ပြည်တွင်းကုန်သွယ်မှုသတင်း

     ဆူးပုတ်ပင်ကိုမြန်မာနိုင်ငံဒေသအနှံ့အပြားတွင်စိုက်ပျိုးကြပါသည်။ ဆူးပုတ်ပင်တွင် ဆူးပုတ် ကြီးမျိုးနှင့် ဆူးပုတ်ကလေးမျိုးဟူ၍ (၂)မျိုးရှိပါသည်။ ဆူးပုတ်ကြီးမျိုး၏ အရွက်မှာ အရွယ်အစားကြီး ပြီးအနံ့ပိုပြင်းပါသည်။ ဆူးပုတ်ကလေးမျိုး၏အရွက်မှာ အရွယ်အစားသေးပြီး အနံ့မှာဆူးပုတ်ကြီး အနံ့ထက် မပြင်းပါ။ ဆူးပုတ်ပင်တွင် ဆူးကျဲမျိုး၊ ဆူးလတ်မျိုး၊ ဆူးစိတ်မျိုးဟူ၍ (၃)မျိုး ရှိပါသည်။ ဆူးပုတ်ပင်သည် တောင်ပေါ်မြေပြန့် ဖြစ်ထွန်းသည့်အတွက် ရာသီမရွေး စိုက်ပျိုး၍ရပါသည်။ ဆူးပုတ်ပင်ကို ပြည်မြို့နယ် အတွင်းရှိကျေးရွာများတွင် စီးပွားဖြစ် စိုက်ပျိုးကြပြီး ၊ တစ်နိုင်တစ်ပိုင် ခြံများတွင်စိုက်ပျိုးကြပါသည်။ ဆူးပုတ်ပင်ကိုစိုက်ပျိုးပြီး (၆)လအကြာတွင် ဆူးပုတ်ညွှန့်များစတင် ခူးယူရနိုင်ပါသည်။ ဆူးပုတ်ညွှန့်များကို တစ်ရက်ခူးယူပြီးလျှင် နောက်(၃)ရက်အကြာမှသာ ထပ်မံခူး ယူရရှိနိုင်ပါသည်။

     ယခုအချိန်အခါတွင် ပြည်ဈေးကွက်အတွင်းတွင် ဆူးပုတ်ညွှန့်များရောင်းချနေရာတွင် အသေးတစ်စည်းလျှင် (၂၀၀)ကျပ်၊ အကြီးတစ်စည်းလျှင် (၅၀၀)ကျပ်ဖြင့် ရောင်းချနေကြ ကြောင်းသိရှိ ရပါသည်။

DOCA(ပဲခူး)

     ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ မီးလောင်အုပ်စု၊ အင်္ဂလှိုင်ဂန်ကျေးရွာရှိ တောင်သူ ဒေါ်ခင်ဆွေဦးပိုင်ဆိုင်သော ဂန္ဓာမာပန်း (မြနှင်းဝါ) စိုက်ခင်းသို့ (၁၀.၄.၂၀၂၅)ရက်နေ့ နံနက် (၁၀)နာရီတွင် စားသုံးသူရေးရာဦးစီးဌာန၊ ရွှေတောင်မြို့နယ်တာဝန်ခံနှင့် ဝန်ထမ်းများ အဖွဲ့သည် သွားရောက်ကွင်းဆင်းလေ့လာခဲ့ပါသည်။

     ပန်းစိုက်၏ဧကမှာ တစ်ယောက်စိုက်တွင် အပင်‌ရေပေါင်းတစ်သောင်းရှိပြီး နတ်တော်လတွင် စတင်စိုက်ပျိုးပြီး တပေါင်းလတွင်ခူးဆွတ်‌ရောင်းချ ကြပါသည်။ စတင်ခူးဆွတ်ချိန်တွင် အစည်း (၂၅၀)လောက်သာရရှိပြီး လှိုင်လှိုင်ပေါ်ချိန်တွင် အစည်း(၅၀၀)ကျော်လောက်ခူးဆွတ်ရရှိပြီး (၂)ရက် ခြား၍တစ်ခါခူးဆွတ်ရပါသည်။ ပန်းတစ်စည်းလျှင်(၂၅၀)နှုန်းဖြင့် တောင်လုံးညိုပန်းဒိုင်များမှ လာရောက်ကောက်ယူကာ ရန်ကုန်နှင့် နယ်မြို့များသို့ ပြန်လည်တင်ပို့ရောင်းချကြောင်းသိရပါသည်။ ပန်းများကို စတင်ထွက်ပေါ်ချိန်မှစ၍(၂)လခူးဆွတ်‌ရောင်းချကြပါသည်။ ပန်းစိုက်ဧက တစ်ယောက် စိုက်တွင် စုစုပေါင်းကုန်ကျစရိတ်မှာ (၅)သိန်းကျော်ခန့်ရှိပြီး အကျိုးအမြတ်မှာ (၁၀)သိန်း ကျော်မျှကျန်ရှိနိုင် ကြောင်းသိရှိခဲ့ရပါသည်။

DOCA(ပဲခူး)

