Main menu

ပြည်ပကုန်သွယ်မှုသတင်းများ

Powered by Drupal
11 Aug 2023

နီပေါနိုင်ငံ၌ စက်မှု၊ ကူးသန်းရောင်းဝယ်ရေးနှင့် ထောက်ပံ့ရေးဝန်ကြီးဌာနသည် အိန္ဒိယနိုင်ငံထံမှ ဆန်တန်ချိန် ၁ သိန်းနှင့် စပါးတန်ချိန် ၁ သန်းတို့ကို အိန္ဒိယနိုင်ငံထံမှ ဝယ်ယူတင်သွင်းမည်ဖြစ်ကြောင်း ထုတ်ဖော်ပြောကြားခဲ့ပါသည်။

11 Aug 2023

ကမ္ဘောဒီးယားသည် ယခုနှစ်၏ ပထမခုနစ်လအတွင်း ဆန်တန်ချိန် စုစုပေါင်း ၃၆၂၇၀၈ တန် တင်ပို့နိုင်ခဲ့ပြီး ဝင်ငွေ ဒေါ်လာ ၂၅၃ သန်းခန့် ရရှိခဲ့ကြောင်း ၇-၈-၂၀၂၃ ရက်နေ့၊ တနင်္လာနေ့တွင် တင်ပြခဲ့သည့် ကမ္ဘောဒီးယားဆန်အဖွဲ့ချုပ်၏ အစီရင်ခံစာအရ သိရသည်။

11 Aug 2023

ဖိလစ်ပိုင်နိုင်ငံသည် ယခုနှစ်ဇူလိုင်လတွင် ဆန် ၁၁၆၁၉၅ မက်ထရစ်တန် တင်သွင်းခဲ့ပြီး ယခင်လ တင်သွင်းမှုပမာဏ ၂၁၆၆၇၆ တန်အောက် ၄၆.၃၇% ကျဆင်းခဲ့ကြောင်း ဖိလစ်ပိုင် Bureau of Plant Industry (BPI) က ဩဂုတ်လ ၇ ရက်၊ တနင်္လာနေ့တွင် သတင်းထုတ်ပြန်ခဲ့ သည်။

11 Aug 2023

ထိုင်းနိုင်ငံအနေဖြင့် အိန္ဒိယ၏ ဆန်တင်ပို့မှု ပိတ်ပင်ခဲ့ခြင်းကြောင့် အကျိုးအမြတ်ရရှိနေပြီး ပြည်တွင်းစားသုံးရန်နှင့် ပြည်ပတင်ပို့ရန်အတွက် လုံလောက်စွာထွက်ရှိသဖြင့် ဆန်တင်ပို့မှုကို ရပ်တန့်ရန် အကြောင်းမရှိဟု ထိုင်းအစိုးရက ပြောကြားခဲ့ပါသည်။

11 Aug 2023

မကြာသေးမီကာလ၌ ဆန်စပါးဈေးနှုန်းများ မြင့်တက်ခဲ့သော်လည်း ဝယ်လိုအားကို ထိန်းသိမ်းနိုင်ရေးအတွက် ပြည်တွင်းရှိ ဆန်တင်ပို့သူများအနေဖြင့် ယင်းတို့၏ ပို့ကုန်စာချုပ်များကို လေးစားလိုက်နာဆောင်ရွက်ကြရန် ဗီယက်နမ်ကုန်သွယ်ရေးဝန်ကြီးက တိုက်တွန်းပြောကြားခဲ့ကြောင်း သိရှိရပါသည်။

11 Aug 2023

ဩစတေးလျနိုင်ငံထံမှ ဘာလီ (Barley) ခေါ် မုယောစပါးများ တင်သွင်းမှုအပေါ် ၂၀၂၀ ပြည့်နှစ်၌ ပထမဆုံးအကြိမ် စတင်ချမှတ်ကောက်ခံခဲ့သော ကြီးလေးသည့် စုပုံတင်သွင်းမှု အခွန်အား ဖယ်ရှားမည်ဟု တရုတ်နိုင်ငံက ထုတ်ဖော်ပြောကြားခဲ့အပြီးတွင် ဩစတေးလျရှိ ကောက်ပဲသီးနှံတင်ပို့သည့် အချို့သောဇုန်ကြီးများ၌ မုယောစပါးဈေးနှုန်းများသည် ၁၀% ခန့်အထိ တစ်ဟုန်ထိုး မြင့်တက်ခဲ့ကြောင်း သိရှိရသည်။

11 Aug 2023

ထိုင်းနိုင်ငံတွင် လယ်ယာစိုက်ပျိုးထုတ်လုပ်မှုများအပေါ် အယ်လ်နီညိုရာသီဥတုဖြစ်စဉ်၏ အကျိုးသက်ရောက်မှုကို စောင့်ကြည့်အကဲဖြတ်လျက် ထိခိုက်မှုများမှ လျော့ပါးသက်သာစေရေး ကြိုတင်စီမံမှုများ လုပ်ဆောင်နိုင်ရန်အတွက် ကူးသန်းရောင်းဝယ်ရေး အမြဲတမ်းအတွင်းဝန်က ဥက္ကဋ္ဌအဖြစ် တာဝန်ယူလျက် ကွပ်ကဲရေးဗဟိုဌာနတစ်ခုကို ဖွဲ့စည်းဆောင်ရွက်မည် ဖြစ်ကြောင်း သိရှိရသည်။

