ပြည်ပကုန်သွယ်မှုသတင်းများ
၂၀၂၅ ခုနှစ် ပထမ ၅ လတွင် ဗီယက်နမ်၏ ဆန်ပို့ကုန်စျေးနှုန်းသည် ယခင်နှစ် အလားတူ ကာလနှင့် နှိုင်းယှဉ်ပါက ၁၈.၇ ရာခိုင်နှုန်း လျော့နည်းခဲ့ပြီး ပျမ်းမျှအားဖြင့် တစ်တန်လျှင် ၅၁၆.၄ အမေရိကန်ဒေါ်လာနှုန်းသို့ သိသိသာသာ ကျဆင်းသွားကြောင်း ဗီယက်နမ်သတင်းအေဂျင်စီ၏ ထုတ်ပြန်ချက်အရ သိရှိရပါသည်။
အဆိုပါကာလအတွင်း ဗီယက်နမ်နိုင်ငံအနေဖြင့် တန်ဖိုး အမေရိကန်ဒေါ်လာ ၂.၃၄ ဘီလီယံ ရှိသော ဆန်တန်ချိန် ၄.၅ သန်းကို တင်ပို့ခဲ့ပြီး အရေအတွက်အားဖြင့် ၁၂.၂ ရာခိုင်နှုန်း တိုးတက်ခဲ့ သော်လည်း တန်ဖိုးအားဖြင့် ၈.၉ ရာခိုင်နှုန်း ကျဆင်းခဲ့ပါသည်။
အာရှနှင့် ပစိဖိတ်ဒေသတစ်ဝန်းတွင် ဆန်ထုတ်လုပ်မှု စဉ်ဆက်မပြတ်တိုးတက်စေရန်နှင့် ကာဗွန်ထုတ်လွှတ်မှု အနည်းငယ်ဖြင့် ဆန်စပါးစိုက်ပျိုးထုတ်လုပ်ခြင်းကို မြှင့်တင်ရန်အတွက် အာရှ ဖွံ့ဖြိုးရေးဘဏ်အနေဖြင့် ဖိလစ်ပိုင်၏ ဆန်စပါးကဏ္ဍတွင် ဒေါ်လာသန်း ၅၀၀ ရင်းနှီးမြှုပ်နှံခြင်းကို ၂၀၂၅ ခုနှစ်မှ ၂၀၃၀ ပြည့်နှစ်အထိ လုပ်ဆောင်ရန် စီစဉ်လျက်ရှိကြောင်းသိရှိရပါသည်။
တရုတ်ကုမ္ပဏီတစ်ခုဖြစ်သော Cambodian Banana Agricultural (CBA) အထွေထွေ ကုမ္ပဏီလီမိတက်သည် စိုက်ပျိုးမြေဧရိယာနှင့် ထောက်ပံ့ရေးကွင်းဆက်တို့ကို ချဲ့ထွင်ခြင်းဖြင့် ယခု နှစ်အတွင်း လတ်ဆတ်သော သီးမွှေးငှက်ပျောသီးအဝါ တန် ၃၀,ဝဝဝ ကို တရုတ်နိုင်ငံသို့ တင်ပို့ရန် စီစဉ်ထားသည်။
မလေးရှားနိုင်ငံတွင် ၂၀၂၅ ခုနှစ် မေလ၌ ပြည်ပသို့ စားအုန်းဆီတင်ပို့မှုသည် ၆ လအတွင်း အမြင့်မားဆုံးသို့ ရောက်ရှိခဲ့သော်လည်း ပြည်တွင်းစားအုန်းဆီထုတ်လုပ်မှုနှင့် ပြည်ပမှတင်သွင်း ဝင်ရောက်မှုတို့ များပြားလာသဖြင့် မေလ သိုလှောင်မှုလက်ကျန်သည် ၈ လတာအတွင်း အများဆုံး ပမာဏအဖြစ် မြင့်တက်ခဲ့ကြောင်း မလေးရှား စားအုန်းဆီလုပ်ငန်း ကြီးကြပ်မှုအဖွဲ့ (MPOB) ၏ ဇွန် ၁၀ ရက်နေ့ထုတ်ပြန်ချက်အရ သိရှိရသည်။
မလေးရှားနိုင်ငံ၏ စားအုန်းဆီ တင်ပို့မှုသည် ၂၀၂၅ ခုနှစ် ဧပြီလ၌ တန်ချိန် ၁.၁၀ သန်းရှိရာ မှ ၂၅.၆ ရာခိုင်နှုန်း ပိုမိုလျက် မေလတွင် တန်ချိန် ၁.၃၉ သန်းသို့ မြင့်တက်ခဲ့သည်ဟု မလေးရှား စားအုန်းဆီ ဘုတ်အဖွဲ့ (MPOB) မှ ပြောကြားခဲ့ကြောင်း မလေးရှား ဆက်သွယ်ရေးဝန်ကြီးဌာနပိုင် Bernama သတင်း အင်ဂျင်စီက ဖော်ပြပါသည်။
