ပြည်တွင်းကုန်သွယ်မှုသတင်း

      မကွေးတိုင်ဒေသကြီး၊ ပခုက္ကူခရိုင်၊ ပခုက္ကူမြို့နယ်သည် ချည်ထည်အမျိုးမျိုးရက်လုပ်လျက်ရှိပါ သည်။ ပခုက္ကူမြို့နယ်တွင် ချည်ထည်လုပ်ငန်းဖြင့် ထင်ရှာကျော်ကြားသော ချည်ထည်လုပ်ငန်းများမှာ စိန်ပန်းခိုင်၊ စိန်ငါးပွင့်၊ ငွေကြယ်ဦး၊ ရွှေနဂါး၊ ရွှေခြင်္သေ့၊ အခြားချည်ထည်လုပ်ငန်းများအပြင် ဂဠုန်မင်း ချည်ထည်လုပ်ငန်းတို့ဖြစ်ပါသည်။ ဂဠုန်မင်းချည်ထည်လုပ်ငန်းသည် ပခုက္ကူမြို့တွင် လက်လီ/ လက်ကား ဖြန့်ဖြူးရုံသာမက ပြည်ပနိုင်ငံများသို့လည်းတင်ပို့လျက်ရှိကြောင်း ဂဠုန်မင်းချည်ထည်လုပ်ငန်းမှသိရှိရပါသည်။ 

       ဂဠုန်မင်းချည်ထည်လုပ်ငန်းမှထွက်ရှိသော ချည်များမှာ သဘာဝဆိုးဆေးများကိုသာအသုံးပြုထားခြင်းဖြစ်ကြောင်း လုပ်ငန်းရှင်ထံမှသိရှိရပါသည်။ ထွက်ရှိသော ချည်ထည်အမျိုးအစားများမှာ ရွတ်ကျစ် (ခေါ်) ကျေးလက်ဒေသသုံးစောင်အမျိုးမျိုး၊ ဝါဒစောင်၊ ဝါချည် (၆)လွှာစောင်၊ Hotal သုံးစောင်အမျိုးမျိုး၊ ဝါ ချည်(၄)လွှာစောင်အမျိုးမျိုး၊ မိသားစုအိပ်စောင်အမျိုးမျိုး၊ ချင်းပုလဲ(ဟားခါး) စောင်အမျိုးမျိုး၊ ကင်းချည်စောင်၊ ဘက်စုံသုံးမျက်နှာသုတ်ပဝါနှင့် မျက်နှာသုတ်ပဝါတို့ ထုတ်လုပ်ရောင်းချဖြန့်ဖြူးလျက်ရှိကြောင်း ဂဠုန်မင်းချည်ထည်လုပ်ငန်းမှသိရှိရပါသည်။

        ဂဠုန်မင်းချည်ထည်လုပ်ငန်းမှထွက်ရှိသော ချည်ထည်စောင်များ၏ဈေးနှုန်များမှာ ရွတ်သေး (ခေါ်) ကျေးလက်ဒေသ (၁)ယောက်အိပ်စောင် တစ်ထည်လျှင် ကျပ်(၁၂၀၀၀)၊ ရွတ်ကြီး(ခေါ်) ကျေးလက်ဒေသစောင်(၂)ယောက်အိပ် တစ်ထည်လျှင် ကျပ်(၁၈၀၀၀)၊ ဝါဒစောင်တစ်ထည်လျှင် ကျပ် (၄၆၀၀၀)၊ Hotal စောင် တစ်ယောက်အိပ်တစ်ထည်လျှင် ကျပ် (၃၉၀၀၀)၊ Hotal စောင်နှစ်ယောက်အိပ် တစ်ထည်လျှင် ကျပ် (၅၀၀၀၀)၊ ဝါ ချည်(၆)လွှာစောင် တစ်ထည်လျှင် ကျပ် (၃၉၀၀၀)၊ ဝါ ချည်(၄)လွှာစောင်တစ်ယောက်အိပ် တစ်ထည်လျှင် ကျပ် (၃၀၀၀၀)၊ ဝါ ချည်(၄)လွှာစောင် နှစ်ယောက်အိပ်တစ်ထည်လျှင် ကျပ်(၃၉၀၀၀)၊ မိသားစုအိပ်စောင်တစ်ထည်လျှင် ကျပ် (၅၅၀၀၀)၊ ဟားခါးချင်း ပုလဲစောင် တစ်ယောက်အိပ်တစ်ထည်လျှင် ကျပ် (၇၀၀၀၀)၊ ဟားခါးချင်းပုလဲစောင် နှစ်ယောက်အိပ်တစ်ထည်လျှင် ကျပ်(၉၀၀၀၀)၊ ကင်းချည်စောင်တစ်ထည်လျှင် ကျပ်(၄၅၀၀၀)၊ ဘက်စုံသုံးမျက်နာသုတ်ပဝါတစ်ထည်လျှင် ကျပ်(၁၅၀၀၀)၊  ရိုးရိုးမျက်နာသုတ်ပဝါတစ်ထည်လျှင် ကျပ် (၄၅၀၀)နှင့် ဖော့လက်သုတ်ပဝါတစ်ထည်လျှင် ကျပ်(၁၆၀၀)ဖြင့်ရောင်းချနေကြောင်း ဂဠုန်မင်း ချည်ထည်လုပ်ငန်းမှသိရှိရပါသည်။