11 Aug 2023

အိန္ဒိယနိုင်ငံတွင် ဟင်းသီးဟင်းရွက်ဈေးနှုန်းများ မြင့်မားလျက်ရှိမှုအပေါ် စားသုံးသူများက ပဲမျိုးစုံကို ပိုမိုတိုးမြှင့်စားသုံးလာကြသည့်အပြင် အိန္ဒိယပြည်တွင်း၌ စိုက်ပျိုးထုတ်လုပ်မှု လျော့ကျနေသည့် အခြေအနေတွင် ပဲမျိုးစုံတင်ပို့သည့်နိုင်ငံများ၏ အခွင့်အရေးရယူရန် ကြိုးပမ်းမှုများက နိုင်ငံတကာ ပဲမျိုးစုံဈေးနှုန်းများကို မြင့်တက်စေပြီး အိန္ဒိယပဲမျိုးစုံ လက်ကားဈေးကွက်၌ ရက်သတ္တတစ်ပတ်အတွင်း ၂% မှ ၃% အထိ ဈေးနှုန်းမြင့်တက်မှုကို ဖြစ်ပေါ်စေခဲ့ကြောင်း Economic Times သတင်းဌာနက ဩဂုတ်လ ၉ ရက်နေ့တွင် ဖော်ပြခဲ့သည်။

07 Aug 2023

စားအုန်းဆီ ကြိတ်ခွဲထုတ်လုပ်ခြင်းလုပ်ငန်းများ ဖွံ့ဖြိုးတိုးတက်ရေးအတွက် နိုင်ငံအတွင်း ဆီအုန်းတိုးမြှင့်စိုက်ပျိုးရေး လှုပ်ရှားမှုအစီအစဉ်ကို ဆောင်ရွက်လျက်ရှိကြောင်း ဇူလိုင်လ ၃၀ ရက် တနင်္ဂနွေနေ့တွင် အိန္ဒိယစိုက်ပျိုးရေးဝန်ကြီးဌာနက ပြောကြားခဲ့ပါသည်။

07 Aug 2023

အင်ဒိုနီးရှားနိုင်ငံအစိုးရက ဇီဝဒီဇယ် ၃၅ သို့မဟုတ် ဘီ၃၅ (B35) ကို နိုင်ငံအနှံ့အပြားတွင် ၂၀၂၃ ခုနှစ်၊ ဩဂုတ်လ ၁ ရက်နေ့တွင် တစ်ပြိုင်နက်တည်း စတင်အသုံးပြုမည်ဖြစ်ကြောင်း ပြောကြားခဲ့ပါသည်။ B35 ဇီဝဒီဇယ်ဆိုသည်မှာ သာမန်လောင်စာဆီနှင့် ဇီဝလောင်စာဆီ ၃၅ ရာခိုင်နှုန်း ရောနှောထားသည့် လောင်စာဆီအမျိုးအစားတစ်ခုဖြစ်ပြီး ယခုနှစ် ဖေဖော်ဝါရီလ၌ ပထမဦးဆုံး မိတ်ဆက်ဆောင်ရွက်ခဲ့သည့် အစီအစဉ်ဖြစ်ကြောင်း သိရပါသည်။

07 Aug 2023

ကော်ဖီသုံးစွဲသည့် ဥရောပနှင့်အမေရိကန်နိုင်ငံတို့တွင် စီးပွားရေးအခြေအနေ လျော့နည်းကျဆင်းမည့် အလားအလာများ ရှိနေသော်လည်း အိန္ဒိယနိုင်ငံမှ အထူးထုတ်လုပ်သည့် ကော်ဖီများဖြစ်ကြသော Monsooned Malabar နှင့် Robusta Kapi Royale တို့အတွက် ပြည်ပဝယ်လိုအားမှာ မူလအခြေအနေအတိုင်းပင် ဆက်လက်ဖြစ်ပေါ်နေမည်ဟု ခန့်မှန်းသိရှိရပါသည်။

07 Aug 2023

၂၀၂၃ ခုနှစ်၏ လက်ကျန်ကာလများတွင် တင်ပို့မှုဆိုင်ရာ အခက်အခဲများဖြစ်ပေါ်လာနိုင်ကြောင်း ခန့်မှန်းမှုများအရ ဗီယက်နမ် သီဟိုဠ်လုပ်ငန်းရှင်များအသင်း (VINACAS) က ယခုနှစ် သီဟိုဠ်စေ့ တင်ပို့ရန် ရည်မှန်းထားသည့်ပမာဏကို အမေရိကန်ဒေါ်လာ ၃.၀၅ ဘီလီယံသို့ လျှော့ချခဲ့ကြောင်း၊ သို့ဖြစ်ရာ ၎င်းတို့ မူလမျှော်မှန်းသည့် လျာထားချက်အပေါ် ဒေါ်လာသန်း ၅၀ နှင့်  စိုက်ပျိုးရေးနှင့် ကျေးလက်ဒေသဖွံ့ဖြိုးဝန်ကြီးဌာန၏ လျာထားချက်အပေါ် ဒေါ်လာသန်း ၇၅၀ အသီးသီး လျှော့ချခဲ့ခြင်းဖြစ်ကြောင်း Vietnam News သတင်းဌာနက ဖော်ပြထားသည်။

Pages