ပြည်တွင်းကုန်သွယ်မှုသတင်း

       မြင်းခြံမြို့နယ်သည် ဥယျာဉ်ခြံမြေများ၌ စားဖိုဆောင်သီးနှံများ စိုက်ပျိုးလျက်ရှိကြောင်း၊ ဒေသအတွင်းရှိ ကျေးရွာများဖြစ်သော အနိမ့်ရွာ၊ သာပေါင်း၊ ခေါင်းကွဲကျေးရွာများတွင် ပဲတောင့် ရှည်များကို စီးပွားဖြစ် တစ်နိုင်တပိုင်စိုက်ပျိုးထားကြောင်း သိရှိရသည်။ ပဲတောင့်ရှည်တွင် အပင်ပုမျိုး (နွယ်မဲ့မျိုး)နှင့် အပင်ရှည်မျိုး(နွယ်တက်မျိုး)ဟူ၍ နှစ်မျိုးရှိပြီး အပင်ရှည်မျိုးကို တိုင်ထောင်၍ စိုက်ပျိုးကြကြောင်း၊ အစိမ်းနု၊ အစိမ်းရင့်၊ အနီရောင်ဟူ၍ အမျိုးမျိုးရှိကြောင်း၊ ပဲတောင့်ရှည်သည် မြေအမျိုးမျိုးတွင် စိုက်ပျိုး၍ရကြောင်း၊ မြေကောင်းလျှင် အထွက်ပိုကောင်း ကြောင်း၊ စိုက်ပျိုးရာတွင် ရေမဝပ်သော မြေတွင် စိုက်ပျိုးပြီး ထွန်ရေးအသင့်အတင့်ဖြင့် စိုက်ပျိုး နိုင်ကြောင်း သိရှိရသည်။ မျိုးစေ့ချရာတွင် အစိုဓာတ်များလွန်းက ပုပ်သွားတတ်ကြောင်း၊ တိုက်ရိုက် အစေ့ချစနစ်ဖြင့် စိုက်ပျိုးပြီး တိုင်‌ထောင်ပဲကို တစ်တန်းနှင့်တစ်တန်း သုံးပေခြား၍ တစ်ပင် နှင့်တစ်ပင် (၉-၁၀)လက်မ ခွာ၍စိုက်ပျိုးကြကြောင်း၊ အပင်များရှည်လာသောအခါ အနည်း ဆုံး (၇)ပေခန့်ရှည်သော ဝါးတိုင် (သို့မဟုတ်)သစ်သားတိုင်များကို အပင်၏ တိုင်ခြေတွင် ထောင်ပေး ရကြောင်း၊ အပင်ခြေတွင် ရေမဝပ်ရန် သတိပြုရမည်ဖြစ်ကြောင်း၊ စိုက်ပျိုးပြီး (၃၀) ရက်အကြာ  အစေ့နုသော အချိန်တွင် ပဲတောင့်ရှည်များကို ခူးဆွတ်ရကြောင်း၊ တစ်ဧက လျှင် အထွက်နှုန်း (၉၅၀)ပိဿာခန့်ထွက်ရှိကြောင်း၊ မြေပြင်ခ၊ မျိုး၊ ဝါးဖိုး၊ လုပ်သားခ၊ သွင်းအားစု၊ စိုက်ပျိုး စရိတ်အပါအဝင် တစ်ဧကကုန်ကျစရိတ်(၁၈)သိန်းခန့် ကုန်ကျကြောင်း၊ စိုက်ခင်းအရောက် ဈေးနှုန်းမှာ တစ်ပိဿာလျှင်(၃၀၀၀)ကျပ်နှုန်းဖြင့် ကုန်သည်များကိုယ်တိုင် စိုက်ခင်းများသို့ လာ ရောက် ဝယ်ယူကြကြောင်း၊ တစ်ဧကအကျိုးအမြတ်အနေဖြင့် (၁၀၅၀၀၀၀)ကျပ်ခန့် ရရှိကြောင်း၊ တောင်သူများအနေဖြင့် ကုန်ကျစရိတ်နည်းပြီး ကာလတိုအတွင်း စီးပွားဖြစ် တွက်ခြေကိုက်သော သီးနှံဖြစ်ကြောင်း ပဲတောင့်ရှည်စိုက်တောင်သူတစ်ဦးထံမှ သိရှိရသည်။ ၂၀၂၅ခုနှစ်၊ ဇူလိုင်နောက် ဆုံးပတ်တွင် မြင်းခြံမြို့၊ အေးမြသီတာဈေးတွင် ရောင်းချနေသော ပဲတောင့်ရှည် လက်လီ ၂၅ ကျပ် သားလျှင် (၁၂၀၀)ကျပ်၊ တစ်ပိဿာလျှင် (၄၀၀၀) ကျပ်ပေါက်ဈေးများရှိကြောင်း၊ ဈေးကွက် အနေဖြင့် ဒေသတွင်းစားသုံးရန်နှင့် အင်းစိန်မြို့ ဘိုကုန်း ဈေးသို့ တင်ပို့ရောင်းချကြောင်းသိရှိရသည်။