     တနင်္သာရီတိုင်းဒေသကြီးတွင် ဒူးရင်းသီးထွက်ရှိသော အချိန်ကာလဖြစ်သော မတ်လမှ ဇွန်လအထိ ဒူးရင်းသီးနှင့်ယှဥ်တွဲ၍ စားသုံးရသော ရာသီပေါ်သီးနှံ မင်းဂွတ်သီးများမှာလည်း အပြိုင်ထွက်ရှိကြပါသည်။

    ယခု မေလပထမအပတ်အတွင်း မင်းဂွတ်သီး အကြီးတစ်လုံးလျှင် ၅၀၀/၆၀၀ ကျပ်၊ အလုံးသေးတစ်လုံးလျှင် ၃၀၀ ခန့် စျေးနှုန်းအသီးသီးများဖြင့် ရောင်းချလျက်ရှိကြောင်း ထားဝယ်မြို့ စည်ပင်သာယာစျေးကြီးအရှေ့တွင် ရောင်းချလျက်ရှိသော ဒူးရင်းသီးနှင့်မင်းဂွတ်သီး ရောင်းချသူများထံမှ သိရှိရပါသည်။

DOCA(တနင်္သာရီ)

   ကန့်ဘလူမြို့၊ မြို့မဈေးတွင်ရောင်းချနေသော ရေထွက်ကုန်ပစ္စည်းများမှာ ရန်ကုန်မြို့ မှ မှာယူရောင်းချကြကြောင်း သိရှိရသည်။ စစ်ကိုင်းတိုင်းဒေသကြီး ၊ ကန့်ဘလူခရိုင်၏ ၂၀၂၅ ခုနှစ်၊ မေလ ပထမပတ်အတွင်း ကန့်ဘလူမြို့၊ မြို့မဈေးတွင်ရောင်းချနေသော ရေထွက်ကုန်ပစ္စည်းဈေး နှုန်းများမှာ ပုဇွန်ခြောက်(အချို)(၁)ပိဿာလျှင် (၉၅၀၀၀မှ၁၀၅၀၀၀)ကျပ်၊ ငါးပုတ်သင်ခြောက်(၁) ပိဿာလျှင်(၁၉၀၀၀)ကျပ်၊ ငါးကြီးသားခြောက်(၁)ပိဿာလျှင် (၁၂၅၀၀၀)ကျပ်၊ မြီးဆံသွယ်ခြောက် (အချို)(၁)ပိဿာလျှင် (၁၇၀၀၀)ကျပ်၊ ငါးနီတူခြောက်(၁)ပိဿာလျှင် (၂၂၀၀၀)ကျပ်၊ လသာခြောက် (အချို)(၁)ပိဿာလျှင် (၂၂၀၀၀)ကျပ်၊ ငါးရောင်ခြောက်(၁)ပိဿာလျှင် (၃၈၀၀၀)ကျပ်၊ ပလာတူး ခြောက်(အချို)(၁)ပိဿာလျှင် (၂၃၀၀၀)ကျပ်၊ အသားမျှင်ခြောက်(၁)ပိဿာလျှင် (၄၇၀၀၀)ကျပ်ဖြင့် ရောင်းချကြောင်း၊ ယခုအခါ အလှူအတန်းများပြုလုပ်ရာတွင် ရေထွက်ကုန်ပစ္စည်းများကို အသုံးပြုကြသဖြင့် အရောင်းအဝယ်သွက်လျက်ရှိကြောင်း ကန့်ဘလူမြို့၊မြို့မဈေးအတွင်း ငါးခြောက်ရောင်းချသည့် လုပ်ငန်းရှင်ထံမှ သိရသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ မြေထောက်ပဲစိုက်ပျိုးမှုမရှိကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် မြေထောက်ပဲများ ကိုမန္တလေးမြို့မှ ဝယ်ယူရောင်းချကြောင်း၊ ရွှေဘိုမြို့ဈေးကွက်အတွင်း မေလ၊ ဒုတိယအပတ်တွင် ရောင်းချသည့် မြေထောက်ပဲဈေးနှုန်းမှာ (၁)ပြည်လျှင်(၇၀၀ဝိ/-)ကျပ်နှင့် တစ်တင်းလျှင်(၁၁၂၀၀ဝိ/-) ကျပ်ဖြစ်ကြောင်း၊ မြေထောက်ပဲမှာ အဖြူရောင်နှင့် အညိုရောင်နှစ်မျိုးရှိပြီး ရောင်းချရသည့်ဈေးနှုန်း တူညီကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကို နှိုင်းယှဉ်ပါက ယခင်အပတ်၌ မြေထောက်ပဲ(၁)ပြည်လျှင် (၇၀၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊ ဈေးကွက်အနေဖြင့် ဒေသတွင်းရှိ စားသုံးသူများ၊ တစ်ဆင့်ပြန်လည် ရောင်းချမည့်သူများ၊ ပဲပြုတ်ရောင်းချသူများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြကြောင်း ပဲမျိုးစုံရောင်းချသည့် ဆိုင်များမှ သတင်းရရှိပါသည်။

DOCA(စစ်ကိုင်း)