင် အင်္ကျီများ မရောက်သေး၍ ဆက်သွယ်မေးမြန်းရာတွင် ရန်ကုန်မှ မှာယူထားသော ပိတ်စများ မရောက်သေး၍ ပစ္စည်းပေးပို့နိုင်မှုမရှိကြောင်း ပြောကြားသဖြင့် လုပ်ငန်းရှင်တည်ရှိရာ စားသုံးသူရေးရာဦးစီးဌာန၊ မန္တလေးတိုင်းဒေသကြီး ဦးစီးမှူးရုံးသို့ ဆက်သွယ်တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ စားသုံးသူရေးရာဦးစီးဌာန၊ မန္တလေး တိုင်းဒေသကြီးဦးစီးမှူးရုံးမှ တာဝန်ရှိသူများက တိုင်ကြားခံရသည့် Facebook Page သို့ ဖြေရှင်း ဆောင်ရွက်ပေးရန် အကြောင်းကြားဆောင်ရွက်ခဲ့ရာ တိုင်ကြားခံရသည့် Facebook Page မှ တာဝန်ရှိ သူက Tracksuit (၁၃)ထည်အတွက် စရံငွေကျပ် ၂၅၀,၅၀၀/-အား တိုင်ကြားသူထံသို့ KPay ဖြင့် ပြန်လည်လွှဲအပ်ပေးပြီး ဖြစ်ပါကြောင်း အကြောင်းပြန်ကြားလာသော်လည်း ကတိပြုထားသော အာမခံချက်နှင့် ကိုက်ညီမှုမရှိသဖြင့် လုပ်ငန်းရှင်အား မန္တလေးတိုင်းဒေသကြီးဦးစီးမှူးရုံးမှ စီမံခန့်ခွဲ ရေးဆိုင်ရာအမိန့်ဖြစ်သည့် စားသုံးသူကာကွယ်ရေးဥပဒေပုဒ်မ ၅၂ (က)အရ "သတိပေးခြင်း" အမိန့်ကို ချမှတ်ခဲ့ပြီး တိုင်ကြားသူထံသို့ ဆက်သွယ်မေးမြန်းရာတွင် စရံငွေများ ပြန်လည်ရရှိပြီး ဖြေရှင်းပေး မှုကိုကျေနပ်ပါကြောင်း ပြောကြားခဲ့သဖြင့် တိုင်ကြားမှုအား ပိတ်သိမ်းဆောင်ရွက်ခဲ့ပါသည်။