ပြည်တွင်းကုန်သွယ်မှုသတင်း

            စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။

           ယခုအခါ ကန့်ဘလူမြို့ပေါ်၊ နတ်ပေးကျေးရွာနှင့် အခြားသောကျေးရွာများတွင် စပါးလင်ပင်နှင့် ကြက်သွန်မြိတ်များကို စိုက်ပျိုးကြကြောင်း၊ စပါးလင်ပင်များကို ကန့်ဘလူမြို့မဈေးတွင်ရောင်းချကြောင်း၊ ၂၀၂၅ ခုနှစ်၊ ဩဂုတ်လ တတိယပတ်အတွင်း စပါးလင်(၁၁)ပင်လျှင် (၁၀၀၀)ကျပ်၊ (၅)ပင်လျှင် (၅၀၀)ကျပ်၊ (၁)ပင်လျှင်(၁၀၀)ကျပ်နှင့် ကြက်သွန်မြိတ်(၁)စည်းလျှင် (၃၀၀)ကျပ်၊ (၂) စည်းလျှင် (၅၀၀)ကျပ်ဖြင့်ရောင်းချကြောင်း၊ ကြက်သွန်မြိတ်ကို အိမ်ရှင်မများဟင်းချက်ရာတွင်လည်းကောင်း၊ စားသောက်ဆိုင်များတွင်လည်းကောင်း အသုံးပြုကြကြောင်း၊ စပါးလင်ကို ဟင်းခတ်အမွှေးအကြိုင်ဖြစ်လည်းကောင်း၊ စားသောက်ဆိုင်များ၌ ငါးကင်၊ ငါးပေါင်းများပြုလုပ်ရာတွင်လည်းကောင်း၊ မုန့်ဟင်းခါးချက်ရာတွင်လည်း စပါးလင်ကိုထည့်သွင်းအသုံးပြုကြသဖြင့် အရောင်းအဝယ် သွက်လျက်ရှိကြောင်း မြို့မဈေးရှိ ကုန်စိမ်းရောင်းချသူတစ်ဦးထံမှ သိရှိရပါသည်။

DOCA(စစ်ကိုင်း)

   သကြားဆိုသည်မှာ များသောအားဖြင့် အစားအစာများနှင့်‌သောက်စရာများတွင် ပါလေ့ရှိ သော ကာဗိုဟိုက်ဒရိတ်တစ်မျိုးဖြစ်ပါသည်။ ကော်ဖီနှင့်အခြားသော မြန်မာမုန့်များစားသည့် အခါ တွင်လည်း သကြားကိုတွဲဖက်၍ စားလေ့ရှိကြပါသည်။ ဟင်းချက်သည့်အခါထည့်သုံးလေ့ရှိကြသလို သစ်သီးဖျော်ရည်များတွင်လည်းထည့်ကြပါသည်။ အချိုပွဲတော်တော်များများတွင်လည်း သကြားသည်မပါမဖြစ်အသုံးပြုကြပါသည်။ သကြားသည်စွဲလမ်းတတ်စေသောသဘောရှိပါသည်။ အချို ရည်များ၊ ဒိုးနပ်စ်များ၊ မုန့်ချိုချိုလေးများကို တစ်ခါလောက်စားပြီးပါက နောက်ထပ်စားချင်လာခြင်း မှာ သကြားကြောင့်ဖြစ်လာသောစွဲလမ်းမှု့ကြောင့်ဖြစ်ပါသည်။ ခန္ဓာကိုယ်တွင်အင်အားပြည့်ဝစေဖို့  သကြားဓာတ်ကိုလိုအပ်သော်လည်း အများအပြားစားသုံးမိပါက နောက်ဆက်တွဲဆိုးကျိုးများ ဖြစ်သည့် အဝလွန်ခြင်း၊ နှလုံးရောဂါဖြစ်နိုင်ခြေများခြင်း၊ အာဟာရချို့တဲ့စေခြင်း၊ ဆီးချိုဖြစ်နိုင် ခြေများခြင်းစသည့်ရောဂါများအပြင် အသည်းအဆီဖုံးခြင်း၊ ဝက်ခြံဖြစ်ခြင်း၊ အရွယ်မတိုင်ခင် အိုမင်း ရင့်ရော်ခြင်း၊ ဂေါက်ရောဂါ၊ သွားနှင့်ခံတွင်းရောဂါ၊ ကျောက်ကပ်ရောဂါနှင့်သိမြင်မှု စွမ်းရည်ကျဆင်း မှုများကိုခံစားရနိုင်ပါသည်။ သကြားသည်အများအပြားစားသုံးလျှင် ဆိုးကျိုးများရှိသော်လည်း သကြားနှင့်ပြုလုပ်ရသော မြန်မာမုန့်များရောင်းချသူများအနေဖြင့် သကြားကို ဝယ်ယူသုံးစွဲကြရပါသည်။ သကြားကိုကုန်စုံဆိုင်များနှင့် ဈေးများတွင် တစ်ပိဿာလျှင် (၅၅၀၀) ကျပ်ဖြင့်အရောင်းအဝယ်ဖြစ်လျက်ရှိပါသည်။