Doca(မန္တလေး)

     စောင်းလျားသီးမှာပါတဲ့အမျှင်ဓာတ်က အစာအိမ်အူလမ်းကြောင်းက အဆိပ်အတောက်တွေ ကို နည်းပါးစေကာ ကင်ဆာဖြစ်ပွားနှုန်းကိုလျော့ချပေးနိုင်ကြောင်း၊ အထူးသဖြင့် အရေပြားရောင်ရမ်း လူနာတွေ စားသုံးပေးသင့်ကြောင်း၊  ဗီတာမင်စီများစွာ ပါဝင်၍ ကော်လဂျင် ထုတ်လုပ်ပေးကြောင်း၊ ကြွက်သားတစ်သျူးတွေထဲတွင် သွေးလှည့်ပတ်ခြင်းကို ကောင်းစေကြောင်း၊ နှလုံးသွေးကြောဆိုင်ရာ ရောင်ရမ်းမူများကိုလျော့ကျစေကြောင်း၊ သွေးတိုးကိုထိန်းညှိကာ နှလုံးကျန်းမာရေးကို အထောက် အကူပြုကြောင်း၊ နို့တိုက်မိခင်များအတွက် နို့ပိုထွက်ဖို့အထောက်အကူပြုကြောင်း၊ အမျှင်နှင့်အာဟာရ ဓာတ်များစွာပါဝင်ကြောင်း၊ ခန္ဓာကိုယ်ရဲ့အစာခြေဖျက်မှုကိုအားပေးကာ ဝိတ်ကျစေကြောင်း၊ ဗီတာမင်စီ ပါဝင်မှုများပြီး ပုံမှန်စားရင် ကိုယ်ခံအားကောင်းကြောင်း၊ နှလုံးသွေးကြောကျဉ်းခြင်းနှင့် သွေးတိုးကို ကာကွယ်ပေးကြောင်း၊ စောင်းလျားသီးမှာ အမျှင်ဓာတ်များစွာပါဝင်တာမို့ ပုံမှန်စားရင်လေပွခြင်း၊ ဝမ်းချုပ်ခြင်းမှ ကင်းဝေးစေကြောင်း၊ အသည်းအဆီဖုံးရောဂါနှင့် ဆီးချိုသမားတွေ ဆီးချိုတက်နေရင် နေ့စဉ်တစ်လုံးပုံမှန်စားသင့်ကြောင်း၊ စောင်းလျားသီးမှာ မဂ္ဂနီဆီယမ်ကြွယ်၀စွာပါ၀င်ပြီး နှစ်ခြိုက်စွာ အိပ်ပျော်စေကြောင်း၊ ဗီတာမင်အေကြွယ်၀စွာပါ၀င်လို့ မျက်လုံးကျန်းမာရေးကို ကောင်းမွန်စေကြောင်း၊ စောင်းလျားသီးကိုဖျော်ရည်(သို့မဟုတ်) စောင်းလျားသီးမှည့်ကို ငါးပြေမနှင့်ချက်စားပါက ကျောက်ကပ် ကျောက်တည်ခြင်း၊ ဆီးအိမ်နှင့်သည်းခြေအိတ်တို့တွင် ကျောက်တည်ခြင်းတို့ကို သက်သာပျောက် ကင်းကြောင်း၊ စောင်းလျားသီးကို စားပေးခြင်းဖြင့် ဆီးရောဂါ၊ ဝမ်းရောဂါ၊ သည်းခြေ၊ ကျောက်ကပ် စတဲ့ရောဂါများကို ကာကွယ်ပေးကြောင်း၊ အသီးမှည့်ကို စားပေးခြင်းကလည်း ဝမ်းချုပ်ရောဂါ၊ ရေငတ်ရောဂါများကို ပျောက်ကင်းစေကြောင်း စာပေများမှ ဖတ်ရှု့သိရှိရသည်။ ၂၀၂၅ခုနှစ်၊ ဇူလိုင်လ နောက်ဆုံးပတ်တွင် မြင်းခြံမြို့၊စံပြဈေးတွင်ရောင်းချနေသော စောင်းလျားသီး တစ်ပိဿာလျှင် (၅၀၀၀-၅၅၀၀)ကျပ်ပေါက်ဈေးများရှိကြောင်း၊ ဒေသတွင်းကျေးရွာများမှ နေအိမ်ခြံစည်းရိုးများနှင့် မြေလွတ်များတွင် စိုက်ပျိုးထားရှိကြောင်း၊ ဈေးကွက်အနေဖြင့် ဒေသတွင်းစားသုံးကြ၍ အချဉ်ပေါင်းထုတ်လုပ်သူများက အများဆုံးဝယ်ယူကြောင်း၊ စောင်းလျားသီးစိုက်ပျိုးခြင်းဖြင့် တစ်နိုင်    တစ်ပိုင် ဝင်ငွေရရှိကြောင်း သိရှိရသည်။

