စစ်ကိုင်းတိုင်းဒေသကြီး၊ မုံရွာမြို့တွင် ပြီးခဲ့သည့် အမျိုးသားနေ့အထိမ်းအမှတ်အဖြစ် MSME အသေးစား၊ အငယ်စားနှင့် အလတ်စား စီးပွားရေးလုပ်ငန်းထုတ်ကုန်များပြပွဲနှင့် ဈေးရောင်းပွဲတော်ကို နိုဝင်ဘာလ (၁၇.၁၁.၂၀၂၂) ရက်နေ့တွင် တိုင်းဒေသကြီး ပြည်သူ့ အားကစားကွင်း၌ကျင်းပရာ စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်နှင့် တာဝန်ရှိသူများက ဖဲကြိုးဖြတ်ဖွင့်လှစ်ပေးခဲ့ကြောင်း သိရှိရသည်။ ကုန်စည်ပြပွဲကို (၁၇.၁၁.၂၀၂၂) ရက်နေ့မှ (၁၉.၁၁.၂၀၂၂) ရက်နေ့ထိ ( ၃ )ရက်ကြာ ကျင်းပခဲ့ကြောင်း သိရှိရသည်။
အဆိုပါ ကုန်စည်ပြပွဲတွင် ရွှေဘိုပေါ်ဆန်းဆန်နှင့်ထုတ်ကုန်များ၊ အညာဒေသထွက် သနပ်ခါးနှင့်ဒေသထွက်ကုန်ပစ္စည်းများ၊ စက်မှုလက်မှုထုတ်ကုန်များ၊ စားသောက်ကုန်ပစ္စည်းနှင့်အသုံးအဆောင်ပစ္စည်းများ၊ အိမ်ထောင်ပရိဘောဂပစ္စည်းများကို ခင်းကျင်းပပြသခဲ့ကြပြီး လာရောက်ကြည့်ရှုသူများကို အအေး၊ လက်ဖက်ရည်နှင့် မုန့်အမျိုးမျိုးဖြင့်လည်းကောင်း၊ ဖျော်ဖြေရေးအဖွဲ့နှင့်လည်းကောင်း စည်ကားသိုက်မြိုက်စွာ ကျင်းပခဲ့ကြကြောင်း သတင်းရရှိပါသည်။
DOCA(စစ်ကိုင်း)