DOCA(မကွေး)

       မကွေးတိုင်းဒေသကြီး၊ ပခုက္ကူခရိုင်အတွင်းရှိ ဆိပ်ဖြူမြို့အနောက်ပိုင်း ရွာသစ်ရပ်ကွက်နှင့် ကိုးထောင့်၊ အောက်ဆိပ်၊ ချင်တောင်၊ မြင်ကဝ၊ ဂွေးပင်၊ ကူရှည်၊ အလယ်စု၊ ရွာမ၊ လိပ်ခြံအုပ်စုအတွင်းရှိ‌ ကျေးရွာများတွင် ဆောင်းသီးနှံကုလားပဲကို မြစ်ရေဝင်ကိုင်းကျွန်းများ၊ ကြက်သွန်ခင်းကျွတ်များ၊ လယ်ကွဲမြေစပါးခင်းကျွတ်များ၌ နှစ်စဉ်စိုက်ဧက(၃၀၀၀)ခန့်စိုက်ပျိုးပြီး ထိုင်ဝမ်ကုလားပဲလုံးကြီး (အဖြူ)မျိုးကို အများဆုံးစိုက်ပျိုးကြောင်း၊ ကုလားပဲသီးနှံစိုက်ပျိုးရာတွင် လွယ်ကူပြီး ကုန်ကျစရိတ်နည်း၍ အထွက်နှုန်းကောင်းမွန်ခြင်းအပြင် ဈေးကွက်ခိုင်မာမှုလည်းရှိ၍ ယခု၂၀၂၄ခုနှစ်တွင် စိုက်ဧက (၄၀၀၀) ခန့်တိုးချဲ၍ စိုက်ပျိုးထားရှိကြောင်း၊ အောက်တိုဘာလကုန် နိုဝင်ဘာလထိစိုက်ပျိုးပြီး ဖေဖော်ဝါရီလကုန်မှ မတ်လထိ သီးနှံရိတ်သိမ်းကြောင်း၊ မြေအောက်ရေအပြင် ရေဖြန်းစနစ်ဖြင့် စိုက်ပျိုးကြောင်းသိရှိရပါသည်။

       ကုလားပဲသီးနှံတစ်ဧကစိုက်ပျိုးလျှင် အထွက်တင်း(၂၀-၂၂)ထိထွက်ရှိပြီး တစ်ဧကကုန်ကျစရိတ်မှာ ကျပ်(၆၀၀၀၀၀)ကုန်ကျကြောင်း၊ ယခုနှစ်ဒေသတွင်းကုလားပဲဈေးကွက်တွင် တစ်တင်းလျှင် ကျပ် (၁၂၀၀၀၀)ဖြင့်ရောင်းချရ၍ ဝင်ငွေမှာ ကျပ်(၂၄)သိန်းရရှိပြီး အကျိုးအမြတ်အနေဖြင့် ကျပ်(၁၈)သိန်းခန့်ရရှိကြောင်း အနောက်ပိုင်းရပ်ကွက်ရှိ စိုက်တောင်သူထံမှသိရသည်။