          Doca(မန္တလေး)                                    

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ်တာဝန်ခံဒေါ်ဇင်မာသန်းနှင့်      ဝန်ထမ်းများသည်(၂၈.၇.၂၀၂၅)ရက်နေ့၊ နံနက်(၀၈း၀၀) နာရီအချိန်တွင် မြို့နယ်ကုန်ဈေးနှုန်း တည်ငြိမ်ကျဆင်းရေး ကော်မတီဥက္ကဌနှင့်အဖွဲ့ဝင်များ၏ ဦးဆောင်ကြီးကြပ်မှုဖြင့် သာသနာဗိမာန်ကျောင်းရှေ့တွင် ဆန်၊ စားအုန်းဆီ၊ ကြက်ဥ တို့ကိုသက်သာသောဈေးနှုန်းများဖြင့် ပြည်သူများအား ရောင်းချပေးခဲ့ပါသည်။

          ထိုသို့ရောင်းချပေးရာတွင် စားသုံးသူပြည်သူများအား ကြက်ဥတစ်လုံး (၃၅၀)၊  ဆန်တစ်ပြည်(၂၀၀၀)၊ စားအုန်းဆီ ၁ပိဿာ(၇၀၀၀) အစရှိသည့်သက်သာသော ဈေးနှုန်းများဖြင့် စားသုံးသူ ပြည်သူများအား မည်သူမဆိုလွတ်လပ်စွာဝယ်ယူနိုင်ရန် ရောင်းချပေးခဲ့ကြောင်း သိရှိရပါသည်။

DOCA (ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မမြို့နယ် တာဝန်ခံဦးအောင်မိုးနှင့် ဝန်ထမ်းများသည်(၂၉.၇.၂၀၂၅)ရက်နေ့၊ နံနက်(၀း၇၃၀) နာရီအချိန်တွင် မြို့နယ်ကုန်ဈေးနှုန်း တည်ငြိမ်ကျဆင်းရေး ကော်မတီဥက္ကဌနှင့်အဖွဲ့ဝင်များ၏ ဦးဆောင်ကြီးကြပ်မှုဖြင့် မြို့နယ်ဆန်စက်လုပ်ငန်းရှင်များ အသင်းရုံးရှေ့တွင် ဆန်၊ စားအုန်းဆီ၊ ကြက်ဥတို့ကို သက်သာသောဈေးနှုန်းများဖြင့် ပြည်သူများအား ရောင်းချပေးခဲ့ပါသည်။

          ထိုသို့ရောင်းချပေးရာတွင် စားသုံးသူပြည်သူများအား ကြက်ဥတစ်လုံး (၃၅၀)၊ ဆန်တစ်ပြည်(၂၀၀၀)၊ စားအုန်းဆီ ၁ပိဿာ(၇၀၀၀) အစရှိသည့်သက်သာသော ဈေးနှုန်းများဖြင့် စားသုံးသူ ပြည်သူများအား မည်သူမဆို လွတ်လပ်စွာဝယ်ယူနိုင်ရန် ရောင်းချပေးခဲ့ကြောင်း သိရှိရပါသည်။

DOCA (ဧရာဝတီ)

          ပုသိမ်ခရိုင်၊ ကန်ကြီးထောင့်မြို့နယ်၊  စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် (၂၈.၇.၂၅) ရက်နေ့၊ နံနက် (၀၉း၀၀) နာရီအချိန်တွင် မြို့နယ်ကုန်ဈေးနှုန်း တည်ငြိမ်ရေး ကော်မတီ ဥက္ကဋ္ဌနှင့် အဖွဲ့ဝင်များ၏ ဦးဆောင်ကြီးကြပ်မှုဖြင့် စားသုံးသူရေးရာရုံးရှေ့တွင် စားအုန်းဆီ၊ ကြက်ဥတို့ကို သက်သာသော ဈေးနှုန်းများဖြင့် ပြည်သူများအား ရောင်းချပေးခဲ့ပါသည်။

            ထိုသို့  ရောင်းချပေးရာတွင် စာသုံးသူပြည်သူများအား ကြက်ဥတစ်လုံး (၃၅၀)၊ စားအုန်းဆီ (၁) ပိဿာ (၇၀၀၀) ကျပ် ဈေးနှုန်းများဖြင့် ပြည်သူများအား သက်သာသောနှုန်းထားဖြင့် ရောင်းချပေးခဲ့ကြောင်း သိရှိရပါသည်။

DOCA(ဧရာဝတီ)