မကြာသေးမီကာလ၌ ဈေးနှုန်းများပြောင်းလဲခဲ့ခြင်းက အဓိကဝယ်လက်များကို ဆွဲဆောင်မှု ဖြစ်ပေါ်စေခဲ့ရာ တရုတ်နိုင်ငံနှင့် အိန္ဒိယနိုင်ငံတို့၏ စားအုန်းဆီ ဝယ်လိုအားသည် ရှေ့လာမည့် လ အနည်းငယ်အတွင်း မြင့်တက်ဖွယ်ရှိသည်ဟု ဇွန် ၁၀ ရက်နေ့တွင် စားအုန်းဆီလုပ်ငန်းနယ်ပယ်မှ ကျွမ်းကျင်သူက ပြောကြားခဲ့ကြောင်း ရိုက်တာသတင်းအရ သိရှိရပါသည်။
ကမ္ဘောဒီးယားနိုင်ငံမှ ဒီဇယ်လောင်စာဆီ၊ ဓာတ်ဆီနှင့်ဓာတ်ငွေ့ တင်သွင်းမှုသည် ၂၀၂၅ ခုနှစ် ပထမလေးလပတ်တွင် ၁၂.၆ ရာခိုင်နှုန်းကျဆင်းခဲ့ကြောင်း စီးပွားရေးနှင့်ကူးသန်းရောင်းဝယ် ရေးဝန်ကြီးဌာန၏ ဇွန်လ ၁၁ ရက်နေ့ အစီအရင်ခံစာအရသိရသည်။ ဒီဇယ်၊ ဓာတ်ဆီနှင့်ဓာတ်ငွေ့ တင်သွင်းမှုတန်ဖိုးသည် ယခုနှစ်ဇန်နဝါရီမှ ဧပြီလအတွင်း စုစုပေါင်း အမေရိကန်ဒေါ်လာ ၈၃၄.၃၇ သန်းရှိပြီး ယမန်နှစ်အလားတူကာလ၏ ကန်ဒေါ်လာ ၉၅၄.၈၈ သန်းမှ ၁၂.၆ ရာခိုင်နှုန်းကျဆင်းခဲ့ ကြောင်း အစီအရင်ခံစာတွင်ဖော်ပြထားသည်။ ဒီဇယ်အတွက် ဒေါ်လာ ၄၄၉.၇၆ သန်းသုံးစွဲခဲ့ပြီး ယခင်နှစ်ကထက် ၁၃ ရာခိုင်နှုန်းကျဆင်းခဲ့သည်။ ဓာတ်ဆီအတွက်ဒေါ်လာ ၂၇၂.၂၅ သ
The Public Utilities Commission of Sri Lanka (PUCSL) မှ လျှပ်စစ်ဓာတ်အားစည်းကြပ်ခွန် ၁၅ ရာခိုင်နှုန်းတိုးမြင့်ကောက်ခံမှုကို ဇွန်လ ၁၂ ရက်နေ့တွင် အတည်ပြုလိုက်ပြီ ဖြစ် ကြောင်းသိရသည်။
ကြေညာချက်တွင် PUCSL သည် လျှပ်စစ်ကား အားသွင်းစခန်းများအတွက် စည်းကြပ်ခွန်များသက်ရောက်မှုမှာ မပြောင်းလဲဘဲ ဆက်လက်တည်ရှိမည်ဖြစ်ကြောင်းဆိုသည်။
မေလကုန်တွင်မွန်ဂိုလီးယားနိုင်ငံတစ်ဝှမ်းတွင်မွေးမြူရေးတိရိစ္ဆာန်အကောင်ရေ စုစုပေါင်း ၁၈.၉ သန်း သို့မဟုတ် ၇၈.၃ ရာခိုင်နှုန်းတိုးမြင့်လာပြီး ၂၀၂၅ ခုနှစ်အစတွင်ရှိခဲ့သည့် မွေးမြူးရေး တိရိစ္ဆာန်အကောင်ရေ ၂၄.၂ သန်းမှ မွေးဖွားလာခြင်းဖြစ်ကြောင်း ဒေသဆိုင်ရာမီဒီယာများ၏ ဇွန်လ ၁၁ ရက်နေ့ဖော်ပြချက်အရသိရသည်။ ယင်းကာလအတွင်း မွန်ဂိုလီးယားနိုင်ငံတစ်ဝှမ်းတွင် မွေးကင်းစ တိရိစ္ဆာန်ကောင်ရေသည် ယခင်နှစ်အလားတူကာလနှင့် နှိုင်းယှဉ်ပါက ကောင်ရေ ၁၈.၆ သန်းတိုးလာကြောင်းသိရသည်။ တိရိစ္ဆာန်မွေးမြူရေးကဏ္ဍသည် မွန်ဂိုလီးယားစီးပွားရေး၏ အဓိကမဏ္ဍိုင်များထဲမှ တစ်ခုဖြစ်ပြီး နိုင်ငံ၏ လူဦးရေ ၄၀ ရာခိုင်နှု