 DOCA(မန္တလေး)

  ဩဇာသီးသည် အရသာကောင်းမွန်သလို ကျန်းမာရေးကိုအလွန်အထောက်အကူပြုသော အသီးတစ်မျိုးလည်းဖြစ်ပါသည်။ ဩဇာသီးတွင် ဗီတာမင်B၊ ဗီတာမင်B6၊ ဗီတာမင်Cနှင့် Antioxidant များပါဝင်သောကြောင့် အရေပြား၊ ဆံပင်၊ မျက်လုံး၊ ဦးနှောက်နှင့်နှလုံးတို့ကို အထောက်အကူပြုသော အသီးတစ်မျိုးဖြစ်ပါသည်။ ဩဇာသီး၏ကျန်းမာရေး ကောင်းကျိုးများမှာ ကယ်လိုရီအများအပြားပါဝင်သောကြောင့် ကိုယ်အလေးချိန်တိုးစေခြင်း၊ ကိုယ်ခံအားစနစ်ကို ကောင်းမွန်စေခြင်း၊ ခွန်အားဖြည့်တင်းပေးခြင်း၊ ကင်ဆာရောဂါများကို တိုက်ဖျတ်နိုင်စွမ်းရှိခြင်း၊ ဦးနှောက်ကိုကျန်းမာစေခြင်း၊ သွားများကိုခိုင်မာစေခြင်း၊ သွေးအားနည်းရောဂါများကို သက်သာ စေခြင်း၊ အမြင်အာရုံကိုကြည်လင်စေခြင်း၊ အဆစ်ရောင်နာများကိုသက်သာစေခြင်း၊ နှလုံးနှင့်သက် ဆိုင်သောရောဂါများကိုသက်သာစေခြင်း၊ ဆီးချိုရောဂါများကိုတားဆီးပေးနိုင်ခြင်း၊ အစာခြေစနစ် ကိုအားကောင်းစေခြင်း၊ အသားအရေနှင့်ဆံပင်ကို အားဖြည့်ပေးခြင်း၊ ကိုယ်ဝန်ဆောင်မိခင်များ အတွက်လည်းဓာတ်စာအဖြစ်အသုံးပြုနိုင်ခြင်း၊ သန္ဓေသား၏ဦးနှောက်ကိုဖွံ့ဖြိုးစေခြင်း၊ သံဓာတ် ပါဝင်မှုနည်းခြင်း၊ အရေပြားကူးစက်မှုရောဂါများကို သက်သာစေခြင်းနှင့်အိုမင်းရင့်ရော်ခြင်းကို နှေးကွေးစေခြင်းစသည့် ကျန်းမာရေးအကျိုးကျေးဇူးများစွာကိုရရှိစေပါသည်။ ထိုသို့ကျန်းမာရေး အတွက်အကျိုးကျေးဇူးများစွာရရှိစေနိုင်သော ဩဇာသီးကို မြင်းခြံမြို့၊ အေးမြသီတာဈေးနှင့် သစ်သီးအရောင်းဆိုင်များတွင် တစ်လုံးလျှင် (၂၀၀-၅၀၀) ကျပ်ဖြင့် အရောင်းအဝယ်ဖြစ်လျက်ရှိ ကြောင်းသိရှိရသည်။

DOCA( မန္တလေး)

