အင်ဒိုနီးရှားနိုင်ငံသည် ၂၀၂၅ ခုနှစ် ဇန်နဝါရီလမှ ဇွန်လ အထိ ကော်ဖီ ၂၀၆၇၀၀ တန် တင်ပို့ခဲ့ ကြောင်း အသေးစားနှင့် အလတ်စားစီးပွားရေးလုပ်ငန်းများဝန်ကြီးဌာန (MSMEs) က အောက်တိုဘာ ၈ ရက်နေ့က ပြောကြားခဲ့ပါသည်။
ကော်ဖီများကို အမေရိကန်၊ ဂျပန်၊ အရှေ့အလယ်ပိုင်းနှင့် အရှေ့တောင်အာရှအပါအဝင် နေရာ အမျိုးမျိုးကို တင်ပို့ခဲ့ပါသည်။ အင်ဒိုနီးရှားဟာ ကမ္ဘာ့အကြီးဆုံး ကော်ဖီထုတ် လုပ်သူများထဲမှ တစ်ခုဖြစ်ပြီး စိုက်ပျိုးခြံ ၉၀ ရာခိုင်နှုန်းကျော်ကို စိုက်ဧကနည်းပါသော လယ်သမားများဖြင့် စီမံခန့်ခွဲထားကြောင်း ဝန်ကြီးဌာနမှ အလတ်စားစီးပွားရေးလုပ်ငန်းများ ဆိုင်ရာ ဒုတိယအကြီးအကဲ Bagus Rachman ကပြောကြားခဲ့ပါသည်။
အရှေ့ဂျာဗားရှိ Mount Argopuro တောင်တန်းများမှ တောင်သူ ၅၆၈ ဦးထံမှ Arabica ကော်ဖီ ၁၅ တန်ကို ဆော်ဒီအာရေဗျနိုင်ငံ ဂျက်ကာမြို့သို့ တင်ပို့ခဲ့ပါသည်။ ဝန်ကြီးဌာနသည် အသေးစား၊ အလတ်စား၊ အကြီးစားလုပ်ငန်းများကို ချိတ်ဆက်ပေးသည့် ထောက်ပံ့ရေးကွင်းဆက် စနစ်ကို ထူထောင်ရန် ကြိုးပမ်းလုပ်ဆောင်လျက်ရှိပါသည်။
Statistics Indonesia ၏ အဆိုအရ ၂၀၂၄ ခုနှစ်တွင် အင်ဒိုနီးရှားနိုင်ငံ၏ ကော်ဖီတင်ပို့မှု သည် အမေရိကန်ဒေါ်လာ ၁.၆၃ ဘီလီယံ အထိ ရောက်ရှိခဲ့ပြီး ယခင်နှစ်ထက် ၇၆.၃ ရာခိုင်နှုန်း တိုးလာခဲ့ကြောင်း သိရှိရပါသည်။
DOCA (ရန်ကုန်)