ဥဇဘက်ကစ္စတန်နိုင်ငံသည် ၂၀၂၆ ခုနှစ်တွင် ကမ္ဘာ့ကုန်သွယ်ရေးအဖွဲ့ (WTO) သို့ဝင် ရောက်ရန် ရည်မှန်းထားကြောင်း ဥဇဘက်ကစ္စတန်သမ္မတ Shavkat Mirziyoyev က ဇွန် ၁၁ ရက် တွင် ပြောကြားခဲ့သည်။ Mirziyoyev သည် စတုတ္ထအကြိမ် Tashkent International Investment Forum တွင် ပြောကြားခဲ့သည့် ရည်မှန်းချက်ပန်းတိုင်ကို ထပ်လောင်းပြောကြားခဲ့သည်။ ကမ္ဘာ့ကုန်သွယ်ရေးအဖွဲ့သည် အဓိကကျသောအခန်းကဏ္ဍမှ ပါဝင်နေကြောင်း လာမည့်နှစ်တွင် ထိုအဖွဲ့အစည်း၏ အဖွဲ့ဝင်ဖြစ်လာရန် ရည်မှန်းချက်ထားပြီး ၎င်းတို့၏ မိတ်ဖက်များနှင့် တက်ကြွစွာ လက်တွဲဆ
ကင်ညာ၏ လက်ဖက်ခြောက်ထုတ်လုပ်မှုသည် ရာသီဥတုအခြေအနေကြောင့် ၂၀၂၅ ခုနှစ် ပထမသုံးလပတ်တွင် ၁၈.၈ ရာခိုင်နှုန်း ကျဆင်းသွားကြောင်း ကင်ညာလက်ဖက်ရည်ဘုတ်အဖွဲ့ (TBK) က ဇွန်လ ၁၁ ရက်နေ့က ပြောကြားခဲ့သည်။ TBK မှ ထုတ်ပြန်သည့် အစီရင်ခံစာအရ ကင်ညာနိုင်ငံသည် ထိုကာလအတွင်း လက်ဖက်ခြောက် ကီလိုဂရမ် ၁၃၆.၉၁ သန်း ထုတ်လုပ်ခဲ့ပြီး ၂၀၂၄ ခုနှစ် အလားတူကာလကထုတ်လုပ်နိုင်ခဲ့သော လက်ဖက်ခြောက် ကီလိုဂရမ် ၁၆၈.၇၆ သန်း ထက် ကျဆင်းခဲ့သည်။ အထွက်နှုန်းကျဆင်းမှုသည် အလွန်ပူပြင်းပြီး ခြောက်သွေ့သော အခြေ အနေများကြောင့်ဖြစ်ပြီး ပုံမှန်အားဖြင့် မတ်လမှမေလအထိ ကြာမြင့်သော မိုးရာသီစတင်ဝင် ရောက်မှုနှောင့်နှေးမှုနှင့်အတူ
ဖိလစ်ပိုင်နိုင်ငံသည် သရက်သီးနှင့်ငှက်ပျောသီးများကဲ့သို့သော တန်ဖိုးမြင့် ဖိလစ်ပိုင်ထွက်ကုန်များအတွက် ပိုမိုကျယ်ပြန့်သော စျေးကွက်ရှာဖွေရန် အီဂျစ်နိုင်ငံနှင့် နက်ရှိုင်းသော စိုက်ပျိုးရေးကုန်သွယ်မှုဆက်ဆံရေးကို တက်ကြွစွာကြိုးပမ်းနေကြောင်း ဖိလစ်ပိုင် စိုက်ပျိုးရေးဌာနက ဇွန်လ ၁၁ ရက်နေ့တွင် ပြောကြားခဲ့သည်။ ဖိလစ်ပိုင်စိုက်ပျိုးရေးဝန်ကြီး Francisco Tiu Laurel သည် ၎င်း၏လယ်ယာထွက်ကုန်များအတွက် ပြည်ပဈေးကွက်ချဲ့ထွင်ရန်အတွက် မကြာသေးမီက ဖိလစ်ပိုင်နိုင်ငံဆိုင်ရာ အီဂျစ်သံအမတ်ကြီး Nader Nabil Zaki နှင့် ဆွေးနွေးခဲ့သည်။ ဆွေးနွေးမှုများသည် မြောက်အာဖရိကကဲ့သို့ မဟာဗျူဟာအရ တည်ရှိပြီး လျင
