၂၀၂၃ခုနှစ်၊ဇွန်လ(၂၀)ရက်နေ့ ၊ နံနက် (၁၀း၀၀) နာရီအချိန်တွင် မိတ္ထီလာခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့် ဝန်ထမ်းများသည် မိတ္ထီလာမြို့ ပညာရေးဒီဂရီကောလိပ်၊ပညာပါရမီခန်းမတွင် “စားသုံးသူကာကွယ်ရေးအကြောင်း သိကောင်းစရာများ” ခေါင်းစဉ်ဖြင့် အသိပညာပေးဟောပြောဆွေးနွေးခဲ့ပါသည်။ ဆွေးနွေးပွဲတွင် ဌာနဆိုင်ရာများ၊ ကျောင်းသား/သူ၊ဆရာ/မ စုစုပေါင်း (၁၃၇၆)ဦး တက်ရောက်ခဲ့ပါသည်။
အဆိုပါဟောပြောဆွေးနွေးပွဲတွင် မိတ္ထီလာခရိုင်၊အထွေထွေအုပ်ချုပ်ရေးဦးစီးဌာနမှ ဒု-ခရိုင်အုပ်ချုပ်ရေးမှူး ၊ ဦးလွှမ်းမိုးဟန်မှ အဖွင့်အမှာစကားပြောကြားခဲ့ပြီး စားသုံးသူရေးရာ ဦးစီးဌာန၊ခရိုင်ဦးစီးမှူးမှ စားသုံးသူကာကွယ်ရေးဥပဒေ ပြဌာန်းရသည့်ရည်ရွယ်ချက် ၊ စားသုံးသူ အခွင့်အရေးနှင့်တာ၀န်များ ၊ လုပ်ငန်းရှင်၏တာ၀န်များ ၊ ကုန်စည်နှင့်ပတ်သက်၍ အာမခံချက်ပေးခြင်း၊ ကုန်စည်နှင့်စပ်လျဉ်း၍ အာမခံထားမှုအပေါ် စားသုံးသူက တောင်းဆိုနိုင်သည့် အခွင့်အရေး ၊ ၀န်ဆောင်မှုနှင့်စပ်လျဉ်း၍ အာမခံချက်ပေးခြင်း၊ ၀န်ဆောင်မှုနှင့်စပ်လျဉ်း၍ အာမခံထားမှုအပေါ် စားသုံးသူကတောင်းဆိုနိုင်သည့် အခွင့်အရေးများနှင့် ကုန်အညွှန်းအမှတ် အသားပြည့်စုံစွာမတပ်ဆင်ပါက (၂)နှစ်ထက် မပိုသော ထောင်ဒဏ် နှင့်ကျပ်သိန်း(၂၀၀)ထက် မပိုသောငွေဒဏ်ဖြစ်စေ ၊ ဒဏ်နှစ်ရပ်လုံးဖြစ်စေ ချမှတ်နိုင်ကြောင်း၊ စားသုံးသူနစ်နာဆုံးရှုံး မှုဖြစ်ပေါ်ခဲ့လျှင် စားသုံးသူသတင်း ပြန်ကြား ရေးနှင့် တိုင်ကြားမှု လက်ခံဆောင်ရွက်ရေးစင်တာ (CICC)သို့ လူကိုယ်တိုင်ဖြစ်စေ၊ စာဖြင့်ဖြစ်စေ တိုင်ကြားနိုင်ကြောင်း ၊ စားသုံးသူရေးရာဦးစီး ဌာန၏ Website ဖြစ်သောwww.doca.gov.mm မှလည်း တိုင်ကြားနိုင်ကြောင်း၊ စားသုံးသူရေးရာဦးစီးဌာန၏ DOCA Myanmar Applicationအား playstoreတွင် download ရယူ၍ထို Applicationမှတဆင့်လည်းတိုင်ကြားနိုင်ကြောင်း၊ Hotline Number 1535မှလည်း တိုင်ကြားနိုင်ကြောင်း ရှင်းလင်းဆွေးနွေးခဲ့ပါသည်။ထို့နောက် သိရှိလိုသည်များအား မေးမြန်း ဆွေးနွေးနိုင်ကြောင်း ဖိတ်ခေါ်ခဲ့ရာ သင်တန်းသား/သူများမှ သိရှိလိုသည်များမေးမြန်းဆွေး နွေးခဲ့ပါသည်။မိတ္ထီလာမြို့၊ပညာရေးဒီဂရီကောလိပ် ကျောင်းအုပ်ဆရာမကြီး ဒေါ်စုလတ်ထွေးမှ ယခုလို လာရောက်ဟောပြောသည့်အတွက် သင်တန်းသား/သူများအနေဖြင့် အသိပညာဗဟုသုတများ များစွာရရှိသည့်အတွက် ကျေးဇူးတင်ရှိပါကြောင်း ကျေးဇူးတင်စကားပြောခဲ့ပြီး ဟောပြောပွဲကို (၁၁း၅၀)အချိန်တွင် ရုတ်သိမ်းခဲ့ကြောင်း သိရှိရပါသည်။
DOCA(မန္တလေး)