      ဈေးနှုန်းဈေးကွက်အနေဖြင့် ကုလားပဲလုံးကြီး(အဖြူ)တစ်တင်းလျှင် အမြင့်ဈေးမှာ (၂၀၂၁)ခုနှစ်တွင် ကျပ်(၃၆၀၀၀)၊ (၂၀၂၂)ခုနှစ်တွင် ကျပ်(၇၂၀၀၀)၊ (၂၀၂၃)ခုနှစ်တွင် ကျပ်(၉၀၅၀၀)၊ (၂၀၂၄)ခုနှစ်တွင် သီးနှံပေါ်စ ဖေဖော်ဝါရီလလယ်၌ ကျပ်(၈၈၀၀၀)ပေါက်ဈေးရှိပြီး ပြည်တွင်းဝယ်လိုအားဈေးကွက်နည်း၍ တစ်တင်းလျှင် ကျပ်(၇၈၀၀၀)ထိကျဆင်းသွားပြီး ၂၀၂၄ခုနှစ်၊ ဩဂုတ်လ(စတုတ္ထပတ်) တွင် လှောင်လက်သမားများအဝယ်လိုက်လာ၍ ကုလားပဲအုပ်စုအနည်းငယ်ဈေးတက်လာပြီး တစ်တင်းလျှင် ကျပ်(၁၂၀၀၀၀)ထိဈေးမြင့်လာကြောင်း၊ ယခုနှစ်တွင် ကုလားပဲဈေးကွက်မြင့်ပြီး အထွက်နှုန်းကောင်း၍ စိုက်တောင်သူများ အကျိုးအမြတ်ရရှိနေကြောင်းသိရှိရပါသည်။

DOCA(မကွေး)

        မကွေးတိုင်းဒေသကြီး၊ မကွေးခရိုင်၊ မကွေးဈေးကွက်သို့ မြို့နယ်အတွင်းရှိ မိကျောင်းရဲ၊ လျောင်းတော်ဦး၊ ကံသစ်၊ ရွာဟောင်းကန်၊ သစ်ရာကောက် စသည့်ကျေးရွာများနှင့် စလင်း၊ ဆင်ဖြူကျွန်း၊ နတ်မောက်မြို့တို့မှထွက်ရှိသော နှမ်းမျိုးစုံနှင့် အခြားပဲမျိုးစုံများ ဝင်ရောက်ရောင်းဝယ်ဖောက်ကားလျက်ရှိပါသည်။

      ၂၀၂၄ခုနှစ်၊ ဩဂုတ်လ(စတုတ္ထပတ်)တွင် နှမ်းနီ(၁)တင်းလျှင် ကျပ်(၁၃၅၀၀၀)၊ နှမ်းဖြူ(၁) တင်းလျှင် ကျပ်(၁၄၅၀၀၀)၊ ဂျပန်နှမ်းဖြူ (၁)တင်းလျှင် (၁၆၀၀၀၀)၊ နှမ်းနက်(စမုံ) (၁)တင်းလျှင် ကျပ်(၂၂၀၀၀၀)၊ နှမ်းညိုကြား(၁)တင်းလျှင် ကျပ်(၁၃၀၀၀၀)ဖြစ်ပြီး ဩဂုတ်လ(တတိယပတ်)နှင့်နှိုင်းယှဉ်ပါက ယခုတအပတ်တွင်  နှမ်းနီ ကျပ်(၁၀၀၀၀)၊ နှမ်းဖြူ ကျပ်(၁၃၀၀၀)၊ နှမ်းနက်(စမုံ) ကျပ် (၅၀၀၀)၊ နှမ်းညိုကြား ကျပ်(၁၀၀၀၀)ဈေးနှုန်းကျဆင်းခဲ့ကြောင်း၊ တင်ပို့မှုအနေဖြင့် တစ်ပတ်အတွင်း မန္တလေးမြို့သို့ အိတ်ရေ(၇၂၅၀၀)တင်ပို့ခဲ့ပြီး တန်ချိန်(၁၀၀၀) အရောင်းအဝယ်ဖြစ်ခဲ့ကြောင်းသိရှိရပါသည်။

DOCA(မကွေး)

        မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်အတွင်းရှိ ပျားတု(ရွာမ)၊ ပျားတု (ရှေ့)၊ ပျားတု(နောက်)ကျေးရွာများတွင် လယ်ယာလုပ်ငန်းကို အဓိကလုပ်ကိုင်လျက်ရှိရာ ကြက်သွန်နီ၊ နှမ်း၊ စပါးနှင့်ပဲမျိုးစုံတို့ကို အဓိကစိုက်ပျိုးကြပြီး စားဖိုဆောင်သုံးသီးနှံဖြစ်သည့် ငရုတ်သီးနှံကို  စိုက်ဧက (၁၀၀)ခန့် စိုက်ပျိုးထားကြောင်းသိရသည်။