   မာလကာသီးသည်ကျန်းမာရေးအတွက်ကောင်းကျိုးများစွာရှိသည့်အပြင် ဗီတာမင်C၊ ဗီတာ မင်A၊ သံဓာတ်၊ ပိုတက်ဆီယမ်၊ မဂ္ဂနီဆီယမ်၊ ကယ်လ်ဆီယမ်နှင့် Thiamine တို့ပါဝင်ပါသည်။  မာလကာသီးသည်လေပွခြင်းကိုသက်သာစေပြီး  အစာကြေလွယ်ခြင်း၊ အရောင်ကျစေသည့်အပြင်  ပိုးမွှားများကိုလည်းသေစေနိုင်ပါသည်။ မာလကာသီး၏ကျန်းမာရေးအကျိုးပြုပုံများမှာ သွေးတိုး ကျစေနိုင်ခြင်း၊ ဝမ်းချုပ်ခြင်းကိုသက်သာစေခြင်း၊ ဆီးကျိတ်ကင်ဆာကိုကာကွယ်ပေးခြင်း၊ အစာ အိမ်အချဉ်ပေါက်ခြင်းမှကာကွယ်ပေးခြင်း၊ ရင်သားကင်ဆာမဖြစ်အောင်ကာကွယ်ပေးခြင်း၊ အမျှင် ဓာတ်ပြည့်ဝစွာပါဝင်သောကြောင့် အူအတွင်းသည်းခြေရည်စုပ်ယူခြင်းမှ ကာကွယ်ပေးပြီး သွေး တွင်း ကိုလက်စထရောကိုလျော့ချပေးခြင်း စသည့်ကျန်းမာရေးအကျိုးကျေးဇူးများကို ရရှိစေနိုင် ပါသည်။ ယခုအခါ မာလကာသီးသည်ရာသီပေါ် အသီးဖြစ်သည့်အတွက် သစ်သီးဆိုင်များနှင့် ဈေးထဲတွင် မာလကာသီးကိုဈေးနှုန်းသက်သာစွာဖြင့်ဝယ်ယူစားသုံးနိုင်ပြီး တစ်လုံးလျှင်(၅၀၀) ကျပ်နှုန်းဖြင့်အ‌ရောင်းအဝယ်ဖြစ်လျက်ရှိကြောင်းသိရှိရသည်။

DOCA(မန္တလေး)

    မကွေးတိုင်းဒေသကြီး၊ ပခုက္ကူခရိုင်အတွင်းရှိ ပခုက္ကူ၊ မြိုင်၊ ပေါက်၊ ရေစကြို၊ ဆိပ်ဖြူ မြို့နယ်များတွင် စပါး၊ ဆီထွက်သီးနှံမျိုးစုံ၊ ကုန်စိမ်းသီးနှံမျိုးစုံနှင့် သစ်သီးဝလံများကို နှစ်စဉ် စိုက် ပျိုးလျက်ရှိသည်။ သီးနှံမျိုးစုံအနက် မတ်ပဲသီးနှံကို စိုက်ပျိုးရာတွင် စိုက်ဧက(၃၀၀၀)ခန့် စိုက်ပျိုးပြီး ရေစကြိုမြို့နယ်တွင် အဓိကစိုက်ပျိုးပြီး ပခုက္ကူ ဈေးကွက်သို့ ဝင်ရောက်အရောင်း အဝယ်ဖြစ်သည့် အပြင် အခြားမြို့နယ်များမှလည်း ဝင်ရောက်ကြောင်း သိရှိရသည်။

              မတ်ပဲဈေးနှုန်းမှာ ၂၀၂၅ခုနှစ်၊ ဩဂုတ်လ(တတိယပတ်)တွင် ဈေးတက်ပြီး အရောင်း အဝယ်ဖြစ်ကြောင်း၊ မတ်ပဲတစ်တင်းလျှင် သီးနှံအရည်အသွေးလိုက်၍ ကျပ်(၈၉၀၀၀ မှ ၈၈၀၀၀) ဈေးရှိပြီး ယခင်ဩဂုတ်လ (ဒုတိယပတ်)တွင် ကျပ်(၈၆၀၀၀-၈၅၀၀၀)ဖြင့် အရောင်းအဝယ်ဖြစ်ခဲ့၍ ဈေးနှုန်းနှိုင်းယှဉ်ပါက တစ်ပတ် အတွင်း မတ်ပဲတစ်တင်းလျှင် ကျပ်(၃၀၀၀)ခန့် ဈေးနှုန်းမြင့်တက် လာကြောင်း သိရှိရသည်။ မတ်ပဲ သီးနှံသည် ပြည်တွင်းစားသုံးမှုနည်းသော်လည်း ပြည်ပနိုင်ငံများမှ ဝယ်လိုအားကောင်းသော သီးနှံတစ်မျိုးဖြစ်၍ ဈေးကွက်ခိုင်မာမှုရှိကြောင်း၊ ပြည်ပဈေးကွက်အပေါ် မူတည်၍ ဈေးနှုန်းအနိမ့်အမြင့်ရှိ ကြောင်း ပဲဈေးကွက်မှ သိရှိရသည်။

DOCA(မကွေး)