ပြည်တွင်းကုန်သွယ်မှုသတင်း

     ဆောင်းရာသီသို့ ရောက်ရှိလာချိန်တွင် သီးနှံမျိုးစုံ ထွက်ရှိနေသည့်သီးနှံများထဲမှ မုန်လာဥ သီးနှံလည်း တစ်မျိုးအပါအဝင် ဖြစ်ပါသည်။ မုန်လာဥသည် အဖြူသီးနှင့် အနီသီးနှစ်မျိုးရှိပြီး၊ အဖြူသီး ကို မြစ်ဝကျွန်ပေါ်များတွင် စိုက်ပျိုးကြပြီး၊ မုန်လာဥအနီကို ရှမ်းပြည်နယ်တွင် အများဆုံး စိုက်ပျိုးကြ ပါသည်။မုန်လာဥအဖြူကို ဧရာဝတီတိုင်းဒေသကြီး ဧရာဝတီမြစ်မြေနုကျွန်နှင့် ပုသိမ်ခရိုင်‌ ရေကြည် မြို့နယ်များအတွင်းရှိ ကျေးရွာများတွင် စိုက်ပျိုးကြပါသည်

     လက်လီ/လက်ကားဈေးနှုန်းအနေဖြင့် အသီးကြီးထွားမှုအပေါ်မူတည်၍(၁၃ဝဝိ/-၂၀ဝဝိ/-)ဈေးရှိပြီး၊ ဈေးကွက်အနေဖြင့် ဟင်္သာတခရိုင်အတွင်းရှိ မြန်အောင်မြို့နယ်၊ ကြံခင်းမြို့နယ်နှင့် ပုသိမ်ခရိုင်အတွင်းရှိ ရေကြည်မြို့နယ်များအတွင်းရှိ ကျေးရွာများမှ တင်ပို့ရောင်းချလျက်ရှိကြောင်း သိရှိရပါသည်။

(Doca ဧရာဝတီ)

    မန္တလေးမြို့တွင်းသို့ ကျောက်ဆည်၊ မြစ်သား၊ တံတားဦးမြို့နယ်များမှ ရာသီစာပဲမြစ်များ ဝင်ရောက်လျက်ရှိပါသည်။ တံတားဦးမြို့နယ်၊ မကျီးတော‌ကျေးရွာမှ ထွက်ရှိသော ပဲမြစ်သည် စားသုံးသူများ အကြိုက်ဆုံးဖြစ်ပါသည်။ ဆောင်းဦးရာသီကာလတွင် ထွက်ရှိသော ပဲမြစ်ကိုပြုတ်၍ စားသုံးခြင်း၊ အုန်းနို့စမ်း၍စားသုံးခြင်း၊ မြေပဲထောင်း နှမ်းထောင်းများနှင့်လည်းသုတ်၍ သရေစာ အဖြစ်အများဆုံးရောင်းချပြီး စားသုံးကြပါသည်။ ယခုနှစ် ပဲမြစ်စတင်ထွက်ပေါ်သည့် အချိန်တွင် မန္တလေးမြို့တွင်းဈေးကွက်တွင် ကျောက်ဆည်နှင့် မြစ်သားနယ်များမှထွက်သည့် ပဲမြစ် ၁ ပိဿာ ၄၀၀၀ ကျပ်မှ ၄၅၀၀ ကျပ်၊ တံတားဦး၊ မကျီးတောနယ်မှ ထွက်ရှိသည့် ပဲမြစ် ၁ ပိဿာ ၅၅၀၀ ကျပ်မှ ၆၀၀၀ ကျပ်ဈေးနှုန်းများနှင့် ဈေးကွက်အတွင်းအရောင်းအဝယ်ဖြစ်လျက်ရှိပြီး ယခင်နှစ် ယခုလိုရာသီကာလအတွင်း ကျောက်ဆည်နှင့် မြစ်သားနယ်မှ ၁ ပိဿာ ၅၅၀၀ ကျပ်မှ ၆၀၀၀ ကျပ်၊ တံတားဦး၊ မကျီးတော ၁ ပိဿာလျှင် ၆၅၀၀ ကျပ်မှ ၇၀၀၀ ကျပ်ဈေးနှုန်းများနှင့် စတင်ခဲ့သည့် အတွက် ယခင်နှစ်ကထက်စာလျှင် ယခုနှစ်သည် ဈေးနှုန်းအနည်းငယ်ကျဆင်းခဲ့ပါသည်။ ယခုလို ဆောင်းရာသီကာလတွင် မန္တလေးမြို့မှတစ်ဆင့် ရပ်နီးရပ်ဝေးမိတ်ဆွေအပေါင်းအသင်းများကို ရာသီစာလက်ဆောင်အဖြစ်ပေးရန်အတွက် ရောင်းဝယ်မှုအားကောင်းကြောင်း လေ့လာသိရှိရပါ သည်။

