စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ကုန်စိမ်းသီးနှံများဖြစ်သော ခဝဲသီး၊ ရွှေဖရုံသီး၊ ဘူးသီး၊ မုန်လာထုပ်၊ ပန်းမုံလာပွင့်၊ ရွှေပဲသီး၊ ခရမ်းချဉ်သီး ၊မုံညှင်းထုပ်၊ ပြောင်းဖူး၊ ခါကြက်ဥ၊ ပဲစိမ်းစားဥနှင့် ပဲမြစ်များ ရောင်းချလျက်ရှိရာ ယခုအခါ ပဲစိမ်းစားဥနှင့် ပဲမြစ်များကို ကန့်ဘလူမြို့မဈေးတွင် ရောင်းချလျက်ရှိပါသည်။ ပဲစိမ်းစားဥများကို ကာဘိုးမှမှာယူ ရောင်းချကာ ပဲမြစ်များကို မန္တလေးမြို့မှ မှာယူရောင်းချလျက်ရှိကြောင်း သိရသည်။ ၂၀၂၆ခုနှစ်၊ ဇန်နဝါရီလ ဒုတိယပတ်အတွင်း ရောင်းချလျက်ရှိသော ပဲစိမ်းစားဥ (၁)တွဲလျှင် (၃၀၀၀)ကျပ်၊ ပဲမြစ် (၁)ပိဿာလျှင်(၆၀၀၀)ကျပ်၊ (၅၀)ကျပ်သားလျှင် (၃၀၀၀)ကျပ်၊ (၂၅)ကျပ်သားလျှင်(၁၅၀၀)ကျပ် ဖြင့်ရောင်းချကြောင်း၊ ပဲစိမ်းစားဥသည် အရည်ရွှမ်း၍ အေးသောအချိန်တွင် ပို၍ချိုပြီး စိမ်းစားဥဆိုသည့်အတိုင်း အစိမ်းစားလို့ရသလို အချို့မှာကြော်စား ချက်စားကြသည်။ ပဲမြစ်များကိုပြုတ်၍ သော်လည်းကောင်း စားသုံးကြ၍ လူကြီးလူငယ် မရွေးကြိုက်နှစ်သက်သဖြင့် ဝယ်ယူစားသုံးသူများ လာ၍ အရောင်းအဝယ်သွက်လျက်ရှိကြောင်း ကုန်စိမ်းရောင်းချသူထံမှ သိရသည်။
DOCA(စစ်ကိုင်း)