         မျိုးအနေဖြင့် သာမို(၉၀၀) တစ်ထုပ်လျှင် ငွေကျပ် (၂၂၀၀၀)နှင့် သာမို(၉၉၉) တစ်ထုပ်လျှင် ငွေကျပ် (၂၅၀၀၀)ဖြင့် စိုက်ပျိုးရေးဆေးဆိုင်များမှ ဝယ်ယူကြကြောင်း၊ စိုက်ပျိုးရာတွင် မျိုးစေ့များကို ပျိုးအိတ်ဖြင့်ပျိုးထောင်ကာ ပျိုးပင်(၂၅-၃၀)ရက်သားအရွယ်တွင် မြေချ၍ မြေအောက်ရေတင်စနစ်ဖြင့် စိုက်ပျိုးကြကြောင်း၊ မေလတွင် ပျိုးထောင်၍ ဇွန်လတွင် မြေချစိုက်ပျိုးကြပြီး စက်တင်ဘာလတွင် ခူးဆွတ်ရကြောင်း၊ စိုက်ပျိုးထုတ်လုပ်မှုကုန်ကျစရိတ်အနေဖြင့် (မျိုး၊ သွင်းအားစု၊ လုပ်သားခ)အပါအဝင် တစ်ဧကလျှင် ငွေကျပ်၁၇၀၀၀၀၀ခန့်ကုန်ကျပြီး ပိဿာ (၈၀၀-၁၀၀၀)ခန့်ထွက်ရှိ၍ အကျိုးအမြတ်အနေဖြင့် ငွေကျပ်၁၅၀၀၀၀၀ခန့်ရရှိကြောင်းသိရသည်။

       ၂၀၂၄ခုနှစ်၊ စက်တင်ဘာလ ပထမပတ်တွင် ငရုတ်သီးစိမ်းတစ်ပိဿာလျှင် လက်ကားဈေး (၄၀၀၀-၄၅၀၀) ကျပ်ဖြင့်ရောင်းချရပြီး ဈေးကွက်အနေဖြင့် တောင်တွင်းကြီး၊ မြို့သစ်နှင့် မကွေးမြို့များသို့ တင်ပို့ရောင်းချကြောင်း၊ ယခုနှစ်တွင် အထွက်နှုန်းကောင်းမွန်ပြီး ဈေးကောင်းရရှိသောကြောင့် တောင်သူများ အကျိုးအမြတ်ရရှိကြောင်းသိရှိရပါသည်။

DOCA(မကွေး)

     မကွေးတိုင်းဒေသကြီး၊ မကွေးခရိုင်၊ မကွေးဈေးကွက်၌ မကွေးမြို့နယ်အတွင်းရှိ ကျေးရွာများနှင့် မင်းဘူးခရိုင်အတွင်းရှိ ကျေးရွာများမှထွက်ရှိသည့် ကုလားပဲသီးနှံများ နေ့စဉ်အရောင်းအဝယ်ဖြစ်လျက်ရှိကြောင်း၊  ၂၀၂၄ခုနှစ်၊ စက်တင်ဘာလ (ပထမပတ်)တွင် ကုလားပဲဝါ(929) တစ်တင်းလျှင် ငွေကျပ် (၉၈၀၀၀)၊ ကုလားပဲဝါ(HL) တစ်တင်းလျှင်  ကျပ်(၉၄၅၀၀)၊ ကုလားပဲဝါသေးတစ်တင်းလျှင် ငွေကျပ်(၉၀၀၀၀) ပေါက်ဈေးရှိကြောင်း၊ ဈေးကွက်အနေဖြင့် ရန်ကုန်၊ မန္တလေးနှင့် ပြည်မြို့များသို့ တင်ပို့လျက်ရှိကြောင်းနှင့် ပြည်ပပို့ကုန်အဖြစ် တရုတ်၊ အိန္ဒိယနိုင်ငံများသို့တင်ပို့ကြောင်းသိရသည်။

     ဩဂုတ်လ(စတုတ္ထပတ်)ဈေးနှုန်းများနှင့်နှိုင်းယှဉ်ပါက စက်တင်ဘာလ(ပထမပတ်)တွင် ကုလားပဲတစ်တင်းလျှင် ကျပ်(၁၀၀ဝ)မြင့်တက်လာကြောင်း၊ ဩဂုတ်လ(စတုတ္ထပတ်)အတွင်း တင်းပေါင်း(၆၁၂၀)၊ တန်(၂၀၀)အရောင်းအဝယ်ဖြစ်ခဲ့ကြောင်း၊ ဈေးကွက်အတွင်း ဝယ်လိုအားကောင်းသော်လည်း ယခင်နှစ်တွင်ထွက်ရှိသည့် ကုလားပဲများသာ အရောင်းအဝယ်ဖြစ်သောကြောင့် ဈေးနှုန်းမြင့်တက်ရခြင်းဖြစ်ကြောင်း မကွေးဈေးကွက်မှသိရပါသည်။

DOCA(မကွေး)