DOCA(မန္တလေး)

 မိတ္ထီလာမြို့မဈေးတွင် အသား/ငါး ဟင်းသီးဟင်းရွက်များ၊ သစ်သီးဝလံမျိုးစုံ ရောင်းချလျှက် ရှိပြီး နေ့စဉ်ဈေးရောင်းဈေးဝယ်များဖြင့် စည်ကားလျှက်ရှိပါသည်။ ယခုဆောင်းရာသီကာလတွင် ရာသီစာ ဇီးသီး၊ထောပတ်သီး၊ပန်းသီး၊ မက်မန်းသီးနှင့် ရှမ်းတောင်ဒေသထွက် လိမ္မော်သီးများလည်း အရောင်းအဝယ်ဖြစ်လျှက်ရှိကြောင်းသိရပါသည်။ လိမ္မော်သီးမှာ လူကြီးလူငယ်မရွေး ကြိုက်နှစ်သက် သည့် ရာသီစာ အသီးတစ်မျိုးဖြစ်သည်။

နိုဝင်ဘာလဆန်းမှစ၍ လိမ္မော်သီးများ ဈေးကွက်အတွင်းသို့ လှိုင်လှိုင်ဝင်ရောက်လျှက်ရှိပြီး  စားသုံးသူများကြိုက်နှစ်သက်ကြသည့်အတွက် အရောင်းအဝယ်သွက်ကြောင်း ၊လိမ္မေ်သီး  (၂၅)ကျပ်သားလျှင် (၂၀၀၀)၊ (၅၀)သားလျှင် (၃၅၀၀)ကျပ် ၊ ပိဿာလုံးဈေး (၇၀၀၀)ကျပ်ဖြင့်  ရောင်းချလျှက်ရှိကြောင်းသိရပါသည်။

DOCA(မန္တလေး)

          ရွှေဘိုခရိုင်အတွင်းတွင် နိုဝင်ဘာလ နောက်ဆုံးပတ်တွင် စပါး/ ဆန်ဈေးနှုန်းများ အနည်းငယ်မြင့်တက်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ နိုဝင်ဘာလ တတိယပတ်တွင် ရန်ကုန်သို့ (၄၅၇၄၀)အိတ်၊ မန္တလေးသို့ (၄၃၂၃၀) အိတ်၊ နေပြည်တော်သို့ (၅၇၅)အိတ်၊ပဲခူးတိုင်းသို့ (၄၈၂၀)အိတ်၊ မကွေးတိုင်းသို့ (၁၃၂၅)အိတ်၊ ရှမ်း(တောင်)သို့ (၁၂၁၆၅)အိတ်၊ ကချင်ပြည်နယ်သို့ (၃၀၁၀)အိတ်၊ မွန်ပြည်နယ်သို့ (၅၃၃၅)အိတ်၊ ကရင်ပြည်နယ်သို့ (၃၇၂၅)အိတ် ၊မူဆယ်သို့ (၁၈၀)အိတ်၊တနင်္သာရီတိုင်းသို့ (၂၀၀)အိတ် စုစုပေါင်း အိတ်ရေ ၁၂၀၃၀၅ တန်အားဖြင့် ၆၀၁၅တန် စီးထွက်ခဲ့ပါသည်။

          ယခု နိုဝင်ဘာလ နောက်ဆုံးပတ်တွင် ရန်ကုန်သို့ (၄၀၇၈၈)အိတ်၊ မန္တလေးသို့ (၄၇၇၄၈) အိတ်၊ နေပြည်တော်သို့ (၁၆၀)အိတ်၊ ပဲခူးတိုင်းသို့ (၄၂၇၀)အိတ်၊ မကွေးတိုင်းသို့ (၁၅၇၀)အိတ်၊ ရှမ်း(တောင်)သို့ (၁၀၇၉၃)အိတ်၊ ကချင်ပြည်နယ်သို့ (၂၁၀၀)အိတ်၊ မွန်ပြည်နယ်သို့ (၄၆၆၀)အိတ်၊ ကရင်ပြည်နယ်သို့ (၂၂၆၀)အိတ် ၊မူဆယ်သို့ (၆၉၀)အိတ်၊ စုစုပေါင်း အိတ်ရေ ၁၁၅၀၃၉ တန်အားဖြင့် ၅၇၅၂တန် စီးထွက်ခဲ့သည့် အတွက် ယခင်အပတ်နှင့် နှိုင်းယှဉ်လျှင် ယခုအပတ်အတွင်း အိတ်ရေ ၅၂၆၆၊ တန်အားဖြင့် ၂၆၃တန် လျော့၍ စီးထွက်ခဲ့ပါသည်။

          ရွှေဘိုမြို့၏ နိုဝင်ဘာလ နောက်ဆုံးပတ်တွင် ဖြစ်ပေါ်ခဲ့သော စပါး/ ဆန်  ဈေးနှုန်းများမှာ ရွှေဘိုပေါ်ဆန်းစပါး တင်း၁၀၀လျင် ကျပ် ၅၃၀၀၀၀၀၊ ရွှေဘိုပေါ်ဆန်း ဆန် ၂၄ပြည်ပါ တစ်အိတ်လျင် ကျပ်၁၉၀၀၀၀မှ ကျပ် ၂၀၀၀၀၀ ၊  ဧရာမင်းစပါး တင်း 100 လျှင် ကျပ် 2၈00000 ၊ဧရာမင်းဆန် ၂၄ပြည်ပါ တစ်အိတ်လျင် ကျပ်၁၂5၀၀၀မှ ကျပ် ၁၃၅၀၀၀၊ ရွှေဝါထွန်းစပါး တင်း100လျှင် ကျပ်1၄00000၊ရွှေဝါထွန်း ဆန် 24ပြည်ပါတစ်အိတ်လျှင် ကျပ် 6၀000မှ ကျပ် ၆၅၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

    မိတ္ထီလာမြို့နယ်တွင် စပါး၊ပဲစဉ်းငုံ၊ဆီထွက်သီးနှံများအပြင် ကုန်စိမ်းသီးနှံများကိုလည်း စိုက်ပျိုးကြပါသည်။ နံနံပင်နှင့်နံနံစေ့ကို အစားအသောက်တော်တော်များများတွင် ထည့်သွင်းချက်ပြုတ်သော ဟင်းခတ်အမွှေးအကြိုင်တစ်မျိုးဖြစ်သည်။ နံနံပင်က ခန္ဓာကိုယ်အတွက် အကျိုးပြုတဲ့အရေးပါသော ဆေးဖက်ဝင် အပင်တစ်မျိုးဖြစ်ပါသည်။ နိုဝင်ဘာလဆန်းမှစ၍ နံနံပင်ဈေးနှုန်းမှာ သိသိသာသာမြင့်တက်လာ ပြီး ဒီဇင်ဘာလပထမပတ်မှကာလတူနှိုင်းယှဉ်ပါက နံနံပင်ဈေးနှုန်းမှာ တစ်စီးလျှင် (၆၀၀)ကျပ် အမြင့်ဈေးဖြင့် ငြိမ်လျှက်ရှိသဖြင့် နံနံပင်စိုက်တောင်သူများအနေဖြင့် အကျိုးအမြတ်ရရှိကြောင်းသိရှိရပါသည်။

DOCA(မန္တလေး)